Sharqdan sadolar

Assalomu alaykum

Portugal monastirlaridan birining oshxona eshigi. Balandligi 2 metr, eni 32 santimetr. Kimda-kim eshikdan sig'masa, demak unga ovqat yo'q. P.s. har xil ozdiruvchi vositalarga qaraganda ancha samaraliroq usul ekan😁 @sharqdansadolar

1992-yilga kelibgina Vatikan Yerning Quyosh atrofida aylanishini rasman tan olgan. P.s. u baribir aylanadi! @sharqdansadolar

Qora o'lim yoki qora o'lat epidemiyasi Epidemiya butun Yevropa bo'ylab tarqalib, ortidan minglab o'liklarni qoldirgan va shuning uchun shu nomni olgan. Bu epidemiya paytida 75 million odam o'lgan deb taxmin qilinadi. Keyinchalik, buning oqibatida Yevropada inson yetishmovchiligi boshlanadi va krepostnoylarga ham ancha yengilliklar beriladi. Endi ular kimga ishlashni o'zlari tanlashlari mumkin edi. Bu esa ular uchun yaxshiroq sharoitlar yaratilishiga olib keladi. @sharqdansadolar

1993-yilda Marokash cho'lining chekka hududida "Citroen" avtomobilini haydab ketayotgan fransuz Emil Lere mashinasining buzilishi tufayli u yerda qolib ketadi. U o'zini yo'qotib qo'ymaydi va omon qolish uchun mashinasini demontaj qilib, uning qismlardan mototsikl yig'di. Shu tariqa u sivilizatsiyalashgan dunyoga yetib oladi. Qaytganida uni gullar bilan kutib olishgan deb o'ylasangiz yanglishasiz. Kelgach, unga noqonuniy transport vositasini boshqargani uchun jarima solishadi. P.s. hayot senga buzilgan mashina bersa, sen undan mototsikl yasa! (Shu joyida motivatsion videolarda ketadigan musiqa va oxirida "auf" degan joyi bor deb tasavvur qilinglar🤪) @sharqdansadolar

Knyaz Svyatoslav Vizantiyaga yurishidan so'ng, uncha katta bo'lmagan qo'shini bilan uyga qaytayotgan edi. Shunda u pechenklar qurshoviga tushib qoladi va o'ldiriladi. Pecheneklar uning bosh chanog'idan sharob ichadigan qadah yasatishgan ekan. Tasdiqlanmagan tahminlarga ko'ra, vizantiyaliklar pecheneklarga Svyatoslavning qaysi yo'nalish bo'ylab uyiga qaytishi va uning qo'shini miqdori haqida ma'lumot berishgan ekan. Bizdagi qaysi hukmdorning bosh chanog'idan qadah yasashganini bilasizmi? @sharqdansadolar

Pyotr I ning o'ng qo'li bo'lgan Aleksandr Menshikov Rossiya davlatchiligi tarixida muhim rol o'ynagan, iste'dodli shaxs bo'lishiga qaramay, o'qish va yozishni bilmagan ekan. Tarixchilar u tomonidan yozilgan biror-bir hujjatni topishmagan. P.s. amaldor bo'lish uchun savod shartmi) @sharqdansadolar

Yaponiyada seppuku (qorinni yorib o'z joniga qasd qilish) qilgan ayollar ko'pincha tizzalarini bir-biriga bog'lab olishar ekan. Shunda ularning tanasi seppukudan keyin munosib holatda qolar ekan. P.s. o'zini o'ldirishga ishqiboz xalq) @sharqdansadolar

