کاناڵەو ئەنجۆمەنوو ڕۆجیاری

‍ ‍ ‍ ♦️ڕۆو قەڵەمی و درەوشیایوەو یانەو حەیران هەورامی... ئارۆ ڕاکەوتوو چوارڐەوو کۆپروو ۱٤۰۳ شاروو هەورامانوو تەختینە، پەی یوەمین جاری، یانێوە، وەشتەر واچمێ، یانەباوانێوە فەرهەنگی ڕوونمایی کریا و قەڵەم بەدەسێ و خەمەوەرێ فەرهەنگیێو هەورامانی بە تایبەت شاروو هەورامانی دڵوەشێ بیێێ... هەیوانەو کتێبیانەو مامۆسا سەیدی جە ڕۆ قەڵەمینە، مێماندارەو کەسانێوە بێ کە شۆن کەوتێو ڕا و راوینەکەو مامۆسا سەیدیو سەروو پیری بێنێ... دیسان سەروو پیریوە فەرهەنگ دۆسێوە قۆڵێش هورماڵێوە و یانەو حەیران هەورامیش بە ئەوپەڕوو زەحمەتیوە مەرزنارە پەی قەڵەم بە دەسە بێ نازەکاو بەشوو هەورامانوو تەختی... سەعات چوار  و بە تەشریف ئارڐەو مێمانا بەرنامە بە دەنگوو پێشکەش کار خەمیار هەورامی، دەس پەنە کریا و هەر چاگەوە ئیشارە کریا بە چن خاڵا و وەرچەم ئانە بێ کە جمەو یانەی، جمێوە هەورامیانێنە و پاو باوڕوو هەرکەسی مەجبوور نیا پەیش شار و شار کریۆنە و هەورامان سەرپەلوو هەرمانەکاشنە یاسایێوە هێقم و هەقەتینشا.... مامۆسا عوسمان مەردۆخی، بە دەنگی تەسکیندار و سوین وەشش نووروو قورئانیش تروسکانە کۆبیەیوەکەی و دیسان حوجرەی دینی و فەرهەنگیەکێش ئامێتنەینە هەنگەری و ڕەوتی عێرفانی و فەرهەنگیش ئارڐیمێوە هۆش... دماتەر وەرنماو شاروو هەورامانی، مامۆسا حامێد مەردۆخی، خۆڵکە کریاو و دیسان پێسنەو جارانی، وینگای فەرهەنگ دۆسیەو وێش ئەرماناش بە حازر بیا و مەرزنایرەو یانەی فەرهەنگی و هونەریو حەیران هەورامیش بە دڵوەشی زانا و خاس یاوناش کە کەس دڵسۆزوو زوانی هەورامی نیا و مشۆم وێما پی جۆرە هەرمانا جممێوە و خەموو وێما وەرمێنە و تەماکاروو کەسی نەبیمێ... ئازاد مرادی پێسنەو وەرپرسوو یانەی و کەسێوە کە زیادٚتەر جە ساڵێوە بێ بە ئەوپەڕوو زەحمەتیوە شۆنوو جەوازوو ئی یانەباوانی فەرهەنگیوە بیەبێ و تاوابێش یاونۆش پەنە، جە لاو خەمیار هەورامیوە چڕیەیاو و شۆنوو خێرئامایرە؛ ئیشارێوە تایبەتش کەردٚ پانەی کە ئی یانە، ئەرکش، ئەرکێوە فەرهەنگی و هەورامیانەن و دووری وازۆ جە هەر ویر و باوڕێوە تاکەکسی کە شۆنەمایش گولە کەرۆنە و بنەڕەتوو هەرمانەکاش هەورامیانەن و شەخس و حێزبایەتی لۆمە کەرۆنە، بەحسوو ئانەیش کەردٚ کە تەقویمی ساڵانە وەش کریۆ پەی بەرنامەکاما و بە پاو ئانەی ملمێ ڕاوە. کاک سامان بەختیار پێسنەو وەرپەسوو ئدارەو ئێرشادی قەوڵوو هامدڵیش دا پەی هەرمانە فەرهەنگیەکا و فەرماواش بە گردٚ جۆرێ پشتیوانوو ئی یانەینمێ و یاردٚەیشا مدٚەیمێ تا یاونمێشا بە ئامانج. بەرنامە چن بەشێتەرێش بێنێ کە پەخشانە، شێعره و گۆرانیێ بێنێ کە جە لاو ئازیزا خاتوو مۆهەننا مورادی ،کاکە عەباس غەریبی، سەعدی شەریفی، حەسەن عومرانی،مامۆسا جەلال ئەکبەری، سیروان خالێدی و فەیسەڵ هێدایەتیوە بریەی ڕاوە و کۆنیشتەکەشا ڕازناوە.... ئاخروو بەرنامەیچۆ، کاکە بەهمەن شەریفی کە فەزاو هەرمان و کاروو یانەی، شاروو هەورامانینە بە زەحمەتوو ئادٚیوە ڕیکە کەوتێ بێ، بەحسوو ڕەوتوو هەرمانەکاش کەردٚ و دەسوەشیش کەردٚ چا کەسا کە بە هەر جۆرێو چا ڕانە یارمەتی دەرێشا بیێ بێنێ... hairanhawrami 🌏#کاناڵەو_ئەنجۆمەنوو_ڕۆجیاری 👇👇👇👇 https://t.me/AnjomanooRojyari

🔴  شرۆڤەو ئەنەیاوای جە دەقی   ✍️عێرفان سوبحانی 🔵 جە زانستە ئێنسانییەکانە پەی دەقیە چی تەفسیری جیاواز مەی وەروە؟ 🔹مەعرێفەت جە زانستە ئێنسانییەکانە ئەنەیاواین، پەی ئەنەیاوایچ مشیۆ بتاوی بلی دلێ دنیاو زەینی نووسەروو دەقەکەی. 🔹هونەر یان زانستیە کە باسوو تەفسیروو دەقەکا مەکەرۆ  هێرمێنۆتیکەن، سەرچەمەش مەگێڵۆوە پەی هێرمێسوو ئەفسانەکاو یونانی. 🔹 بە بڕواو سوقراتی قسەکاو هێرمێسی، بەینوو ئێنسانی و خودٚاینە، هەم هێزوو شاردەوەی و هەم هێزوو ئاشکراکەردٚەی ڕاسییەکاش چەنە بێ. حەر پی بۆنەوە پەیامیە هێرمێس ئارێش پەی ئێنسانی مانایە ڕاس و درۆسش نەبێ و تەفسیری جیاوازشا چەنە گنێوە. 🔹بە واتەو شلایر ماخێری، تەفسیروو درۆسوو دەقی بە ماناو ئەنەیاوای جە عەقلوو نووسەرین. وانەروو دەقەکەی مشیۆ بتاو بلۆ دلێ دنیاو زەینوو نووسەری، بە واتیەتەر مشیۆ "داهێنەری زەینی نووسەری جە مەژگشەنە وەش کەرۆ. 🔹بە بڕواو ویلهێلم دڵتای، مەرجی زانستی و عەینی مەعرەفەتی تاریخی ئانەن؛ تەفسیرکار مشیۆ بە پاو بنەماو ویر و باوەڕەوو ئا سەردەمیە کە دەقەکە نووسیان نەک بە پاو ویر و باوەڕوو سەردەموو وێش تەفسیر کەرۆ، یانی مشیۆ عەقڵ و پەیلوای وێش جە پرۆسەکەنە دوور وزۆوە تا ئاکاموو هەرمانەکێش لایەنگریش نەبۆ. 🔹بەڵام بە بڕواو گادامێری پێشداوەری فەرهەنگی تەفسیرکاری بنەمایە دیاریکەرش هەن پەی ئەنەیاوای جە دەقەکەی، پەوکای ڕاسی و ناڕاسی حەر تەفسیریە بە تەمام ئازاد نیەن. پێشداوەری ڕاس بۆ هۆ ئەنەیاوای درۆسی و پێچەوانەیچش ڕاسەن. 