بلآل آلعشمآﻭي 🖤

واجعل ابي من ورثة جنة النعيم يا الله 🤍

أي حد لسه متخرج وعنده حلم لازم تخلي بالك من التمن لان انت حالياً شخص حالم وغالباً كبيرك سنة او اتنين وهترجع تقف فـ الصف مع الباقيين ، لازم تبقى عارف ان زميلك اللي اتخرج واشتغل هيخطب ويتجوز قبلك واحتمال يخلف لازم تبقى عارف انك هتعيش مش في جيبك جنية ايام كتير ومستني الفرج في الوقت اللي زميلك ودفعتك بيتحصل شهرياً مبلغ وقدرة مرتب شهري لازم تكون عارف انك ممكن تكسر التلاتين وزميلك ابنه داخل رابعة ابتدائي ، وان حياتك هتكون مختلفه عن باقي الناس وستظل تتنعت بالفاشل ، وهتزورك افكار زي انا ضيعت حياتي في الا شئ بس ده مش حقيقي خلينا نعتبر ان شباك الحلم طابور وفي آلاف ، وكل يوم بيخرج منه ميئات بتروح تبقى ناس عادية وتسيب فكرة التميز ، لازم تبقى عارف ان مع كل شخص بيسيب الطابور فرصتك في الوصول بقت اسرع ، لحد ما هيجي عليك الدور في شباك الحلم وده مش شطارة منك يمكن في ناس لو كانت كملت انت مكنش هيبقى ليك مكان ، بس انت اللي وصلت عشان بس استمريت ، فـ استمر مفيش حد استمر وماوصلش بلال العشماوي 🖤

هو بدون مناسبة أنا بحب كل حد قالي كلمة حلوة كانت سبب اني أكمل ، بدون مناسبة عايز أقولكم إني بحب كل حد هيشوف البوست ده ♥️

بعد تاني سنه من الثانويه كنت عرفت أنا عايز أشتغل إيه خلاص .. بس ماكنتش عارف إزاي !! .. وفي يوم سألني واحد صاحبي : طب ولو فشلت هتعمل ايه ؟ كنت أرد واقوله بمنتهى البساطه هفضل اعيش في بيت أهلي وأشتغل شغلانه تانيه تخليني أصرف على نفسي وأفضل كده لغاية ما أموت خطه بديله للأنسحاب والاستسلام ، كإنك بتدوس على زرار game over وبتقرر تعيش في حياة تانيه تمر السنين .. أنجح مره وأفشل مرتين وتيجي الفرصه إني أدوس على الزرار .. إيدي تتردد .. واقول استنى شوية كمان العقل والحسابات المنطقية ساعتها كانت بتقول إنسحب .. الطريق أطول مما تتخيل .. ايه اللي يخليك عايش طول الوقت في الضغط النفسي ده تنجح تاني وتدوق حلاوة النجاح .. تفشل بعدها ، وتحس بنار الفشل بعد النجاح .. ويبقى صعب عليك تستسلم وترجع خطوات كتير طلعتها .. فتقول إستنى شوية لما باقعد دلوقتي افكر مع نفسي واشوف ان كان قدامي عشرات الفرص إني ادوس على الزرار وماعملتش كده بثق في نفسبي وبكتشف إن البني آدم بيبقى زي المدمنين وهو بيتعامل مع أحلامه مابيكيفوش غير لحظة نجاح معينه مابيحسش بنشوة الفخر بنفسه غير وهو بيحقق الحلم ده ، ويجري يكلم نفسه في المراية ويقولها صدقتيني بعد ما كسر عشرين مرايه قبلها علشان كانت بتقوله إنت فاشل وهو كان بيصدقها وغالباً اللي بيصبرك في الرحله الطويلة دي حاجه اسمها الطموح بلال العشماوي 🖤

لو وافقتي نتجوز فـ ده معناه انك هتبطلي تحكي عن وجعك وخوفك وعن كل مره نمتي فيها معيطه ، لانك مش هتبطلي تحكي عن سعادتك اللي عمري ما هفشل اني اكون السبب فيها ♥️