Multaqa-😍 الملتقى 💖

النهاردة.. زميلنا دخل المحاضرة في آخر ربع ساعة، وهو داخل رزع الباب وراه.. طبعًا كلنا سكتنا مرة واحدة، مترقبين رد فعل الدكتورة اللي بنسبة كبيرة جدًا تخيلنا انها في أبسط الحالات هتطرده (وده حقها.) اولاً عشان ممنوع حد يدخل بعد مرور ربع ساعة من المحاضرة، ثانيًا عشان محدش بيرزع الباب كدة! الدكتورة بكل لطف العالم.. ضحكت! وقالتله بهزار مالك ياعم متنرفز علينا ليه، داخل تفتّشنا؟ اهدى.. براحة.. اتفضل اقعد. ") احنا انبهرنا من رد فعلها، وحُسن إدارتها للموقف، وإنها بدل ما تعمل مشكلة هزرت معاه، وتفهّمت إنه ممكن يكون مضايق مثلاً من حاجة تانية..فتصرف التصرف الطفولي دة. الشاهد.. أنا بحب حنان النساء.. حنان الأمهات تحديدًا.. الدكتورة دي بنحس فعلاً انها مامتنا، والدفعة كلها بتيجي تحضر محاضراتها مخصوص.. واجمل جزء بيكون جزئها في الامتحان وأسئلته بتتحل في ثانية. بكره التعميم بتاع إن الست لما بتمسك أي منصب بتبوظ الدنيا.. وبتتسلط.. وبتطلع عين اللي تحتها.. ويا جماعة رجعوا الستات المطبخ وهيهيهيي والجو دة. الست، لما تكون ست واعية ومتفهمة، لو اتحطت في أي مكان هتملاه حنان.. السواء النفسي ملوش علاقة براجل وست. التسلط، وحب تعقيد الطلاب، دي أمور مش متعلقة بجنس عن الآخر..دي نواقص بشرية محتاجة معالجة. آلاء وجيه

واحد بيقول عودتي للمسجد كانت بسبب حسن نية رجل ستيني ملتزم، شافني طالع من منزل أخويا الفجر وقال لي: ما شاء الله تبارك الله، بشِّر المشَّائِين في الظُلُم إلى المساجد بالنور التام يوم القيامة، يقول: استحييت وروحت صليت معاه، وكان بقالي سنتين مبصليش، ومن بعدها والله ما تركت الصلاة! - عبدالرحمن مهدي.