🔹ئەر وانەر و نووسەروو دەقیە پاشخانیە کولتووری و  ویری هامبششا بۆ، ماناو دەقەکەی سەرڕاسەن و پەی ئەنەیاوای تەفسیرش گەرەک نیەن.                                                            🔹حەر تاکیە بە گۆگایە پێشداوەری چێوەکا فام مەکەرۆ، تا یاگیە نامێ کتێبی، نووسەر و... سەروو تەفسریماوە شۆنەما مەنیەورە، پەوکای ئەنەیاوایما بێ لایان نیەن.      🔹کانت ماچۆ: هاگایی ئێنسانی، بە یەکجاری پەسیڤ نیەن، یانی پێشداوەری سەروو ئەنەیاوایماوە کاریگەریش هەن. 🔹بەڵام جە وینگاو فەلسەفەو ڕۆشنگەریەوە، پەنەوازا گردٚ ویر، باوەڕ، کەردٚەوەو، دام ودەزگا کۆمەڵایەتیەکا دریا وەروو حۆکموو عەقڵی، ئەگەر ویر و باوەڕیە جە لاو نەریت یان دەسەڵاتیوە پەسەن کریابۆ،  ماناش شەرعیەتوو ئا چێوییە نیەن. حوکموو عەقڵی ئەگەر بە شێوازیە درۆس ئەنجامش بدٚەیمێ و پەشتی بە داب و نەریت و دەسەڵاتی نەبینمێ، بەدەسوو پێشداوەری ساختەیوە ڕەزگارێما مەکەرۆ،  چوونکە پێشداوەری بە ماناو حوکمداین؛ بێ شەرعییەتوو عەقڵی. جە فەلسەفەو ڕەۆشنگەرینە پەنابەردەی بە دەسەڵاتی یانی شۆنکەوتەی کۆرانە. 🔹بەڵام بە بڕواو گادامێری دەسەڵاتوو نەریتی بە ماناو پەسەند کەردٚەی ئانەینە حۆکموو کەسیەتەر جە حوکموو من سەرتەرەن، ئینەیچ وێش شێوازیەن جە حوکمدای عەقڵانی.     🔹کانت، دکارت و ئەو ویرمەندە مودێڕنەکا پەی حوکمدای سەروو ویر و باوەڕەکارە شۆنەو عەقڵی گەردوونیرە گێڵێنێ، پەوکای گادامێر  واچێ: ئینە وەهمەن ئادٚێ هەنێ شۆنیشوە. چوونکە عەقڵ چەمکییە تاریخین و تەنیا جە باروودۆخی تاریخی تایبەتەنە بۆ بە واقعییەت. 🔹تەجرۆبەو مێژوویی کۆمەڵگای و حەر پاسە کولتووروو خەڵکەکەیش بۆ بە هۆ سنووردار کەردٚەی ئەنەیاوای و وەرگیری مەکەرۆ جە حوکمدای ئارزوومەندانەیرە. 🔸 *ئەنەیاوای: تێگەیشتن، فهم، undrestand *دەق: متن، text *کولتوور؛ فرهنگ، culture * نەریت: سنت، tradition *داهێنەریی زەێنی؛ خلاقیت ذهنی ، Mental creativity *پەسیڤ؛ منفعل ♦️zanstemrovyekan2724 🌏#کاناڵەو_ئەنجۆمەنوو_ڕۆجیاری 👇👇👇👇 https://t.me/AnjomanooRojyari

‍ ☘☘ژیوگا پارێزنای ئەرکا... ‍ ♦️کۆمەڵگای هۆشیار. ئەندامانی ئەنجومەنی سەوزی چیا لە شارەدێی دزڵی، سەر بە ناوچەی هەورامانی سەوڵاوا، بەر بە کاری قیزەونی کاولکارانی دارستانەکانی ئەو ناوچەیە دەگرن و تەحوێڵی یاسای دەدەن و هەڕەشە لە تاڵانچیانی نیشتمان دەکەن لە ئەگەری دووبارە بوونەوەی ئەم چشنە کارانە بە شێوازێکی تر مامەڵەیان لە گەڵ دەکەن. ئەنجوومەنی سەوزی چیا وێڕای دەسخۆشی لە هەستی نیشتمان پارێزی هەموو ئەندامەکانی، سپاسی تایبەتی تێکۆشەرانی ماندوویی نەناسی شارەدێی دزڵی دەکات. هەروەها بۆ ئاگادارای هەموو ئەوانەی وا تەوەری خەیانەت لە جەستەی نیشتمان دەدەن، ئەوکەسانەی کاولکاری و داگیرکاری دەکەن، چ ئەو کەسانەی ئاگر لەدار و دەوەنی زاگرۆس بەر دەدەن. ئێمە وەکوو ئەنجوومەنی سەوزی چیا، لە هەر کوێ بن و پشتتان بە چی قایم بێت ئاشکراتان ئەکەین و لەقاوتان ئەدەین. با بەرپرسانیش ئەرکی سەرشانی خۆیان جێبەجی بکەن و تاوانباران بە سزای کارە قیزەونەکانیان بگەیەنن و هەروەها داوا لە سەرجەم خەڵکی ژینگە پارێز و نیشتمان‌پەروەر دەکەین هەست بە بەرپرسیارەتی زیاتر بکەن و ئیتر لەوانەی کە ئاگر بەر دەدەنە جەستەی دارستانەکانی وڵات و خەریک داگیر کردنن؛ بەریان بگرن و ڕسوایان کەن و سووک سەیریان بکەن. بە ڕاستی ئەمە چەشنە کردارانە دزی، تاوان و خەیانەت بە نیشتمان نەبێت چییە؟ chya_ngo 🌏#کاناڵەو_ئەنجۆمەنوو_ڕۆجیاری 👇👇👇👇 https://t.me/AnjomanooRojyari

* حەرچن چۊڵەوانی پەی ژەنۍ گولا، وەلێم پەی مریەمۍ بیەبۍ مایۍ وەشحاڵی، چونکوم جە پەرسە بۍ مانایا زاروڵەنەبیەی نەجاتش بیەبۍ، هامسا دوورەکېچشا پاسە یاوێبېنېنە هەکە سەعیدە و سەمیر هینۍ وېشانۍ و تاکو ئا وەختە یانەو تاتەو مریەمی بیېنۍ و ئیسە ئاردېنېشاوە!! ئینە جە واقیعیۆ فرە دوورەن، دۋۍ زاروڵۍ پڕێنە پېڎێبا، بەر و هامسا بەرەجیۊشا هینۍ وېشانۍ و تاکو ئیسە یانەو تاتەو مریەمۍ بیېنۍ! *  کېشمەکېشو میانو قېخا زۊرابی و پاسەبانو وەربەرەو مەرکەزی جە (تارمییە)، بڕێ نەشازەن، ئا ڕەفتارۍ جە کابرێوە پېسە قېخای نمەگناوە، پانەی بۍ پەرس بلۊ چوەر، دمایی پەلامارەو چەکو شانەیش بڎۊ بە حسابو لاو وېشان، چونکوم قېخاو دەگێ بە حوکمو یاگەکېش و پېوەڼییش چەنی دەسەڵاتدارا دۆڵەتی ئاوەز، هەم ڕۊشنۋیری ئانەیشە هەن هەکە بزانو ئەچا نۊعە یاگانە چەنی ڕەفتار بکەرۊن، گەر خەڵکێ ساڎەو فەقیر بیێ، گونجیۍ ئا ڕەفتارېشە چەنەبگناوە. دماتەر پۊلیسە کوردەکە کۆت وەڵېشا پەی یانەو مەئمووری، بەڵام ڕانە وەختێ قسۍ کەرېنۍ، پۊلیسەکە پەنەش واچۍ: قېخا، پەیم ڕۊشن نییەن ئاڎ چەنی زاناش قېخان؟ هەرچن وەڵتەر نویسەر باسش چانەیە کەردەن کە قېخا زۊراب باس و حاڵ و وەزعو وېش پەی پۊلیسەکەی کەردەن، بەڵام ئیشارەش نەڐان پانەیە کە واتەبۊش من قېخاو دەگێوەنا. * دمای ئانەی یانەو شیرینۍو مریەمۍ، بە ئاگاڎاری سەمیری و مامۊیش، سەعیدە دریا بە سانی، سان و مەتیەش(شیرینه) گېڵێوە پەی هۆرامانی و کەسو کارەکەشا حاڵی کەرد هەکەهەرمانێ چامنېشا کەردېنە. ئەشیێ وەڵتەر هەواڵێ گەر کەمیچ بیێ زانێشا، نەک دمای ئانەی گرڎچېو بڕیانۆ ئینجا هەواڵشان بڐان پەنە. * شیرینە، مەتیەو سانی چەنی سەعیدەی لوێ پەی مزگی، پەی ئانەی پەرسەی شەرعییە بکەران دەربارەو مارەبڕیەو سەعیدەی پەی سانی، چاگە بە ئاماڎە بییەی دۋۍ شاهېڎا، مارەشا بڕیێ. ئەشیێ جیاتی شیرینۍ، پیێوە لوێ چەنیشان پەی مزگی، پەی پەرس و ڕای، چونکوم هەم ئانە عادەتین و هەم کارو پیایەن. * حەر چاگە قېخا وەزەرا چەنی قېخاکەو دەرەتاریکی هەکە کوڕو قېخا حەمایزی بۍ و دمای مەردەی تاتەیش بیەبۍ قېخاو دەگێ. ڕۊشن نییەن چی نویسەر نامۍ قېخاو دەرەتاریکی نمارۊن، گۊشش نەڎان پەنە. پېسە مزانمۍ ڕۊمانەکۍ بەتەرزێ فلیم ئامېز نویسیێنە، یانی گەر گەرەکشان بۊن بکەراش بە فلیمێ سینەمایی، یام زنجیرێ تەلەفزیۊنی ئانە نویسەری پېسە هېڵەی پاککریای وستېنەش وەردەس، هیلاکی فرەش گەرەک نییەن، ئانەیچە تەوانا و سەلېقەی وردو نویسەری نیشانە مڎۊن، مادام پاسنەن نامۍ کارەکتەرەکا پېویسەنە. * کۊتاو ڕۊمان، یام داستانی و ڕازۍ بە قۊمیێوە، یام وەرئامێوە چەمەڕانەکریا مەی، ۋانەری مەوزۊنە دلۍ بارێ دەروونی جیاوازی. یانی کارەساتی دمایینو دلۍ ڕۊمانەکەی چەقۊنە دلۍ دڵ و مەژگو وانەری، کاریگەریێ سەرشۆ منیۊرە و ـمەبۊن بە  کۊتاو ڕۊمانەکەی، بەڵام کۊتاو ئی ڕۊمانۍ قۊمیێوە، یام وەرئامێوە چامنەی کاریگەرش چەنە نەبۍ، کە یاگۍ دلۍ دڵو وانەرینە جیابازۊن. 4 سەرچەمە: فێسبووک 🌏#کاناڵەو_ئەنجۆمەنوو_ڕۆجیاری 👇👇👇👇 https://t.me/AnjomanooRojyari

* وەختێ پەلامارەو شەریفی مڎان و فەلاقەش مەکەران، یۊشا چفنۊ گۊششەرە هەکە پا نەنیۋ یاگەپاو کوڕو ئاغەی، شەریف تاکو ئا کابرا ئا قسېسە نەچفنا گۊششەرە نەزانۍ مەسەلۍ چېشەنە، پاسە یاوابېنە کە حەر جەنگو شەکەو کابرای کەرا. پاسەبۊ ئیتر شەریف یاوانە، بەڵام دماتەر شەریف حەرچی سەرە ئارۍ و بەرۍ حاڵیش نەبۍ ئا باسە چی بەسیان بە باسو کوڕو ئاغەی و زەماۋڼېرە!! * لالۊ عۆدە، تاتەو گوڵزارۍ چەنی مەڵڵا وەیسەی لوێ پەی یانەو ئاغەی، سەرەتا بە گەرمی ئاغە لوا پېوایشاوە، چونکوم نەزەرەش چامنۍ بۍ هەکە لالۊ عۆدە ڕازیبیەن و مەڵڵایچش چەنی وېش ئاردەن، بەڵام دمای ئانەی نیشتېرە ئیتر ئاغە لواوە قالبەکەو وېش و کۆت تاریفدای یاگەکېش و بە کەم نیشاندای یاگۍ لالۊ عۆدەی، هەکە ئاڎ ڕەعیەتێن، پەی من نامان تېکەڵو ئاڎی بۊن، بەڵام ئیتر ناچارییەن! ئەشیێ ئاغە بەردەوام بیێ سەرو ئوسوڵو مېمانداریەکەیش، مادام ئاڎ پاسە یاوابېنە هەکە لالۊ عۆدە ڕازی بییەن و قۆمایەتیش چەنی لکەمڎۊن، ئەشیێ هەم پەی وېش و هەم وەرچەما مەڵڵا وەیسەیۆ تاریفېش دێ و یاگېش بەرز کەردێوە، یانی ئەشیێ ئاغە زیاتەر لۆجیکو ئەقڵیش بەکارئاردێ، نەک تەکەببورو هەواو هەوەسیش. * دمای ئانەی لالۊ ڕەشە کاوسش ئاردۆو ڕانە هەواڵو مەردەی تاتەیش (لالۊ عۆدە)یش پەنەوات، ئامێوە یانەو وېشا، کرژ پرشنگەی کناچېش کیاستەش شۊنۆ مەتی خاتوونۍ و گوڵزارۍ، پرشنگە وەختێ یاوا نزیکو وەربەرەکەی هاوارش کەرد و ماچۊ (مزانیم دەیدۍ کاوس ئامانۆ)! دماتەریچ پاگېرېرە پەی مزانییەکەی! ئا وەزع و بارە هەکە کاوس خەفەتبارەن و هەواڵو مەردەو تاتەیش چا عانەنە پەنە دریان، ئەڎاش و واڵەکېش ئینێ ئەچا بارە گولەنە، داواکەردەی مزانی درووس نییەن! * وەختێ لالۊ ڕەشە ڕازیبیەیش نیشانەدا پەی گوڵزارۍ، میرزا و شەریف شۊنەو یۊیرە ماشیێ دەسو لالۊ ڕەشەیشا ماچ کەرد، ژەنەکېچ باوشیشا کەردە یۊیرە، دماتەر شەریف زیارە پەی ئاو واردەی، بە پرشنگۍ ماچۊ زوانم دەممەنە مەگېڵۊ. چا عانانە گوڵزارە چەپۊکێ گولانېش دا شەریفی و واتش ئانە چا سەتڵېنە، تېر وەرۆو پەی ئاڎییشایچ بەرە!! ئەچا بارەنە گوڵزارە ئینا حاڵەتو شەرمی و وەشی، ماتکەردەینە، وەشتەر ئانەبۍ پرشنگە ئا چەپۊکېشە ماڵێ شەریفیرەو واتێش ئانە ئاوینە چا سەتڵېنە. * شەریف و گوڵزارە، یەکەم وەهارو دمای هامسەرگیریشا لوێ کەشەرە، گوڵزارە لەمەش پەڕەبۍ، یاوێ سەرو هانەو نەزەرگاو سەی کاکەی، وېشا فېنک کەردۆ، شەریف دەسش بەرد لوولەکېش چېرو بیبینەکەیشەنە بەرکېشتەو بەزمێ وەش لوولېش داوەنە، گوڵزارە دڵش تازەبیۆ، کۆتۆ ویرو سەردەمو هەرزەکاری و ئا وەختەیە شەریف شوانە بۍ و ئاڎییچە چەنی ئەڎێش لوېنۍ پەی گەلەبېری و دوورۆ گۊشش لوولەکۍ شەریفیۆ بۍ. دیمەنێ چن سرووشتی و زەریف و دڵبەرەن، وەشەویسی میانو ژەن و پیای، شەریفی و گوڵزارۍ چاگەنە وېش نمایېش کەرۊن، ئەچاگەنە عەشقێ پاک و بېگەرد حازرەن هەکە بە هیچ بەهێوە نمەسانیۊ، بەڵام لوولەکۍ شەریفی پەی گوڵزارۍ و ئاوازە خەمگینەکېش وەختو گەلەینە ئەشیێ جە دیمەنە