✍ РАЪНО УМИДБАХШ

Бир пайтлар момом айтган қўшиқларни ёзиб олганим эсимга тушиб кетди. Ўша пайтда бешинчи синфда ўқирдим. Аммо термаларини ҳалиям эслайман: Сув келади Моридан, Мориданам наридан, Биздан бир хавар олмайсиз, Кечдингизми баридан? ("Ўшлик момо" ҳикоямиздан бир парча эди)

Яна битта самимий, гўзал шеър. Энамнинг аёлга таърифи! Ўттизда ўтиндай жонади, Қирқда қирқ оёқдай чопади! Элликда элакдай тўкилиб, Олтмишда оёғи толади. Етмишда кетмишни кутади, Саксонда яксонга кетади. Тўқсонга гар жетса жетади, Жеталса юздан ҳам ошади! ******** Аёлнинг жонини қирқта деб, Ҳар ишни бошига солмангиз! Вақтида умрини қадрланг! Йўқотгач пушаймон бўлмангиз! (Охирги мисралар меники) Онажонимни кўп термалари бор, ёзиб олишим керак! Оқмирза тоғамиз зўр бахши бўлган, шу тоғасидан кўп термалар эшитган, бир-бир айтиб қоладилар эсига тушганида… …………………алака, Қўйинг кетди палакка! Ҳаканг-ҳаканг этасан, Қўйингга қачон жетасан? Шу мисрани тепадаги биринчи қатори эсимга тушмади, мана шундай беғубор термалар…👍 ⚜️⚜️⚜️⚜️⚜️⚜️ Ижтимоий тармоқларда бизни кузатинг! Telegram   https://t.me/Ranoumidbaxsh YouTube   https://www.youtube.com/@Rano_Umidbaxsh

Ёниб севдим дунёни...  ойни,қуёшни. Жасоратни, журъатни... сўнгра бардошни... Осмонларни, чексиз,сарҳадсиз дунёларни. Англаб, англамай минг турли зиёларни Юракка жойладим, қуёш тафтини, Гулларнинг очилиш бахтини... Шамолларнинг саргашта шаштини... Юракка жойладим... Тун салтанатида ойдан нур олдим... Юракка жойладим. Юлдузлар жимжимасидан сурур олдим... Юракка жойладим. Осмонлардан баландлик,  ғурур олдим, Юракка жойладим. Жойлайвердим яхшилик,эзгулик борин... Олганим сайин юрак катталашаверди... Энди бунча ҳис туйғуни.. Кўтаролмай азобдаман.... Ҳар бир эзгулик ортидан... Ҳасад мўралайди... Қуёшнинн ортида зулмат яширин. Юрак энди фақат туйғуларни саралайди.... Туйғулар кўплиги... кўксимни яралайди.... Дилгинам азобда. Раъно Умарқулова. 25.04.2018.

Ай элима... Оҳ, қанчалар шоёнлар, Юрт бошқарган нуёнлар Эл ухлайди аластдай , Бош кўтармас туғёнлар Ай элима, юввошим , Фарзандлари бебошим, Йиғлаб келиб дунёга, Ғофил бўлиб кетмагин! Очсанг кўзинг, гирёнлар , Ашк сачратиб ҳар ёнлар , Базм қилиб шайтонлар , Алла айтар аьёнлар . Ай элима, юввошим , Фарзандлари бебошим, Йиғлаб келиб дунёга , Ғофил бўлиб кетмагин Ўйғонмасанг эгнингга адрас тунлар бичилмас , Қантарилган тулпорнинг Тушовлари ечилмас . Оқилларинг кўрар туш, Оқинларинг садосиз . Ай элима, юввошим , Фарзандлари бебошим , Йиғлаб келиб дунёга , Ғофил бўлиб кетмагин Илми комилинг соқов , Зўр хофизинг уйқуда , Сен борингни ишонган , Муҳофизинг уйқуда , Муаззининг чорламас , Бомдодларинг кечиккан, Хушёри йуқ, овулинг , улусларинг уйқуда. Қай кун тонгга етарсан , Чорлов - БОНГга етарсан , Интилмасанг ҳаққингга, Қачон ХАҚҚА етарсан ?! Ай элима юввошим , Фарзандлари бебошим, Йиғлаб келиб дунёга , Ғофил бўлиб кетмагин ХАЁТ.ШАМ 29/06 024 ⚜️⚜️⚜️⚜️⚜️⚜️ Ижтимоий тармоқларда бизни кузатинг! Telegram   https://t.me/Ranoumidbaxsh YouTube   https://www.youtube.com/@Rano_Umidbaxsh

Бу шеъримиз Марҳабо Каримова, Шоядбек каналоарида исмимсиз берилибди. Хафа бўлдим. Шеърни кўчирдингми, исмимниям қўй-да,( номард.)

