Multaqa-😍 الملتقى 💖

يُرِيدُ ٱللَّهُ أَن يُخَفِّفَ عَنكُمۡۚ وَخُلِقَ ٱلۡإِنسَٰنُ ضَعِيفٗا

" وتبقى مُشكلتي الأبدية مع الحياة؛ أني شديد الحساسية، ومَن عاشرني يعرف ذلك جيدًا، أحاول طول الوقت إظهار عكس ما أشعُر به، لكن وللأسف الشديد، ملامح وجهي تفضحني، أهتم بأدق التفاصيل، وتؤلمني أقل الكلمات، حتى النظرات أفهمها، وأكترث لصاحبها ماذا يقصد منها.. فإن وجدتني أتنهد بحُرقة، أو أصمت لمُدة، أو اعتزلت لفترة، أو تغير حالي مِن حالٍ إلى حال، فاعلم أنَّ هُناك أمرًا تافهًا في أعين الناس، لكنه أتعبني..!"

لستُ أعبدك وحدي، لكني اعبدُك وحدك لستُ أحب عبادك إليك، لكنك الأحب إلي. يارب كن أنت الصاحب يارب أعِنّي عَليَّ.🍃

" المُشكلة إنّي عارف إن الدُنيا مش مستاهلة، وعارف إن الأيام بتنسي، وفاهم إن الحُزن بياخد وقته ويروح، ومؤمن إن كُل دا نصيب، ومُدرك إن هييجي وقت وربنا هيعوضني .. لكن رغم إدراكي وفهمي لكل الكلام دا إلا إنّي برضو مش عارف أتجاوز الحاجات اللي مضايقاني ولا قادر أنساها، وحاسس إن مُحاصر وكُل همومي كاتمة على أنفاسي .."

أعمال البناء فى المسجد

من أجمل الهدايا للشخص بتحبه صداقة جارية طول عمره يتكتب ليها بيها حسنات إلى قيام الساعة لو حد عاوز يبعت باسم حد وندخل نفرحه ان فى حد بيحبه اتبرع ليه يتواصل معنا ♥️ دا رقم الواتساب للتواصل +201140410933

رقم الكاش 01090235466

. لم نرى في الحمد إلا زيادة في العطاء ، فالحمد لله بقدر كل شيء

كريسماس اي ي جماعة اللي بتتكلمو عنه واخواتنا ف غزة لحد دلوقتي بيموتو من الجوع والعطش ، بيموتو من الصهاينة الكفرة اللي احنا بنقدس رأس السنة بتاعتهم ، حرام عليكم والله ستُحاسبون ، 🇵🇸💔✌️🏻

هيجي علينا أيام زي دي منبقاش مزنوقين في ٱمتحانات ومذاكرة وضغط وتعب لا ينتهي.. هنبقى قاعدين في بيوتنا زي الآن بنعمل كيك ومشروب لذيذ نستأنس به. يا ربّ أن تنتهي ٱلرحلة علي خير، وبِخير بلا فقد أو وجع، وبما ترضاه منّا..

" في فيلم X لارج احمد حلمي كان عايز يتجوز دنيا سمير غانم وهو عمل معاها كل حاجه حلوه وفي الاخر سابته علشان كان عنده عيب انه تخين مع انه هو ماسبهاش لما كانت عندها عيوب كتيير من ضمنها انها عصبيه واستغلاليه وبتاعه طلبات كتيير وفعلا سابته علشان العيب ده وكان ف اصعب ظروف وكان فعلا محتاجلها جدا. بس لما بعد عنها عرف ينزل من وزنه ويصلح العيب ده وقدر يثبت انه بيها او من غيرها قدر ينجح وينزل من وزنه! ولو تبص بقا ف اخر الفيلم هتلاقيه بيقولها.. مش فاكرك عرفيني بنفسك ،انتي مين؟ ومتجوزهاش برضوا في الاخر علشان موقفتش جمبه وسابته ومستحملتهووش رغم انه استحملها وحبها. الفكره من كل دا اللي ماواقفش جمبك فتره احتياجك ده سواء صاحبك او حبيبك فدا محبكش ولا يستاهلك. الحاجة اما بتيجي متآخره يبقي ملهاش لازمه اعرف قيمه اللي ف ايدك قبل مايضيع منك♥️.."