وەڵینەکانە، وەڵۍ ئانەی شەریف و گوڵزارە بیاوان بە یۊترینی، بەیان کریێ، جە دیمەنە وەڵینەکانە هیچ باسێ چامنە نەکریان، ئېمە ئیسە زانامان هەکە گوڵزارە وەڵتەر گۊشش جە شمشاڵەکەو شەریفی گېرتەن، چا وەختانە کە عەشقو گوڵزارۍ پەی شەریفی قوڵۍ دۍ، ئېمەیچ زانێما هەکە شمشاڵەکەو شەریفی چن کاریگەریش هەن سەرو دڵ و دەروونو گوڵزارېوە. * چارەنویسو خەمانۍ، نەهامەتی ئا بنەیانەیە مەیاوۊ ئۆپەڕو ئەوەجەی، ملانە یاگۍ بەزەیی خەڵکی، حۆلۍ و تەقەلێ فرېشان پەی پېڎاکەردەی مەمەو (خەمان)ېن، خەزانەی گولانۍ ئەچا سەحەرو ژیوایشەنە کۆتېنە چېرو بارێ قورسی، ئاڎە کوڵێ خەمۍ ئینێ کۊڵېشۆ، خەمانە. قېخاو وەرکەمەری، مەجەی کوڕش کیاست پەی لاو مەڵڵا یاقۊی، پەی ئانەی قۆلو مەڵڵا یاقۊی دەربارەو شەرعی و ناشەرعی هەرمانەکۍ بارۊوە، مەڵڵا یاقۊ هەرمانەکېش بەکارێ شەرعی زانان، بەڵام بە چن شەرتێ، یوە چا شەرتا، مەشۊم ئا بنەیانە هەکە زاروڵەکەی هۊرگېراوەو کەراش زارۊڵەو وېشا! یانێوە ئەشناسیێباو خولق و ڕەفتارشان خراب نەبۊن. پېسە مزانمۍ دلۍ ئایینو ئیسلامینە(تبني) حەرامەن، ئیتر نمەزانمۍ ئا یانە چەنی زاروڵەکەی مەکەران هینو وېشان؟ * فرەش پەنە نەشی، ژەنێوە پېڎابیەو خېرئامای مەئموری و قېخایش کەرد، زاروڵەکەو هەیاسیش ئاردۆ، ماچۊ ئانە (ڕەسول)م ئاردۆ و شۊتم دان پەنە، چەنی (ونار)ی مېردیم ملمۍ کەشەرە پەی ئانەی کوچێ بلچی بارمۍ. بە پاو تەمەنی و تازە و کۊنی نامۍ، ئەشیێ زاروڵەکە نامېش (ونار) بیێ و مېردو ژەنەکۍ (ڕەسول). وەختێ زیاتەر دلۍ ڕۊمانەکەیرە گوزەرم کەرد، یاوانۍ یانەو هەیاسی نەۋەشی، هەیاس کوڕو خواکەرەمی کوڕو ڕەسوڵی، کوڕەکەیچش وەشیۍ بابایشۆ نامېش نیان (ڕەسوڵ)، ئیتر چاگەنە ڕەخنەکەو سەری بەتاڵ بیۆو زیاتەر ۋیر تیژی نویسەری پەیمان بەرکۆت. 3

ئی ڕۊمانۍ، نمونەو ئەڎێوە ئاڎەمیانۍ و ئاقڵېما پیشانە مڎۊن، ئەڎێوە خاوەنو قسۍ وېش، هەرگیز ژەنیبیەیش نەبیەن بە هۊکارو بەزیایش، ئەڎێوە وېش خاس مزانۊ چېش کەرۊن، ئاڎە ئینا دڵو شەریفی کوڕیشەنە، هاگاش ئینا چا گەرمی کوورۍ کە دلۍ دەروونو کوڕەکەیشەنە گیسیێنەنە. وەختێ شەریفشا خجڵنا کەڵەشېرەکەیرە، میرزا براو شەریفی بە ئەڎێش ماچۊ: ئەڎا گیان نمەکریۊ شەریف دەس چا کناچە وەیشوومۍ (گوڵزارۍ) هۊرگېرۊ؟ مەتی لەیلۍ ماچۊ چەنی دڵت مەی قسۍ چامنۍ بکەری، مادام پاسنەش سەرئاما، ئانە قسېتانە، من سەوای ملوە پەی شێرەدەرەی و دەسو دۋۍ پیا بېگانا ماچ کەرو، چینەیە خاستەرا قسۍ بۍ مانێ چەنی شمە کەرو!!! شمە ماچدۍ چېش، گوڵزارە وېش کوڕو ئاغەیش دانۆ لا پەی شەریفی، من دڵو شەریفی، دلۍ چەمای پاکو گوڵزارۍو دڵو خاتونۍ ئەڎێش مەڎەو بە گردو دنیێ، گەر تەنیا وېچم لوێنا وەرۆ، ملو داواش. ئا دیمەنە دڵگیر و سەرنج بەرە، هەرزەکارېش ئاردێ گۊرانیۍ، ئای چن زەریف ئا خەم و حەسرەتۍ دلۍ سینەیشان، خەمۍ زەمانەی، جەور و ستەمو ئاغەی، دېنۍ گۊشۍ کەش و کۊ ڕەنگینەکەیرە: گەر سەرئاماکەیم بوانو پەی سەنگ سەنگ سیاو مەبۊ و مەگېڵۊ جە ڕەنگ. نویسەر، دیمێ تەرو هەسرۋېما نیشانە مڎۊن، جیای ئانەی پەشتەو کوڕەکەیش بگېرۊن دژو ۋەیوەکېش، بەڵام: مەتی لەیلۍ، شەریفی کوڕش حاڵی کەرد هەر هەرمانێوە کە مزانۊ قورسەنە نەڎۊش ملو گوڵزارېرە، وېش کەرۊش، پەنەش وات هیچ عەیبت نێ وەنە، وېت هەرمانۍ بکەرە! مەردەی گوڵزارۍ خەمێ گۆرەش وارنا ملوو گردیرە، زیاتەریچ شەریفی هامسەرش، شتەی و کفن کەردەیش و دماتەر شانای ڕېحانە و پۋینەی ملوو لاشەکەیشەرە ئانەشە نیشانەو ئېمەدا هەکە گوڵزارە بە مەردەیچ چن قەدرش گرانەن، ئینەیچ نموونێوەن پەی هەر مەردێوە ئەچاگە: هەتا ئاڎۍ یاوێوە وەرکەمەر، ژەنی دەگێ بە چەمساقی مەتی ئەفروزۍ جەنازەکەو گوڵزارېشا شۊرتەبۍ وکفن و دفنشان کەردەبۍ و ڕېحانە و پۋینەشا شانابۍ سەرشەرە. مەئموور مەرکەز و ژەنەکېش دمای یاوایشان بە یانەو قېخای، بە حورمەتێ فرۆ لوێ پېوایشاوە، دەسو مریەم خاتوونېشا گېرت و بەردەشان پەی دلۍ کەپرەکی، دمایی مەئمور ماچۊ: ئارۊ مەئموورێ جە من زلتەر ئامان، کەس ئەو من نمەپەرسۊوە. قېخایچ کەردشۆ جوابو ماچۊ: قوربان، ئانە عادەتو خەڵکو ئېمەن، دلۍ ئېمەنە ژەنی حورمەت و شکوی وېشانەش هەن. ئینە کەلتوورێ زەریف و ئینسانی خەڵکو ئېمەن، ژەنی مەکانەتێ و یاگێ دیارەش هەنە دلۍ ئېمەنە، لاو ئېمۆ ژەنی هەتاکو تەمەنش سەربگنۊ، قەڎر و حورمەتیچش زیاتەر بۊ، ئینە یۊن چا جوانیا دلۍ کەلتوورەکەیما هەکە نویسەر ڕۊمانەکەش پەنە ڕازنانۆ. سان، ئا کوڕە هۆرامییە کە ئەڎا و تاتەش فرە حەزکەرېنۍ کوڕەکەشا کناچێ هۆرامییە بارۊ، وەلێم ئاڎ قسمەتش یاوا لاو سەعیدەی، کناچە عەرەبە، خەڵکەو فەلووجەی، بەڵام دمای ئېستەیۆ قاقەزەکەو دلۍ باوڵەکەی و ۋانایۆش، دمای ئانەی ئاشکەرابی کە سەعیدە و سەمیر ئەسڵشان عەرەب نییەنو هۆرامیېنۍ، سانیچ یاوانەو ماچۊ: ئیسە هەواڵ بڎەو ئەڎێم و تاتێم هەکە دەسگیرانەکېم بنەچە کوردەنە وەشیېنە هارۍ بان. باسەکە یاوا لاو مەتیەو سانی (شیرینە)، ئەچاگە درېژەو گېڵنایۆ باسەکەینە، سان دەسش وست سەرو شانا سەعیدەی و پەنەش واتە: گیانەکەم، من تۊم هۊرچنیېنی پەی هامڕازەو ژیوایم، ئیتر چ جیاوازیێوەش هەن نامېت سەعیدە بۊ، یام خەمانە؟ عەرەبە بی، یام کوردە؟، تاتەت نامېش وەلید بۊ، یام هەرکەس. وینمۍ عەشقێ مەجازی زاڵەن ملوو سانیرە، نە نامۍ، نە نەتەوە، نە بنەچە، هیچشان نمەتاوان ڕاگیری جە گەشبیەیۆ سەرەمڕەی ئا عەشقەیە بکەران. خەزانە، دمای ئانەی سۊراغو خەمانۍ واڵېش کەرد، زاناش مەنېنەو ئینا پا واریرە، سەوقاتیێ وېمانەش پەی پېتۆ و پەیش کیاستە، سەوقاتیەکەو خەزانۍ (دواڼزە سەرۍ شەلەمینە و دانەدوەو و بڕێ هەنجیرۍ کزرۍ و حۆت هەشت هەناری)، سەوقاتیێ دمای چڼیین ساڵا جە بڕیارەی یۊترینی، سەرنیشتۆ پەی پانیشتی، هەرچن خەمانە(سەعیدە) تاکو ئیسە ئا چېوېشە نەڎیېنۍ، بەڵام ئېژاتەرین سۆقاتین، بە چەمۍ نەڎیېنېش، بەڵام دلۍ ڕۊحیشەنە هەنۍ، ئانە سۆقاتی ئەڎێشەن کە ڕاو خەزانۍ کناچېشۆ پەیش کیاستېنە. چن سەرنجێ و ۋردە گلەیێ جە ڕۊمانەکۍ: * دمای ئانەی کناچڵەکۍ و گوڵزارە زیێرە، ۋارانەکە مدراوە، شەریف گەلەکەش دلۍ مەڕەکېنە زنیەرەو کەردشۆ کەشەرە. ئیتر شەریف ئامانۆ دەگا، وېرەگانه وېش مەگېڵۊ یانەو یانە پەی ئانەی نانو گەلەی گلېرکەرۊوە، ئەچاگە گوڵزارۍ مەوینۊن و مەگنا قسە و باسو وۍ ئاماڎەکەردەی پەی داواکاری و ئیجبی گوڵزارۍ. ئی هەواڵۍ میاواوە لاو کوڕو ئاغەی، دماتەر گەلە مێوە دەگارە، وېرەگانێ تەم و تەماوی، بە نیازو تەمۍ کەردەی شەریفی، سیناریۊ گوم بیەی (شەکێ) منیارە. ئانەی یاگۍ سەرنجیەن: هیچ پېوەڼیێ نیەن میانو زنیەیرەو گەلەکەی دلۍ مەڕەکېنە و ئامایشۆ پەی دەگێ! گەر گېڵایۆ گەلەکەی ڕوێ تەر بییەن، ئەشیێ ئاماژەش پەنە دریێ، چونکوم نویسەر نویستەنش (ئا وېرەگانە دنیا تەم و تواڵی بۍ! وانەر مەرەجیۊش هەمان وېرەگانەن. 2

♦️ڕۆمانەو گېجاوەو ژیوایم واناوە: ✍ئەسحەد ڕەشید ڕۊمانەو گېجاوەو ژیوای وەرۋیرێ تەرو نویسەر کاک (ئیبراهیم مەیکە عەلی)ن، دوەتۊ کتېبێ قەبارە (٣٥٠) لاپەڕانە، دوەمین ڕۊمانەو نویسەرینە. من گەرەکمەن هامشانو نویسەری دلۍ ڕۊمانەکېرە گوزەرکەروون، وەڵینەو ڕۊمانەکۍ، لوانەی دلۍ قووڵایی قۊمیاکا، بەرهەمی کۊتایی. نویسەر ئەوەڵۆ باس جە سرووشتو نویستەی ڕۊمانۍ کەرۊن، هەکە مەشۊم نویسەرو ڕۊمانۍ خاوەن ۋیر و ئەندېشێ قووڵی بۊن، پاسە بلۊنە دلۍ قۊمیاکا هەکە بتاوۊ سەرو زوانو ئەوەگېڵنیۆ قۊمیاکا بگېڵنۊوەو وەرجەسەشان بکەرۊن، نویسەر شارەزاو سەرەتاو ڕاکېن، مزانۊ چکۊوە بلۊ پەی کۊگەی، بەڵام هاگاڎارو ئانەی نییەن کە میانو ڕاکېنە چېش قۊمیۊن. نویسەر هەرگیز نمەبۊ پەی نویستەی زۊر بکەرۊن ئەو وېش، بۊقۍ بنیۊ خیاڵیشۆو زۊرۍ ۋزۊ ملو قەڵەمەکەیشەرە، مەشۊم نویسەر یاگێ تەرۆ هازیش پەی بێ و دەس و مەچەکش بە قەڵەمەکەیشۆ هۊرگېرۊو بەرۊش پەی سەرو دېڕەکا. منیچ ماچۊ: نویستەی ڕۊمانی، شېعرۍ، داستانی، کوڵەڕازۍ، ...هتر، هەر پېسە کە نویسەری ڕۊشنکەردەنۆ قەڵەمکاری نییەن، ڕیز کەردەی واچا و دەسەواچا نییەن، ئانەی کە سەرو نویسەری واجبەن تەنیا ئەوەڵ و ئاخرەن، ئیتر ئانەی چا میانەنە مەی سەرو نووکو خامەی پېوەسەن بە خیاڵێ بەرزی ئامېتە بە ڕۊحو نویسەری، وەختێ نویسەر دیمەنێ دلۍ ڕۊمانەکۍ، یام قۊمیێوە تۊمارەکەرۊن فرە ئاگاش جە واقیعی و چواردۆریش نییەن، ئانە ڕۊحی شاعېرانەو ئەدەبیانەی نویسەریەن منویسۊ، تۊمارکەرۊ. جیاوازی میانو ڕۊمانێ پایە بەرزۍ و ڕۊمانێ ئاس نزمۍ هەر ئانەن، هەر چەنی جیاوازی میانو شېعرۍ و هونیېنە فرەن، ئەپاسەیچ پەی ڕۊمانی و داستانی و تەمامو نویستە ئەدەبییەکا ئەچامنەن. ئېمە وەختێ وەراوەریۍ میانو دۋۍ دەقە شېعریانە مەکەرمۍ بە ڕۊشنی ئا جیاوازیە قووڵەیە مەوینمۍ، ئانەی کە شېعرەن، بەرهەمو خیاڵێ قووڵین، شاعېر خاوەنو بەهرێ شېعری و ئەدەبین، بەرهەمو ڕۊحیشەن، نەک مەژگ و ویرو وېش، سەرۆ وەستېنەرە دلی دڵ و دەروونیش بە پەشت بەستەی پا باکگراوڼە ماریفییەی کە هەنش، بەڵام هۊنیاکۍ بە ئاشکەرا دیارەن هەکە فرەو جاری تەنیا ڕیزکەردەی واچان، دلېشەنە بە ئاسانی هەس بە یاگەفاڕالی واچەکا کریۊن، زۊر کەردەیش پووە دیارەن. نویسەرو ئی ڕۊمانۍ، چەنی زوانە ڕەوانەکەیش ژمارێ فرۍ ئیدیۆمۍ و واتۍ وەڵیناش دلۍ ڕۊمانەکېنە نەخشنێنۍ، من ئیسفاڎەی فرەم چا ئیدیۆم و پەند و واتە وەڵینا کەرد. ڕۊمانەکۍ هاڵیەنە جە وتار و بابەتا، ئینا دلۍ دنیاو واقیعینە، ڕۊمانێنە وەختێ ملینە دلېش، پېسەنە لوابینە دلۍ فلیمێ، یام زنجیرێ تەلەفزیۊنی، بە مانێوەتەر تاوانش ڕۊمانەکۍ بە پاکی پېشکەشو دەزگێوە هونەری فلیمسازی بکەرۊ کە بەبۍ مانیا و هیلاکی فرەی بەرهەمێ تەلەفزیۊنی زەریف و جوانش چەنە بەرهەم باریۊن. ڕۊمانەکۍ بە دیمەنێ زەریف دەسپەنەکەرۊن، دیمەنو گەلەی و کەش و کۊی و