AMIRKULOL.UZ

📹 ЭНГ ГЎЗАЛ ТАРИХ 📜Сийрат дарслари 13-қисм 🎙Устоз Улуғбек Бухорий @abdumalikbuxoriy

ЁШ БОЛАЛАРНИ КАТТАЛАР БИЛАН БИР САФДА НАМОЗ ЎҚИШ МАСАЛАСИ #намоз ❓1136-CАВОЛ: Масжидда ёш болалар катталар орасида туриб намоз ўқиши мумкинми? 💬 ЖАВОБ: Бисмиллаҳир роҳманир роҳийм. Балоғатга етмаган ёш болани араб тилида “сабий” дейилади. Ёш боланинг сафда қандай туришлари ҳақида эса, шундай зикр қилинган: وَيَصُفُّ الرِّجَالَ ثُمَّ الصِّبْيَانَ ثُمَّ النِّسَاءُ لِقَوْلِهِ عَلَيْهِ الصَّلَاةُ وَالسَّلَامُ { لِيَلِيَنِّي مِنْكُمْ أُولُو الْأَحْلَامِ وَالنُّهَى } Яъни: “Намозда аввал балоғатга етган эркаклар, сўнг балоғатга етмаган ёш болалар, сўнг аёллар сафга турадилар. Чунки пайғамбаримиз соллаллоҳу алайҳи васаллам: "Менга намозда орангиздан балоғатга етган ва оқиллар яқин турсин”, деганлар. (“Баҳрур-роиқ” китоби). Сўнг мусанниф раҳимаҳуллоҳ давом этиб айтадилар: فَإِنَّهُ قَالَ فَصَفَفْت أَنَا وَالْيَتِيمُ وَرَاءَهُ وَالْعَجُوزُ مِنْ وَرَائِنَا وَيَقْتَضِي أَيْضًا أَنَّ الصَّبِيَّ الْوَاحِدَ لَا يَكُونُ مُنْفَرِدًا عَنْ صَفِّ الرِّجَالِ بَلْ يَدْخُلُ فِي صَفِّهِمْ وَأَنَّ مَحَلَّ هَذَا التَّرْتِيبِ إنَّمَا هُوَ عِنْدَ حُضُورِ جَمْعٍ مِنْ الرِّجَالِ وَجَمْعٍ مِنْ الصِّبْيَانِ فَحِينَئِذٍ تُؤَخَّرُ الصِّبْيَانُ بِخِلَافِ الْمَرْأَةِ الْوَاحِدَةِ فَإِنَّهَا تَتَأَخَّرُ عَنْ الصُّفُوفِ كَجَمَاعَتِهِنَّ Яъни: “Анас ибн Молик дедилар: Мен ва етим бола пайғамбаримизни орқаларида ҳамда кампир аёл эса, бизнинг ортимизда саф олган ҳолда турдик. Бу яна шуни тақозо қиладики, агар ёш бола битта бўлса, эркакларни сафидан ажратиб ўзини ёлғиз қўйилмайди. Балки, катталарни сафига кириб туради. Юқоридаги тартибнинг ўрни балоғатга етган эркаклар ва ёш болалардан иборат жамоат ҳозир бўлганидадир. Яъни ўша вақтда ёш болаларни катталарнинг сафидан орқага ўтказилади. Аммо, аёл киши бир ўзи бўлса ҳам, худди аёллар кўпчилик бўлганидаги каби эркакларнинг орқасига туради”. (“Баҳрур-роиқ”). Мазкур матнда машҳур бир ҳадисга ишора қилинмоқда. Яъни Анас ибн Молик розияллоҳу анҳудан ривоят қилинишича, у зотнинг момолари Мулайка исмли кампир Пайғамбаримизни меҳмонга таклиф қилади. Пайғамбаримиз алайҳиссалом бу таклифни қабул қиладилар ва Анас ибн Молик ва Зумайра исмли бир етим бола билан бирга борадилар. Улар таомланиб бўлишгач, Расулуллоҳ саллаллоҳу алайҳи васаллам уларга намоз ўқиб бермоқчи бўладилар. Шунда Анас ва етим бола у зотнинг ортларида, ҳамда кампир аёл эса, уларнинг ортида туриб иқтидо қилишади ва саф олишади. (Муттафақун алайҳ). Ушбу ҳадисдан келиб чиқиб, фуқаҳоларимиз балоғатга етмаган ёш бола битта бўлса, катталар билан бир сафда туриши жоизлиги ва бу иш макруҳ саналмаслиги, ҳамда унинг бир ўзини ёлғиз орқа сафга тургазмасликни баён қилганлар. Бундан ташқари “Ат-Таҳрийрул-мухтор” китобида шундай дейилган: قال الرحمتي: ربما يتعين في زماننا إدخال الصبيان في صفوف الرجال، لأنّ المعهود منهم إذا اجتمع صبيّان فأكثر تبطل صلاة بعضهم ببعض و ربما تعدّى ضررهم إلى إفساد صلاة الرجال،. яъни: “Раҳматий дедилар: “Кўпинча замонамизда ёш болаларни катта эркаклар сафига киргизиш таъйин топади (керак бўлади). Чунки, одатда икки ва ундан ортиқ ёш болалар бир жойда турса, бир-бирини намозини бузади ва кўп ҳолатларда уларнинг зиёни атрофидаги кишиларнинг ҳам намозини бузилишига олиб келади”. (“Ат-Таҳрийрул-мухтор ли раддил-мухтор”). Шунга кўра, саф тузишда асл ҳолат ёш болаларнинг орқа сафда туришлари ҳисобланади. Агар улар алоҳида бир сафда турганларида намозни бузмайдиган ва бошқаларга ташвиш келтирмайдиган бўлсалар орқада алоҳида сафда туришлари мақсадга мувофиқ бўлади. Агар ундай бўлмаса уларнинг катталар орасида туриши жоиздир. Валлоҳу аълам. Ўзбекистон мусулмонлари идораси Фатво маркази.

