Najmiddin Turon

Qanoti siniqku, ucholmas bulbul, Tillari kesilgan, tumshug‘ida zang. Sendan kattalarning hadigi sabab, Sening zamoningdan quvilgan ohang. Dilginang hapqirar hayajon yutib, Sezasan nimadir chekishin nola. Tinmay entikasan mo‘jiza kutib, Qafasning sayrashin kutyotgan bola. ©Najmiddin Ermatov 2018 yil, oktyabr @Najmiddin_Ermatov

* * * Sen kelmagan uyga sig‘masdan, Tentisam, bo‘zlasam visoling tilab. Bizlar birga yurgan yo‘llardan, Izlaringni tersam bittalab. So‘ngra qaytsam yana shu uyga, Izlaringni qo‘ygani ekib. Kunduzlar boshida parvona bo‘lsam, Tunlari sug‘orsam tinmay yosh to‘kib. Sen kelmagan uyda har kun zax yutib, Sog‘insam, o‘tinsam bilmasdan tinim, Bahor kelganida ushbu izlardan O‘sib chiqasanmi, sevgilim?.. ©Najmiddin Ermatov

Borligingni ko‘rmasin deb, Ko‘zimga tuz sepib qo‘ydim... @Najmiddin_Ermatov

Xudo bergan shu Ishq deya, Tartiblarni buzib qo‘ydim... @Najmiddin_Ermatov

*** Манзилимни осмон айлаб, Шу осмонни дилга жойлаб, Ишқдан бунёд жаҳонима, Фақат сени малак сайлаб, Пешонамга мангуликка, Қуллик тамға уриб қўйдим. Ишқ тўлғонур соҳилим тор, Танам қафас, танам озор, Учай десам учолмайман, Қувғиндирман, гунохим бор, Хаёл эркдир, ҳаёт кишан, Кишанларни узиб қўйдим. Бозор йўлдир, мозор йўлдир, Одамизот шу йўлдадир— бу йўл менга саҳли мумта, Менинг йўлим кўнгилдадир, Худо берган шу Ишқ дея, Тартибларни бузиб қўйдим. Ундай сулув туғилмайди, Туғилмаган кўмилмайди, Жамолингни кўзим эмас, Кўнглим кўрса улуғлайди, Борлиғингни кўрмасин деб, Кўзимга туз сепиб қўйдим. Худо берган шу Ишқ дея, Тартибларни бузиб қўйдим. ©Нажмиддин Эрматов @Najmiddin_Ermatov

Hadikni qo‘y endi, ey Havvo nasli, Men taqiq mevasi emasman axir... @Najmiddin_Ermatov

*** Келгин, қисматимиз келишдир асли, Иккимиз бир ҳисга бўлайлик асир. Ҳадикни қўй энди, эй Ҳавво насли, Мен таъқиқ меваси эмасман ахир. У қиздa ишқим бор, кўнглимда у қиз, Эй, Худо, бу юкинг бунчалар оғир. Кундан кун кетяпман осмонга чўкиб, Мен Нуҳнинг кемаси эмасман ахир. ©Нажмиддин Эрматов @Najmiddin_Ermatov

chalqancha yiqilgan mag‘lub polvonday tun zaminga yiqilib tushib yulduz sanab yotibdi endi... @Najmiddin_Ermatov

*** Чалқанча йиқилган мағлуб полвондай, тун заминга йиқилиб тушиб, юлдуз санаб ётибди энди. Зиндонга қулаган алпомиш мисол, дилга ҳижрон қулади-қолди, нажот тилаб ётибди энди. Тун билан дарди бир давоси бўлак: кеча кўп тотмайди ернинг таъмини, турғизиб юборар сахарлар уни. дунёдан кенг зиндон тубида, ҳижрончи, ҳижрончи нажот кутади. бойчибордан дарак йўқ ҳали, келганда ҳам думи етмайди. ©Нажмиддин Эрматов @Najmiddin_Ermatov

Osmonda so‘nardi yulduzlar bir-bir, Hilol tun bag‘riga qo‘yar edi bosh. Saxarlab erinmay onam o‘t yoqqan, Tandirdan erinib chiqardi quyosh.

Maysalar o‘pichin shudringga sotib, Saxarlar yotganda tushlarga botib, Qorong‘u kechani, molini haydab, Otam ketar edi tongni uyg‘otib.