ۋارانی، دیمەنو گەلەو کناچا پەی گلېرکەردەیۆ هەلچا و گیۋاوە وەهاریا، دیمەنو برک شانای و قریوەقریوو شوانەی (شەریف). ئی دیمەنە وەشۍ سەرەتاوە وەرچەمێ زەریفشان دان بە ڕۊمانەکی، نییەتو گوڵزارۍ پەی ۋینای شەریفی و لوایشان پەی دلی مەڕەکۍ و دەسگېرتەیشان و هۊرپڕایشان، دیمەنێ زەریف و وەشەن. ئا هۊرپڕای و ئاهەنگەو دلۍ مەڕەکۍ و چېرو لېزمەو ۋارانی، دما وەشی شەریفی و گوڵزارېن، ئیتر ئەچېگۆ نەگبەتی و خەم و خەفەت و یانەۋېرانی یاگۍ وەشی مەگېرۊوە. هەڕەشۍ و پەلاماردای کەلەبەرێ مەوزانە دلۍ ئا عەشقە پاکە بېگەردەیە. با جە دېدە خاتوونېوە دەسپەنە کەرمۍ: خاتوونۍ، ژەنەو لالۊ عەبەی کەردشۆ جوابو واتش: چی پیاکە دنیا سەرش بە پۊشۍ گیریان؟ منیچ ملو یانەشا ئایېر مڎەو، زارۊڵەو بېشکېشا خنیکنو، خۊ خزمەتکارۍ تاتەی گەواڎیشا نیەنمۍ، کناچېنەو شوو بە کوڕی بۍ شەرەفیشا مەکەرۊ! دماتەریچ فەللاقە کەردەی کوڕو ئاغەی بە دەسو کاوسی، ئانەمان نیشانە مڎۊن هەکە چن زوڵم و زورو ئاغەکا و تاغووتەکا فرەبۊن، بەڵام غیرەتو ژەن و پیاو دلۍ دەگاو شارەکا نەمەردەن و سنوورێنە وەرش پەنە  گېریۊن. پەنەمان ماچۊن خەڵک جە بېدەسەڵاتیېنە سەرەش کزکەردەن، هەر یاگێ و دەرەتانێنە بەشو نەفەسێش پەی گونجیۊ هەرگیز زوڵم قبووڵ نمەکەرۊن. دەگاو چلچەمەی هۊڎەو هەیوانێ کۊنشا سازناو لوێشەنە، دمایین شەو چاگە مەنێ کە پەی سەوایشۆ ئەشیێ کاوس گېڵێوە پەی سەرو هەرمان و کاریش، ئا شەوە گردشان پېوەرە بېنۍ، مەتی خاتوونۍ و گوڵزارە و کاوس و لالۊ ڕەشە، یانێوە گولانە، بەڵام پەڕ جە وەشی و پېوەرەیی و ویرپاکی، کاوس وەشی چانەیە وینۍ هەکە گوڵزارەی واڵېش بە دڵو وېش هامسەرگیری بکەرۊن! هەر یەرېشان بە باسو شووکەردەی گوڵزارۍ دڵوەشۍ بېنۍ، ئەها چن کەلتوورێ زەریف و بەرزەن! پیاسالاری و بۍ مافی ژەنۍ ئەچاگە گمېنۍ. 1

♦️ڕۆمانەو گېجاوەو ژیوایم واناوە: ✍ئەسحەد ڕەشید ڕۊمانەو گېجاوەو ژیوای وەرۋیرێ تەرو نویسەر کاک (ئیبراهیم مەیکە عەلی)ن، دوەتۊ کتېبێ قەبارە (٣٥٠) لاپەڕانە، دوەمین ڕۊمانەو نویسەرینە. من گەرەکمەن هامشانو نویسەری دلۍ ڕۊمانەکېرە گوزەرکەروون، وەڵینەو ڕۊمانەکۍ، لوانەی دلۍ قووڵایی قۊمیاکا، بەرهەمی کۊتایی. نویسەر ئەوەڵۆ باس جە سرووشتو نویستەی ڕۊمانۍ کەرۊن، هەکە مەشۊم نویسەرو ڕۊمانۍ خاوەن ۋیر و ئەندېشێ قووڵی بۊن، پاسە بلۊنە دلۍ قۊمیاکا هەکە بتاوۊ سەرو زوانو ئەوەگېڵنیۆ قۊمیاکا بگېڵنۊوەو وەرجەسەشان بکەرۊن، نویسەر شارەزاو سەرەتاو ڕاکېن، مزانۊ چکۊوە بلۊ پەی کۊگەی، بەڵام هاگاڎارو ئانەی نییەن کە میانو ڕاکېنە چېش قۊمیۊن. نویسەر هەرگیز نمەبۊ پەی نویستەی زۊر بکەرۊن ئەو وېش، بۊقۍ بنیۊ خیاڵیشۆو زۊرۍ ۋزۊ ملو قەڵەمەکەیشەرە، مەشۊم نویسەر یاگێ تەرۆ هازیش پەی بێ و دەس و مەچەکش بە قەڵەمەکەیشۆ هۊرگېرۊو بەرۊش پەی سەرو دېڕەکا. منیچ ماچۊ: نویستەی ڕۊمانی، شېعرۍ، داستانی، کوڵەڕازۍ، ...هتر، هەر پېسە کە نویسەری ڕۊشنکەردەنۆ قەڵەمکاری نییەن، ڕیز کەردەی واچا و دەسەواچا نییەن، ئانەی کە سەرو نویسەری واجبەن تەنیا ئەوەڵ و ئاخرەن، ئیتر ئانەی چا میانەنە مەی سەرو نووکو خامەی پېوەسەن بە خیاڵێ بەرزی ئامېتە بە ڕۊحو نویسەری، وەختێ نویسەر دیمەنێ دلۍ ڕۊمانەکۍ، یام قۊمیێوە تۊمارەکەرۊن فرە ئاگاش جە واقیعی و چواردۆریش نییەن، ئانە ڕۊحی شاعېرانەو ئەدەبیانەی نویسەریەن منویسۊ، تۊمارکەرۊ. جیاوازی میانو ڕۊمانێ پایە بەرزۍ و ڕۊمانێ ئاس نزمۍ هەر ئانەن، هەر چەنی جیاوازی میانو شېعرۍ و هونیېنە فرەن، ئەپاسەیچ پەی ڕۊمانی و داستانی و تەمامو نویستە ئەدەبییەکا ئەچامنەن. ئېمە وەختێ وەراوەریۍ میانو دۋۍ دەقە شېعریانە مەکەرمۍ بە ڕۊشنی ئا جیاوازیە قووڵەیە مەوینمۍ، ئانەی کە شېعرەن، بەرهەمو خیاڵێ قووڵین، شاعېر خاوەنو بەهرێ شېعری و ئەدەبین، بەرهەمو ڕۊحیشەن، نەک مەژگ و ویرو وېش، سەرۆ وەستېنەرە دلی دڵ و دەروونیش بە پەشت بەستەی پا باکگراوڼە ماریفییەی کە هەنش، بەڵام هۊنیاکۍ بە ئاشکەرا دیارەن هەکە فرەو جاری تەنیا ڕیزکەردەی واچان، دلېشەنە بە ئاسانی هەس بە یاگەفاڕالی واچەکا کریۊن، زۊر کەردەیش پووە دیارەن. نویسەرو ئی ڕۊمانۍ، چەنی زوانە ڕەوانەکەیش ژمارێ فرۍ ئیدیۆمۍ و واتۍ وەڵیناش دلۍ ڕۊمانەکېنە نەخشنێنۍ، من ئیسفاڎەی فرەم چا ئیدیۆم و پەند و واتە وەڵینا کەرد. ڕۊمانەکۍ هاڵیەنە جە وتار و بابەتا، ئینا دلۍ دنیاو واقیعینە، ڕۊمانێنە وەختێ ملینە دلېش، پېسەنە لوابینە دلۍ فلیمێ، یام زنجیرێ تەلەفزیۊنی، بە مانێوەتەر تاوانش ڕۊمانەکۍ بە پاکی پېشکەشو دەزگێوە هونەری فلیمسازی بکەرۊ کە بەبۍ مانیا و هیلاکی فرەی بەرهەمێ تەلەفزیۊنی زەریف و جوانش چەنە بەرهەم باریۊن. ڕۊمانەکۍ بە دیمەنێ زەریف دەسپەنەکەرۊن، دیمەنو گەلەی و کەش و کۊی و ۋارانی، دیمەنو گەلەو کناچا پەی گلېرکەردەیۆ هەلچا و گیۋاوە وەهاریا، دیمەنو برک شانای و قریوەقریوو شوانەی (شەریف). ئی دیمەنە وەشۍ سەرەتاوە وەرچەمێ زەریفشان دان بە ڕۊمانەکی، نییەتو گوڵزارۍ پەی ۋینای شەریفی و لوایشان پەی دلی مەڕەکۍ و دەسگېرتەیشان و هۊرپڕایشان، دیمەنێ زەریف و وەشەن. ئا هۊرپڕای و ئاهەنگەو دلۍ مەڕەکۍ و چېرو لېزمەو ۋارانی، دما وەشی شەریفی و گوڵزارېن، ئیتر ئەچېگۆ نەگبەتی و خەم و خەفەت و یانەۋېرانی یاگۍ وەشی مەگېرۊوە. هەڕەشۍ و پەلاماردای کەلەبەرێ مەوزانە دلۍ ئا عەشقە پاکە بېگەردەیە. با جە دېدە خاتوونېوە دەسپەنە کەرمۍ: خاتوونۍ، ژەنەو لالۊ عەبەی کەردشۆ جوابو واتش: چی پیاکە دنیا سەرش بە پۊشۍ گیریان؟ منیچ ملو یانەشا ئایېر مڎەو، زارۊڵەو بېشکېشا خنیکنو، خۊ خزمەتکارۍ تاتەی گەواڎیشا نیەنمۍ، کناچېنەو شوو بە کوڕی بۍ شەرەفیشا مەکەرۊ! دماتەریچ فەللاقە کەردەی کوڕو ئاغەی بە دەسو کاوسی، ئانەمان نیشانە مڎۊن هەکە چن زوڵم و زورو ئاغەکا و تاغووتەکا فرەبۊن، بەڵام غیرەتو ژەن و پیاو دلۍ دەگاو شارەکا نەمەردەن و سنوورێنە وەرش پەنە گېریۊن. پەنەمان ماچۊن خەڵک جە بېدەسەڵاتیېنە سەرەش کزکەردەن، هەر یاگێ و دەرەتانێنە بەشو نەفەسێش پەی گونجیۊ هەرگیز زوڵم قبووڵ نمەکەرۊن. دەگاو چلچەمەی هۊڎەو هەیوانێ کۊنشا سازناو لوێشەنە، دمایین شەو چاگە مەنێ کە پەی سەوایشۆ ئەشیێ کاوس گېڵێوە پەی سەرو هەرمان و کاریش، ئا شەوە گردشان پېوەرە بېنۍ، مەتی خاتوونۍ و گوڵزارە و کاوس و لالۊ ڕەشە، یانێوە گولانە، بەڵام پەڕ جە وەشی و پېوەرەیی و ویرپاکی، کاوس وەشی چانەیە وینۍ هەکە گوڵزارەی واڵېش بە دڵو وېش هامسەرگیری بکەرۊن! هەر یەرېشان بە باسو شووکەردەی گوڵزارۍ دڵوەشۍ بېنۍ، ئەها چن کەلتوورێ زەریف و بەرزەن! پیاسالاری و بۍ مافی ژەنۍ ئەچاگە گمېنۍ. 1

* حەرچن چۊڵەوانی پەی ژەنۍ گولا، وەلێم پەی مریەمۍ بیەبۍ مایۍ وەشحاڵی، چونکوم جە پەرسە بۍ مانایا زاروڵەنەبیەی نەجاتش بیەبۍ، هامسا دوورەکېچشا پاسە یاوێبېنېنە هەکە سەعیدە و سەمیر هینۍ وېشانۍ و تاکو ئا وەختە یانەو تاتەو مریەمی بیېنۍ و ئیسە ئاردېنېشاوە!! ئینە جە واقیعیۆ فرە دوورەن، دۋۍ زاروڵۍ پڕێنە پېڎێبا، بەر و هامسا بەرەجیۊشا هینۍ وېشانۍ و تاکو ئیسە یانەو تاتەو مریەمۍ بیېنۍ! *  کېشمەکېشو میانو قېخا زۊرابی و پاسەبانو وەربەرەو مەرکەزی جە (تارمییە)، بڕێ نەشازەن، ئا ڕەفتارۍ جە کابرێوە پېسە قېخای نمەگناوە، پانەی بۍ پەرس بلۊ چوەر، دمایی پەلامارەو چەکو شانەیش بڎۊ بە حسابو لاو وېشان، چونکوم قېخاو دەگێ بە حوکمو یاگەکېش و پېوەڼییش چەنی دەسەڵاتدارا دۆڵەتی ئاوەز، هەم ڕۊشنۋیری ئانەیشە هەن هەکە بزانو ئەچا نۊعە یاگانە چەنی ڕەفتار بکەرۊن، گەر خەڵکێ ساڎەو فەقیر بیێ، گونجیۍ ئا ڕەفتارېشە چەنەبگناوە. دماتەر پۊلیسە کوردەکە کۆت وەڵېشا پەی یانەو مەئمووری، بەڵام ڕانە وەختێ قسۍ کەرېنۍ، پۊلیسەکە پەنەش واچۍ: قېخا، پەیم ڕۊشن نییەن ئاڎ چەنی زاناش قېخان؟ هەرچن وەڵتەر نویسەر باسش چانەیە کەردەن کە قېخا زۊراب باس و حاڵ و وەزعو وېش پەی پۊلیسەکەی کەردەن، بەڵام ئیشارەش نەڐان پانەیە کە واتەبۊش من قېخاو دەگێوەنا. * دمای ئانەی یانەو شیرینۍو مریەمۍ، بە ئاگاڎاری سەمیری و مامۊیش، سەعیدە دریا بە سانی، سان و مەتیەش(شیرینه) گېڵێوە پەی هۆرامانی و کەسو کارەکەشا حاڵی کەرد هەکەهەرمانێ چامنېشا کەردېنە. ئەشیێ وەڵتەر هەواڵێ گەر کەمیچ بیێ زانێشا، نەک دمای ئانەی گرڎچېو بڕیانۆ ئینجا هەواڵشان بڐان پەنە. * شیرینە، مەتیەو سانی چەنی سەعیدەی لوێ پەی مزگی، پەی ئانەی پەرسەی شەرعییە بکەران دەربارەو مارەبڕیەو سەعیدەی پەی سانی، چاگە بە ئاماڎە بییەی دۋۍ شاهېڎا، مارەشا بڕیێ. ئەشیێ جیاتی شیرینۍ، پیێوە لوێ چەنیشان پەی مزگی، پەی پەرس و ڕای، چونکوم هەم ئانە عادەتین و هەم کارو پیایەن. * حەر چاگە قېخا وەزەرا چەنی قېخاکەو دەرەتاریکی هەکە کوڕو قېخا حەمایزی بۍ و دمای مەردەی تاتەیش بیەبۍ قېخاو دەگێ. ڕۊشن نییەن چی نویسەر نامۍ قېخاو دەرەتاریکی نمارۊن، گۊشش نەڎان پەنە. پېسە مزانمۍ ڕۊمانەکۍ بەتەرزێ فلیم ئامېز نویسیێنە، یانی گەر گەرەکشان بۊن بکەراش بە فلیمێ سینەمایی، یام زنجیرێ تەلەفزیۊنی ئانە نویسەری پېسە هېڵەی پاککریای وستېنەش وەردەس، هیلاکی فرەش گەرەک نییەن، ئانەیچە تەوانا و سەلېقەی وردو نویسەری نیشانە مڎۊن، مادام پاسنەن نامۍ کارەکتەرەکا پېویسەنە. * کۊتاو ڕۊمان، یام داستانی و ڕازۍ بە قۊمیێوە، یام وەرئامێوە چەمەڕانەکریا مەی، ۋانەری مەوزۊنە دلۍ بارێ دەروونی جیاوازی. یانی کارەساتی دمایینو دلۍ ڕۊمانەکەی چەقۊنە دلۍ دڵ و مەژگو وانەری، کاریگەریێ سەرشۆ منیۊرە و ـمەبۊن بە  کۊتاو ڕۊمانەکەی، بەڵام کۊتاو ئی ڕۊمانۍ قۊمیێوە، یام وەرئامێوە چامنەی کاریگەرش چەنە نەبۍ، کە یاگۍ دلۍ دڵو وانەرینە جیابازۊن. 4 سەرچەمە: فێسبووک 🌏#کاناڵەو_ئەنجۆمەنوو_ڕۆجیاری 👇👇👇👇 https://t.me/AnjomanooRojyari

