هاوسانی :: Hawsani

شیعرێکی مەحموود دەرویشم بەرچاو کەوت: «نە دووریت تا چاوەڕێت بم، نە نزیکیشیت کە چاوم پێت بکەوێ. نە هیی منی تاکو دڵم ئاو بخواتەوە، نە لێیشت بێبەشم تا لە بیرت بکەم. تۆ لە ناوەڕاستی هەموو شتەکاندایت.» شتێکی فەرهاد شاکەلیی بیر خستمەوە: «نە دووریت و نە نزیک، تەنکەتەمێک کەوتۆتە نێوانمانەوە.» چەن ساڵێ پێش ئێستە بە ئیلهامی وشەکانی شاکەلی ئەمەم نووسیبوو: «نە هێندە دووریت نەتبینم، نە ئەوەندەیش نزیکیت بۆنت بکەم.» #هاروون_ماهووتی

ترسان لە دێوەزمەی داهاتوو - ڕانانێک لەسەر دڕدۆنگی (قەلەقی) ✍️: #ڕێناس_ئەحمەد مرۆڤ بە گشتی ناسکە، بەڵام ئەوانەی قەلەقن زیاتر هەست بە ناسکیی خۆیان دەکەن. کە بە نێو ئەم ژیانە ڕەقەدا تێدەپەڕن، هەمیشە لەوە دەترسن کە نەبادا بشکێن، یان ژیان بیانهاڕێت. ترسی مانەوە بەسەلامەتی لەنێو ژیاندا، دڕدۆنگی و قەلەقی دروست دەکات، هەمیشە ترسێک هەڕەشە لە مانەوەمان بەسەلامەتی، دەکات. کەسایەتیی دڕدۆنگ تا لە کۆی ژیانی یەکلا نەبێتەوە، تێر بە چاوی خۆی ناخەوێت. بە وتەی دۆستۆیڤسکی، تووشبوونە بە دەردی زۆربیرکردنەوە. بە دەربڕینێکی سادە: هەمیشە بیرمان لای ئەوەیە بۆچی فڵان شت ڕوویدا و، تۆ بێژی ماوەیە تر چی ڕوو بدا؟ ئایا بەو شێوە دەبێت کە من دەیخوازم؟ https://www.hawsani.org/view?n=43669

زۆرینەی ئەمریکاییەکان ئێستا پەی بەوە دەبەن ئەوان تەنیا لە ڕووتی و داوێنپیسی و ڕیزپەڕی و سەرخۆشی و لەباربردنی منداڵ و ڕەگەزگۆڕیندا ئازاد بوون. لێ وەختێک کار گەیشتە پشتیوانیی ستەملێکراوانی فەڵەستین، بۆیان نییە جووکە بکەن.  نە دەشێن بە ستەمکار بڵێن ستەمکار، نە کاتێ دەبینن سامانەکەیان دەدزرێت و بە پارەی گیرفانی وان خەڵکی غەززە مووشەکباران دەکرێت دەتوانن ناڕەزایی دەرببڕن.  بەکورتی: تۆ تەنیا لە بەزاندنی سنوورەکانی خوا و وێرانکردنی فیترەتی مرۆڤدا ئازادیت، بەڵام بۆت نییە دژی سیاسەتوانان قسە بکەیت.  ئازادی لە سایەی سیستەمی نێودەوڵەتی و دوور لە بەندایەتی بۆ خوای مەزن، گەورەترین درۆیە.  بۆیە خوا ئێمەی ناردووە تا بەندەکان لە پەرستنی درووستکراوانەوە بۆ بەندایەتیکردن بۆ خاوەنەکەیان ڕزگار بکەین.  #ئەیاد_قونەیبی وەرگێڕانی #ئازاد_حسێن

خوێندنەوەی سوورەتی کەهف، نووری نێوان دوو هەینییە.

#بەیانیتان_باش ئێرە غەززەیە، ٢٠٧ ڕۆژە فرمێسک و خوێنی لێ دەڕژێت.