«Бартоломей (ёхуд Ворфоломей) кечаси» Ўрта асрлардаги энг даҳшатли қирғинлардан бири бўлмиш «Бартоломей кечаси» христиан дини авлиёларидан бири бўлмиш авлиё Бартоломей куни арафасида бўлиб ўтгани учун шундай ном олган. Қирғиннинг асосий сабаби Франциядаги диний низолар эди. 1517 йил Мартин Лютер христианликнинг янги, протестантлик оқимига асос солгач, Европада бу оқим шиддат билан тарқала бошлади. Бунга асосий сабаб христианликнинг бунга қадар асосий оқими бўлиб келган, католик оқимининг жуда радикаллиги, католик Рим папаси, епископ ва руҳонийларининг очкўзлиги, черковнинг ҳаддан ташқари ҳокимиятга ўчлиги сабаб бўлганди. Протестантлар эса кўпроқ камхарж ва либерал черков тарафдори эди. Германиядан сўнг Францияда ҳам протестантлик тарқала бошлайди. Францияда протестантлар гугенот (немисча Eidgenossen -ҳамроҳлар) деб аталади. Черковнинг чексиз ҳокимияти ва очкўзлигидан чарчаган французлар, асосан аристократлар протестантликни қабул қилади ва уни тарғиб қилади. Бироқ бу даврда Францияни бошқараётган Валуалар оиласи католик эди ва улар протестантликка қарши чиқади. Валуардан сўнг тахтга даъвогарлик қилаётган Гизлар оиласи ҳам Франция тахтига яна бир даъвогар бўлган протестант Бурбонлар сулоласига қарши кураш олиб боради. Тез орада католик-гугенот зиддияти сулолавий курашларга айланиб кетади. Гугенотлар яхши қуролланган қўшин тузади. Қироллик қўшини деярли барча катта жангларда ғалаба қозонса ҳам гугенотларни тўлиқ йўқ қила олмайди. Ички урушлардан силласи қуриётган Францияда 1570 йил тинчлик сулҳи тузилади, унга кўра, гугенотлар етакчиси адмирал Гаспар де Колини қироллик кенгаши аъзосига айланади. Гугенотларга Франция жануби ва ғарбидан бир нечта қалъалар берилади. Қирол Карл IX нинг онаси, амалда давлат ҳукмдори бўлган Якетерина Медичи адмирал де Колинининг қиролга таъсири ошиб бораётганидан ташвишга тушади. Қиролича тинчликни янада мустаҳкамлаш учун қизи Маргарет Валуа ва гугенот шаҳзода Генрих Наварраскийни (бурбон) унаштиришга қарор қилади. Тўй 1572 йилнинг 18 август кунига белгиланади. Парижда бўлиб ўтувчи тўйга жуда кўп гугенотлар кела бошлайди. Колини оиласи билан анчадан буён душманлик кайфиятида юрган Гиз сулоласи вакили Генрих де Гиз тўй баҳонасида Гаспар де Колинини ўлдиришга қарор қилади. Унинг бу режаси қиролича ва қироллик кенгаши томонидан ҳам маъқулланади. Бироқ улар умумий қирғинни эмас, де Колини ва бир нечта гугенот раҳбарини йўқ қилиш ва Бурбонлар сулоласи шаҳзодалари Генрих ҳамда унинг укаси Генрих де Кондени ҳибсга олишни режалаштиради. 18 августда тўйдан сўнг де Гиз де Колинини ўлдиришга ҳаракат қилади, аммо уни фақат яралай олади. Етакчиларига қилинган суиқасддан протестантлар ғазабга минади ва қиролдан айбдорларни жазолашни сўрайди. Қирол маслаҳатчилари ва қиролича Медичи Карл IXга гугенотлар ҳужум қилмасданоқ уларга зарба бериш керак дея маслаҳат беради ва шу тариқа 23 август куни Парижда гугенот раҳбарлари қатли бошланади. Аммо 24 августда де Колини ўлдирилгач қирол ва унинг тарафдорлари учун миссия якунланади, буёғига эса қатлиомни оддий оломон давом эттиради. Бир неча йиллик ҳосилсизлик, нархларнинг қимматлиги сабаб ночор аҳволга тушган Парижнинг консерватор аҳолиси бой протестантларни ёмон кўрарди. Доимо қора кийиниб юрувчи протестантларни ажратиб олиш қийин бўлмайди. Шаҳарда ҳақиқий даҳшат бошланади, гугенот аёл, бола ва қарияларга шафқат қилиб ўтирилмайди. Тартибсизлик фонида ҳамма ўз душманларига ҳужум қилиб кетади, зодагон ва кредиторлар ўлдирилади ва бойлиги таланади. Дўконлар ўмариб кетилади, гугенотлар қирғини баҳонасида баъзи парижликлар бойга айланади. Жазосизлик қурбонлар сонини кўпайтиради.©️ @sharqdansadolar