كنت واقفة في البلكونة وشوفت المشهد ده بالصدفة. عندنا بنتين تؤام بيتهم قصاد بيتنا، الإتنين متجوزين وكانوا جايين زيارة لأهلهم عشان فرح أخوهم الوحيد. وبرغم إنهم كانوا شبه بعض بالظبط إلا أنهم اللي يشوفهم المرة دي يتعجب، معقولة دول تؤام؟ واحدة منهم شايلة عيل على كتفها وتلاتة كمان جرّاهم وراها وباين على جوزها تاجر كبير وميسور الحال، واستقبال أهلها لزوجها كانت على أكمل وجه، أما اختها كانت لابسة فستان بسيط جدًا وزوجها جايبها في توكتوك عادي، وبعدين شدها على جنب وطلَّع من جيبه ٥٠ جينه، وقالها " خليهم معاكي " طبطبت على إيده وقالتله " بس أنا مش محتاجاهم " فبصلها بحزن وقالها " إنتي مفكرة معييش فلوس؟ لا ياماما ده أنا ممكن أوزنك فلوس بس أنا بحوش بس " فخدت منه الخمسين جينه بضحكة وهو بينكشها وبيحاول يضحكها. ولما قرَّب من البيت عشان يدخل لقى إن أهلها بيدَّعوا إنهم مشغولين ومحدش فيهم استقبله بشكل لطيف! فمراته حاولت تمسكه من إيده وتضحك في وشه، راح باس على راسها بابتسامة وحاول يتصنع إنه مزعلش ومشى. وتقريبًا ده كله لمجرد إنه على قده 🙄. بس بعدها لاقيت إن الموضوع ليه أبعاد تانية، وهو إنه كمان مبيخلفش! أختها حاولت تضايقها بالكلام، وحاولي تطلقي وتعيشي سنك إنتي ماسكة فيه على إيه ده، لا فلوس ولا شكل ولا عيال! ويشاء ربك بعد سنة ونص، التاجر يخسر فلوسه بسبب إنه مدمن مخدرات، والتاني يسافر السعودية في السنة دي. ونزل عمل مشروع ونجح جدًا خلال ست شهور وبعد فترة كبيرة جات لأهلها وهي حامل وعلى وشك ولادة، فبنادي عليها بسألها عن صحتها، قعدت تحكيلي عن جوزها وقد إيه بيحبها، لدرجة إنه كان قايل إن العيب منه هو عشان محدش من اهله يجرحها بكلمة، ومع ذلك كان بيستحمل أهلها. وشها كان منوّر وهي بتحكي، على الجانب التاني أختها كانت واقفة على الطلاق بسبب قلة الفلوس! لولا جوز أختها اللي كانوا بيقللوا منه أتدخل في الموضوع وشغله معاه في المشروع ♥ وحقيقي عوض ربنا لما بيجي بيبهر كل اللي حوالينا، وفعلاً ياجماعة في شخص بينور ملامحنا حتى لو ظروفه على قده بحنيته وحبه، وشخص ممكن يضحك علينا الناس مهما كان معاه فلوس، وفي النهاية لو اتخيرنا بين الحنية والفلوس هنختار دايمًا الشخص الحنين ♥ لـ / عزة العمروسي

مش لازم يكون شكلك حلو عشان تتصور، ولا يكون صوتك حلو عشان تغني ❤️ أي حاجه عايز تعملها اعملها لنفسك مش لازم تعجب حد أبدًا، عيش لنفسك •الدحيح

