عثمان_والمعرفة 💡🤞

دايما عند اي شخص ناجح هتلاقي صفة واحدة بدونها مش هيقدر يوصل أو يحقق حاجة. "الاستمرار في اي شئ وكل شئ" يوم مذاكرة واحد فقط مش كفاية عشان تطلع بتقدير مناسب ليك. يوم واحد مش كفايا عشان تزرع وتبني عادة من اول وجديد وتصبح روتين في حياتك. يوم واحد مش كفايا عشان تنجح علي اي منصة من منصات السوشيال ميديا لو انت صانع محتوي. يوم واحد مش كفايا عشان تكتب مقالات تكون مؤثرة ومُلهمة للناس. في مقولة جميلة بتقول: «الشجاعة ليست في أن تمتلك القوة علي الاستمرارية.. ولكن أن تستمر عندما لا تمتلك القوة علي ذلك». فـ مفيش مفر من الاستمرارية لو حابب تنجح وتتميز في مجالك. ♥️🤍 واخيرنا ممكن أسألك سؤال؟ أنت مش متابعني ليّ على فيسبوك؟ لينك الاكونت من هنا ولينكد إن عشان اساعدك تطور ذاتك http://bit.ly/LinkedIn-osman وهتلاقي الـ Channel بتاعتنا على واتساب 👀 https://whatsapp.com/channel/0029Va6aONaFy72BKLDUqb0R اللاف المتين ❤️

ركز علي استثمارك في نفسك وساعتها الفلوس هيا اللي هتجري وراك مش العكس! من الأمور المنتشرة في الفترة الأخيرة وبسبب السوشيال ميديا مع الأسف أن الناس بدأت تركز علي النتيجة فقط ومش مهم حاجة تاني! بمعني اللي بيذاكر بدأ يقصر في المُذاكرة بسبب أنه مركز علي النتيجة وامتي اطلع بتقدير عالي! اللي بيشتغل مركز علي الترقية الجاية هتكون امتي ومش مركز علي المجهود! اللي بدأ صناعة محتوي مركز علي الارقام والريتش ومش مركز علي تطوير المحتوي. اللي بيدور علي وظيفة جديدة هلك نفسه بالمعني الحرفي ونسي أنه يطور من المهارات والخبرات اللي عنده. دايمًا تركيزك علي النتيجة بيحرمك من الاستثمار في نفسك والتركيز علي السعي والاجتهاد. وبتلاقي نفسك مرة واحدة عايز توصل بسرعة بغض النظر ازاي وامتي! عشان كده ابدا ركز من دلوقتي علي الاجتهاد والسعي، ركز علي انك تتعلم مهارات جديدة. ركز علي انك تكتسب خبرات في المجال بتاعك، ركز علي فكرة إنك تذاكر وتعمل اللي عليك والنتيجة دي بتاعت ربنا. ركز علي الأسباب اللي تقدر توصل بيها واللي هتتسأل عليها، لكن النتيجة مش في ايدك ولا ايد غيرك دي في ايد ربنا سبحانه وتعالى. واللي في ايد ربنا عمرك ما هتتسأل عليه أبدًا طالما عملت اللي عليك. __ ادعمنا بـ (❤️) ومتنساش تحافظ على نفسك يا صديقي واتمني دعمك علي الاكونت من هنا في علشان ريتش في مشاكل الفتره دي بشكركم جدا ♥️ وهنا هتلاقي كل قنوات سوشيال ميديا من هنا

الناس كده كده هتفضل بتتكلم، وتركيزك معاهم مش هيجيبلك حاجة غير التعب النفسي فـ تعمل ايه؟ كلام الناس سواء كنت شخص ناجح أو شخص لسه بيحاول في أمر ما أمر لابد منه ومش هتعرف تغيره بالمرة. فـ من الأفضل انك تركز علي الأمور اللي تقدر تتحكم فيها وتقدر تغيرها. كلام الناس حاجة منقدرش نتحكم فيها وانا متفهم ده بيكون قد ايه مؤلم للنفس ومؤذي في بعض الأوقات. بس صدقني انت محتاج تركز مع نفسك اكتر وتطور منها بدلًا من الانشغال بكلام الناس اللي مش هيخلص بالمناسبة. اشتغل.. طور من نفسك.. طور من المهارات بتاعتك.. ركز علي مستقبلك وابني خطط لنفسك من جديد. وارمي كلام الناس ورا ضهرك وتعامل معاه علي أنه جزء من رحلتك ومفيش مفر منه. واحدة واحده هتلاقي نفسك بالفعل بدأت تنشغل بنفسك وتتجاهل كلام الناس. لانك هتحطه في المكان المناسب لانك بدأت بالفعل تكون مشغول وعندك أولويات يا صديقي. ♥️ ادعمنا بـ (❤️) ومتنساش تحافظ على نفسك يا صديقي واتمني دعمك علي الاكونت من هنا علشان ريتش في مشاكل الفتره دي بشكركم جدا ♥️ وهنا هتلاقي كل قنوات سوشيال ميديا

