کازیوە☀
کاناڵی کازیوە بۆ خزمەت لەبواری کۆمەڵایەتی، ئەدەبی،فەرهەنگی و ... کاناڵەکەمان بە هاوڕێکانتان بناسێنن ...🌻💛 بۆ پێوەندی: @nabaz1 لاپەڕەی ئینستاگرام: instagram.com/kaziwe_kurdistan
Mostrar más289
Suscriptores
Sin datos24 horas
+17 días
+630 días
- Suscriptores
- Cobertura postal
- ER - ratio de compromiso
Carga de datos en curso...
Tasa de crecimiento de suscriptores
Carga de datos en curso...
پێم گوت: مەکە چاک چاکم، پێش خزمەتی زۆر چاکم...
فەرمووی: بەسەری کاکم، داغت لە دڵمدایە!...
✍نالی
🌼 @kaziwe_kurdistan
لە زۆر کەس وایە من ئیتر کەوا مەیلی پەری ناکەم
درۆیە تاکو من مابم لە ئەو خۆم بێ بەری ناکەم
هەزار حۆری و فریشتەی جوان بە چاوێکی پەری نادەم
بە دڵ گرتوومە تا مردن بە هیچ جۆرێ بەری نادەم
هەزار تانە و پلار بێت بۆم بە هیچ ناچێ بە خۆڕایی
درۆیە خۆشەویستی من بگاتە مەرگی کۆتایی
ئەگەرچی بێ وەفاش دەرچوو
بەلام من بێ وەفا نیم بۆی
لە باغی هەست و سینەمدا وەکو خۆی ماوە ڕەنگ و بۆی
بەهاری عومری لاویم و بەهەشتی بەختی یاریمە
گولی دەستی دەمی مەستی ژیانی هەرزەکاریمە
✍جەمال شارباژێڕی
🌻 @kaziwe_kurdistan
پەخشانی ((شەقامەڕێی ئەڤین ))
نووسینی : ئەحمەد عەلەوی
لە گۆڤەندێ سەرچۆپی وەدەستێ ،شۆخ وشەنگێ ،هێمن ومەندێ ،چاو خومار ومەستێ ، چاوانی قەترانی جوانی ،ئاماژە و نوانی ،پڕ بوون لە حەز و ویستێ ، هەست و داخوازی و ویستێ ، دڵمی هەژان وەژانی خستم ، ئاشقی خۆ و چاو وباڵای بەرزی ،ڕوومەت شیرین و خوو و خدەی بەرزی خۆی کردم .....
لە شادی وهەرا و دەنگی تەپڵ و جووزەلەدا بووە میوانی ژوانی ئەڤینداری ،بووە داڵغەی خەیاڵ و گوڵاڵەی نواڵ ،
وردە وردە بە وردە ڕیشاڵ بووە مەلۆتکەی زەین و خەیاڵ ،بووە میوانی ساتەوەختی ناوەختی دوور لە کات و وەختی بەختی خۆشبەختی ژینم ،
بووە خۆشەویستی ئاودێر بوو بە حەز و ویستی مێرغوزاری دڵ وقەدەر و ویستی خودا و هەستی ،
بووە گڵۆپی ڕووناک کەرەوەی بیری پەست و ئەندێشەی قەتیس و خەستی ژینم ، بووە دەرکەی کەرەوی کەوانی
زانیاری و فڕێدەری ئەندێشەی ژاراوی ،بووە خۆرەتاوی بڕواتا و هەناوی ژینم ، بووە ڕێنوێن و ڕێنیشان لەشەقامەڕێی بەژان و ئازاری ژیان ، بووە وزە بەخش، شادی بەخش ،بووە هۆکار بمکا ڕزگار وەدەست باوەڕی نزم و پەست ،بووە ئەوە بێ کەم و کوڕ بە گڕ و گوڕ لەشەقامەڕێی ژین بە حەز و تاسە بچم ،بڕۆم، بکەم پێناسەی عەشق وئەڤین ،خۆشەویستی و دڵداری وژین ،
لە مەزرای خودا ،ماڵباتی هەستی ،تێڕامان لەگەردوون و هەستی ،ژینی جۆر بەجۆر و پڕ لە هەوراز و نسێ و پەستی ڕۆژگار ،هوشیاری کردم ئاگای کردم ،فێرە زیتەڵەیی ژیکەڵەیی ،ژینی بە لۆژیک دوور لە ئەندێشەی تەریکی کردم ، فێرە ڕامان و دووان و هزری هێمن و هەستیار و پڕواتا وژیاری کردم .
