السيره النبويه وقصص الصحابه 🕋📚

زمان لحد فترة مش بعيدة كان لو حد عايز يعرف معلومة في دينه بيحتاج يروح مخصوص لشيخ يسأله ويتعلم منه أو يشتري كتاب مبسط قدر المستطاع وممكن يعرف يفهم منه وممكن يكون صعب عليه. وكانت أغلب المعلومات الدينية اللي بيعرفها الشخص العامي متوارثة من الأسرة وتربيتها أو البيئة المحيطة اللي عايش فيها الشخص دا. دلوقتي الموضوع مختلف تمامًا! آلاف المحاضرات والدروس متاحة أونلاين سواء مجانية أو مدفوعة، وفيه تعدد في المشايخ والأكاديميات بأنماط مختلفة. وعشان كدا جهلك بأساسيات دينك في وسط كل دا حاجة غير منطقية! مستني إيه عشان تتعلم عن ربك وعن دينك؟! فيه أساسيات إنت مش معذور في عدم تعلمها وهي (ما لا يسع المسلم جهله) عشان تعرف إزاي تأدي العبادات صح، وتعبد ربنا صح في مختلف مراحل حياتك باختلاف مسئولياتك فيها. ولكن للأسف الوجه التاني السيء لوفرة وسائل طلب العلم إن بقى فيه فرصة لناس غير مؤهلة تتكلم في الدين! فمهم جدًا إنك تختار صح المصادر اللي بتتعلم منها؛ لأن زي ما فيه كتير كويس، فيه كتير بردو مُضلِل. عن محمد بن سيرين رحمه الله أنه قال: "إن هذا العلم دين، فانظروا عمن تأخذون دينكم".. فاستغل النعمة العظيمة المتوفرة بين إيديك، وفرّغ وقت عشان تتعلم دينك، وركز كويس إنت بتاخد دينك من مين! وادعي دايمًا ربك 🤲 اللهم أرِنا الحق حقًا وارزقنا اتباعه، وأرِنا الباطل باطلًا وارزقنا اجتنابه.. اللهم اهدنا وسددنا، اللهم ألهمنا رشدنا وأعذنا من شر أنفسنا. #وفرة_مصادر_التعلم #سلاح_ذو_حدين

*▫️قال رسول الله ﷺ :* *"أڪثروا الصلاة عليَّ يوم الجمُعةِ ، فمَن صلَّى عليَّ صلاةً صلى اللهُ عليهِ عشرًا".* 🤍🌻🍃 《اللَّهُمَّ صَلِّ علَى مُحَمَّدٍ وعلَى آلِ مُحَمَّدٍ، كما صَلَّيْتَ علَى إبْرَاهِيمَ، وعلَى آلِ إبْرَاهِيمَ، إنَّكَ حَمِيدٌ مَجِيدٌ، اللَّهُمَّ بَارِكْ علَى مُحَمَّدٍ وعلَى آلِ مُحَمَّدٍ، كما بَارَكْتَ علَى إبْرَاهِيمَ، وعلَى آلِ إبْرَاهِيمَ إنَّكَ حَمِيدٌ مَجِيدٌ.》

*اطلب من الله المستحيل؛ فهو على كل شيء قدير*. سيدنا موسى -عليه السلام- طمع في كرم الله، فقال: ﴿رَبِّ أَرِنِي أَنْظُرْ إِلَيْكَ﴾. وسيدنا سليمان -عليه السلام- طمع في كرم الله، فقال: ﴿رَبِّ اغْفِرْ لِي وَهَبْ لِي مُلْكًا لَا يَنْبَغِي لِأَحَدٍ مِنْ بَعْدِي﴾. فلا تضع سقفاً لدعائك ولا تستعظم على الله أمراً مهما كبر واستحال. اسأل الله مشروعاً عظيماً.. واطلب هداية أبنائك جميعاً.. واطلب الشفاء مهما قال البشر إنه مستحيل؛ فرب البشر لا يعجزه شيء في الأرض ولا في السماء. وقال النبي ﷺ: «إذا سألتم الله فاسألوه الفردوس؛ فإنه أوسط الجنة وأعلى الجنة». وأول اسم عرّفنا الله به سبحانه وتعالى في أول ما نزل من القرآن هو: ﴿اقْرَأْ وَرَبُّكَ الْأَكْرَمُ﴾. اطلب من ربك الأكرم كل ما ترجوه من خيري الدنيا والآخرة على قدر كرمه سبحانه، لا على قدر خيالك أنت، وأحسن الظن بربك؛ فإن الله عند حسن ظن عبده به. *أبشروا*🤍

