Multaqa-😍 الملتقى 💖

هو انتي معندكيش حاجه تطلبيها من ربنا غير انك تتجوزيه ويكلمك ويحبك؟ معندكيش اهداف نفسك تحققيها معندكيش اهل تدعيلهم معندكيش صحاب تدعيلهم معندكيش حلم عاوزه توصليله؟ هو كل شويه يارب يحبني يارب يتجوزني قرفتينا

عايزة اعلن كرهي لأي حد متشائم طول الوقت أيا كانت ظروفه وتيجي تقوله الدنيا هتروق وتحلى يقولك في الآخرة بقى هه مع ضحكة سمجة كده يعم حتى لو الدنيا دايسة عليك وعاملاك استيكر وحد جه يهون عليك بكلمتين متردش كده، ع الاقل قدّر انه حاول يهون عليك وهو يمكن مهموم اكتر منك

لا عليك كان قلبى فقط 😄

- ماذا لو اتاكِ ملتزمـًا بصلاتـه، لا يترك فرضـًا، قارئـًا للقران، محبـًا لكِ يدعو اللَّه بكِ في سجوده؟! = لفتحت له باب من ابواب قلبي، ورممت به جروحي، وبنيت له بين أضلعي منزلًا فعسي المقام بالمقيم يليق ♥♥♥♥♥♥♥♥♥♥♥♥♥♥🌿

وعلي رأي الفنان احمد سعد في اغنيتة الجديده "مش فاتح تاني الباب انا كل مجايبي هباب"

شايف خمستلاف بوست ناس بتعيط اصل مليش صحاب اخرج معاهم و لوحدى و بتاع .. حبايب قلبي انا و اصحابي من اخر يوم امتحانات نايمين، صحينا يوم الوقفة عيدنا ع بعض و دعينا لبعض و رجعنا لبياتنا الصيفى تانى وخلاص .. مفيش أصحاب خرجوا اصلا ! انتو مزعلين نفسكو ليه بجد

إهتمام البنت بنفسها و بلبسها و بجمالها ده جزء من شخصيتها مش كلهم بيدوروا ع عرسان .

الوجع هيعدي بلطف ربنا. والأجر سيبقىٰ بإذن اللّٰه.

تقريبا أحلى وقت في كل عيد هو قبل الوقفة بيوم وقت الفجر كدا تحديدًا تلاقي الدنيا كلها هدوء و الشبابيك مبلولة و نضيفة و البيوت ريحتها اريال بغض النظر عن البهدلة اللي بنتبهدلها في التنضيف لكن بيفضل ده احلى جزء في العيد بجد و الأحلى لما بتخلص بقى و تاخد دُش كدا و تلبس لبس جديد ونضيف و الدنيا نضيفة و أنت نضيف اللي هو أكاد من فرط الجمال والنضافة أذوب والله.

بحب جروبي انا وصحابي المقربين اوي او جروبات البنات عموماً خاصة قبل كل عيد عشان بيبقي عباره عن تحضيرات وتجهيزات لحد العيد حد ف البروفة بيصورلنا كذا طقم نختار منه وحد تاني بيفرجنا ع الشوبينج الي نزل عمله انهاردة وحد بيعمل ماسكات وبيقولنا انهي احلي ماسك نعمله ومين خلص الشقه ومين لسة وهتفطروا ايه انهاردة وف الاخر بنستني يوم الوقفه عشان نتصور لبعض ببيجامات العيد والسهرة بتبقي اشبه بالحفلات لحد الصبح سوا ، فعلاً البنات ألطف الكائنات عشان مفيش في ألطف من كدا 💗💗💗

خالتو اتصلت ب ماما إنها جايه وهيعملوا حاجات حلوة للعيد مع بعض زي كل سنه ف الحقيقه إن خالتو دي مش أخت ماما ولكنهم صُحاب بقالهم 38 سنه ومروا بكل المراحل التعليمه سوا من حضانه للتخرج واتجوزا ف نفس السنه والمنطقه وجمب بعض وقعدوا بعيد عن منطقه أهلهم وكان بيخلفوا مع بعض ف نفس السنه أنا واخواتي ف نفس الفئه العمريه مع ولادها بينا شهور وكانت بتتلم معانا عند جدو كأنها بنتوا زيهم وبقالي 20 سنه بقولها ي خالتو وبشوفها دايما واكلين شاربين قاعدين نايمين وأهل بابا وأهل جوزها وكل الدنيا تعرف إن ماما وخالتو اخوات وبيتكلموا فيديو كول دايما وامبارح كانوا عندنا وكانوا بيحكولنا عن ذكرياتهم ونضحك لما قلبنا يوجعنا ف عايزة أقولك اني بحبك اووي ي أحلى خالتو ف الدُنيا

‏- طيب مش خايف الناس تتريق عليك ؟؟ = ناس مين !! أنا هقابل ربنا لوحدي وهتحاسب لوحدي " وكُلُّهُم آتيهِ يَومَ القِيَامَةِ فرداً "💙🦋

كل عام وانتم بخير يا شباب وعيد مبارك عليكم ❤️ وربنا يجعل ايامكم كلها عيد يارب❤️🎉

اللهم ارحم أبي وأذقه حلاوة الجنة ، و ريح الجنة ، و مسك الجنة ، ولا تحرمه من نعيم الجنة يارب 💔🥺🤲🏻

- قَالَ رَسُول الله ﷺ : خَير الدُعاء دُعَاءُ يَوم عَرفَه وَخيرُ مَا قُلتُ أَنا والنَّبيُّونَ مِن قَبلي : ‏لا إلَهَ إلَّا اللَّهُ وحدَهُ لا شريكَ لَه، لَهُ المُلكُ ولَهُ الحَمدُ وَهوَ علىٰ كلِّ شَيءٍ قَدير..