ﺫﻫﺐ ﻟﻴﺨﻄﺐ ﻓﺘﺎﻩ وأثناء ﺍﻟﺮﺅﻳﺔ ﺍﻟﺸﺮﻋﻴﻪ ﺴﺄﻟﺘﻪ ﻛﻢ ﺗﺤﻔﻆ ﻣﻦ ﺍﻟﻘﺮﺍﻥ الكريم ﻗﺎﻝ ﻟﻬﺎ: لا أحفظ الشيء الكثير ولكن لي رغبة ان اكون عبدا صالحا ﻓﻘﺎﻝ ﻟﻬﺎ: ﻭﺍنتِ ؟! ﻗﺎﻟﺖ: أﺣﻓﻈ ﺟﺰﺀ ﻋﻢ، ﻭ ﻭﺍﻓﻘﺖ الزواج به ﻟﻤﺎ أﺣﺴﺖ ﺍﻧﻪ ﻓﻌﻼ ﺻﺎﺩﻕ . ﻭ ﺑﻌﺪ ﺍﻟﺰﻭﺍﺝ ﻃﻠﺒﺖ ﻣﻨﻪ ﺍن ﻳُﺤﻔِِﻈﻬﺎ القرآن الكريم فقال : لآبأس نتعاون على الحفظ معاً ﺑﺪﺃ معا ﺑﺴﻮﺭﺓ ﻣﺮﻳﻢ ﺗﻮﺍﻟﺖ ﺍﻟﺴﻮﺭ ﺣﺘﻰ ﺧﺘﻤﺖ ﺍﻟﻘﺮﺍﻥ ﻋﻠﻰ ناظريه ﻭﺣﺼﻠﺖ ﻋﻠﻰ ﺍﻻﺟﺎﺯﺓ في الحفظ ﻭﺣﺼﻞ ﻋﻠﻴﻬﺎ ﻫﻮ كذلك.. وعرضت عليه: ﻣﻤﻜﻦ ﻧﺒﺪﺍ ﺑﺤﻔﻆ ﺍﺣﺎﺩﻳﺚ ﺍﻟﺒﺨﺎﺭﻱ وفي احدى الزيارات الى بيت والدها اخبر ﺍﻟﺰﻭﺝ ﻭﺍﻟﺪ ﺍﻟﻔﺘﺎﻩ ﻗﺎئلا: ﺍﻟﺤﻤﺪ ﻟﻠﻪ ﺑﻨﺘﻚ ﺣﻔﻈﺖ ﺍﻟﻘﺮﺍﻥ الكريم. ـ ﺗﻌﺠﺐ الرجل ﻣﻦ ﻛﻼﻣ زوج بنته....! ﻭﺩﺧﻞ ﻏﺮﻓﺔ ﺑﻨﺘﻪ ﻭﺍﺣﻀﺮ ﺍﻭﺭﺍﻕ كثيرة و وضعها امامه. ويا لمفاجأة الزوج وذهوله.. زوجته ﻛﺎﻧﺖ ﻣﺠﺘﺎﺯﻩ ﺍﻟﻘﺮﺍﻥ الكريم ﻭﺍﻟﻜﺘﺐ ﺍﻟﺴﺘﻪ من قبل ان تتزوج به. ﺳﺒﺤﺎﻥ ﺍﻟﻠﻪ ﻟﻢ ﺗﺤﺮﺟﻪ بدايةً ﻟﻘﻠﺔ ﻋﻠﻤﻪ وعملت على ان يحفظ مثلما تحفظ لما حست ﺍﻧﻪ ﺍﻧﺴﺎﻥ ﺻﺎﻟﺢ (ولم تكذب حين قالت انها تحفظ جز عم حيث لم تنفي حفظ ما سواه) اللهم ارزقنا الصلاح والفلاح في الدنيا والآخرة وحسن اللهم اخلاقنا .💙

معرفش الناس اللى بتعجب بينا من صورة على سوشيال ميديا دى عبيطة ولا عندها فص واحد فى دماغها ما طبيعي أبقي أسمر شوية والفلتر يحمرلى خدودى ويلم مناخيري أتنين سنتى ثم أنت شوفتنى قبل كده وأنا بشتغل ولا وأنا بتخانق مع سواق الميكروباص ولا وأنا داخلة خناقة مع حد ولا وأنا باكل الملح اللى فى أخر كيس شيبسي ولا بقي وأنا بجعر الصبح عشان مش لاقيه الطرحة سطحية الميديا دى خناقنى فوق الطبيعي. ✍حبيبة 💛💛

يحلها ألف حلال ❌ يحلها الحلال ✅ الأولى شرك بالله تعالى.. التانيه دلاله علي التوحيد..

"ما حكيتش لحد غيرك علشان عارفة إنك هتفرحي لي من قلبك." أنا بشكر كل حد قال لي الجملة ديه وميّزني وحسسني إني فيا الخير وإنه مستأمنّي على جزء خاص من حكايته وعارف إني هفرح له من قلبي .."