Тонгда... Эшикларини очиб юборинг. Уйингизнинг, Қалбингизнинг эшикларини. Тонгги ҳаволарни симириб олсин, субҳи саболарни симириб олсин, Заррин жилоларни симириб олсин. Ёруғликка тўла бўлсин уйингиз... Очиб юборинг қалб эшикларини, Тонгги дуоларни сингдириб олсин, Тилак, илтижоларни сингдириб олсин, Тонгги наволарни сингдириб олсин, Умидбахш, порлоқ бўлсин доим  куйингиз. Яхши ният мудом ҳамдам бўлаверсин, Тинмай омад,  даромад келаверсин! Ризқингиз мўл, қут-барака тўлаверсин, Шодлик, бахт, толеингиз кулаверсин. Дуодан толмай қолсин қўлингиз... Тонгда... Кўнгил эшикларини очиб юборинг, Дунё эшикларини очиб юборинг, борлигингиз билинсин дунёларга... Шукрларда яшанг, сабрларда яшанг, Завқларда яшанг, Йўқлигингиз билинсин дунёларга! Раъно Умидбахш. 9.05.2020.

Кеча сўз берганимдай, бугун тонг ҳақида гаплашамиз. Тонг- куннинг боши, кундузнинг ибтидоси, инсон умрининг дебочаси. Тонгда Аллоҳ тилаклар эшигини очиб қўярмиш. Бандаларим қилган тиловатлар менга етиб келсин дермиш. Шу сабабли, Тонгда қилинган эзгу ниятлар, ибодат, тилаклар, албатта, ижобат бўлади. Шу сабабли тонгги ибодатни ҳеч қачон канда қилмаслик керак... Кундузи иш билан чалғиб, бошқа намозларингиз қазо бўлиши мумкин, аммо, бомдодни эсдан чиқаришга, кечиктиришга урина кўрманг.

TONGDA. Orzularga to'la yangi kun boshlar, Bu kundan umidim judayam ulkan. Ko‘ngil bekitolmas hayajonlarni, Shijoatimga bas kelolmas ummon. Bu tong yana hayratga to'lib uyg'ondim, Bir chiroyli, go'zal bo'lib uyg'ondim. Hayajonlar bori go‘zal, nurga hamohang, Yana serzavq, quyosh kabi kulib uygondim. Endi hafa qilolmaydi hijronlari ham, Endi sog'inishni ularga qo'ydim, Bu tong, sabolardan gul isin tuyib Sahar gulzoridan bir she'r yulib uyg‘ondim. Besh kunlik dunyoda, g‘amga ne hojat, Yurakda Alloh bo‘lsa, sinov hech gapmas. Iroda, sabr, qanoat nechun berilgan? O‘zingga ishonching kuchli bo‘lsa bas. Besh kunlik dunyoda- o'z olamimda O'zim davlat, shu davlatning qirolichasi, Qo'ya turing g'am-alam barcha barchasin, Hammadan ishonchli, g'olib uyg'ondim. Bu tong... Bir gul kabi go‘zal uyg‘ondim, Tilimda shukronayu, dilimda sabr. Sinovlar, tashvishlar bari o‘tkinchi, Ularni... Yengishim zarur baribir, Bu tong... muzaffar, g‘olib uyg‘ondim... Ishonch, umidlarim ko‘nglimda mahkam. Men Alloh yo‘lida sobitqadamman, Shoyad, Alloh unutmasa... Ba'zan meniyam... Ra'no Umidbaxsh. 5.08.2020 t.me/Ranoumidbaxsh

https://youtube.com/shorts/EqnEZPTno_U?si=0Q23O__nQ_AEotvC ⚜️⚜️⚜️⚜️⚜️⚜️ Ижтимоий тармоқларда бизни кузатинг! Telegram   https://t.me/Ranoumidbaxsh YouTube   https://www.youtube.com/@Rano_Umidbaxsh