ሁሌ መረጃ.com/hule merja

ኢትዮጵያ የራሷ የኮሙዩኒኬሽን ሳተላይት ባለቤት እንድትሆን የአዋጭነት ጥናት ተጠናቋል፡- የኢትዮጵያ ስፔስ ሳይንስና ጂኦ ስፓሻል ኢንስቲትዩት ኢትዮጵያ የራሷ የኮሙዩኒኬሽን ሳተላይት ባለቤት እንድትሆን የአዋጭነት ጥናቱ ተጠናቆ ለሚመለከተው የመንግስት አካል ለውሳኔ መላኩን የኢትዮጵያ ስፔስ ሳይንስና ጂኦ ስፓሻል ኢንስቲትዩት ገለፀ፡፡ የኢትዮጵያ ስፔስ ሳይንስና ጂኦስፓሻል ኢንስቲትዩት ምክትል ዳይሬክተር ቤተልሔም ንጉሴ፤ ኢትዮጵያ የራሷ ኮሙዩኒኬሽን ሳተላይት ስለሌላት በአሁኑ ወቅት ከሉግዘመበርግ ኢ ኤስ ኢ ኩባንያ ኢትዮ ሳትን  በመጠቀም ላይ ትገኛለች ብለዋል፡፡ ኢትዮ ሳት ኢትዮጵያ ለሳተላይት የምታወጣውን ከፍተኛ ወጪ ከመቀነስ፣ የባህል ወረራን ከመከላከል እንዲሁም ሀገራዊ እሴትን ከማስጠበቅ አንጻር ጉልህ አስተዋጽኦ እያበረከተ መሆኑን ኃላፊዋ አንስተዋል፡፡ በኢትዮጵያ ከ2014 ዓ.ም በአዲስ መልክ የተደራጀው የስፔስ ሳይንስና ጂኢስፓሻል ኢንስቲቲዩ፤ በቀጣይ ኢትዮጵያ የራሷ የኮሙዩኒኬሽን ሳተላይት ባለቤት እንድትሆን የአዋጭነት ጥናት ተጠናቆ ለፕላንና ልማት ሚኒስቴር  መላኩንና ውሳኔ እየተጠበቀ መሆኑን ገልጸዋል። Via EBC

ቦይንግ የ346 ሰዎችን ህይወት በቀጠፈው የ737 ማክስ አውሮፕላን አደጋ ክስ ሊመሰርትበት እንደሚችል ተገለፀ በኢትዮጵያው አየር መንገድ እና የኢንዶኔዥያው የ737 ማክስ 9 አውሮፕላን አደጋዎች የ346  ሰዎችን ህይወት በቀጠፈው አደሳ ምክንያት ቦይንግ ላይ ክስ ለመመስረት እያጤነ እንደሆነ የአሜሪካ የፍትህ መስሪያ ቤት አስታወቀ። ቦይንግ የሚያመርታቸውን አውሮፕላን ምርቶች ደኅንነት እና ጥራት ለማስጠበቅ ከ3 ዓመት በፊት ከአሜሪካ የፍትህ ሚኒስቴር ጋር የገባውን የቁጥጥር መርሃ ግብር ስምምነት መጣሱንም መስሪያ ቤቱ ስለመግለፁ ቢቢሲ በዘገባው አመልክቷል። ቦይንግ ስምምነት ጥሷል የተባለውን ክስ አስተባብሏል። ይህ አስከፊ የቦይንግ 737 ማክስ አውሮፕላን አደጋ በኢትዮጵያው 157 እንዲሁም በኢንዶኔዥያው አየር መንገድ 189 ሰዎች ህይወት መቅጠፉ ይታወሳል።