بنت اتقدملها شاب بتحكي إنه لما قعد معاها واتكلموا هي وافقت بيه لكن هو رفضها لأنها تخينه وبعد فترة قررت تخس وصدفة شافها تاني واتقدملها لكن هي بنت عندها كرامة ورفضت، بتقول من ايام بسيطة شافت اسمه فـِ خبر محكوم عليه بالسجن.. واحدة اتخطبت لشخص تتمناه أي بنت زي ما بيقولوا لقطة كانت سعيدة فـ البداية، لكن مع الوقت اتغير وزادت المشاكل ومكانتش عارفه تحل مشاكلها أزاي معاه، لكنها استسلمت للأمر الواقع وقررت تنفصل عنه برغم إنها لسه بتحبه.. وبعد فترة عرفت من صديقه ليها إنه اتجوز و بدأ رحلة العذاب من أول شهر جواز لإنه مصاب بالمرض الخبيث.. واحد بيحكي إنه كان مسافر فـ القطر وأكتشف فجأة إنه نسى أوراق مهمه خاصة بشغله وقرر ينزل من القطر اللي كان مسافر فيه قبل ما يتحرك من بلده ورجع بيته مراته استقبلته بخوف وبكاء شديد ولما سألها عن السبب قالت إن جه فـ الأخبار خبر إنقلاب القطر اللي كان مسافر فيه.. الخلاصة: مش كل حاجة بتضيع من ايدينا بتكون مناسبة لينا، أو هتكون سبب سعادتنا، فيه حاجات لو مضاعتش هاتضيعنا أحنا، فَالأحسن نسيبها تضيع ولو نصيبنا فيها وخير هترجع، ولو مش خير ربنا هايعوضنا بالأحسن و مفيش أحسن من اختيار ربنا 💙💙

هلا مدريد يا شباب 😂🤍👑

قال .. "ملبستيش الفستان اللي قولتلك تلبسيه ف قراية فاتحتنا ليه يا قطتي" _ انت!! " تكفينا الطمأنينة .. لا نحتاج سعادات عارمة " " اذا لم استطع جعلك تنظر الى الجانب المشرق .. سأجلس معك في الظلام "

