دليل التفتيش NDT

#محاضرات_سيفن_بلوم_أون_لاين بسم الله محاضرة فيجوال ١ مقدمة انهارده ان شاء الله هنشرح مقدمة عامة عن الفيجوال وعن ثقافة المجال بشكل عام ودا جزء مهم جدا للناس خصوصا اللى لسا هيدخلوا معانا المجال وكان المفروض نبدا بيه لانه بيفتح المجال لكل طرق ال NDT لكن بدانا بطريقة اليوتى من كتر طلبات الناس عليها اتكلمنا عن اول واصعب طرق ال NDT وهى طريقة اليوتى UT اتكلمنا نظرى بما فيه الكفاية وعملنا ورشة عمل عشان التدريب العملى ولخصنا الطريقة فى شوية خطوات بسيطة جدا وبدعمكم قدرنا نوصل الملخصات بتاعتنا لاكتر من ٧٠٠ شخص جوا المجال وان شاء الله دايرة الاستفادة من البيدج تزيد مع الوقت للاستفسار عن ورش عمل اليوتى راسلنا ع البيدج الهدف من المحاضرات دى زى ما تعودنا هو تبسيط المعلومة قدر الامكان وتخريج جيل جديد بيتكلم فعلا NDT وفاهم كل طريقة نظريا وعمليا بشكل كافى وخصوصا بعد دخول كم المشروعات الكبير فى مصر سواء فى البترول والغاز او فى محطات الكهربا بعد كدا عملنا تصويت عشان الناس تختار الطريقة اللى جاية وتم اختيار طريقة ال VT وان شاء الله من انهارده هنبتدى سوا محاضرات الفيجوال الفيجوال انسبكشن او الفحص البصرى هى احدى طرق الاختبارات الغير اتلافية التى تستخدم لعمل كنترول على عمليات اللحام قبل واثناء وبعد اللحام بالاضافة الى انتاج وصلة لحام سليمة وخالية (سطحيا) من عيوب اللحام يهمنا اوى انك تفهم الحكمة من كل طريقة او Technique لان دا سؤال مهم جدا فى الانترفيوهات هو ليه فيه اكتر من طريقة احنا انهارده فى الجمعية الامريكية للاختبارات الغير اتلافية American Society for Non-destructive Testing وصلنا لحوالى ١٢ طريقة منهم اللى نزلوا فى التطبيق العملى وانتشروا عالميا وهما ٦ طرق عشان كدا بنسميهم ال ٦ طرق الاكثر شيوعا The Most Common Six Methods of NDT وهما كالتالى: 1. Visual Inspection - VT 2. Penetrant Test - PT 3. Magnetic Test - MT 4. Ultrasonic Test - UT 5. Radiographic Test - RT 6. Eddy Current Test - ET كل طريقة من دول بتديك حاجة متقدرش طريقة تانية تديهالك و بالتالى كل تكنيك جديد بيطلع عشان يسد جاب معينة ويديك تغطية اعلى وقراءة واضحة للعيوب ودى اهم العناصر اللى اتبنى عليها طرق الكشف على اللحام: More Coverage Better Scanning, and Easier Interpretation طريقة اليوتى مثلا اللى درسناها سوا بتديك عمق العيب لكن قراءة العيوب او ال Interpretation فيها صعب شوية فى المانويل التراسونيك Manual Ultrasonic لان العيب بيظهر على الشاشة فى صورة ايكو والمطلوب منك زى ما عرفنا فى ورشة العمل انك تحلل الايكو دى و (تخمن) نوع العيب واللى بيعتمد بشكل كبير جدا على مهارة الانسبكتور وعشان كدا الناس الشاطرة يوتى هى اللى بتتخطف فى المواقع وبتتميز عن غيرها بعكس طريقة ال RT واللى بترسملك العيب بمنتهى الوضوح على الفيلم لكن مش بتحددلك طبعا عمق العيب زى اليوتى وهكذا فى باقى الطرق طبعا لازم تاخد بالك انو حصل تطور كبير جدا فى طريقة اليوتى وبقى فى عندنا الاوتوماتيك التراسونيك Phased Array, Tofd ودول ان شاء الله هنبتدى نشرحهم لكن فى مرحلة متقدمة شوية عندك مثلا طريقة ال MT ودى بتفتش بس على ال Ferromagnetic Materials او المواد القابلة للمغنطة زى ما هندرس سوا وطريقة ال PT مثلا واللى مش بتشتغل مع كل الاسطح زى ال Porous Surfaces وهنشرح الحاجات دى بالتفصيل فى الطرق دى وبالتالى كل طريقة وبناء على نظرية العمل بتشتغل فى حاجات وفى ظروف معينة ومش بتشتغل فى ظروف تانية وبالتالى الطرق بتكمل بعضها والانسبكتور الشاطر هو اللى بيعرف يختار طريقة التفتيش الصح اللى بتناسب الشغلة اللى معاه الطرق كلها غالبا بتتفاوت فى استخدامها بناء على نوع الماتريل نوع العيب اللى بدور عليه واخيرا التخانة طريقة ال VT هى الاصل والبداية واللى لازم تعملها وبنسبة ١٠٠% ولا يمكن الاستغناء عنها ودا كله برغم انها بتفتش ع العيوب السطحية للحام فقط Surface Defects بعد كدا عندك طريقة ال PT واللى ممكن تشتغل معاك لحد ٣ مم تحت السطح بشرط ان العيوب تكون مفتوحة للسطح عن طريق ازالة طبقة ال Smear زى ما هناخد فى شرح الطريقة وبالتالى تصنف ايضا على انها طريقة سطحية بعد كدا هتلاقى طريقة ال MT ودى نوعين نوع بيجيب العيوب لحد ٦ مم تحت السطح ونوع بيجيب العيوب لحد ١٢ مم (او نص بوصة زى ما كود ال ASME بيقول) تحت السطح وبالتالى اقدر اصنفها على انها Surface او Near Subsurface Method لانها تستخدم للكشف على العيوب السطحية والتحت سطحية بعد كدا طبعا عندنا اليوتى وال RT ودول اللى بنسميهم Internal/Subsurface Methods لانهم بيكشفوا على العيوب الداخلية او العميقة وبالتالى طرق اولية واساسية فى اختبارات الكشف على اللحام الا ان طريقة اليوتى مش هتديك نتائج فعالة تحت ال ٨ او فى بعض الاكواد ٦ مم تخانة وساعتها لازم تصور ودا هتلاقيه كتير فى الاسبولات ال Smal