يسطا ديه عاشر مرة نعيد نفس الحتة في فيديو الشرح عشان سرحت فيها وطي صوت أفكارك عايزين نقرأ الكلمتين اللي ورانا

_حد بيشتكي ان عيالي لما بيشوفوا حد فالشارع بيشرب بيبسي بيشاورا عليه ويقولوا اليهودي اهو .. _ قولتلهم عرفت اربي 😅

ما يا صاحبي هي بالعقل، دلوقتي انا عندي مادة كتابها ٤٠٠ صفحة، قول هقرأ في النص ساعة ١٠٠ صفحة يعني كدا أنا هخلصها في ساعتين.. قول ياعم عايز كمان ساعة ونص احل عليها، وكمان نص ساعة أخد لفة كدا على ال bdf يعني كدا المادة يا غالي محتاجة أربع ساعات مرتاح، يعني لو قعدت عليها من العصر لحد العشا هخلص امها.. لسه معانا وقت متقلقش

السنة اللي فاتت زي النهاردة.. كان فيه حد رشحلي بنوتة للجواز شغالة في بنك قريب مننا ، وفشلت كل محاولاتي إني اعرف عنها أي حاجة أو يعني أبعت حد من عندنا ليهم ، وكنت خلاص صرفت نظر عن الموضوع .. لحد ما أمي قالت لعماد أخويا يتصرف .. عماد قالي خبطة بالمرزبة ولا عشرة بالشاكوش ، انت تروح لها البنك وتقولها عايز أعزمك على حاجة بعد الشغل لأني عايزك في موضوع مهم .. قلتله يا عماد بلاش نروح للناس في مكان أكل عيشهم ، بصلي وقالي اللي يخاف يولع الكبريت يعيش طول عمره في الضلمة يابوحميد ، قلتله والله ياعمدة كلام منطقي حتى الأستاذ أبو قاسم الشابي قالها زمان ومن يتهيب صعود الجبالِ يعش أبد الدهر بين الحفرِ وعليها قمت رايح البنك وأنا أصلا ما عنديش حساب هناك وفضلت مستني دوري وتعمدت إني أدخل عليها بالرغم إني دوري على أصلا وكان عند حد تاني.. وقلتلها نفس الكلام اللي قاله عماد ، وقالتلي ما ينفعش يا فندم أكلم العملا في حاجة غير الشغل ، وروحت قفايا يقمر عيش ، وقلت لعماد نصايحك هتوديني في داهية .. قالي هي قالت ما ينفعش تتكلم في غير الشغل يعني ما رفضتش ، فنصحني تاني اني إروح بعد الشغل استناها واقولها عايز أعزمك ومش هاخد من وقتك كتير وقالي قولها أنا قتيلك ، قولها الكلمة دي وقولها لو ما وافقتيش هستني كل يوم قدام البنك ، فقولتله ما أقولها بيت بن الفارض بتاع انت القتيل لكل من أحببته .. فإختر لنفسك في الهوى من تصطفي قالي إوعى ، اوعى تجيب سيرة لا فارض ولا عارض ، قولها بس أنا قتيلك قدام البنك.. وسبحانه ، بالمللي روحت استنيت شويا ولقتها مروحة فعلا ، كلمتها دقيقة وقلتلها انا قتيلك قدام البنك لو ماكنش النهاردة هاجي بكرة زي ما عماد قالي بالضبط ، فسبحانك يا رب توافق ونروح كافية تقولي اتفضل قول اللي عندك .. ولأني عبقري في فتح المواضيع ويا رب ما تشوف البوست وتعرف اني كتبت عنها الكلام ده ، قلتلها يا شيرين أنا واحد طول عمره بيجري بسرعة speed وبجري مافيش فايدة من الجري بتاعي لأني بجري في كل حتة ومافيش وجهة معينة ، يمكن آه أكون بجري بسرعة لكن من غير هدف أنا عايز أخلي سرعتي velocity سرعة موجهة مع الإنسان الصح مش عايز أعيش وأموت وانا سرعتي speed أنا جاي النهاردة عشان عايز سرعتي تبقى velocity واستنيت إنها تضحك بس تقريبا كانت غايبة حصة الفيزيا قلت أهزر عشان البنت كانت عايزة تقوم ، قلتلها نكتة بقولها جحا قال لابنه في مرة روح هاتلي حبل طوله عشرين متر ، فإبنه قاله وعرضه كام ، فجحا قاله بعرض مصيبتي فيك.. بردوا ما ضحكتش قلقت أوي بصراحة لأني المفروض الكلام ده بيضحك يعني .. فقلت ادخل بالتقيل ، وقلتلها يا شيرين أنا عايش لحد اللحظة دي وكنت بدور على المتعة لكن لما شفتك حسيت ان كان ناقصني لذة عمري ما حسيتها وقلتلها الأكل متعة لكن طعم الأكل والحلو لذة ، والسفر متعة لكن الفسح والخروج في السفر والصحبة الحلوة لذة ، والجواز متعة لكن إختيارك الشخص الحلو لذة… وبعدها سكت أنا ، فقالتلي قصدك إني لذيذة يعني ، قلتلها الله ينور عليكي هو ده اللي قصدي عليه مع إني ماكنتش قصدي كدا بس يا مسهل قالتلي طيب إيه الموضوع المهم اللي عايزني عشانه ، تنحت شويا وقلتلها عايز رقمك يا شيرين.. وأخذت الرقم وحسيت لأول مرة إن فيه واحدة أعجبت بطريقتي وأنا اللي مختارها ولما روحنا كلمتني على الواتساب قالتلي بعيدا عن الهري اللي بتقوله ودرس الفيزيا والعربي اللي قعدت تقولهم في الكافيه دول.. انا عجبني فيك أوي شخصيتك القوية والمقاتلة إنك ما تراجعتش لما قلتلك لا في الشغل واستنيت قدام البنك ، أنا حبيت فيك الحتة دي بعيدا عن انك مش عارف تفتح مواضيع يعني.. قلتلها طبعا أومال ، أنا فعلا شخصيتي مقاتلة ، وقلتلها يفوز بالذات كل مغامرِ …ويموت بالحسرات كل جبانِ فقالتلي ممكن بلاش الكلام ده وخليك الشخص اللي كان قدام البنك لما قلتلي أنا قتيلك النهاردة.. فقاعد افكر في كلامها وأمي بتقولي عملت إيه مع البت شيرين بتاعه البنك ، قلتلها تمام أنا رحت قابلتها وعملت كل اللي قلتوا عليه ، قالتلي وبعدين قلتلها ولا قبلين ، شكلها بتحب عماد أخويا قالتلي وهي عرفت عماد منين ، قلتلها ماهي المصيبة إنها تعرفوش يا ماما

