Multaqa-😍 الملتقى 💖

‏"إننا نقوى بلصلاة ونتعافى بلصلاة، ونطمئن بلصلاة.. نحن لا قوة لنا إلا بلصلاة."

"وإن الغاية من الزواج هو اقتسام الرغيف معًا والالتفاف حول صينية واحدة أعطيك اليوم الجزء الأكبر منها لأنك جائع وتعطيني بالغد الجزء الأكبر لأنني متعبة.. وننام و ظهرينا للباب غير خائفين من الغد.. لأننا نعلم أننا معا سنتخطى كل شيء.. وليس أن أخاف من تقلبك وتغيرك ومن الغد والمستقبل ولا أن يغلق كل منا نفسه حول نفسه.. ولا أن ينغلق عن العالم فيهرب بعيدًا و يترك صاحبه تائها فزعا في غيابات الجب.. إن الغاية من الزواج اقتسام الهموم وتهوين الرحلة إذ أن الرحلة شاقة والساق سقيمة ولا أحد يعلم كم من العقبات ينبغي علينا تخطيها.. إن الغاية من الزواج الرفقة والسكن.".

"في النهاية كل شيء يصبح على ما يرام، مهما غابت عنك تلك الفكرة، لا تنساها، كل شيء سوف يمضي وكل شيء سوف يصبح على ما يرام، وستعلم جيدًا أنها ليست المرة الأولى لك في الحزن ولن تكون الأخيرة، ولكن في كل مرة ظننت أنك لن تستطيع الإستمرار، استمريت، وفي كل مرة شعُرت بالغرق نجوت."

السلام عليكم ورحمة اللّٰه وبركاته.. محتاجة ألفت نظر البنات لحاجه مُهمه جدًا إن أكبر فئه من الشباب حالياً ناضجه بالشكل الكافي إللي يخليها لا تبص لاستايلك ولا لشعرك ولا لعودك سواء كان فرنساوي أو كيرڤي ، هما محتاجين بنت مُحترمه شكلاً وموضوعاً تقدر تفتح بيت وتُربي جيل مُحترم مش عايزين يتجوزو واحده يفرجوها لأصحابهم فأظفر بذات الدين 💛 خير متاع الدنيا الزوجة الصالحة 💛 والسلام..

دكتور دخل المحاضرة وسأل طلابه سؤال .. لو معاك 86,400 دولار وحد سرق منك 10 دولار وجري، هتجري وراه وتحاول تمسكه وانت في ايدك 86,390 دولار ولا هتسيبه وتكمل طريقك ؟ كل الطلبة الموجودين قالوا طبعا هنسيبه ونحتفظ بال 86,390 دولار قال: "عمليا كلكم بتعملوا عكس كده تماما، جميعكم بيفقد المبلغ الكبير مقابل ال10 دولار دول، لو دورت هتلاقي أن عدد ثواني اليوم 86400 ثانية، ومقابل كلمة قالها شخص او موقف زعلك في 10 ثواني هتفضل تفكر في الموقف طول اليوم وتضيع عليك 86400 ثانية" متخليش موقف أو كلمة عدت عليك خلال يومك تستنزف طاقتك وتفكيرك وتحبط عزيمتك طول اليوم، ببساطة تخطى كل ده لأن الوقت هو أغلى عملة والثانية اللي بتعدي مبترجعش وخليك فاكر أن التجاهل فن من فنون الحياة ..💙"

