Manfaat.uz Sófiqishloq jome masjidi

Бир йигит бир улуғ кишидан: — Дажжолга одамлар эргашиб кетади дейилади. Мен бунга ишонмайман. Унинг пешонасига кофир деб ёзилган бўлса ким ҳам унга эргашарди? — деб сўради. У киши: — Сигарет устига ҳам соғлиққа зарар, деб ёзилган. Лекин бу одамларни чекишдан тўхтатмаяпти-ю. Жуда кўп одам сигарет чекади, — деб жавоб берди. Хақиқат зоҳир кўзи билан эмас, қалб кўзи билан топилади... "Кимга Аллоҳ нур бермаган бўлса, унга нур йўқдир" (Нур сураси, 40-оят) https://t.me/sufiqishloqjomemasjidi

Сен кўчадан ризқ эмас, барака қидир. Чунки ризқинг ёзилганидан оз ҳам, кўп ҳам бўлмайди. Пешонангга ёзилган ризқ ўзи келади. Албатта, ризқ топиш учун сабабларини ҳам қилиш керак. Лекин сабабларни ҳалол йўл билан амалга ошириш керакки, баракага путур етмасин. https://t.me/sufiqishloqjomemasjidi

#Кун_ҳикмати Бугун ўқиганларим ичида энг ажойиби Табиатда ҳеч бир нарса ўзи учун яшамайди. Дарё ўзининг сувидан ичмайди, денгиз ўзидаги балиқдан емайди, дарахт ўзининг мевасидан тотинмайди, Қуёш ўзини ёритмайди, гул ўзи учун атрини сочмайди, сут эмизувчилар ўзининг сутини ичмайди. Шундай, барча махлуқотлар бошқаларга хизмат қилиш учун яратилгандир. Бу Аллоҳ таолонинг оламни яратишдаги ҳикмати. Келинг, биз ҳам бир-биримизга ёрдамчи бўлайлик. Ташвиш билан келганга мадад берайлик, узр сўраб келганни кечирайлик, муҳтожга эҳсон қилайлик. Атрофимиздаги ҳамма нарса тезда ўтиб кетади, аммо яхшилик қолади. Бирор кимса сиздан ёрдам тилаб келса билингки, унга ёрдам беришдан энг аввало сиз кўпроқ фойда топасиз. Зеро, сизнинг ҳузурингизга уни Аллоҳ таоло юборди ва у орқали сизга яхшилик эшигини очмоқчи. https://t.me/sufiqishloqjomemasjidi

ЖАМОАТ НАМОЗЛАРИДА “ОМИН”НИ МАХФИЙ АЙТИШ 10 fevral 2021. Muallif: https://t.me/AhliSunnaValJamoaUz Бизнинг ҳанафий мазҳаб уламолари намозда “омин”ни махфий айтиш суннат эканини таъкидлайдилар. Бунга қуйидаги ҳадислар очиқ далолат қилади. Имом Термизий Алқама ибн Воилдан, у ўз отасидан ривоят қилган ҳадисда: أَنَّ النَّبِىَّ صلى الله عليه وسلم قَرَأَ "غَيْرِ الْمَغْضُوبِ عَلَيْهِمْ وَلاَ الضَّالِّينَ" فَقَالَ « آمِينَ » وَخَفَضَ بِهَا صَوْتَهُ яъни: “Набий соллаллоҳу алайҳи ва саллам (غَيْرِ الْمَغْضُوبِ عَلَيْهِمْ وَلاَ الضَّالِّينَ)ни ўқидилар-да, паст овозда “омин”, дедилар”, дейилган. Бу ҳадисдан Расулуллоҳ соллаллоҳу алайҳи васаллам «Фотиҳа» сурасини баланд овоз билан ўқиб келиб, «омин»ни айтишга келганда овозларини паст қилганларини тушунамиз. Имом Табароний Абу Воилдан қилган ривоятда: “Умар ва Али разияллоҳу анҳумолар намозда “Бисмиллаҳир роҳманир роҳийм”ни ҳам, “омин”ни ҳам овоз чиқариб айтмас эдилар”, дейилган. Шу ва бундан бошқа кўплаб далилларга амал қилиб, намозда “Омин”ни махфий айтишлик айни муддао бўлади. Қолаверса, намозхонлар ўртасида турли тушунмовчиликларга ҳам барҳам берилган бўлади.  https://t.me/sufiqishloqjomemasjidi

#ибрат • Машаққатли лаҳзаларда, ишинг осонлашишини, машаққатинг аришини дуо қилиб сўраб, ёнингда турадиган — онанг. • Бемор бўлиб турганингда, шифо сўраб, дори ичириб, пешонангни силаб, ёнингда турадиган — онанг. • Йиғлаётганингда, кўз ёшларингни артиб, "Нега йиғлаяпсан?" деб ёнингда турадиган — онанг. • Ишинг орқага кетиб, сен учун жонини фидо қилмоқчи бўлганлар йўқолиб қолганда, ёнингда турадиган — онанг. • Хурсанд бўлганингда, шодлигингдан севиниб, юзида табассум билан ёнингда турадиган — онанг. • Қўполлик билан хафа қилсанг ҳам дарров кечириб, "Ўз боламдан хафа бўлармидим" дея бағрига босадиган ҳам — онанг. Онаси борлар оналарингизни қадрланг! https://t.me/sufiqishloqjomemasjidi

#ибрат Фарзанд тарбиясидаги катта хатолар: — Дада, азон айтяпти, кетдик масжидга. — Ўғлим, жуда чарчадим, уйда ўқиймиз намозни. — Дада, китоб ўқиб берайми? — Ўғлим, кейин ўқийсан, ҳозир бандман. — Ойи, озгина нон беринг, кўчадаги мушукнинг қорни очибди. — Йўқ, берма, кейин ўрганиб қолади. — Ойи, ўртоғимга ёрдам бергандим, кийимим кир бўлиб қолди. — Кир қиладиган бўлсанг, бошқа ёрдам берма. Бола фитрати яхшиликлар билан тўла. Уни парваришлаб ўстириш керак. Энг озида ниҳоллигидаёқ пайхон қилманг. https://t.me/sufiqishloqjomemasjidi

#ибрат Эр-хотинлик ҳаётини жанг деб ўйлайдиганлар, бунда ғалаба қозонишим шарт деб фикрлайдиганлар хато қилишади. Аксинча, эр-хотинлик ҳаловати бир-бирининг хатосидан кўз юмиш билан бардавом бўлади. Эр хотиннинг, хотин эрнинг камчиликларидан кўз юмади. Ҳар бир ишда тўхталаверсак, ҳар бир гапдан таъсирланаверсак, ҳаётимиз дўзахга айланади. Ҳаётда муваффақиятга эришмоқчи бўлган киши аёллар табиатини яхши англаши лозим. Хотинига дўстга қилган муомаласини қилмаслиги керак. Фарзандларига ҳамкасбларига қилган муомаласини қилмаслиги керак. Ҳаётдаги ҳар бир гуруҳнинг, ҳар бир ижтимоий табақанинг бошқалардан фарқлича бўлган табиати ва туйғулари бор. Ҳаммага бир хил муомала қиладиган киши худди барча беморга бир хил дори берадиган табибга ўхшайди. https://t.me/sufiqishloqjomemasjidi