((پەخشان :بەهار ))
نووسینی :ئەحمەد عەلەوی
وەرزی جوان و بەرزی پڕ لە ڕاز و ڕەمزی بەهار هاتەوە تا هەڵ نیشێ وەسەر دارستان و کوێستانی وەڵاتی من
پەردە لادەدا لەسەر زمسانی وشکەڵانی و ڕووگر دەبێ بە ڕەنگی سەوزەڵانی وەڵاتی من
خۆ دەنوێنێ ،سەوزی دەنەخشێنێ وەبەر باڵای کێوانی وەڵاتی من
بە جێ هەوار و دەواری کوردەواری شادی دەنەخشێنێ ،دەگەشێنێ ،
بەهار وەرزێکە لە بۆ گشت خەڵک پڕە لە وانەی بە کەڵک ،
وەرزی سووڕانەوە ، وەرچەرخان ،گەڕانەوە ،بووژانەوە ،
وەرزی نوێبوونەوە و گەڕان وەسەر سرووشت ،گەڕانەوە بۆلای باری
لە وانەی وەرزی گەورە و بەرزی بەهاری باری ،شتێک کە دیارە و بۆتە نهێنی زەین ، دیار و بەعەین ، دڵان و گوڵان دەشنێتەوە ،ئەگەشێنێتەوە ،
ڕووی بەهار لە گشت وەرزان ڕوونینترە ، ڕواڵەت ڕەنگینترە ،
بۆن و بەرامە شیرینترە ،
وەرزی خەندە گەرێنە ،وێناکەری دڵی شاد و وەزێنە ، چرا هەڵکەری چیای سرووشتە لەوەرزی بەهاری چی مەزرا ودەشتە خەم ڕەوێنە هیوا هێنە ،
تەنانەت لە دەقی خودا و فەرموودەی ئاسمانا ،کۆلێژی قوڕئانا ، بەبەهشتی یەزدان کراوە مانا ،
بەهار لابەری هەژان و خەزانی دڵ و وەزانی ژوانی جوانی و حەوانی دڵ و لێک هاڵانی ،ئاڵانی ئەڤیندارانە .
بەهار دەرکەکەرەوەیە لە خۆ ، ڕۆچوونە لە خۆ ،
بیرکرنەوەیە لە چارە ئاقارە دەوادەرەکان ،
وەرزی جێ هیوا نانەوە ، پەیامێ بۆ گۆڕان و نەمانەوە و چوونە بەرزی و بانەوە
وەرزی گەڕان و هەڵچوون ، ڕۆچوون و تیاچوون لە خێوەتگەلەکانی چیا و کێڵگەکانی نیشتمان ،
لەبەهاردا ژینگەی ئاوەدانی ،سرووشتی وەڵات ، ژەنینی شمشاڵی دڵ ئەکا ،
پێناسەی وەزینی جوانی خۆ و شاکارێک لە کردەوە و ئاکاری ،ڕووکاری ئافرێنەر وباری وەدەر ئەخا و سەمای گۆڤەندی شادی دەری خۆی دەنەخشێنێ ،
بەهار بۆ مرۆی باوەڕدار ،خودادار وانەوێژی کردەوە ئاسای ئاسمانی ئەداتەوە و پێمان ئەڵێتەوە و کە گەڕانەوە لە هەڵە ،تاوان و پەڵە ، بەتەوبەیەکی خودایی وەک شنەبای بەهار مرۆ دەکا ڕزگار بەتەواویی
بەهار سرووشتی وایە کەلێنە خاڵە بێ حاڵەکانی دیدە ودڵ ، دەروون و دڵ ،گیان و جەستە و دڵ ساڕێژ دەکا ،باڕێژی شادیت بۆ دەستەبەر دەکا ،