ﺇﺫﺍ ﻭﻓﻘﻚ ﺍﻟﻠﻪ ﺃﻥ ﺗﺼﻠﻲ ﺍﻟﻔﺠﺮ ﻓﻲ ﻭﻗﺘﻪ ﻓﺄﺑﺸﺮ ﻭﺍﻟﻠﻪ! ﻓﺈﻥَّ ﺍﻟﺬﻱ ﺭﺯﻗﻚ ﺻﻼﺓً ﻫﻲ ﺧﻴﺮٌ ﻣﻦ ﺍﻟﺪﻧﻴﺎ ﻭﻣﺎ ﻓﻴﻬﺎ ﻟﻘﺎﺩﺭٌ ﻋﻠﻰ ﺃﻥ ﻳﺮﺯﻗﻚ ﺍﻟﺪﻧﻴﺎ ﻭﻣﺎ ﻓﻴﻬﺎ. - اللهم حبك و رضاك"..

يا صديقي .. وأعظمُ ما تقدمهُ للناسِ هو (الونس).. الرفقةُ بهم والمرافقةُ معهم في جميعِ ما يحدثُ من أمورِ لا يحتاجُ فيها المرء غيرَ (الونس) غيرَ صوتٍ محببٍّ له يخبرهُ أنّهُ قادرٌّ.. على يدٍ تصافحُ وهي تحملُ كلّ الودِّ.. عن كلمةٍ طيبةٍ لها من الأثرِ ما يبقى للأبد ..

الواد من دول يبقى مسلم و تقوله "شرعاً لا يجوز انك تحتفل برأس سنة ولا ايا كان اسمها" تلاقيه بيقولك " انت كدة بتضطهد المسيحيين" . هو أنا يابني بقول للمسيحي ميحتفلش ؟! أنا بقولك سيب المسيحي بالطريقة اللي تعجبه يحتفل و يزقطط براحته ، انت اللي كمسلم لا يجوز لك الاحتفال . اتمنى نوصل لليوم اننا نفهم ان فعل ناس كتيرة للشئ لا يعني آنّه فجأة بقى حلال ، و نفسي الواحد لما يعمل حرام يسيب لنفسه خط رجعة عن طريق يقينه ان اللي بيعمله دة "حرام" ، اعمل اللي عاوز تعمله انت حر ، لكن متتوقعش من الناس تسكت لك و انت بتحلل حرام او عاوز تحرّم حلال بالله عليك . و في الاخير يا شباب هقولهالكم زي كل مرة ، الدين هيفضل ثابت و قواعده واضحة ، لا هيتغير عشاني ولا عشانك ولا عشان المشهور اللي بتحبه ولا المشهور اللي بتكرهه

الست الدكتورة مراتي تخليني قاعد باكل وتيجي وتقولي: قولي تاخدي حتة؟ فأقولها: تاخدي حتة؟ تقولي ماشي وناكلها سوا، ولو حد من ولادنا خبطها وهو معدي تقوله: قولي معلش! فيقولها: معلش، فتتبسط والدنيا تمشي، ولما أكون خارج تقولي: قولي تيجي معايا؟ فأقولها: تيجي معايا؟ فتقولي ماشي، وننزل. مش عارف بصراحة مين اللي قال إن الاهتمام مبيتطلبش، دا طلع بيتاخد عافية وذوق - المهندس اشرف بدر