በሀገሪቱ ያለው የፀጥታ ችግር የማዕድን ዘርፉን እየጎዳው ነው ። የኢትዮጵያ ማዕድን ኮርፖሬሽን  የሚዲያ እና ኮሚኒኬሽን ሀላፊ  ካሳሁን ለምለሙ ለኢትዮ ኤፍ ኤም እንዳሉት በሀገሪቱ ያለው የፀጥታ ሁኔታም ያለንን ሀብት በተገቢው መልኩ እንዳንጠቀም አድርጎናል ብለዋል ፡፡ በሀገራችን በሚገኙ በርካታ ክልሎች ከፍተኛ የሆነ የማዕድን ክምችት እንደሚገኝ ጠቅሰዋል፡፡ ባለ ሀብቶች ወደ ማዕድን ኢንዱስትሪ ከገቡ ሀገሪቱ ከዘርፉ ከፍተኛ ጥቅም ታገኛለች ተብሎ እንደሚጠበቅም አስረድተዋል፡፡ ማዕድን ለማውጣት የሚያግዙ ከውጪ የሚገቡ ማሽነሪዎች ለማስገባት የሚያስፈልገው ወጪ ከፍተኛ መሆን እና  የመሰረተ ልማት ችግር  ሌላኛው በዘርፉ የሚነሳ እንቅፋት መሆኑን አቶ ካሳሁን ጠቅሰዋል፡፡ ተቋሙ በዘርፉ ያለውን ክፍተት ለማስተካከልም በማምረት ፣በፍለጋ፣በጥናት እና በማዕድን ሽያጭም ከፍተኛ ስራ ለመስራት የቅድመዝግጅት ስራዎችን እየሰራ ይገኛል ብለዋል፡፡ አሁን ካሉት በተጨማሪ በተለያዮ አካባቢዎች ላይ አዳዲስ ሳይቶች እየከፈቱ እንደሚገኝ ጠቅሰዋል። የወርቅ ምርቶችን ፣ኢንዱስትሪ ማዕድናትና የከበሩ ድንጋዮችን ለደንበኞቹ በመላክ ለሀገራችን የውጪ ምንዛሬ ለማስገባት ከፍተኛ ስራ እየሰራን እንገኛለን ሲሉ ተናግረዋል፡፡

የነዳጅና ኢነርጂ ባለስልጣን ሰዉ ሰራሽ የነዳጅ እጥረት እንዲፈጠር በሚያደርጉ ነዳጅ ማደያዎች ላይ ከማሸግ የዘለለ እርምጃ መዉሰድ የሚያስችለውን አዋጅ ማዘጋጀቱ ተነገረ! ባለስልጣኑ ባዘጋጀው በዚህ አዋጅ ያልተገባ ጥቅም ለማግኘት ሰው ሰራሽ የነዳጅ እጥረት በሚፈጥሩ ሕገ ወጦች ላይ እስራትና የገንዘብ ቅጣት እርምጃ መውሰድ የሚያስችሉ አንቀጾች መካተታቸውን ተጠቁመዋል። አዋጁ ለሚኒስትሮች ምክር ቤት መቅረቡን ተከትሎ በቅርቡ በሕዝብ ተወካዮች ምክር ቤት ጸድቆ ወደ ስራ እንደሚገባ የተነገረ ሲሆን በነዳጅ ማደያዎች ነዳጅ እያለ እንደሌለ ማስመሰል፣ የነዳጅ ግብይትን በጥሬ ገንዘብ መሸጥ፣ ነዳጅን በተለያዩ ስፍራዎች ደብቆ ማስቀመጥና የመሳሰሉትን ህገወጥ አሰራሮችን ሊያስቀር እንደሚችልከተቋሙ ያገኘነው መረጃ ያመለክታል ።

