Piskent jome masjidi | Rasmiy kanal

🕋🕋🕋🕋 #КУН_ОЯТИ Эй, имон келтирганлар! Қачонки, жумъа кунидаги намозга (азон) чақирилса, дарҳол Аллоҳнинг зикри сари (имом хутбасини тинглаш учун) ҳаракатга тушингиз ва савдо-сотиқни тарк қилингиз! Агар биладиган бўлсангиз, мана шу (иш) ўзларингиз учун яхшидир/ Жумъа сураси 9-оят Ижтимоий тармоқлардаги саҳифаларимиз: 👤Facebook 🎥Youtube ✈️Telegram 📸 Instagram

Поделиться https://m.youtube.com/watch?v=PkMt_th_Qo4

АССАЛОМУ АЛАЙКУМ! Аллоҳ таоло кўнглимиздагини ҳаққимизда хайрли қилсин. Ҳаққимизда хайрли бўлганларга кўнглимизни рози қилсин... Файзу баракотли кун тилаймиз! @fitratuz

Машаққат билан эришилган муваффақият лаззатли бўлади Бисмиллаҳир Роҳманир Роҳийм Муваффақиятга эришганлардан бири шундай ҳикоя қилади: “Мен фақир бўлиб туғилдим, бешикдалигимдан йўқчилик мен билан бирга бўлди. Онамнинг қўлида ҳатто қотган нон ҳам йўқ бўлган пайтларда бир бурда нон сўраш аччиқлигини туйдим. Ўн ёшга етганимда кўчага ишлаш учун чиқа бошладим, йилда бир ойгина ўқирдим. Ўн бир йиллик оғир меҳнатдан сўнг йигирма бир ёшга етган вақтимда саксон доллар эвазига биргина ҳўкиз ва олтита қўзичоққа эга бўлдим. Шу ёшга етгунимга қадар роҳатланиш учун бир сўм ҳам сарфламадим, топган барча пулларимни жамлар эдим. Ҳақиқий машаққатни бошдан кечирдим, яшаш учун узоқ иш изладим, охири аравага ҳўкизни қўшиб ўтин теришга ўтдим. Бир ойда олти долларга эга бўлиш учун эртадан кечгача бор кучим билан ишлар эдим. Ушбу олти долларнинг ҳар бири менга қоронғу зулматдаги тўлин ойдек гўзал кўринар эди”. Шуъла: Агар ўтмишда хатоларга йўл қўйган бўлсангиз энди улардан таълим олинг. Улардан ибрат олганингиздан сўнг барчасини унутинг. Доктор Оиз ал-Қарнийнинг "Дунёдаги энг бахтли аёл" китобидан ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 22-ИЮН, 1448 - ҲИЖРИЙ МУҲАРРАМ ОЙИНИНГ 7-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:07 ⏱️БОМДОД - 04:15 (ўқилиш вақти) ⏱️ҚУЁШ - 04:50 ⏱️ПЕШИН - 13:00 ⏱️АСР - 17:55 ⏱️ШОМ - 20:07 ⏱️ХУФТОН - 21:40 🔗 Улашинг: https://t.me/diyonatli