*** Maysalar o‘pichin shudringga sotib, Saxarlar yotganda tushlarga botib, Qorong‘u kechani, molini haydab, Otam ketar edi tongni uyg‘otib. Osmonda so‘nardi yulduzlar bir-bir, Hilol tun bag‘riga qo‘yar edi bosh. Saxarlab erinmay onam o‘t yoqqan, Tandirdan erinib chiqardi quyosh. ©Najmiddin Ermatov @Najmiddin_Ermatov

*** Деразадан термилар титраб, Ёмғирлардан шалаббо кеча. Жавдираб қарайди хонага, аммо Киролмайди чироқдан чўчиб. Мен-чи етолмайман уйқуга томон, Ҳар кеча минг азоб кечиб бораман. Соғинч бу тугундир, мутолаа-ечим, Ҳар кеча минг тугун ечиб бораман. На китоб ёпилар, на ёмғир тинар, Кеча тантирайди, уст-боши ивиб. Сахар яқин, сўнги варқада киприкларим борар илиниб. Ва ниҳоят чироғим ўчди, Соғинч кўчар тушга ўксиниб. Кеча кирар хонамга аста, Тонг келгунча олар исиниб. ©Нажмиддин Эрматов @Najmiddin_Ermatov

Men senga sevishim aytaman endi, Sen menga xatingiz o‘qiyman, deb ayt...

*** Бармоқлар қаламни қучар қалтираб, Кўнгил туға бошлар, йиғлайди туйғу. Ақлим фарёд қилар: “Тўхта, эй телба, Сенинг хатларингни ўқимайди у”. Хонага нур кирар ойнадан синиб: “Ақлингга қулоқ тут, айтгани ростку. Ўқиган бўлса гар жавоб ёзарди, Сенинг хатларингни ўқимаган у”. Ойнага урилар оқшом шамоли, Билган сирларини оламга сочиб: “мен аниқ биламан, тўхта, эй кўнгил, У сенинг хатларинг кўрмайди очиб”. Дилга ғашлик чўкар, заминга оқшом, Кеча сўзлай бошлар дилга отиб ўқ: “Хатларинг ўқимоқ у ёқда турсин, Ҳаттоки, у сени ўйлагани йўқ”. Оппоқ қоғозларнинг бағри доғ яна, Оппоқ қоғозларда фарёдлар лим-лим. Энг сўнгги умидим тўкилмай туриб. “Уларнинг сўзлари ёлғон”, де, гулим. Кўнгил бу кечада ўзидан кечар, Бу сўнги хотима, бўлмас бошқа пайт. Мен сенга севишим айтаман энди, Сен манга хатингиз ўқийман деб айт. ©Нажмиддин Эрматов @Najmiddin_Ermatov

*** Гуллар гуллигини унитса агар, Не учун ўсишин билмаса дарахт. Осмонда қўл етмас юлдузга боқиб, —мана шу бахт деса, мана шудир бахт. Сен-чи, майса бўлсанг ушбу ўрмонда, Шамоллар шивири туюлса сирдай. Миянгда минг савол уйғонса ғужғон, Тағин ўсаверсанг кимлигинг билмай. Гулларнинг хироми сохта туюлса, Дарахтлар қулочи омонат гўё. Шабада элтгувчи ҳидга тўйинса, Бу яшаш яшашга ўхшарми, дунё?! Сен-чи, бу ҳолатга жавоб топмасанг, Ўйласанг, —бу ўрмон нимага жимдир?! Ахир бу ҳолатни кимдир яратган, Ахир бу ҳолатни билади кимдир. Саволлар жавоби кимгадир маълум, Кимдир яшаяпти чиқаролмай сас— Сенинг кимлигингни билади булбул, Ўзининг кимлигини билади қафас. ©Нажмиддин Эрматов @Najmiddin_Ermatov

*** Мен лойдан бунёд бўлганман Демак Қовурғам ҳам лой Сен эса нурдан яралгансан Бошдан оёқ нур (ўзинг кечир мени, Яратган) Уларнинг орасида боғлиқлик тополмайман Бирдан йиғлаб юбораман Кўзларимдан тома бошлар Нур ©Нажмиддин Эрматов @Najmiddin_Ermatov

*** "Endi senga yashamoq qiyin, Endi sen yashovchi dunyoga oson". U. Azim Men yolgʻon soʻzlashni oʻrgandim, Yolgʻon buncha shirin, bunchalar mayin. Endi menga osondir, ammo Meni oʻgʻlim degan Vatanga qiyin. Men oʻzni oʻylashni oʻrgandim, "Oʻz" bu oromini oʻylaguvchi jon. Endi mening yurar yo'lim naqd, Faqat bu Vatanning yoʻllari gumon. Gar rost soʻzlamoqqa kuch topsam birdan, Bu soʻz juda ogʻir, Omonatda jon... Qiyin boʻlar oʻzimga, shodki, Meni oʻgʻlim degan Vatanga oson. ©Najmiddin Ermatov @Najmiddin_Ermatov