Eu pictures

🍀አንዲት ሴት በመንገድ ስትጓዝ ብዙ አሳማዎች አንድን ሰው ሳያስቸግሩት ከኋላ ኋላው ሲከተሉት ተመለክተች። ሰውየው ይሄድ የነበረው አሳማዎች ለእርድ ወደሚቀርቡበት ቄራ ነበር። ሴቲቷም አሳማዎቹ ያለምንም ማስቸገር ሰውየውን ተከትለው ወደሞታቸው ስፍራ ለምን እንደሚጓዙ ሊገባት አልቻለም። ስለዚህም ወደ ሰውየው ቀርባ ይህ ለምን እንደሆነ ጠየቀችው ሰውየውም በእጁ የያዛትን በባቄላ የተሞላች ትንሽ ከረጢት አሳያት እንዲህም አላት የምሄደው ይህንን ባቄላ እያንጠባጠብኩኝ ነው አሳማዎቹ ባቄላ ማንጠባጠቤን ስለሚያዩ ይከተሉኛል ግን የት እንደምወስዳቸው የሚያውቁት በመጨረሻ የቄራው በር በላያቸው ከተዘጋ በኋላ ነው።በሩ ከተዘጋ በኋላ ከዚያ ለመውጣት ያላቸው እድል ያከትማል። 🍀ሰይጣን በእርሱ መንገድ ብዙ ደስ የሚያስኙ ነገሮች እንዳሉ ይናገራል። ባቄላውን ያንጠባጥብላችኋል። እነዚህም የሐጥያት ባቄላዎቹ ናቸው ዝሙት፣ ስርቆት፣ ስካር፣ ውሸት፣ ገንዘብን መውደድ... 🍀ሰይጣን ብዙ ስዎችን እንዲከተሉት ሀጥያትን ጣፋጭ አድርጎ ያቀርባል። በዚህ ልምምዳቸውም ሰዎች ጥሩ ህይውት እንዳላቸው ይነግራቸዋል። እነርሱም የት እንደሚወስዳቸው ባያውቁም በመጨረሻ ተመልሰው ሊወጡ ወደ ማይችሉበት ጉድጓድ ውስጥ መውደቃቸውን ጊዜ ካለፈ በኋላ ዪገነዘባሉ። 🍀በሰይጣን መንገድ ውስጥ ከተያዙ በኋላ ተመልሰው ለመውጣት አለመቻልን ስለተገነዘበ አንድ ባለፀጋ መፀሐፍ ቅዱስ በ ሉቃ16:22 ይነግረናል። በተቃራኒው ጌታ ኢየሱስ ክርስቶስ እንድንከተለው ይፈልጋል። ይሁን እንጂ በውሸት ቃል አይሸነገልም። ጌታ ኢየሱስ የእግዚአብሄር ልጅ ነው። ፈጣሪያችን ነው። ለኛ እውነተኛ ደስታችን ምን እንደሆነ ያውቃል። ዛሬ የእርሱን መንገድ መርጠን ብንከተል የዘላለም ሐይወት ሊሰጠን ተስፋ ገብቶልናል። ዮሐ 3:16 አንተ/ቺ ስ ወንድሜ/እህቴ ምን ታስባለህ/ሽ?

See u love it