جروب الملتقى للفيس بوك البديل عن اللى اتقفل

أذكار المساء يا شباب حصن المسلم

ننزل فديوهات ..؟! لايك لو لا 👍 لاف لو اها ♥️

أبو نواس شاعر عباسي، كان مشهوراً بشرب الخمر حتى لقب بـ "شاعر الخمر" كان يقول في أحد أشعاره: دع المساجد للــعباد تسكنها .. وطف بنا حول خمار ليسقينا ما قال ربك ويل للذين سكروا .. ولكن قال ويل للمـصلينا فأراد الخليفة هارون الرشيد ضرب عنقه لأشعاره الماجنة. فقيل له : يا أمير المؤمنين .. الشعراء يقولون ما لا يفعلون فعفا عنه. و لما مات لم يريد الإمام الشافعي رحمه الله أن يصلي عليه! ولكن عندما قاموا بتغسيله وجدوا بملابسه هذه الأبيات : يا ربّ إن عظمـت ذنوبـي كثـرة .. فلقـد علمـت بـأنّ عفـوك أعظـم إن كـان لا يدعـوك إلاّ محـسـن .. فمن الذي يرجو ويدعو المجرم أدعوك ربّي كما أمرت تضرّعـاً .. فـإذا رددت يـدي فمـن ذا يـرحـم مالـي إلـيـك وسيـلـة إلاّ الـرجـا .. وجميـل عفـوك ثـمّ إنّــي مسـلـم فلما قرأها الإمام الشافعي بكى بكاء شديداً وقام بالصلاة عليه وجميع من حضر من المسلمين !

أكتَر شُعور صَعب مُمكِن تحسهُ هو إنك تِكُون صعبَان عَلِيك نَفسَك، وفِي نَفس الوَقت مِش عَارِف تِراضيهَا، دا بيِحصل لإنك بِتكُون مُتغافل عَن أيَّ حَاجَة بتزعَّلك خاصةً إذَا كُنَت بتحِبهَا، فِي النِهاية بَعد مَا بتُستنزَف حَرفيًا وتِبدأ تبُص لِنفسك شِوية بتدرِك كَم الأذى النَفسي اللي سببتُه لنَفسَك والتَراكُمات اللي كُل يُوم بِتراكِم عَليهُم موقِف جِديد حَتى وَلو صُغير وكُنت بتعديهَا عشان الدُنيا تِمشي وبتِيجي عَلى نَفسَك لأجل شِوية سعادة مُؤقتين، بِتدرك قد إيه أنت كُنت غَبي عَشان نَفسك كَانت أولى بأيّ حَاجة كَانت ليهَا أولويِة الإختيار أو مِن الأخِر نَفسك عزِيزة ومينفعش تتحط أبدًا فِي أي مقارنات.

#في_فقه_العلاقات الاعتذار عن الخطأ في العلاقات وإن كان مهماً، فهو لا يعني شيئاً إن لم يصلح المخطئ الخطأ ويتحمل مسؤوليته. على المخطئ أن يقاتل لكي لا يعود الخطأ؛ لانه إن تكرر سيبدأ حبل الثقة بالتقطع. . على المخطئ أن يتحمل الامر بشجاعة ولا يضع الاعذار للهروب من تحمل المسؤولية. وقتها فقط يكون للاعتذار معنى ويمكن الاعتماد عليه.