خليك دايما عارف انها مش شطارة منك.. ده كرم من عند ربنا سبحانه وتعالى. بشوف ناس كتير لما بتتكلم عن النجاح الخاص بيها بتنسي وسط كل النجاح ده فضل وكرم ربنا عليهم. وفي الحقيقة أن احنا مجرد اسباب في النجاح لكن النتيجة والتدبير بتاع ربنا سبحانه وتعالى. فـ فكرة إنك تنسب النجاح ليك في المقام الأول انت كده بتألف النعمة واتعودت مع الاسف عليها. وده بسببه ممكن يخسرك كل النعم اللي موجودة في حياتك مرة واحدة وترجع لنقطة الصفر من جديد. وساعتها هتسال ربنا ليه يارب!! ليه وصلت لنقطة الصفر بعد ما كنت امتلكت كل شيء!! السبب إنك تعودت علي النعمة ونسبت كل النجاح لنفسك ونسيت توفيق ربنا سبحانه وتعالي. فـ دايمًا قبل ما تتكلم عن نفسك وعن نجاحك اتكلم عن توفيق ربنا واحمده واشكر فضله عليك باستمرار. الحمدلله دائمًا وابدًا. ♥️ ادعمنا بـ (❤️) ومتنساش تحافظ على نفسك يا صديقي واتمني دعمك علي الاكونت من هنا علشان ريتش في مشاكل الفتره دي بشكركم جدا ♥️

10 تطبيقات مفيدة للتعلم والمذاكرة.pdf

وبما إنِ النهارده عيد ميلادي 🤍 لكل اللي يشوف البوست دا ✌ هوا في حد اتعلم مني حاجة حلوة او قدرت افيده او ع الاقل اثرت فيه بشكل ايجابي بفعل او موقف او حتي ابتسامة .. او الجروب فرق معاكوا بشكل مختلف اي حاجة حلوة تفتكروني بيها او الجروب محتاج اجابة صادقة من كل الي ناس عشان في حاجات كتير اوي هتترتب ع رد البوست دا .. ممكن تكون انت مش شايف قيمه الرساله بس ياريت تساعدوني في حاجه حتي لو بسيط لو مش حاب هنا ممكن تسيبها في اكونت الصراحه في اول كومنت 💙 وشكرا 😌😍

اعظم إنجاز ممكن تعمله في حق نفسك أنك تصلح منها وتخلص نيتك في كل حاجة بتعملها لله سبحانه وتعالي. احنا في شهر كريم وعندك عادات كتير اوي ممكن تمارسها وتعود نفسك عليها وتبدأ مع نفسك من جديد عشان تبدأ نسخة جديدة من نفسك. ابدا عود قلبك علي قراءة القرآن الكريم، وتدبر الآيات اللي بتقرأها. وعود نفسك علي الصلاة في الميعاد، ومهما كان اللي بتعمله مش هيكون اهم من الصلاة. وابدا جدد نيتك تجاه كل عمل حتي لو كان مذاكرة، واعمله بنية أن العمل ده لله سبحانه وتعالى. تقدر كمان تطلع صدقات كتير واخلص نيتك لله سبحانه وتعالى. وطبعًا بلاش تنسي الدعاء، احنا في الـ ١٠ الاواخر دلوقتي ودي فرصة بتيجي مرة واحدة في السنة. ادعي بكل اللي نفسك فيه ربنا كريم بلاش تحط لنفسك حدود في الدعاء وربنا اصلًا كريم. صدقني مش هتقدر تصلح من نفسك وانت بعيد عن ربنا، فـ خليك قريب منه وانتهز فرصة الـ ١٠ الأواخر من الشهر الكريم. كل سنة وانتم طيبين والي الله اقرب وافتكروني بدعواتك بظهر الغيب . ♥️ كـ نوع من مشاركة الثواب والأجر ممكن تشاركوا معانا في كومنت بالخطط بتاعتكم عشان الكل يستفيد وليك اجر كل شخص التزم بالخطة بتاعتك. واعمل لاف ♥️ وشجعنا نرجع نزل محتوي من تاني