اللهم في هذا اليوم المبارك لا تدع لنا ذنبًا إلا غفرته، ولا همًا إلا فرّجته، ولا دينًا إلا قضيته، ولا مريضًا إلا شفيته، ولا مبتلى إلا عافيته، ولا ضالًا إلا هديته، ولا غائبًا إلا رددته، ولا مظلومًا إلا نصرته، ولا ميتًا إلا رحمته، ولا عازبًا إلا زوجته، ولا حاجةً لنا فيها صلاح ولك فيها رضًا إلا قضيتها ويسرتها بفضلك يا أكرم الأكرمين..🤲🏻 اللهم أعطنا خير ما تُعطي السائلين، واجمع لنا صلاح الدنيا والدين، واغفر لنا ولوالدينا ولجميع المسلمين.🤲🏻 وصلِّ اللهم وسلِّم وبارك على سيدنا وحبيبنا محمد وعلى آله وصحبه أجمعين. 📿

الورد اليومي

في ظل نعمة ربنا علينا بتوفر مصادر تعلم العلم وتعدد المشايخ وتنوعهم، فيه ناس عرفت تستخدم النعمة دي صح وتشكر ربنا عليها، وسارعت في تعلم ما ينفعها في دينها ودنياها ✅️ وفيه ناس تانية استخدمت النعمة غلط، وقلبت الموضوع لفريق الشيخ فلان وفريق الشيخ علان ❌️ وعملت خناقات على السوشيال ميديا كلها عبارة عن مين قال إيه ويلا نرد عليه! وبقى الطلاب والمستمعين كل واحد بيدافع عن الشخص اللي بيتعلم منه عن طريق إنه يشتم ويهدم في كلام شخص تاني. وهجوم على صفحات بعض، وكلام في ضهر بعض، ودول يشتموا دول، ويقولوا على بعض كلام باطل وكذب، وحوارات كتير الدين ملوش علاقة بيها والناس في غِنى عنها. أو تلاقي ناس بمجرد ما تتعلم كلمتين تبدأ تتعالى على غيرها، وتتكلم في الدين وكأنها من العلماء! ⚠️ كل دا مش من حُسن استقبال نِعمة الله عز وجل. طلب العلم مش عشان نتخانق، ونتكبر على بعض، ومش عشان نتشهر بين الناس، فالنبي ﷺ قال: "مَنْ تعلَّمَ العلْمَ ليُباهِيَ بِهِ العلماءَ، أوْ يُمارِيَ بِهِ السفهاءَ، أوْ يصرِفَ بِهِ وجوهَ الناسِ إليه؛ أدخَلَهُ اللهُ جهنَّمَ".. التعلم محتاج شخص متواضع مُتأدب لا يتكلم فيما لا يعلم، وأخلاقه ظاهر فيها اللي بيتعلمه مش بتنافيه! فقد رُوي عن علي بن أبي طالب رضي الله عنه: «يا حملة العلم، اعملوا به؛ فإنما العالم من عَلم ثم عَمل ووافق عَمله عِلمه، وسيكون أقوام يحملون العلم لا يجاوز تراقيهم تُخالف سريرتهم علانيتهم ويخالف عَملهم عِلمهم، يقعدون حِلقًا فيباهي بعضهم بعضًا حتى إن الرجل ليغضب على جليسه أن يجلس إلى غيره ويدعه، أولئك لا تصعد أعمالهم في مجالسهم تلك إلى الله عز وجل». فتعلم العلم النافع، واعمل به، وأخلص نيتك فيه لله عز وجل، ولا تغفل عن دعاء ربك "اللهم علمني ما ينفعني، وانفعني به في الدارين". #تعلم_العلم #سلاح_ذو_حدين