فشكلت خطوبتي ليه مع أمل السنة اللي فاتت ؟ وأنا عندهم في البيت والمفروض نازلين نجيب الشبكة.. رحت العصر عندهم واتغديت وهننزل المغرب أنا وأمها وخالتها.. لحد هنا كانت الأمور تمام.. وإحنا على الغدا شكرت في أكل حماتي العقربة وقلت ده "من وسلوى" من اللي كان بياكله قوم موسى عليه السلام.. والكلام جاب جاب أنا وأبوها إتكلمنا في موضوع الفراعنة وموسى عليه السلام وهل كان الفرعون ده فعلا رمسيس التاني او تحتمس الثاني؟ والحوار بينا شد أوي.. خصوصا إني ذكرت ليه إن بعض الباحثين زي نديم السيار كتب كتاب إسمه القدماء المصريين أول الموحدين.. بيستهشد فيه إن كل أنبياء بني إسرائيل من أول إبراهيم عليه السلام لموسى عليه السلام جم في عهد الهكسوس في الأسر 15-16-17.. وإن المصريين القدماء كانوا موحدين والأسر السابقة لعصر الهكسوس كانوا موحدين واللي بعد الهكسوس كانوا موحدين.. المهم هتقولي فين المشكلة بردوا..؟ المشكلة إن أبوها طلع قارئ الكتاب وقالي إن الكتاب إعتمد إن إبراهيم عليه السلام وصل مع أول فرعون هكسوسي.. وموسى عليه السلام وصل مع خامس فرعون هكسوسي.. وبين النبيين إبراهيم وموسى زمن أكبر بكتير ما بين أول فرعون هكسوسي وخامس فرعون هكسوسي.. المهم حوارات كتيرة من كدا عملتلي لخبطة في أفكاري فقلتله لا يا عمو قولي بقى القصة من أولها.. وقلت لمامتها وخالتها نروح نجيب الدهب بكره.. ليه وإزاي.. وهكسوس إيه وكلام فارغ إيه.. وقامت مامتها تلفظت بألفاظ لا يجوز إنها تقولها ليا ولأبوها.. قلتله هترد يا حاج ولا أرد أنا .. قالي وإيه يفيد الكلام في قرد ما يفهمش غير لغة الموز يابني.. بس يا مؤمن شديت شويا مع البت وأمها لقتها بتكلمني بطريقة مش كويسة وبتقولي بطلوا كلام فارغ هكسوس إيه وفرعون إيه.. ورانا شبكة نجيبها.. وكانت هذه القشة التي قصمت ظهر البعير.. خصوصا إن فيه تراكمات صغيرة تراكمت عملت جبال.. اتصلت على أبوها بلليل إعتذرت ليه وقلتله يا عمو والله انت الإنسان الوحيد العاقل في العيلة دي وأنا مش هقدر أكمل.. والراجل كتير خيره قالي في سوق المجانين أرخص حاجة يابني هو العقل.. لسه إمبارح بحكي لعماد وبقوله أنا خلاص خدت قراري وقدر الله وما شاء فعل يعني.. قالي مش فاهمك يعني إنت فشكلت ليه،، أقول للناس إيه.. قولتله يا عماد ده مش مهتمه لا هي ولا أمها لعقيدة قدماء المصريين وإنهم كانوا موحدين.. وإن الكفار الحقيقين كانوا هكسوس.. بصلي بقرف كدا وقالي.. يعني عشان تثبت إنهم كانوا مؤمنين تكفرنا إحنا معاك..

أنا اللي هستناكي تنامي وهوطي التكيف عشان ماتبرديش ، وانا اللي هاخد الكوتشي الابيض بتاعك اغسله مع بتاعي بالمره ، وانا اللي مش هنتقد كونك نسيتي تحُطي الملح ف الرز وهقولك تصدقي طعمه احلى كده .. وانا اللي هطلع افُكلك الستاير كل عيد ، وانا اللي هشتري قميص نفس لون فستانك عشان نعمل ماتشنج واحنا رايحين فرح "حبيبه" صاحبتك ، وانا اللي هاخد راسك على رجلي كل ليل واسمع حكاياتك ومغامراتك ايام شلة ثانوي .. وانا اللي هسيبلك مصروفك كل يوم تحت المفرش ، وانا اللي هستشورلك شعرك على نور الاباجورة الاصفر السهاري فـ ليالي الشتا الجميله ، وانا اللي هسحب كرسي واقعد استناكي تقيسي كل البلوزات اللي ف المحل ونختار سوا اكتر بلوزة حلتيها.. انا مش ساحر انا مسحور بيكي ومش هعرف اطلع غير قد عشمك فيا وقد احلامك وقد ما بتتمني ، فـ لو خايفه فـ معنديش ضمانات بس عندي دراعات ممكن تدخلي بينهم لما تخافي هيطمنوكي ، فـ ايه رايك؟ -أحمد الشامي

س/ خايف أتفاجيء يوم القيامة بذنوب كتير عملتها و نسيتها ، أكفر عن الذنوب دى ازاى؟ ج/ قول " اللهم اغفر لى ذنبى كله دقه وجله وأوله وأخره وسره وعلانيته ما علمت منه و ما لم أعلم 💙."