#САВОЛ_ЖАВОБЛАР ИККИ ВИЛОЯТДА УЙИ БОР ОДАМ НАМОЗЛАРНИ ҚАНДАЙ ЎҚИЙДИ? САВОЛ: Мен асли водийликман. Ҳозир Тошкентда ишлайман. Ишим яхши, умримнинг охиригача Тошкентда ишлайман. Тошкентдан уй сотиб олганман. Водийда ҳам уйим бор. Мен Тошкентда намозни тўлиқ ўқийманми. Водийдачи? Шулар ҳақида батафсил маълумот берсангизлар? Жавоб: Бисмиллаҳир Роҳманир Роҳим. Киши туғилиб ўсган жойи (ватани аслийси)дан оиласи билан бошқа жойга умрининг охиригача яшаш мақсадида кўчиб кетса, янги жой ватани аслийга айланади. Табиийки у ерда муқим бўлиб, намозни тўлиқ ўқийди. Сиз ҳам мана шундай ниятда келгансиз. Шунга кўра сиз учун Тошкент шаҳри ватани аслийга айланади. Водийда ҳам уйингиз ёки кўчмас мулкингиз қолган бўлса, у ер ҳам аслий ватанлигича қолади. Демак, сиз Тошкентда ҳам, водийдаги уйингизда ҳам намозларни тўлиқ ўқийсиз. Иккисининг орасидаги йўлларда қаср қиласиз. Киши оиласи ва нарсалари билан бошқа шаҳарга кўчганда аввалги ватанида ҳовли-жойлари қолса, у ер ватани аслий бўлиб қолаверади. Лекин кўчгандан кейин туғилиб ўсган жойида уй-жойи ёки оиласи қолмаса, у ер ватани аслийликдан чиқади. Шунинг учун у ерга ўн беш кундан кам муддатга борганда намозларини қаср қилиб ўқийди (“Муҳити Бурҳоний” ва “Лубоб” китоблари асосида). Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Ibratli_rivoyatlar ITOAT VA ITOATSIZLIK 📝 Tarjimon: Jaloliddin Nuriddinov 🎙 Suhandon: Muhammad Nur ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Аллоҳ таоло сизни яхши кўради Фарзандларимизга Расулуллоҳ соллаллоҳу алайҳи васалламни хулқларини, суннатларини ўргатсак, улар Расулуллоҳ соллаллоҳу алайҳи васалламни яхши кўриб қоладилар. Бу барчамизнинг вазифамиздир. Бунинг учун аввало ҳар биримиз амалда ўрнак бўлишимиз талаб этилади. Аллоҳ таоло бундай марҳамат қилади: «Айтинг (эй Муҳаммад!): “Агар Аллоҳни севсангиз, менга эргашингиз. Шунда Аллоҳ сизларни севади”» (Оли Имрон сураси, 31-оят).   Даврон НУРМУҲАММАД ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#muftiy_minbari Муҳаррам Аллоҳнинг ойидир 🎙 Шайх Нуриддин Холиқназар ҳазратлари ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

🕋🕋🕋🕋 #КУН_ОЯТИ Остидан анҳорлар оқиб турадиган, хурмою узумлари бор, турли хил мевалари мўл боғ эгаси кексайиб, нотавон (ёш) болалари билан қолган пайтида ўша боғини оловли тўфон уриб, ёниб кетишини хоҳлайдими?! Тафаккур қилурсиз, деб, Аллоҳ ўз оятларини сизларга шундай баён қилади. Бақара сураси 266-оят Бу мисол савобли ишларни риёкорлик билан амалга оширган кишига нисбатан келтирилган. Не умидлар билан парвариш қилинган боғ-роғидан маҳрум бўлган кишидек, риёкор одам охиратда ажру савобдан маҳрум бўлиши тўғрисида огоҳлантирилмоқда. Ижтимоий тармоқлардаги саҳифаларимиз: 👤Facebook 🎥Youtube ✈️Telegram 📸 Instagram