بەهار ڕۆحت تراو ، جەستەت بووژاو ،بیرت تیژ، چاوانت کراو و زەینت کراوە دەکا ،
بەهار بە چیمەنە ڕەنگ و ڕوودەرە شادەکانیدا ئۆخژنت دەکا و ئارام باوەشێن و ڕووگەشێنت دەکا
پەخشانی :بخوێننەوە
نووسینی : ئەحمەد عەلەوی
بخوێننەوە تا هەمبانەیەک لە وشە ، خەرمانێک لە ئەندێشە دڵێک پڕ لە شادی و نەشە لە بۆ ژینی خۆ دەستەبەر کەن ،
بخوێننەوە تا بە ئەندێشەی لێڵ نە ئافرێنن کۆمەڵگەی گێل
بخوێننەوە تا ڕەنگ و ڕوو ،کردەوە و خوو ئاڵووێرکەن بە ئاوەزێ کە ئازادی تیا بزێ ، بخوێننەوە تا لە شەپۆلی زەریای حەپۆلی نەخنکێن ،
بخوێننەوە تا لە قوڵکەی بیری ئەفسانە خرفاوەکانی کۆنەپەرەستان بێنەدەر و لە چیای کراوە و سەربەستان نیشتەجێ بن ،
بخوێننەوە تا لە عەردی پڕ لە گەردی تەماوی و خەماوی ودوور لە هۆش ،ئاوی کانیاوی زانین و هۆش بکەنە نۆش ،
بخوێننەوە تا لە شۆستە بەستەڵەک بەستووەکانی کۆمەڵ ڕزگارتان بێ ،
بخوێننەوە تا شۆڕشێک لە عەقڵ بکەنە هۆنراوە و نەقڵ ،
بخوێننەوە لە ئەندێشە وهزر تانەفامی ببێ بزر ،
بخوێننەوە تا لێرە و لەوێ ،ئێرە و ئەوێ ئاوەدانی بسرەوێ ،
بخوێننەوە تا لە ماڵباتی قەتیس قوتار بن ،ڕەهابن ، تا لە بۆنی کۆنی دارمیو و داڕزیو و گەنیو و تەنیو بە ژاراوی خورافە دەرچن ،
بخوێننەوە تا پردی تێگەیشتن ،ژیری و پێگەیشتن ، زانین و زانست ،توانین و توانست بینا بێ
بخوێننەوە تا لە مان و بوون ،جیهان وگەردوون ، بوون ونەبوون ،نەمان وبوون بپرسن ،ڕامێنن ،مەترسن ،
بخوێننەوە تا دیدە گەشاوە بێ ، دڵ ڕوون ،ئاوەز کراوە بێ .
خەم هەوێنی ژیانمە،
خەم بوونمە،
خەم مانمە
✍ عەلی حەسەنیانی ( هاوار )
🌻🌿
@kaziwe_kurdistan
ئەی نووری دڵ و قووەتی ئەژنۆم، بەسە دووری
ڕووحم وەکوو پەروانە گەڕا دەوروبەری #تۆ
✍ ئاوات
🌻🌿
@kaziwe_kurdistan
شار خەوتووە
شەقام چۆڵە...
هەر من تەنیا.... سەرگەردانم.
دڵتەنگ، دڵتەنگ
لە چاوی خەم، فرمێسک ئەسڕم!
✍ جەلال مەلەکشا
🌻🌿
@kaziwe_kurdistan
لەگەڵ ھەور و تاریکیدا، یادت ئەکەم
لەگەڵ خەم و ھەژاریدا، یادت ئەکەم
لە کاتێکدا دەنگی بولبول ئەتۆرێنن
بەختەوەری ئەشەمزێنن
یادت ئەکەم...
🌻🌿
@kaziwe_kurdistan