በጂንካ የ8 ዓመት ታዳጊን  አስገድዶ ግብረ ሶዶም  ወንጀል የፈጸመው ግለሰብ  ጽኑ እስራት ተቀጣ በጂንካ ከተማ በ8 ዓመት ታዳጊ ልጅ ላይ የአስገድዶ ግብረ ሶዶም   መድፈር ወንጀል የፈጸመው ግለሰብ በጽኑ እስራት እንደተቀጣ የጂንካ ከተማ ፍትህ ጽ/ቤት አስታዉቋል፡፡ የጂንካ ከተማ የመጀመሪያ ደረጃ ፍርድ ቤት ግንቦት 2 ቀን 2016 ዓ.ም በዋለው ችሎት ውሳኔዉን በተከሳሹ ላይ አስላልፎበታል፡፡ተከሳሽ ወጣት ማንያዘዋል አዳሙ  የካቲት 15 ቀን 2016 ዓ.ም በግምት ከምሽቱ 2:00 ሰዓት አከባቢ ድርጊቱን መፈፀሙን በማመኑ ባመነው መሰረት ማስረጃ መስማት ሳያስፈልግ  ውሳኔ እንደተሰጠ የጂንካ ከተማ የኮሙኒኬሽን ጉዳዮች ጽ/ቤት ሃላፊ የሆኑት  አቶ በቃሃኝ ጥላሁን  በተለይም  ለብስራት ሬዲዮ እና ቴሌቪዥን ተናግረዋል  ። ተከሳሽ የግል ተበዳይን እኔ ጋር  አሳድራለው በማለት ከቤተሰቦቹ  በመውሰድ ህፃኑን አስገድዶ  ግብረ ሶዶም ወንጀል  መፈፀሙ አረጋግጧል ። አሰገድዶ የመድፈር ወንጀል የደረሰበትን ህፃን ለጤናም ሆነ ለስነ-ልቦና ጉዳት የሚዳርግ ተግባር ከመሆኑ አንጻር በጂንካ ከተማ የመጀመሪያ ደረጃ ፍርድ ቤት የሰጠው  ውሳኔ ተከሳሽንና ሌሎችንም  መሠል ወንጀል አድራጊዎችን የሚያስተምር ውሳኔ አስተላልፎበታል፡ በመሆኑም  ግንቦት 2 ቀን 2016 ዓ.ም በዋለው ችሎት አስገድዶ ግብረ ሶዶም መፈፀሙን ሙሉ በሙሉ በችሎት ቀርቦ በማመኑ የጂንካ ከተማ መጀመሪያ ደረጃ ፍርድቤት  በ15 ዓመት ጽኑ እስራት እንዲቀጣ  መወሰኑን አቶ በቃኀኝ ጥላሁን ጨምረው ለብስራት ሬዲዮ እና ቴሌቪዥን ተናግረዋል  ፡፡ በኤደን ሽመልስ #ዳጉ_ጆርናል

በአማራ ክልል ሰሜን ሸዋ ዞን ሁለት ወረዳዎች የድሮን ጥቃት መፈጸሙን ነዋሪዎች ገለጹ። በቀወት ወረዳ ተሬ ቀበሌ በሚገኘው ጉሎ የመጀመሪያ ደረጃ ትምህርት ቤት ላይ በተፈጸመው የድሮን ጥቃት ንጹሃን ህይወታቸው ማለፉንና መቁሰላቸውን የአይን እማኞች ለአል አይን አማርኛ ተናግረዋል። በጣርማበር ወረዳ በሚገኘው የመዘዞ ሁለተኛ ደረጃ ትምህርት ቤት ላይም የድሮን ጥቃት መፈሙን የገለጹ ነዋሪዎች በሰዎች ላይ ጉዳት መድረሱን ነው ያብራሩት። ዘገባው የ AL AIN ነው

ከሐዋሳ ወደ አዲስ አበባ በመጓዝ ላይ የነበረዉ አዉሮፕላን ዉስጥ ታይቷል የተባለዉ ጭስ በዉስጡ ያለዉ ዘይት በመቃጠሉ የተነሳ መሆኑ ተገለፀ! የኢትዮጵያ አየር መንገድ ከሰሞኑ በአዉሮፕላኑ ላይ የተከሰተው ጉዳይን አስመለክቶ እንዳስታወቀው ከእሳት ወይም ከሌላ ነገር ጋር የተያያዘ ሳይሆን አዉሮፕላን ዉስጥ ያለዉ ዘይት ተቃጥሎ ነዉ በወቅቱ የተከሰተው ጭስ ሊፈጠር የቻለዉ ይህም አልፎ አልፎ የሚያጋጥም ችግር ነዉ ብሏል። የአየር መንገዱ ስራ አስፈፃሚ አቶ መስፍን ጣሰዉ በተለይ ለካፒታል እንደተናገሩት " በአዉሮፕላኑ ዉስጥ ያለዉ ዘይት መጋጠሉ እና ከእርሱ ጋር ተያይዞ የተፈጠረ ጭስ ነዉ ይህ ደግሞ የተለመደ ነዉ ብለዋል። የኢትዮጵያ አየር መንገድ በረራ ቁጥር ET154 ሚያዝያ 29፣ 2016 ከሀዋሳ ወደ አዲስ አበባ በመጓዝ ላይ እያለ በአውሮፕላን ውስጥ ጭስ መታየቱን አስታዉቆ እንደነበር ይታወቃል ። [Capital]