بنوته بتقول النهاردة اول يوم ليا ف 3 ثانوي .. نزلت لينك صراحة ع الاكونت بتاعي وكتبت " بما ان النهاردة اول درس ف 3ث دعوة حلوة بقى .. كل شوية ادخل ملاقيش حد بعت ساعة اتنين تلاتة لقيت حد كتبلي " 26/6 بما ان النهاردة هتبدأي تالتة ثانوي رسميا .. ف عاوزك متستسلميش وتفضلي قوية لحد اخر يوم فيها وعارف انك قدها ، ربنا يوفقك ياقطتي♥️" منكرش اني فرحت جدا بالكلام وان حد عبرني بس مين ده ! 27/6 "امبارح والنهاردة وانتي رايحة الدرس كنتي مبسوطة ومتفائلة وعندك طاقة ، اتمنى تفضلي كدة لحد اخر يوم فيها ، بالتوفيق ياقطتي♥️" 28/6 "ايه ياقطتي ده احنا لسة ف الاول كنتي متضايقة ليه النهاردة!" 29/6 " بعد كدة ابقي استني صاحبتك جوا السنتر " 30/6 " وانتي بتعدي الشارع بصي يمين وشمال مش تعدي بالبركة وصاحبتك تشدك ! خليبالك من نفسك ياقطتي ♥️" 1/7 عارف انك مش بتحبي الكيمياء بس استحملي عشان هدفك يا دكتورة ♥️" 3/7 متضحكيش ف الشارع يـ هانم انا بغير! " 8/7 " الولاد ال معاكي دول دمهم تقيل اوي كل شوية يبصولك انا ممكن ارتكب جريمة! " 10/7 الفستان اللي كنتي لابساه النهاردة تحفة ابقي البسيه ف قراية فاتحتنا " كل يوم يبعتلي مسدچ فيها تفاصيل يومي كلها تفاصيل انا نفسي مباخدش بالي منها وساعات دعوة .. دايما بيقولي يا قطتي ، هه ويـ هانم لما بيغير .. عندي فضول اعرف هو مين ده انا بقيت امشي ابص ف كل حتة بس برضو مبعرفش هو مين ! 12/7 " عارف انك بتصومي اتنين وخميس والنهاردة الجو حر اوي ومتعب ، ربنا يقويكي يا قطتي ♥️" 20/7 " اول ايام عيد الاضحى .. كل سنة وانتي عيدي يا قطتي ، وكل سنة وانتي فرحتي♥️ .. السنة الجاية اضحي بيكي قصدي تكوني ف بيتي😂♥️" 1/8 " شكلك خاسس اوي ياقطتي هما مش بيأكلوكي ولا ايه ، كلي كويس عشان خاطري " 12/8 النهاردة كان باين انك زعلانة من حاجة ، حابب اقولك ان مفيش اي حاجة تستاهل زعلك ياقطتي ، انا جنبك ♥️ " 20/8 قولتلك ميت مرة وانتي بتعدي الشارع بصي يمين وشمال ينفع يعني العربية كانت هتخبطك النهاردة كنت هعمل اي لو حصلك حاجة ها ، الحمد لله انك بخير خليبالك من نفسك ياقطتي" 25/8 النهاردة عيد ميلادي صحابي كانوا عاملينلي بارتي صغيرة كدة بس اعتذرت عشان كانت ف نفس معاد درسك ، مهو انا مينفعش مشوفكيش .. يومي بيبقى ناقص " 1/9 " لاحظت انك حاطة روچ خفيف كدة كان حلو ♥️ بس متحطيهوش تاني بقى " 8/9 " انا كل شوية اقولك كلي كويس اه لكن متاكليش من الشارع ياقطتي .. اغار عليكي من عمي محمد بتاع الكبدة😂♥ " 15/9 " النهاردة عيد ميلادك يا قطتي♥️ كل سنة وانتي ف قلبي ، كل سنة وانتي الحلو اللي ف حياتي ، ربنا يوفقك ويحققلك اللي نفسك فيه♥️ والسنة الجاية تبقي لابسة دبلتي♥️ " عدى 6 شهور ، 6 شهور ف توتر وتعب واحباط ومقاومة واجتهاد ومذاكرة وتشجيع .. كان الشخص المجهول ده بيبعتلي مسدج كل يوم وبيدعيلي كتير وبيحفزني .. 3/12 " نزلتي النهاردة بوست وقولتي انك تعبتي من ضغط المذاكرة وانك مش عاوزة تكملي او معندكيش طاقة اصلا .. بس ياقطتي كله يهون عشان تحققي هدفك .. ومتنسيش اني معاكي وجنبك♥️ " 1/1/2022 " النهاردة اول يوم ف السنة الجديدة .. بتمنالك الاحسن ف حياتك وبتمنى تفضلي سعيدة دايما وياارب اشوفك ف بيتي وام عيالي .. ويارب تفضلي بخير دايما ياقطتي♥️ واشوفك محققة حلمك يارب " 29/1 " لا تيأسي يا صغيرتي فإن الله مع الصابرين " 15/2 " سيستجيب ابشري " 3/4 " النهاردة اول يوم ف رمضان .. كل رمضان وانتي معايا ياقطتي♥️ " 3/5 " اول ايام عيد الفطر .. عيد الناس كلها النهاردة وانتي عيدي ف كل وقت♥️ " 26/6 " الامتحانات قربت يا قطتي .. مش عاوزك تخافي ولا تتوتري ، كل حاجة هتعدي .. انا جنبك اتطمني♥️ " 4/7 " كنتي فرحانة النهاردة اكيد الامتحان كان سهل .. عقبال باقي الامتحانات ياقطتي♥️ " 5/7 " النهاردة اجازة .. عاوزك بقى ترتاحي شوية وبعدين تذاكري كويس ، متتهاونيش " 10/7 " كله بيقول ان امتحان النهاردة كان وحش .. بس متزعليش يا قطتي متأكد انك حليتي كويس .. هتعدي♥️ " 18/7 " واخيرا النهاردة اخر يوم ف تالتة ثانوي .. افرحي يا قطتي مش هيبقى فيه ضغط تاني .. عارف انك هتموتي وتنامي ، يلا ادخلي نامي وسيبي التليفون شوية بس كلي الاول " 23/7 " شوفتك النهاردة ف البلكونة .. فرحت اوي ده انا كان بقالي 5 ايام و3 ساعات و15 دقيقة وثانيتين مشوفتكيش♥️ " 25/7 " النتيجة قربت تطلع .. متتوتريش وابقي هادية وكلي ها " 26/7 " كلي كويس ياقطتي" 27/7 " كن راضيا وقل الحمد لله" 29/7 " الف مبروك ياقطتي .. قولتلك انك قدها وان ربنا هيستجيب .. شوفتي كرمه♥️" 15/8 نزلت بوست ع الفيس وقولت ان فيه عريس جايلي واني مش عاوزة اقابله .. " * بصراحة كنت عاوزاه يعرف انا اتعلقت بيه ومش عاوزة غيره * استنيت منه مسدج بس مبعتش! العريس جه ولبست ودخلت وقالوا يسيبونا لوحدنا وكدة .

