📡UME-KPC Channel

[សារអបអរសាទរ និងលើកទឹកចិត្តដល់បេក្ខនារី UME] សាកលវិទ្យាល័យគ្រប់គ្រង និងសេដ្ឋកិច្ច (UME) សាខាខេត្តកំពង់ចាម សូមសម្តែងនូវការកោតសរសើរយ៉ាងស្មោះស្ម័គ្រ និងអបអរសាទរចំពោះ កញ្ញា ហេង ពេជ្រធីតា និស្សិតឆ្នាំទី៣ ជំនាញច្បាប់ ដែលបានតំណាងឱ្យសាកលវិទ្យាល័យ ចូលរួមប្រកួតប្រជែងយ៉ាងស្វិតស្វាញ និងដណ្តើមបានចំណាត់ថ្នាក់លេខ៦ ថ្នាក់ជាតិ នៅក្នុង «កម្មវិធីប្រកួតប្រជែងនិយាយជាសាធារណៈ» វគ្គផ្តាច់ព្រ័ត្រ នាថ្ងៃទី២៥ ខែកក្កដា ឆ្នាំ២០២៦ កន្លងទៅនេះ នៅទីស្តីការគណៈរដ្ឋមន្ត្រី។ 🌟 សមិទ្ធផលដ៏គួរឱ្យកោតសរសើរ៖ ការដើរមកដល់វគ្គផ្តាច់ព្រ័ត្រ និងទទួលបានចំណាត់ថ្នាក់លេខ៦ ក្នុងចំណោមបេក្ខជនឆ្នើមៗជាច្រើនរូបមកពីបណ្តាសាកលវិទ្យាល័យ គឺជាសក្ខីភាពមួយបង្ហាញពីសមត្ថភាព ភាពក្លាហាន និងការខិតខំប្រឹងប្រែងយ៉ាងពិតប្រាកដរបស់ប្អូនស្រី។ «ចំណាត់ថ្នាក់ គ្រាន់តែជាលេខសម្គាល់មួយពេល ប៉ុន្តែបទពិសោធន៍ ចំណេះដឹង និងភាពក្លាហាននៅលើឆាកថ្នាក់ជាតិ គឺជាទ្រព្យសម្បត្តិដែលជាប់ជាមួយប្អូនពេញមួយជីវិត»