كوميكس

مكنش ينفع افضل ساكت كان لازم اتكلم واحكي وخصوصا لما عرفت أن نهايتي قربت نهايتي اللي انت نفسك مش هتتمناها حتى لألد اعدائك. الحكاية كلها ابتدت لما روحت قدمت في شغل جديد مكتب محاسبة لاقيته عامل اعلان عالفيس وطالب محاسب حديث التخرج . ورحت اعمل المقابلة وكان في هناك حوالي خمسين واحد غيري ومع وجود العدد ده كله اقتنعت أن فرصة قبولي بقت ضعيفة جدا وقولت اخدها من قصيرها وامشي وحظ سعيد في المرة الجاية لكن قبل ما اخرج وامشي لاقيت واحدة بتنده عليا عرفت بعد كده انها سكرتيرة المدير المهم لاقيتها بتقولي أن المدير منتظرني من بدري استغربت وبصتلها اوي كده وعقلي بيسأل .. منتظرني انا من بدري ؟! .. ليه؟! .. واشمعنى انا؟! .. وبعدين هو يعرفني منين علشان ينتظرني مخصوص؟! ولحد ما دخلت عليه مكتبه كان عقلي خمن حاجات كتير .. ممكن يكون ابويا كلم حد من معارفه يتوسطلي؟ .. ولا اخويا الكبير يكون كلم حماه اللواء؟ او ممكن تكون دينا بنت خالتي تعرفه وخصوصا انها محاميه وليها معارف كتير ؟.. الفكرة اني قولتلهم 1000 مرة أن انا مش بحب الوسايط وعاوز اوصل بنفسي وبمجهودى . المهم بعد ثواني قليله كنت واقف قودام الاستاذ لوسي مدير المكتب الاسم كان غريب شوية وكمان ملامح الراجل مكنتش مصرية تقدر تقول انها أوروبية لكن بيتكلم مصري كويس جدا وصراحة كان الراجل مهذب وبشوش وبيبتسم على طول لاقيته عرفني بنفسه وبعدها قعد على مكتبه وقالي جملة غريبة قالي : تحب تبقى صاحب المكتب ده ؟ ضحكت وبصيت جمبي لاقيت السكرتيرة بتاعته واقفة مكانها بتبصلي وهي تبتسم. قولتله : اي حد يتمنى يكون عنده مكتب كبير ومشهور زي مكتبك لكن علشان اوصل لكده لازم يكون عندي سنين من التدريبات والخبرة. لاقيته ولع سيجار كوبي بطريقة أرستقراطية وراح قايلي الموضوع مش محتاج كل اللي انت بتقول عليه ده .. الموضوع محتاج ذكاء منك .. وانت ذكي بصيت له اوي كده وانا بحاول ارد عليه ، لكن لاقيته معطنيش وقت وراح واقف ومدلي أيده وقالي مبروك انت بقيت عضو معانا . ابتسمت وانا حاطط ايدي في أيده وقولتله باستغراب : عرض المزيد...

قريبا

مجلة عزة 🇸🇩🌸 مجلة سودانية للأطفال 😍 العدد السادس بتاريخ يونيو | 2025م 📚🌜

مجلة عزة 🇸🇩🌸 مجلة سودانية للأطفال 😍 العدد الخامس بتاريخ مايو | 2025م 📚🌜