#САВОЛ_ЖАВОБЛАР ЕНГИЛ НАЖОСАТ СУВГА ТУШСА САВОЛ: Нажосатлар оғир ва енгил нажосатга бўлинишини биламиз. Кийим ёки баданга теккан енгил нажосат тўртдан биридан кам бўлса, авф қилинади. Сувда ҳам шу ҳукм амал қиладими? Яъни енгил нажосат сувга тушганда енгиллик борми? ЖАВОБ: Бисмиллаҳир Роҳманир Роҳим. Суюқ нарсалардан бошқа нарсаларга, масалан кийим ва бадан кабиларга енгил нажосат тегса ва ўша нарсанинг тўртдан биридан кам миқдорда бўлса, афв қилинади. Намоздан аввал билиб қолса, уни ювиб ташлайди, мабодо билмай намоз ўқиб қўйган бўлса, намозини қайта ўқимайди. Аммо сув каби суюқликларда бу ҳукм амал қилмайди. Уларга қанча миқдорда бўлса ҳам енгил ёки оғир нажосат тушиши билан нажосатга айланади. Аммо суюқликка енгил нажосат тушган ҳолатда у ҳам енгил нажосатга айланиб қолади. Дейлик, бир челак сувга кам миқдорда сигирнинг сийдиги тушди. Сув енгил нажосатга айланиб қолади. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Расулуллоҳ соллаллоҳу алайҳи васалламнинг хато қилган болаларга муносабатлари Ҳеч шак-шуҳбасиз, ҳар қандай ёш бола хато қилади. Баъзан нотўғри иш қилади. Ахир у бола-ку. Аммо кўпчилигимиз болаларнинг хатосини қабул қила олмаймиз. Фарзандимиз ёки бошқаларнинг фарзандининг хатоларидан қаттиқ ғазабланамиз. Баъзилар ҳатто фарзандини калтаклайди, уради. Аммо, унутмангки! Аллоҳ тоало ёш болаларни ҳисоб-китоб қилмайди. Рофиъ ибн Амр розияллоҳу анҳудан ривоят қилинади: “Мен ва бир дўстим ансорларнинг хурмоларига тош отардик”. Бу ҳақда Расулуллоҳ соллаллоҳу алайҳи васалламга хабар қилишди. Мени Расулуллоҳ соллаллоҳу алайҳи васалламнинг олдиларига олиб боришди. У зот алайҳиссалом менга: “Эй йигит, нега хурмоларга тош отяпсиз?” дедилар. “Ейиш учун”, деб жавоб бердим. “Тош отманг, ерга тушганини олиб еяверинг”, дедилар ва бошимни силаб: “Аллоҳим, унинг қорнини тўйдиргин” деб дуо қилдилар (Имом Аҳмад, Имом Абу Довуд ва Имом Термизий ривояти). Қаранг, Расулуллоҳ соллаллоҳу алайҳи васаллам гўзал хулқни ўргатдилар, ёмонликдан қайтардилар ва уларнинг ҳақига дуо қилдилар. Даврон НУРМУҲАММАД ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Саратон ва сеҳрга қарши ўқиладиган оятлар Бисмиллаҳир Роҳманир Роҳийм Бу касаллик инсон танаси ҳаракатларини меъёрдан чиқарувчи оғир бедаво дард ҳисобланади. Қуръон тиловати бу касалликка даво бўлиши мумкин. Саратон ва сеҳрга муолажа тарзида Қуръони каримда Мусо алайҳиссалом тилларида айтилган Юнус сураси 81-82 оятларини камида 7 марта такрорлаб туриш лозим. ﴿إِنَّ اللَّهَ سَيُبْطِلُهُ إِنَّ اللَّهَ لَا يُصْلِحُ عَمَلَ الْمُفْسِدِينَ﴾ " Аллоҳ, албатта, уни ботил (барбод) қилур. Зеро, Аллоҳ бузғунчиларнинг ишини ислоҳ этмагай" ﴿وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ﴾ "Гарчи жиноятчилар ёқтирмасалар-да, Аллоҳ ўз сўзлари (амрлари) билан ҳақиқатни рўёбга чиқарур." Шунингдек, кўпроқ Бақара сурасини ҳаммасини ўқиш ёки эшитиш Ёсин, Тур, Рум сураларини ўқишни тавсия этилади. "Исломда саломатлик" китобидан Муҳаммад Зариф Муҳаммад Олим ўғли ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

🕋🕋🕋🕋 #КУН_ОЯТИ Эй, имон келтирганлар! Ўз қўл меҳнатингиз ва Биз сизлар учун ердан чиқарган нарсаларнинг яхшиларидан эҳсон қилингиз! Ўзингиз фақат кўзингизни чирт юмибгина оладиган даражадаги ёмон нарсаларни (эҳсон қилишга) танламангиз! Шунингдек, билингизки, албатта, Аллоҳ ғаний ва мақтовга лойиқ зотдир. Бақара сураси 267-оят Баъзи кишилар закот ёки садақа берадиган бўлсалар, сифатли ва марғуб молларидан эмас, балки нуқсонли ва паст навли нарсаларидан берадилар. Ваҳоланки, ўша нарсалар ўзларига берилса олмаган ёки ноиложликдан олган бўлур эдилар. Бу ояти кариманинг нозил бўлишига сабаб баъзи мусулмонларнинг ўша даврда закотга бериш учун энг паст навли хурмоларни ажратганликлари бўлган. Аллоҳнинг ғанийлиги, яъни бой ва беҳожат экани тўғрисида қайд этилишининг сабаби Унинг бутун борлиқ ва мулкка эга экани ҳамда одамларнинг берадиган эҳсон ва садақаларига мутлақо муҳтож эмаслиги, балки қилинадиган хайр-эҳсонлар ва закоту ушрлар бандалардан олиниб яна уларнинг муҳтожларига берилишидир. Шунга кўра, халқ орасида “Берган Аллоҳга ёқибти” деган нақл ноўриндир. Билимдон эканини эслатишидан мурод бандаларига буюрган ёки уларга тақиқлаган ишларини У билим ва ҳикмат асосида қилишини, бирор ишни беҳуда ёки бесабаб қилмаслигини эслатишдан иборатдир (Мд.). Қуръони каримда Аллоҳ таоло ўзининг зотий ва феълий сифатларидан муносиб ўринларда битта, иккита ва ундан ортиқ зикр этиши илмий аҳамиятга эгадир Ижтимоий тармоқлардаги саҳифаларимиз: 👤Facebook 🎥Youtube ✈️Telegram 📸 Instagram