الولاد اللي مبتشربش سجاير 🥰🥰🥰🥰🥰🥰🥰🥰 الولاد اللي مبتلبسش سلاسل🥰🥰🥰🥰🥰🥰🥰🥰 الولاد اللي مبتلبسش حظاظات 🥰🥰🥰🥰🥰🥰🥰🥰 الولاد اللي مبتلبسش بناطيل مقطعه 🥰🥰🥰🥰🥰🥰🥰🥰 الولاد المحترمه عامةً 🥰🥰🥰🥰🥰🥰🥰🥰

قاعد في العربية وبشرب كوبايه نسكافيه 3x1 من عند مجموعة شباب زي الورد ، بيبيعوا مشروبات ساخنه من علي عربية بياكلوا عليها عيش ❤️ وبعد دقايق . الفجر اذن ، وانا لسه واقف جنبهم بالعربية ، وقتها عدي شاب ملتحي من قدمنا ، ووقف مع الشباب واول ما دخل عليهم ، حط ايده في جيبه وطلع مِسك وحط لكل واحد علي كف ايده . وببتسامه جميلة قالهم . انا إمام المسجد الفولاني ، وتقريباً الناس بعد رمضان اكلت كحك العيد وجسمها تقل والأعداد خفت خالص في صلاة المغرب والعشاء .. ف انا بستأذنكم ، هو ممكن تيجوا معايا تكملوا الصف الأول ، انا مش بحس بحلاوة صلاة الفجر غير لما بلاقي عزوة ورايا ، انا عارف اني هاعطلكم عن اكل عيشكم ، لكن صدقوني ربنا كريم وهايعوضكم .. واستأذن ومشي قبل الأقامة بدقايق 👌 الحقيقة ان الشاب اتكلم معاهم بمنتهي اللطف ، والشباب كمان كانوا بيسمعوه بإهتمام . وانا اخدت بعضي وطلعت صليت وراه بالرغم ان مش ده المسجد اللي متعود اصلي فيه . لكن حبيت اجبر بخاطر شاب جميل ومهذب ومخلص في دعوته ، والحقيقة انها كانت من اجمل الصلوات اللي صلتها في حياتي ❤️ مقتبس من أحد الرجال

سواق التاكس انهارده بقوله السكة زحمة عشان يوم الخميس قالي خميس ايه النهارده الاربعاء ده لو الخميس كانت مراتي بهدلتني عشان مفسحتهاش . عندها ولدين توأم وطالع عينها لازم افسحها كل خميس عشان متدبلش مني " بمعنى إنها وردة وهتدبل منه لو مهتمش بيها " هو شاب بسيط وبيقول الكلام بمنتهى البساطة والحُب ليها . قالي هى وشها سِمح شبه حضرتك كده ، لو زعلتها بحس الدنيا كلها ضلمت في وشي 💙