وما الجمعة الا عيد لقلبك🦋🤍✨ قال ﷺ "خير يوم طلعت فيه شمس يوم الجمعة فيه خلق آدم وفيه ادخل الجنة وفيه أخرج منها ولا تقوم الساعة الا في يوم الجمعة" سنن يوم الجمعة🕊️💚. قرآة سورة الكهف فهى نور مابين الجمعتين ونور لك يوم القيامة ونور ما بينك وبين البيت العتيق وتغفر لك ما بين الجمعتين الاغتسال التطيب لبس احسن الثياب التسوك التبكير إلى المسجد تحرى ساعة الإجابة والاكثار من الدعاء فيها الإكثار من الصلاة ع الحبيب لقوله ﷺ "ما من مسلم يصلي علي ألا رد الله علي روحي فأرد عليه السلام " وقال تعالى"وإن الله وملائكته يصلون على النبي يأيها الذين آمنوا صلوا عليه وسلموا تسليما" # أحيوا_ السنن🌱🤍 واميتوا _ البدع🤍🥀 طيب الله جمعتكم وكل ايامكم🧚‍♀️💚✨

﴿وَقُرآنَ الفَجرِ إِنَّ قُرآنَ الفَجرِ كانَ مَشهودًا﴾🤎

اذكار الصباح يا رفاق 🌸💚

"يقول أحدهم: حافظتُ على صلاة الفجر بسبب تغريدة قرأتها.. وهي: "كيف تصحو من نومك لرزقك، ولا تصحو لرازقك" صلاه الفجر اثابنى واثابكم الله🤎

الورد اليومي

لو إنت حد علاقاتك الاجتماعية كويسة وعندك معارف كتير؛ اعرف إن دي نعمة عظيمة وفي نفس الوقت باب لوقعات كتير! علاقاتك ممكن تكون سبب في خير لكل اللي حواليك لو إنت كريم وبتحب تساعد. زي مثلًا إنك تكون سبب في توظيف حد مؤهل بيدور على شغل، أو سبب في تزويج حد بيدور على زوجة صالحة تناسبه، أو تكون سبب في حل مشكلة فلان، أو قضاء دين، أو إصلاح بين الناس، أو توصل ناس ببعض لمصلحة معينة، وغيره من الخير كتير. علاقاتك ممكن مثلًا تسهل عليك تقضي حوائج الناس، وتأمر بالمعروف وتنهى عن المنكر، وتمنع ظلم، وتنصر ضعيف؛ لأن مكانتك بين الناس تسمح لك بكدا. قال ﷺ: "أحبُّ الناسِ إلى اللهِ أنْفَعُهُمْ لِلنَّاسِ...ومَنْ مَشَى مع أَخِيهِ في حاجَةٍ حتى تتَهَيَّأَ لهُ أَثْبَتَ اللهُ قَدَمَهُ يومَ تَزُولُ الأَقْدَامِ..." ⚠️ ولكن احذر من حدوث العكس! لأن لو استخدمت علاقاتك غلط؛ هتبقى سبب للتوقيع بين الناس، ولتوظيف حد غير مؤهل في مكان لا يناسبه، أو سبب في رشوة أو شهادة زور، وغيره من المفاسد اللي ممكن تفتح عليك باب شر وذنوب كبير جدًا! فخليك كريم واعرف إن ربنا رزقك بالنعمة دي لحكمة، ومن شكر نعمة ربنا استخدامها في نفع خلقه وفيما يحب ويرضى سبحانه. فاستثمر في علاقاتك واجعلها في ميزان حسناتك، ولا تبخل على نفسك! #العلاقات_الاجتماعية #سلاح_ذو_حدين