النهاردة استوقفني لقاء لشاب امريكي مسلم اتكلم عن النعم الغارق فيها المسلم العربي المولود مسلما ك إدراكه للغة العربية كلغته الأمور بالتالي اسهل عليه فهم القرأن لكنه حكى قصة حسستني بشئ يبدوا بسيط لكنه كبير جدا ، الولد دة سعى بعد اسلامه انه يعلم امه الإسلام و والده كان متوفى من فترة ، لكن بعد اسلامه بأسبوعين ماتت امه ، الولد بيحكي بحرقة عن مدى احساسه باليأس لعدم قدرته على تقديم الإسلام لأمه ، و الأهم انه ذكر النقطة اللي وجعت قلبي عليه ، قال : انت المولود مسلماً تستطيع ان تدعوا لأبيك و امك و تتصدق عنهم بل و تؤدي لهم الحج و العمرة ، امّا انا ف أبي و امي ماتوا على الكُ فر ولا يمكنني حتى ان ادعي لهم .. على بساطة الطرح حسيت بحُرقِته و دموعه في حاجة الواحد عمره ما حس بقيمتها ، ربنا يغفر لأبائِنا و امهاتنا و يعفوا عنهم ، اللهم انك عفوّ تحب العفو فاعفوا عني و عن ابي و امي يارب العالمين ….

كان رسول الله ﷺ لا يَعيبُ الطّعام، ويستحب مدحه. -عن أَبي هُريرة - رضي الله عنه - قال: "مَا عَابَ رسولُ الله ﷺ طَعَامًا قَطُّ، إن اشْتَهَاهُ أكَلَهُ، وَإنْ كَرِهَهُ تَرَكَهُ. -متفقٌ عَلَيْهِ. قال الشيخ: لأن في تعييب الطعام كسر لقلب صاحبه، وفي مدحه الثناء على نعم الله سبحانه وتعالى وجبر لقلب صاحبه. وروى أنس بن مالكٍ رضي الله عنه: أنَّ رسول الله ﷺ طعِم عند سعدِ بنِ عُبادةَ ، فلمَّا فرغ من طعامه قال : "أكلَ طعامُكم الأبرارُ ، وصلَّتْ عليكم الملائكةُ ، وأفطر عندكم الصَّائمونَ." صحيح الجامع: 1226.

واحد بيقول ل شيخ : تخيل يا شيخ أنا عملت إيه؟ أنا عملت أي ذنب ممكن تتخيّله .. رد الشيخ بجملة غريبة جدًا " يا أخي ده انت يابختك " الشاب استغرب فرد وقاله " إزاي؟ " بقولك عملت ذنوب كتير ، يا بختي إزاي ؟ رد الشيخ وقاله " انت لو توبت دلوقتي أكيد عارف إن ربنا تواب رحيم و بيغفر السيئات صح ، ده غير إن في كنز كمان وهو قول الله تعالي : ﴿إِلّا مَن تابَ وَآمَنَ وَعَمِلَ عَمَلًا صالِحًا فَأُولئِكَ يُبَدِّلُ اللَّهُ سَيِّئَاتِهِم حَسَناتٍ وَكانَ اللَّهُ غَفورًا رَحيمًا﴾ يعني لو توبت دلوقتي مش بس هيتغفر لك سيئاتك دى كلها دى هتتبدل حسنات كمان ، يعنى كل الذنوب اللى عملتها دي لو كانت كتيرة فهي في صالحك ، لأنك بمجرد ما هتوب ميزان حسناتك هيعلى جدًا وانت لسه معملتش حاجه غير إنك توبت وبس تبقى لسه تائب من ذنوب لا عدد لها وميزان سيئاتك كان مليان وميزان حسناتك فاضي ، وبمجرد ما ترجع وتتوب يحصل العكس ، ميزان سيئاتك يبقى فاضي وميزان حسناتك بقى مليان توب انت بس توبة نصوحة واعمل الطاعات وارجع لربنا ، ويابختك ياسيدي بكرم ربنا 💚🦋

يارب منقابلش غير اللي شبهنا, في طيبتنا وحنيتنا وطريقة تفكيرنا وفي كُل حاجه, انا موافق جدا والله إن ربنا يديني علي قد نيتي .. ♥️

شهوتان إجراميتان عند غالب الناس إلا من رحم ربك: ١.خوضهم فيما لا يعنيهم. ٢. فرحهم بالفضائح وهتك الأستار. والمعافىٰ من عافاه الله. أما الشماتة فخلق من لا خلاق له في دين ولا مروءة.