«داغستانییەکان بە دە زمان کتێب دەنووسن و بە نۆ زمان بڵاوی دەکەنەوە. لەم بارەدا ئاخۆ دەبێ ئەو کەسانە چ بکەن کە بە زمانی دەیەمین دەنووسن؟ بەڕاست، ئەمە چ جۆرە زمانێکە؟ زمانی دەیەم زمانێکە ئەو کەسانە قسەی پێ دەکەن کە زمانی دایکی خۆیان لە بیر کردووە، جا ئاڤاری بێ یا لەکی یا تاتی و، هێشتا هیچ زمانی تریش فێر نەبووبن. ئەوانە وەکو ئەوە وان کە لە بەینی دوو کورسیدا دانیشتبن.»، #ڕەسووڵ_حەمزەتۆڤ کتێبی #داغستانی_من وەرگێڕانی #عەزیز_گەردی

یوم لق و پۆپەکانی ٤٧٥ دانەن و لە ڕوانگەی قوڕئانەوە بە واتای: ماوەیەک و قۆناغێکە کە درێژاییەکەی سنووردار نەکراوە. جێی ئاماژەیە کە «یوم: ڕۆژ» لە دونیادا ٢٤ کاتژمێرە و مرۆڤەکان لە جوغز و بازنەیەکی بچووکی کاتیدا یەخسیر کراون، هەر بۆیە لە ڕوانگەی ئێمەوە هەر کە ناوی «یوم» هات بیر و هۆشمان دەچێتە سەر هەمان ۲۴ کاتژمێرەکە. لە ڕوانگەی خوداوە ڕۆژێک مەرج نییە ٢٤ کاتژمێر بێت، مرۆڤیش باش دەزانێت کاتێک کە لە بازنەی بچووکی گۆی زەوی بچێتە دەرێ سنوورەکانی کات و زەمانیش تێکدەشکێنرێن و یاسا و ڕێساکان دەگۆڕێن. بۆی هەیە لە هەندێک جێگادا «یوم» ۱۰ کاتژمێر و یا زۆرتر و کەمتر لەوەیش بێت، بەس خوای گەورە لە پەڕتووکە پیرۆزەکەی خۆیدا بە شێوازێکی گشتی درێژایی بۆ دیاری ناکات. هەر ئەوەش دەسەلمێنێت کە «یوم» درێژاییەکەی بۆ خوا بێ مانایە و بۆ ئێمەش ڕێژەییە. ئێمەی مرۆڤ ڕەنگە بە خەیاڵیش نەتوانین بیر لە شوێنێک بکەینە‌وە کە خاڵی لە کات بێت، بەس ئەو شتە بۆ خودا گونجاوە و ئاساییە. #کارزان_ئەمینیپووری

هۆزە عەرەبەکان بتیان لە خورما دروست دەکرد و هەرکات برسییان بووایە دەیانخوارد. ئێستا ئەم قسەیە دەبیستین پێکەنینمان دێت، بەڵام ئەمەی ئێستا لە جیهاندا ڕوو دەدات، مێژووە و خۆی دووبارە دەکاتەوە؛ دیموکراسی وەکو بتێک دەکرێت بە یاسا، بەڵام هەرکات ڕۆژاوا هەستی بە مەترسی کرد، دەیخوات. وێنەی یەکەم ساتی دادگاییکردنی قوتابی و مامۆستایانی زانکۆی ئیمۆرییە لە تیکساس. وێنەی دووەم ڕووداوەکانی حەوتی نیسانی 1970ن، کاتێک قوتابیانی زانکۆکانی ئەمریکا دژی جەنگی ڤێتنام ناڕەزایەتییان دەربڕی، پاسەوانی نیشتمانی هێرشیان کردە سەر زانکۆی کینت ستەیت و 4 قوتابییان کوشت. #ئیسماعیل_عەرەفە و. #عەلی_قوبادی

خوێندنەوەی سوورەتی کەهف، نووری نێوان دوو هەینییە.