الورد اليومي

القرآن دايمًا بيوجهنا للاعتبار من قصص الأمم السابقة؛ عشان نتجنب الوقوع في نفس أخطائهم. قال عز وجل: ﴿قَدْ خَلَتْ مِن قَبْلِكُمْ سُنَنٌ فَسِيرُوا فِي الْأَرْضِ فَانظُرُوا كَيْفَ كَانَ عَاقِبَةُ الْمُكَذِّبِينَ﴾ ودا يعرفك إن من أكتر الحاجات اللي بتسهل عليك أي تجربة جديدة، هو إنك تسمع تجارب الناس اللي سبقتك فتعرف إيه المطبات اللي هتلاقيها في سكتك وإيه الحاجات الحلوة اللي مينفعش تفوتك. زي مثلًا لما تكون مش أكبر ابن في أسرتك؛ فكل مرحلة في حياة أخوك الكبير عبارة عن تجربة بتتعلم منها وبتفيدك في مراحل عمرك اللي جاية. ⚠️ لكن خلي بالك مش كل التجارب هتقدر تستفيد منها! ▪︎ فيه تجارب للأسف بتكون فيها مبالغات مش حقيقية.. ▪︎ وفيه تجارب بتكون ناقصة بسبب تعمد أصحابها إخفاء تفاصيل كتير.. ▪︎ وفيه تجارب بتكون وهمية لناس مثلًا هدفها الشهرة، أو الربح من بيع منتج معين.. ▪︎ وفيه تجارب أصلًا مالهاش أي علاقة بحياتك أو بيئتك اللي إنت عايش فيها.. التجارب دي لو سمعتها ومشيت وراها؛ هتضرك وتأثر عليك بالسلب في حياتك. فعلشان فعلًا تستفيد من تجارب غيرك إنت محتاج تحدد كويس إنت بتسمع لمين؟ وبتقرأ لمين؟ ناس معروف عنها الصدق.. ناس معروف عنها الأمانة في النصيحة.. ناس معروف عنها الاتزان في جوانب حياتها.. ومحتاج كمان تفتلر كويس بحيث تاخد من تجارب الآخرين على قدر احتياجك فقط؛ لأنك ببساطة استحالة تاخد التجربة الكاملة لكل واحد بتسمعه. كل واحد له رحلته الخاصة، وتجربته اللي عاشها هو بنفسه.. وإنت مش هتكون نسخة من حد! إنت هتستفيد من تجارب غيرك، وهتعيش تجربتك الخاصة بيك إنت. فإوعى تشتت نفسك، واختار كويس بتسمع لمين! #تجارب_الآخرين #سلاح_ذو_حدين

*﴿‏وَبِالْأَسْحَارِ هُمْ يَسْتَغْفِرُون* ﴾ إنْ لم تكُن في آخر الليل مِن المُصلين كُن مِن المُسَتغفرين في الأسحَار. أَسْتَغْفِرُ اللَّهَ الْعَظِيمَ ، الَّذِي لَا إِلَهَ إِلَّا هُوَ الْحَيَّ الْقَيُّومَ ، وَأَتُوبُ إِلَيْه.📿

*"نفسك تصلي الفجر"* *الناس اللي نفسها تصلي الفجر و بتحاول تقوم من النوم تصلي ومتقدرش تقول الدعاء ده "اللهم لا تؤمني مڪرك ولا تنسني ذڪرك ولا تجعلني من الظالمين، اللهم أيقظني في أحب الساعات اليك ڪي أسألك فتعطيني وأستغفرك فتغفر لي انك ڪنت بي بصيرا رحيماً" هتاخد ثواب ڪل واحد محتاج الدعاء ده وهيعرفه بسببك🤎.*

*نسأل اللهم العفو والعافية والمعافاة الدائمة في الدنيا والآخرة* .♥️🤲 *قيام الليل* 📖📿