* وەختێ پەلامارەو شەریفی مڎان و فەلاقەش مەکەران، یۊشا چفنۊ گۊششەرە هەکە پا نەنیۋ یاگەپاو کوڕو ئاغەی، شەریف تاکو ئا کابرا ئا قسېسە نەچفنا گۊششەرە نەزانۍ مەسەلۍ چېشەنە، پاسە یاوابېنە کە حەر جەنگو شەکەو کابرای کەرا. پاسەبۊ ئیتر شەریف یاوانە، بەڵام دماتەر شەریف حەرچی سەرە ئارۍ و بەرۍ حاڵیش نەبۍ ئا باسە چی بەسیان بە باسو کوڕو ئاغەی و زەماۋڼېرە!! * لالۊ عۆدە، تاتەو گوڵزارۍ چەنی مەڵڵا وەیسەی لوێ پەی یانەو ئاغەی، سەرەتا بە گەرمی ئاغە لوا پېوایشاوە، چونکوم نەزەرەش چامنۍ بۍ هەکە لالۊ عۆدە ڕازیبیەن و مەڵڵایچش چەنی وېش ئاردەن، بەڵام دمای ئانەی نیشتېرە ئیتر ئاغە لواوە قالبەکەو وېش و کۆت تاریفدای یاگەکېش و بە کەم نیشاندای یاگۍ لالۊ عۆدەی، هەکە ئاڎ ڕەعیەتێن، پەی من نامان تېکەڵو ئاڎی بۊن، بەڵام ئیتر ناچارییەن! ئەشیێ ئاغە بەردەوام بیێ سەرو ئوسوڵو مېمانداریەکەیش، مادام ئاڎ پاسە یاوابېنە هەکە لالۊ عۆدە ڕازی بییەن و قۆمایەتیش چەنی لکەمڎۊن، ئەشیێ هەم پەی وېش و هەم وەرچەما مەڵڵا وەیسەیۆ تاریفېش دێ و یاگېش بەرز کەردێوە، یانی ئەشیێ ئاغە زیاتەر لۆجیکو ئەقڵیش بەکارئاردێ، نەک تەکەببورو هەواو هەوەسیش. * دمای ئانەی لالۊ ڕەشە کاوسش ئاردۆو ڕانە هەواڵو مەردەی تاتەیش (لالۊ عۆدە)یش پەنەوات، ئامێوە یانەو وېشا، کرژ پرشنگەی کناچېش کیاستەش شۊنۆ مەتی خاتوونۍ و گوڵزارۍ، پرشنگە وەختێ یاوا نزیکو وەربەرەکەی هاوارش کەرد و ماچۊ (مزانیم دەیدۍ کاوس ئامانۆ)! دماتەریچ پاگېرېرە پەی مزانییەکەی! ئا وەزع و بارە هەکە کاوس خەفەتبارەن و هەواڵو مەردەو تاتەیش چا عانەنە پەنە دریان، ئەڎاش و واڵەکېش ئینێ ئەچا بارە گولەنە، داواکەردەی مزانی درووس نییەن! * وەختێ لالۊ ڕەشە ڕازیبیەیش نیشانەدا پەی گوڵزارۍ، میرزا و شەریف شۊنەو یۊیرە ماشیێ دەسو لالۊ ڕەشەیشا ماچ کەرد، ژەنەکېچ باوشیشا کەردە یۊیرە، دماتەر شەریف زیارە پەی ئاو واردەی، بە پرشنگۍ ماچۊ زوانم دەممەنە مەگېڵۊ. چا عانانە گوڵزارە چەپۊکێ گولانېش دا شەریفی و واتش ئانە چا سەتڵېنە، تېر وەرۆو پەی ئاڎییشایچ بەرە!! ئەچا بارەنە گوڵزارە ئینا حاڵەتو شەرمی و وەشی، ماتکەردەینە، وەشتەر ئانەبۍ پرشنگە ئا چەپۊکېشە ماڵێ شەریفیرەو واتێش ئانە ئاوینە چا سەتڵېنە. * شەریف و گوڵزارە، یەکەم وەهارو دمای هامسەرگیریشا لوێ کەشەرە، گوڵزارە لەمەش پەڕەبۍ، یاوێ سەرو هانەو نەزەرگاو سەی کاکەی، وېشا فېنک کەردۆ، شەریف دەسش بەرد لوولەکېش چېرو بیبینەکەیشەنە بەرکېشتەو بەزمێ وەش لوولېش داوەنە، گوڵزارە دڵش تازەبیۆ، کۆتۆ ویرو سەردەمو هەرزەکاری و ئا وەختەیە شەریف شوانە بۍ و ئاڎییچە چەنی ئەڎێش لوېنۍ پەی گەلەبېری و دوورۆ گۊشش لوولەکۍ شەریفیۆ بۍ. دیمەنێ چن سرووشتی و زەریف و دڵبەرەن، وەشەویسی میانو ژەن و پیای، شەریفی و گوڵزارۍ چاگەنە وېش نمایېش کەرۊن، ئەچاگەنە عەشقێ پاک و بېگەرد حازرەن هەکە بە هیچ بەهێوە نمەسانیۊ، بەڵام لوولەکۍ شەریفی پەی گوڵزارۍ و ئاوازە خەمگینەکېش وەختو گەلەینە ئەشیێ جە دیمەنە وەڵینەکانە، وەڵۍ ئانەی شەریف و گوڵزارە بیاوان بە یۊترینی، بەیان کریێ، جە دیمەنە وەڵینەکانە هیچ باسێ چامنە نەکریان، ئېمە ئیسە زانامان هەکە گوڵزارە وەڵتەر گۊشش جە شمشاڵەکەو شەریفی گېرتەن، چا وەختانە کە عەشقو گوڵزارۍ پەی شەریفی قوڵۍ دۍ، ئېمەیچ زانێما هەکە شمشاڵەکەو شەریفی چن کاریگەریش هەن سەرو دڵ و دەروونو گوڵزارېوە. * چارەنویسو خەمانۍ، نەهامەتی ئا بنەیانەیە مەیاوۊ ئۆپەڕو ئەوەجەی، ملانە یاگۍ بەزەیی خەڵکی، حۆلۍ و تەقەلێ فرېشان پەی پېڎاکەردەی مەمەو (خەمان)ېن، خەزانەی گولانۍ ئەچا سەحەرو ژیوایشەنە کۆتېنە چېرو بارێ قورسی، ئاڎە کوڵێ خەمۍ ئینێ کۊڵېشۆ، خەمانە. قېخاو وەرکەمەری، مەجەی کوڕش کیاست پەی لاو مەڵڵا یاقۊی، پەی ئانەی قۆلو مەڵڵا یاقۊی دەربارەو شەرعی و ناشەرعی هەرمانەکۍ بارۊوە، مەڵڵا یاقۊ هەرمانەکېش بەکارێ شەرعی زانان، بەڵام بە چن شەرتێ، یوە چا شەرتا، مەشۊم ئا بنەیانە هەکە زاروڵەکەی هۊرگېراوەو کەراش زارۊڵەو وېشا! یانێوە ئەشناسیێباو خولق و ڕەفتارشان خراب نەبۊن. پېسە مزانمۍ دلۍ ئایینو ئیسلامینە(تبني) حەرامەن، ئیتر نمەزانمۍ ئا یانە چەنی زاروڵەکەی مەکەران هینو وېشان؟ * فرەش پەنە نەشی، ژەنێوە پېڎابیەو خېرئامای مەئموری و قېخایش کەرد، زاروڵەکەو هەیاسیش ئاردۆ، ماچۊ ئانە (ڕەسول)م ئاردۆ و شۊتم دان پەنە، چەنی (ونار)ی مېردیم ملمۍ کەشەرە پەی ئانەی کوچێ بلچی بارمۍ. بە پاو تەمەنی و تازە و کۊنی نامۍ، ئەشیێ زاروڵەکە نامېش (ونار) بیێ و مېردو ژەنەکۍ (ڕەسول). وەختێ زیاتەر دلۍ ڕۊمانەکەیرە گوزەرم کەرد، یاوانۍ یانەو هەیاسی نەۋەشی، هەیاس کوڕو خواکەرەمی کوڕو ڕەسوڵی، کوڕەکەیچش وەشیۍ بابایشۆ نامېش نیان (ڕەسوڵ)، ئیتر چاگەنە ڕەخنەکەو سەری بەتاڵ بیۆو زیاتەر ۋیر تیژی نویسەری پەیمان بەرکۆت. 3