РОМИТАННОМА

🟢Texnikum bitiruvchilariga diplom topshirish marosimi bo‘lib o‘tdi. Romitan agrotexnologiyalar texnikumining 103 nafar bitiruvchilariga diplom topshirish marosimi o'tkazildi. Tadbirda Oliy ta'lim, fan va innovatsiyalar vazirligi Buxoro viloyat hududiy boshqarmasi boshlig'i A.Naimov, Romitan tuman yoshlar ishlari agentligi rahbari E.Shamsiyev, Tuman deputatlari, ish beruvchi korxona rahbarlari, texnikum  rahbariyati, ota-onalar va o‘quvchi yoshlar ishtirok etdilar. Texnikumda o‘quv yili jarayonida yutuqlarga erishgan, o‘quvchilar hamda ularning ota-onalari faxriy yorliq va tashakkurnomalar bilan taqdirlandilar. Ma'lumot o'rnida texnikumi 103 nafar  bitiruvchilaridan 3 nafari imtiyozli hamda 100 nafariga oddiy diplomlar topshirildi. Bitiruvchilarning 66 nafari  mutaxassisligi bo‘yicha ish bilan ta’minlangan bo'lib, qolgan 37 nafar bitiruvchilar texnikumni a'lo baholar bilan tugatganligi sababli oliy ta’lim muassasalariga 2-kursdan suhbat asosida o‘qishga kirish imkoniyatiga ega bo'dilar. Romitan tuman hokimligi matbuot xizmati ✝️ Telegram | ☮️ Facebook | 💟 Instagram | ☸️ YouTube

АЁЛДА ГАП КЎП... — Мен китоб ўқийдиган, ўзини зиёли кўрсатадиган аёлларни хушламайман! — Нега? — Чунки у файласуф бўлади. Кўп жанжал қилади. Эрига итоат қилмайди. Оддий, ўртача билимга эга бўлган аёл яхши! — Сен зиёли аёлдан  қўрқмайсан. Сен аслида зиёли аёл фош қиладиган нуқсонингдан қўрқасан?! Шунинг учун, индамасдан ерга қараб турадиган дунёқараши тор эмас, керак жойда ҳаққини талаб қила оладиган зиёли аёлни танланг. Зеро, қўйсифат аёлдан қўйсифат, шерсифат аёлдан шерсифат фарзанд дунёга келади!

ОНАЖОНИМ, МУШТИПАРГИНАМ! 1. Онамни қанчалар яхши кўришим бу дунёнинг ўлчовларига сиғмаса керак. 2. Кунда, кунора  онамга яхши кўришимни айтман. Ҳар доим ишдан қайтишда   дийдорлашиш учун ёнларига  ошиқаман. 3. Онамни бағримга босиб айтишим керак бўлган жуда кўп гапларим бор. 4.Онам гулларни , табиатни ва кичкина  болаларни жуда яхши кўрадилар. 5. Онам билан иккимиз тушган суратимиз йўқ. Аммо оилавий суратларимиз кўп.   6.Онам ҳозирда кўпроқ фарзандлар ва неваралар дийдорини хоҳлайдилар. Ёзувчи Ўткир Ҳошимовнинг "Дафтар ҳошиясидаги битиклар" китобидада айтилганидек : Одамзод ҳамма нарсага тўйиши мумкин , аммо  меҳрга тўймайди. Айниқса, отамни йўқотгандан кейин онам анча мунғайиб қолдилар. 50 йиллик умр йўлдошни йўқотиш осон эмас албатта. Онам ҳар сафар борганимизда албатта отажонимни эслайдилар. 7. Хаёлнинг туманли пардаси аро баъзан шундай қўрқинчли ўйлар ҳам бўлади. Илоҳим умрлари узун бўлсин. Отамдан ёдгорим, беозорим онам... Онажон, сиз ер юзидаги энг яхши онасиз. Сизга айтарларим кўп.  Фақат кўп яшанг. Менинг онам бўлганингиз учун ҳам раҳмат, муштипаргинам. Салима САИДОВА, Зарафшон маҳалласи. Хўжаазизон кўчаси.

ОНАСИДАН БЕЗОРЛАР ҲАМ БОР! "Ромитаннома" газетаси ижтимоий тармоғи оналаримизга меҳримиз, муҳаббатимиз изҳори сифатидаги саволларни эълон қилганидан хурсандмиз. Кўпгина жавобларни ўқиб, солиҳ фарзандлардан ибрат олгинг келади. Лекин, беандиша, меҳрсиз, мунофиқ фарзандлар ҳам йўқ эмас. Туманимизда яшаётган аёл (Исмини тилга олишга ор қилдик) ўзининг ногирон онаси кўзи кўрмаслигидан фойдаланиб уй ҳужжатларини ўз номига кадаср қилиб олади. Иккинчи хотин бўлиб яшаётган бу нобакор қиз онасининг кўзи ожизлигига, ногиронлигига ҳам қарамай, бемалол ҳақорат қилади. Етти ёт душман ҳам қилмайдиган кўргуликларни бошига солмоқда. Отаси оламдан ўтгач, фарзандларини оқ ювиб, оқ тараган онаизорнинг дуосини олишдан, наҳотки ер, мол-мулк олдин турса!.. "Ромитаннома" газетаси, телеграмм канали жуда долзарб муаммони кўтаряпти. Қани эди бундайлар ҳам ўқиса, онани қадрлаш йўлига ўтса?! Шарофат.

Тест саволлари: ОНАНГИЗНИ ҚАЧОН ҚУЧДИНГИЗ? Азиз ўқувчи! Саволларимизга аниқ ва мукаммал жавоб беришингизни жуда истар эдик. 1. Сиз онангизни яхши кўрасизми? 2.Охирги марта қачон: "Онажон, Сизни яхши кўраман!" дедингиз? 3.Охирги марта қачон бағрингизга босдингиз? 4.Онангиз нималарни хуш кўришини биласизми? 5.У билан алоҳида тушган суратингиз борми? 6.Онангиз ҳозир нимани хоҳлаётганини ҳис этасизми? 7.Бир кун келиб уни йўқотиб қўйишингиз мумкинлигини ва ҳеч қачон кўра олмаслигингизни-чи? Жавобларингизни кутамиз!