- بحب أشوف صحاب داخلين المترو جري و بيضحكوا علشان كان هيقفل عليهم، بحب اشوف اتنين قاعدين حد بيحكي و منفعل و التاني مركز في كل كلمة و باين على وشه قد ايه متأثر، بحب اشوف الكلام اللي الناس بتكتبه لبعض في أعياد الميلاد و يكون مليان مواقف و صور ليهم في كل مكان، بحب اشوف اتنين دايماً قاعدين جمب بعض في كل حتة و لما حد فيهم يغيب يسألوا التاني، بحب مرحلة لما الاتنين يطبعوا على بعض و يبدأوا يتكلموا بنفس الطريقة ويقولوا حتى الكلمات اللي كانوا كارهينها زمان و لما صَاحِب يكون متعصب على التاني علشان شايفه بيأذي نفسه.. هفضل طول عمري أحب فكرة "الصُحاب"، فكرة أنك قابلت حد و قررت أنك مش هتسيبه و هتعمل أي حاجة علشان تشوفه مبسوط من غير أي مصلحة في النص ♥️.

أتظنيني أغار؟!... صدقيني انا لا أغار...فأنا فالأصل لم أحبك...كنتي حباً عابراً... صدقيني انا لا أغار ،حتي أنني لم ألحظ عندما كنتي تتحدثين مع صديقك هذا وضحكتي ثلاث مرات ،ابتسامتان خفيفتان والمرة الثالثة ضحكتي حتي ظهرت أسنانك...لم ألحظ كل هذا فأنا لا أغار.. حتي أنني لم ألحظ عندما اقترضتي قلما أزرقا من أحدهم ثم كتبتي به كلمتان علي غلاف كتابك ثم وضعتي هذا القلم الملعون علي شفتيك ثم أعطيتيه إياه ،لم ألحظ كل هذا لأني لا أغار.. وهل تتذكرين عندما كنت أسير مع أصدقائي فانتقلت أنا من الجهه البعيدة اللتي كنت أسير بها للجهة القريبة منك حتي لا يكون أحدهم أقرب إليك مني..أتظنيني أحبك وأغار ، صدقيني انا لا أغار.. ولا تظني أنني حين جلست أمام ذاك الذي كان يطيل اليك النظر حتي أكون حائلا بينه وبينك أنني أحبك وأغار..صدقيني انا لا أغار.. حتي أنني لم ألحظ عندما تفاعلتي بأحببته علي صورة ذاك الذي تنعتيه بالصديق..لم ألحظ هذا لاني لا أغار.. وحتي عندما كنتي تتحدثين مع أحدهم في أحد التعليقات وكتبتي له ثلاث ردود وأثنيّتي علي رأيه في أحدهم..لم ألحظ كل هذا فأنا لا أغار... ولا تظني أني حينما سرت بجانبك وحاولت إحاطتك في ذاك الزحام حتي لا يصتدم بكِ أحد أنني كنت أغار...صدقيني أنا لا أغار.. حتي أنني لم ألحظ عندما عرض عليك أحدهم قطعة من الحلوي فرفضتي فأصر فرفضتي،لكنه كان سخيفا فعرضها عليك ثالثا فوافقتي لئلا تصيبيه بالحرج...لقد كان سخيفا جدا...لا يهم فأنا لا أغار.. حتي أنني عندما رأيت صورتك مع مجموعة من زملائك وكان أحدهم يقف بجانبك وتبعد قدماه بضعة سنتيمترات ويكاد كتفه أن يلامسك او ربما أنا أبالغ...لم ألحظ كل هذا فأنا لا أغار... أتظنيني حينما أوقفت سيارتي واتيت اليك لأخبرك بأن هناك خصلة من شعرك تكاد تظهر للجميع فأخفيها..أتظنيني كنت أغار ..صدقيني انا لا أغار.. أتتذكرين عندما مدحك أحدهم وعبر عن إعحابه بك..عندما غضبت أنا ولم أنم ليلتها..اتظنيني حينها أني كنت أغار..صدقيني انا لا... دعك من كل هذا الهراء..أنا أغار .. بل أحترق .. هناك نيران تضرم في صدري ولا أقوي عليها .. فقد كان حبك عابراً لكن عشقك مستوطناً...فأنا لا أستطيع أن أتجاهل أمرك أبدا مهما بدر منكِ.. ... اطمئن ي عزيزي فما فعلت كل هذا إلا لأني أعلم مراقبتك وأريد أن أُسقيك من نفس الكأس الذي أسقيتني إياه...أنت من بدأت وأنا أيضا أغار..بل أثور ..وانت تفعل كل هذا بل أكثر ولا تأبه بما أعانيه انا ولا بتلك البراكين الثائرة داخلي ، وتظاهري بالامبالاة وعدم الإكتراث كاذب ي عزيزي. _ هِبة جمال الأحول