لما مروان إتطعم الشهرين سخن جدًا ورجلة إلتهبت و ورمت مكان الحقنة ومكانش مبطل عياط طول ما إحنا راجعين من المستشفى، فـ إتصل كريم بيهم في الشغل وأخد أجازة يومين. - لما رجعنا البيت قام جهز لينا الغدا وجابه لحد السرير وقعد يأكلني لأني كنت شايلة مروان ولو حركته هيعيط. - وقت الصلاة كان ببشيله مني ويفضل يلف بيه في الشقة ويقرأله قرآن على ما أصلي وأرجع، مع إنه ما بيعرفش يتعامل مع الأطفال نهائي وخاصةً إن مروان كان تعبان بس كان بيعمل كدا بإحترافية. - لما جه وقت الورد بتاعنا، مسك المصحف وجاب كرسي وقعد قصادي يقرأ الورد بصوت عالي وأنا بردد وراه. يوم الوقفة اللي فاتت كُنت تعبت جدًا في تنضيف البيت والفرش وتجهيز الأكل ومن التعب نمت زي القتيلة، قلقت بليل ما لقيتش لا كريم ولا مروان في الأوضة.. خرجت أدور عليهم لقيت كريم أخد مروان ونايمين في أوضة الأطفال؛ فصحيته.. - نايمين هنا ليه ؟ - مروان صحي بليل وكان عامل دوشة وهيصحيكِ، فأخدته جهزتله الببرونة وجينا هنا قعدت ألعب معاه شوية لحد ما نام الحمد لله. كريم وصلني معاه لمرحلة إن عُمره ما حسسني إني سيبت بيت أهلي، عمر ما حد من أهلي أو أهله حس مرة إننا متخانقين، حياتنا كانت حياتنا إحنا وبس، بأخلاقة وأصله الطيب قدر يثبت ليا إنه كان وهيفضل أصح إختيار عُمري ما هندم عليه أبدًا. " التقدير والإحترام عامة هو السبب في نجاح أي علاقة مش الحُب خالص، تقدير لتعبك ولمجهودك، وإحترام لحقوقك ومساحتك الشخصية ". مها عبدالكريم.