الحقيقة المُرة ان محدش هيجي ياخدك من ايدك ويعرفك طريق للتعلم في اي مجال واحده واحده لو انت عايز تتقن مجال معين او مهارة معينة، محدش هيجي يقولك ابدأ من هنا، وخد الكورس ده، وطبق ده، بعدين اعمل كده، وخد بالك من كذا وكذا ويفضل يوريك طريق التعلم كامل . لازم انت اللي تلطش يمين وشمال، وتسأل كتير وتشتغل اكتر، وتذاكر اي حاجة تيجي قدامك وتطبق اول بأول لحد ما تخرج من مرحلة التوهان. فمتفضلش قاعد محلك سر مستني حد يجي ينور ليك الطريق وياخدك من ايديك ويقولك يلا تعالا اساعدك تعلم وتنجح . ابدأ انت.. ولما تبدأ تنجح هتلاقي المساعدات هتجيلك من حيث لا تحتسب اينعم هتكون متأخرة، بس هتكون نجحت ومفضلتش مكانك🤍 واخيرنا ممكن أسألك سؤال؟ أنت مش متابعني ليّ على فيسبوك؟ لينك الاكونت من هنا ولينكد إن عشان اساعدك تطور ذاتك http://bit.ly/LinkedIn-osman وهتلاقي الـ Channel بتاعتنا على واتساب 👀 https://whatsapp.com/channel/0029Va6aONaFy72BKLDUqb0R اللاف المتين ❤️

استراتيجية بسيطة لو عاوز تنجز مهام كبيرة في أي مجال . ازاى؟ خذها قاعدة جهز لها عادات صغيرة ازاي؟ - في مجموعة كتب نفسك تقرأهم = اقرأ كل يوم صفحة واحدة على الأقل - في كورسات عاوز تخلصها = التزم كل يوم ب ١٥ دقيقة على الأقل - عاوز تكون رياضي = مارس أسهل رياضة بشكل يومي (مشي، جري، أي رياضة بسيطة) وهكذا كل إنجاز نفسك تحققه، اختار أصغر عادة ممكن تساعدك أنك تلتزم بيه. طب ليه تبدأ بعادات صغيرة! لأن العادات الصغيرة سهلة أنك تلتزم بيها وعلى المدى البعيد هتلاقي نفسك حققت إنجازات كبيرة. وهكذا قولنا في الكومنات بتسخدم استراتيجية اي لو عاوز تنجز مهام كبيرة . أخيرا لو مهتم بتطوير الذات تابع هشتاج #عثمان_والمعرفة ومش تنسي تفاعل 🤍 واستنى كل جديد وهنا كل قنوات ميديا خاص علي كل المنصات .

وسط زحمة المجالات اللي قدامك حاليًا وأنت واقف مكانك تايه. أحب أقولك إنك لازم تتحرك ما ينفعش ابدًا تفضل واقف أكتر من كده محتار تعمل إيه؟ طبعًا هتسألني "أعمل ايه؟" بس أنا هجاوبك تعمل إيه ف 7 خطوات، ومش هسيبك زي أستاذ غسان مطر.. 1- اعرف نفسك، وادرسها كويس. اعرف انت بتحب وبتكره إيه؟ إيه مبادئك؟ إيه الحاجة اللي ممكن ترفض عشانها الشغل، وإيه اللي ممكن تخليك تقبله؟ إيه هي ميولك؟ وإيه هي نقاط قوتك ونقاط ضعفك؟ • ولو مش عارف نفسك كويس سيب كومنت وهرد عليك باختبار هيساعدك جدًا في إنك تعرف نفسك صح. 2- قارن بين ميولك. يعني بتميل لإيه أكتر؟ 3- اكتب قائمة فيها كل الوظائف أو المشاريع المتاحة قدامك، والمناسبة لميولك. 4- اكتب كل وظيفة في ورقة لوحدها، واستكشفها من جوجل كويس جدًا. • اكتب كل مميزاتها وعيوبها من (متوسط المرتبات، طبيعة العمل، المهارات ،...) • ادخل جروبات الفيسبوك بتاعة المجال أو الوظيفة دي، واعرف أكتر عنها، واسألهم أكتر عن الوظيفة وطبيعتها، واعرف الناس الشاطرة واتعلم منهم لأنهم اكتر الناس اللي هيفيدوك. 5- قارن بين كل الوظائف اللي حللتها، وشوف ايه أكتر وظيفة مناسبة ليك. 6- اعرف كل الشركات المتاح فيها الوظيفة دي. 7- دور على تدريب مدفوع أو غير مدفوع في كل الشركات اللي أنت عرفتها. الخلاصة: نفسك وميولك هما أساس اختيارك للكارير الصح.✅ يعني عرفت نفسك صح = هتختار كاريرك صح. 🤞 عرفت هتعمل إيه؟ 🤔 وازاي تخلق عادة اقرا البوست من هنا وما تنساش تتابع البيدج الفترة الجاية عشان هينزل عليها أكتر المهارات اللي هتحتاجها في أي وظيفة. Mahmoud Osman