يحق لك أن تفخر بنفسك، أن تفرح بأصغر إنتصاراتك، وصلت هذه المرحلة بجهدك، تجاوزت عثرات الطريق وحدك، تحملت وقاومت صعوباتك، لا أحد يرى ما رأيته في طريقك، لن يفهموا كيف تغلبت على ظروفك، لن يقدروا تضحياتك ومعاناتك، أنت وحدك تعلم قدراتك وإمكانياتك، مثلما عبرت ما مضى ستعبر وتفخر بنجاحك ❤️⁩

صاحبتي فسخت خطوبتها من يومين سيبتها تهدي على اعتبار إنه خبر حزين وبعدين أكلمها بسألها السبب؟ قالتلي كنت بخلص ورق في مصلحة حكومية والجو مش ألطف حاجه حسيت بتعب ودوخه وطلعت رقمه ورقم بابا عشان حد يلحقني لو تعبت ووقعت زي كل مره أتعب فيها بابا قالي : أستنى مكانك ربع ساعة وأكون عندك هو قالي : روحي وارتاحي كده وكلميني ف ماحسيتش إني ممكن أسيب الحنية والجمال دول كلهم وأروح أعيش مع حد تاني عارف تعبي وبيهمشه عادي، وقتها بس أفتكرت فقرة عمرو حسن وهو بيقول : "أنا برضو علشان بعرف أنقي، أخترت اللي أبوها حبيبها، دلعها كأن مافيش في الدنيا بنات، وراها أمان صعب تعيش يوم في غيابه، أنا برضو عشان بعرف أنقي أخترت اللي أتربت تتصان" وحقيقي مش خسارة في اي بنت شويه أمان وطبطبة في مقابل أنها تسيب بيت أهلها وتديك عمرها وصحتها وشبابها عن طيب خاطر❤️

بتخانق معاهم في البيت عشان ريحة الفسيخ اللي هتموتني دي.. فأمي بتقولي ده عسل.. قلتلها عسل ازاي.. ورحت حبتلها برطمان عسل وقلتلها اومال ده إيه.. وقعدت اقولها ده فسيخ.. وبيضرب بيه المثل إنه وحش.. والشاطر يعمل من الفسيخ شربات.. لأنه أكل سئ.. والبيت كله قام عليا.. ازاي تغلط في الفسيخ قدس الله سره وأطال بقاءه.. المهم قلت في نفسي حينما ينقذ الراعي المعزة من يد الذئب.. تظن المعزة أنه بطلا.. ويظنه الذئب انه عدوه الديكتاتور.. فقلت ياض ياحمد دي اختلافات وجهات نظر.. وسرحت شويا في هو انا في الحوار بتاع الفسيخ ده الذئب؟ وهما المعزة اللي شايفين الفسيخ منقذهم من الأكل اليومي اللي ما بقاش ليه طعم. بقول لعماد أخويا.. إيه رأيك في امك ومراتك اللي بياكلوا فسيخ دول؟ قالي يابني احمد ربنا.. واوعي تاخد واحدة غير وهي بتحب الفسيخ.. بقوله ليه ياعمده؟ قالي هي دي اللي تستحملك وتستحمل وجع دماغ الرجالة.. واحدة بتاكل فسيخ.. هتعرف تستحملك وممكن تبقى مبسوطة بيك كمان.. عارف لو مش بتحب الفسيخ.. ابتدي اقلق..