" دي متدلعة وشكلها ما بتعرفش تعمل شاي " لما كريم جاري إتقدم ليا كانت مامته رفضاني عشان وقتي كله كان لدراستي وشغلي وماليش في شغل البيت والكلام دا، بس هو وقف قدام الكُل عشان يتزوجني. يوم خطوبتنا سمعت خالته بتقول لمامته " ما لقيتيش غير أسماء ! دي متدلعة و شكلها ما بتعرفش تعمل شاي ومش هتريح كريم " كلامها زعلني بس كان دافع ليا عشان أتعلم كل حاجه خاصة بالبيت، وبالفعل بدأت أتعلم وكل ما كنت بيأس كنت بفتكر كلامها. بعد ما إتجوزنا، يوم السبوع تحديدًا عاندت معاه و إتخانقنا خناقة كبيرة جدًا وكنت أنا اللي غلطانة. لما أهلي جم ومامته كمان كانت موجوده، جه أخدني من إيدي وخرجنا قعدنا معاهم؛ فماما في وسط الكلام سألته بهزار " إوعا تكون البت دي مزعلاك " فأنا إرتبكت وكنت هعيط لأني مضايقة من نفسي وخايفة بتثبت لمامته إن كلام خالته كان صح.. بصلي بإبتسامة وبعدين قال لماما : - طاب ياريت الدنيا كلها زي أسماء، دي بتفكر طول الوقت إزاي تراضيني الله يراضي قلبها ويباركلي فيا. وبعدين بصلي وهو بيهز راسه بمعنى " إطمني، حياتنا ما حدش هيعرف عنها حاجة غيرنا ". لما خلصت الأجازة وبدأت أنزل شُغلي، من التعب في البيت وفي الشغل نومي تقل غصب عني وكريم كمان كان بيرجع من الشغل تعبان؛ ففيه أيام كان بيروح علينا الفجر، لحد ما في يوم لقيت كريم بينادي عليا : - بما إننا أوقات كتير بيضيع علينا الفجر، فتعالي نتفق إتفاق. - ايه الإتفاق ؟ - اللي هيصحى فينا الأول ويصحي التاني هيقعد كدا زي الباشا، والتاني هو اللي هيجهز الفطار ومش بس كدا ! دا هيغسل المواعين كمان عشان عارف إنها عقدتك. ضحكت - إتفقنا. وكنا بنظبط المُنبه كل يوم إحنا الإتنين وبنتسابق مين فينا هيصحى الأول ويصحي التاني، ومن يومها لحد الآن ما فيش مرة راح علينا فيها الفجر. جات عليا فترة ماكنتش بطيق فيها ريحة الأكل ولا طايقة البيت وعندي مغص بإستمرار؛ فكريم أخدني عند الدكتورة أكشف، والدكتور طلبت مني أعمل تحليل والمفروض كان هيطلع كمان 3 ساعات؛ فأخدني كريم وصلني البيت لأني كنت تعبانة وبعدين رجع يكمل شغله وقالي هعدي على المعمل أجيبه وأنا راجع. من قلقي من التحاليل ما قدرتش أستنى لما يرجع البيت فكلمته، لكن طمني وقالي إن الحمد لله ما فيش حاجة وإن دا برد في معدتي عادي، وطلب مني أنام لأنه هيتأخر شوية وأنا مانمتش طول الليل من التعب. صحيت من النوم لقيتُه حاطط ليا جنب التسريحة شوز لطفل رضيع، وكاتب على المراية : " Hi Mamy, I’ m coming after 7 months to see you. Your baby ". ما كنتش مستوعبة اللي قرأته، خرجت لقيته قاعد على السجادة ومدمع من الفرحة وبيحمد ربنا، أنا كمان قعدت أعيط من فرحتي، بس مش فرحة إني حامل بس! كمان من فرحتي بيه. في فترة الحمل ما كنتش طايقة نفسي حرفيًا، كنت بقوم أعيط من غير سبب ونفسيتي زفت وبتخانق مع أي حد يقولي إزيك حتى و بـ 360 مود في اليوم. في يوم سألني هو التيشرت الإسود بتاعي مش نضيف؟.. إتخانقت معاه واللي هو إنت تقصد ايه يعني ؟ تقصد إني مهملة ؟ تقصد إني مش بغسل هدومك؟.. وأخدت نفسي ودخلت الأوضة وقعدت أعيط، جه ورايا وباس راسي وقالي: - أنا كنت بسألك سؤال عملتيها خناقة كبيرة ليه ؟.. بس عاذرك إنت وهرموناتك اللي هتخلص علينا دي، أنا هسكت على عصبيتك دي لبعد ما تولدي، لكن بعد كدا مش ضامن هعمل ايه.. أعتقد هسكت برده ! وضحك وصالحني مع إنه ما غلطش أصلًا. من صغري بحب إسم " مُعاذ " جدًا، حتى كريم لما عرف إني حامل في ولد ما كانش بيناديني غير بأم مُعاذ عشان عارف إني متعلقة بالإسم. مروان أخو كريم توفى قبل ما نتجوز بسنتين، كريم إتدمر نفسيًا بعد موت مروان لأنه كان متعلق بيه جدًا وبيعتبره إبنه مش أخوه. لما ولدت وإحنا في المُستشفى والدة كريم أول ما شافت البيبي كانت فرحانة بيه جدًا.. - مبارك يا أبو مروان يتربى في عزك. كريم بصلها - أسماء لسه ما إختارتش الإسم يا أمي. - إنت كنت بتتمني تجيب ولد عشان تسمية مروان. - أسماء اللي حملت وتعبت فيه، وما حدش ليه الحق يختار الإسم غيرها. حسيت بفرحة كبيرة جدًا من كلامة وتقديره ليا، مع إني كُنت زعلانة جدًا عشان مش هسمي معاذ، بس تقديره ليا ولتعبي ولحقوقي خلاني قررت نسميه مروان وأنا مبسوطة وراضية. بعد ما ولدت وزني زاد ومن قلة النوم حوالين عنيا بقى عبارة عن هالات سودا، أخت كريم لما جات تزورنا قالتلي نصًا كدا : - إنتِ تخنتي اوي يا أسماء، وايه الهالات دي كلها ! كريم حس إني زعلت و لوني إتغير، فرد عليها وهو بيضحك وقالها : - لا ما تخنتش ولا حاجة، هي بس اللي كانت رفيعة زيادة عن اللزوم، لكن دلوقت وزنها بقى مظبوط، وبعدين هالات سودا ايه ؟ دي علامات جمال طبيعية.. مش بتشوفي البنات بيصرفوا دم قلبهُم عشان يجيبوا ألوان يحطوها فوق عنيهم إزاي ؟ إحنا بقى عندنا جمال طبيعي. فرحتي وقتها كل حروف العالم مكانتش تقدر توصفها.

‏مَتخلِّيش حاجة توقفك، مَتسيبش الدُّنيا تكتِّفك، اِقفل باب حُزنك عَلى الأخِر، واِفتَح باب الفُرصه وعافِر؛ كُل الحدُّوته شويِّة مَجهود"❤️

في بيتي, ماكينة اسبريسو استخدمها مرة أو مرتين في اليوم. أبدأ بطحن القهوة المحمصة وضغطها في الحاوية المخصصة ثم اضع فنجانين, واحد لزوجتي وأخر ليّ, واضغط زر: ابدأ. كل يوم يمتلأ أحد الفنجانين أسرع من الاخر او اقرر أنا مع نفسي إن القهوة في واحد تبدو أجمل فاخذ الفنجان الذي اراه أفضل الى زوجتي وأقدمه لها واعود الى فنجاني. هكذا أبدأ يومي بفعل حب صامت لا يدركه سواي. أحيانا أقول لنفسي إنني أحتاج بعض المحبة الموجهة ليّ... أحتاج الفنجان الأفضل وأحيانا أؤمن بتغير قواعد المحبة كأن اقرر بان الفنجان على اليسار سيذهب لزوجتي مهما كان شكله لكنني في كل يوم اعود وأقدم لها ما اراه أجمل لأن ذلك يسعدني أكثر... يسعدني أنني أحبها بالتفاصيل الخفية... يسعدني إنني اريد لها أفضل ما لدي.

أنت بالنسبه لناس حلم .. و بالنسبه لناس تانية لسه بتبدأ حياتك .. بالنسبه لناس ناجح و ناس تانية هتشوفك فاشل ..ناس شايفه فيك قدوة و ناس هتشوفك ملكش قيمة .. ناس هتشوفك جدع .. قيمتك الحقيقية بتيجى من جواك من نظرتك ورضاك عن نفسك .. محدش شاف تعبك ولا إنكسارك، محدش قومك بعد وقعات تهد .. متخليش حد فالدنيا يقيمك ولا يوقفك عن حاجة نفسك توصلها.. عشان تقدر تكمل و تنجح.. حوّط نفسك بناس ناجحة و عندها حلم مش ناس تشدك لتحت.. ناس تدعمك ناس تنصحك من غير ما تكسرك ناس ايجابية مش شايفة الدنيا كلها غامقة و سلبية .. ناس تعرف تشوف الحلو ⁦فيك..