Расулуллоҳ соллаллоҳу алайҳи васаллам болаларни алоҳида ҳурмат қилардилар Жамиятда инсонларнинг аксарияти болаларни четга суришади. Айтайлик, улар бирор нарса сотиб олмоқчи ёки сотмоқчи бўлишса, сотувчи ҳам, сотиб олувчи ҳам уларга эътибор бермайди. Ҳеч ким уларга аҳамият бермайди, гўёки уларнинг қўлидан ҳеч қандай иш келмайди. Бироқ Расулуллоҳ соллаллоҳу алайҳи васаллам ҳар бир болага алоҳида аҳамият берардилар. Кунларнинг бирида Расулуллоҳ соллаллоҳу алайҳи васалламга сув келтиришди. У зот алайҳиссалом ундан ичдилар. Набий алайҳиссаломнинг ўнг томонларида 10 ёшли Ибн Аббос, чап томонларида эса Абу Бакр Сиддиқ ва яна бошқа катта саҳобалар розияллоҳу анҳум ўтиришган эди. Аслида ичимлик ичишни ўнг томондан бошлаш суннат саналади. Расулуллоҳ соллаллоҳу алайҳи васаллам Ибн Аббос розияллоҳу анҳуга қараб: “Буни Абу Бакрга узатишимга изн берасанми?” деб рухсат сўрадилар. 10 яшар Ибн Аббос розияллоҳу анҳу: “Ҳаргиз ундай қила олмайман. Сиздан бўлган насибамни бирор кишига раво кўрмайман. Мен Сиздан кейин ичишни истайман”, деди. Шунда Расулуллоҳ соллаллоҳу алайҳи васаллам муборак қўлларини болакайнинг қўлига қўйиб, бу нарса унинг ҳаққи эканини билдириб қўйдилар. Яъни болакай ёш бўлишига қарамай ўз навбатида сув ичди. Даврон НУРМУҲАММАД ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#muftiy_minbari Сабрнинг фазилати 🎙 Шайх Нуриддин Холиқназар ҳазратлари ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Toshkent viloyati Piskent tumani “Piskent” jome masjidida juma namozi oldidan foto lavhalar. https://t.me/diyonatli

Мадинада Умар розияллоҳу анҳу номи битилган қоятош топилди Бисмиллаҳир Роҳманир Роҳийм Мадина минтақасидаги Ал-Маҳд маъмурий туман (муҳофаза)да олиб борилган йирик археологик тадқиқотлар давомида илк Ислом даврига оид, иккинчи халифа Ҳазрати Умар ибн Хаттоб розияллоҳу анҳу номи битилган қоятош топилди. Бу ҳақда Саудия Арабистони Маданий мерос комиссияси маълум қилди. Тошга қуйидаги дуо сўзлари ўйиб ёзилган: الله ولي عمر بن الخطاب في الدنيا والآخرة لا إله إلا الله “Аллоҳ Умар ибн ал-Хаттобнинг бу дунё ва охиратдаги дўстидир (ҳимоячиси). Аллоҳдан ўзга илоҳ йўқдир”. Матн қадимий ҳижозий хатида ёзилган. Олимларнинг таъкидлашича, бу ёзув халифанинг ушбу ҳудудга шахсан ташриф буюрганини англатмайди. Аммо у исломнинг илк ўн йилликларида диний рамзлар ва раҳбарлар номлари савдо ҳамда зиёрат йўллари орқали қанчалик тез тарқалганини исботловчи муҳим далилдир. Даврон НУРМУҲАММАД ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Oʻzbekiston Respublikasi Prezidenti Shavkat Mirziyoyev Oʻmon Sultonligi iqtisodiyot vaziri Xamis bin Sayf al-Jabriy boshchiligidagi delegatsiyani qabul qildi. @fitratuz

#САВОЛ_ЖАВОБЛАР ЭРКАКЛАР БИЛАГУЗУК ВА УЗУК ТАҚИШИ САВОЛ: Титан металидан узук ва браслетларни эркак киши қўлига тақса бўладими? ЖАВОБ: Бисмиллаҳир Роҳманир Роҳим. Шариатимизга кўра, эркак кишига кумуш узукдан бошқа ҳар қандай тақинчоқ, жумладан билагузук (браслет) тақиш жоиз эмас. Шу сабабли, титан ёки бошқа металлдан ясалган билагузук тақиш эркаклар учун мумкин эмас. Узукка келадиган бўлсак, эркакларга фақатгина кумуш узук тақишга рухсат этилган. Бошқа барча металлардан, шу жумладан титандан ясалган узукларни тақиш макруҳ ҳисобланади. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA