VISIT KAMPOT

ខេត្តកំពត មានកិត្តិយសក្នុងការស្វាគមន៍ ក្រុមតន្ត្រី Pacific Brass នៃកងទ័ពអាកាសសហរដ្ឋអាមេរិក មកកាន់ខេត្តកំពត ក្នុងកម្មវិធីផ្លាស់ប្តូរវប្បធម៌ដ៏មានអត្ថន័យ។ ដំណើរទស្សនកិច្ចនេះ រួមមានការសម្តែងតន្ត្រីជាមួយវិទ្យាស្ថានអភិវឌ្ឍន៍វប្បធម៌ខ្មែរ ការជួបជុំជាមួយសិស្សកម្មវិធី Access នៅសាលាភាសាបរទេសជុំគ្រៀល និងការប្រគំតន្ត្រីនាពេលថ្ងៃលិចតាមដងព្រែកកំពត។ ការសម្តែងនេះ បានទាក់ទាញប្រជាពលរដ្ឋ សិស្សានុសិស្ស មន្ត្រីមូលដ្ឋាន និងភ្ញៀវជាច្រើន មករួមអបអរសាទរខួបលើកទី ២៥០ នៃទិវាបុណ្យឯករាជ្យសហរដ្ឋអាមេរិក ក្នុងបរិយាកាសមិត្តភាព និងការយោគយល់គ្នាតាមរយៈតន្ត្រី។ តន្ត្រី មិនត្រឹមតែជាសិល្បៈនោះទេ ប៉ុន្តែជាស្ពានភ្ជាប់មនុស្ស វប្បធម៌ និងសហគមន៍ឱ្យកាន់តែជិតស្និទ្ធ។