Бугунги кундаги беш камчилик: 1. Илм ўрганамизу, амалга шошилмаймиз, 2. Аллоҳнинг неъматларини дуода сўраймизу, у неъматларнинг шукрини адо этмаймиз, 3. Гуноҳга ботамизу, истиғфор айтмаймиз, 4. Ўликларимизни дафн этамизу, ибрат олмаймиз, 5. Ёру-дўстлар, улуғларнинг насиҳатини тинглаймизу, аммо эргашмаймиз. Шайх Зулфиқор Аҳмад Нақшбандий ҳазратлари.

Илмнинг 12 фойдаси 1. Илм орқали Аллоҳ танилади ва Унга ибодат қилинади. 2. Илм эътиқодлар ва ибодатларнинг асосидир. 3. Илм талаб қилиш ибодатдир. 4. Илм жаннатга етиш йўлидир. 5. Илм ўз эгасига Аллоҳдан қўрқишни касб қилдиради. 6. Илм ўз эгасига халойиққа нисбатан тавозеъ бўлишни ўргатади. 7. Илмдан, аввало, эгаси, кейин бошқалар ҳам фойда олади. 8. Илмнинг ажри унинг эгасининг ажалидан кейин ҳам боқий қолади. 9. Илм ўз эгасини Пайғамбарлардан кейинги энг юқори мартабага эриштиради. 10. Илм пастни баланд, хорни азиз ва синганни бутун қилади. 11. Илм кишини жаҳолат зулматидан маърифат нурига чиқаради. 12. Илм туфайли силаи раҳм қилинади ва ҳақ-ҳуқуқлар адо этилади. 🌐 https://t.me/+ZgkOZopwJwc3ZWEy

⏰ #эслатма #намозвақтлари «Албатта, намоз мўминларга вақтида фарз қилингандир» (Нисо сураси, 103-оят). Бухоро масжидлари учун намоз вақтлари Дўстларингизга ҳам улашинг!!! ➡️ Telegram | Facebook | YouTube | Instagram

#tafakkur Мўминларнинг энг оқили Майли, ўлимни арзимас ва хурофий нарса ёки боқий яшаш ва ўлмаслик мумкин, деган фикрларни ҳам ҳисобга олайлик. Аммо агар ўлим ҳақиқатан ҳам рост бўлса, унда нима бўлади? Бизга ёқмаса ҳам, тўсатдан ўлим келиб, ҳаётимизни тубдан ўзгартириб юборса, нима қиламиз? Бу аниқ факт, яъни ўлимни эсда тутишимиз керак эмасми? Агар биз уни эслаб турсак, беҳуда ташвишланадиган аҳмоқона ҳолатларимиз, мағрурлигимиз ва кераксиз нарсаларга чек қўйишимиз мумкин бўлади. Пайғамбаримиздан соллаллоҳу алайҳи васалламдан сўрашди: “Қайси мўмин ақллироқ?”. У зот алайҳиссалом бундай жавоб бердилар: “Ўлимни кўпроқ эслайдиган ва унга яхшироқ тайёргарлик кўргани (энг ақллисидир)” (Имом Табароний ривояти). Анас розияллоҳу анҳудан ривоят қилинади: “Расулуллоҳ соллаллоҳу алайҳи васаллам кулиб турган бир жамоа олдидан ўтаётганда бундай дедилар: “Лаззатларни кесадиган нарсани эслашни кўпайтиринг”. Ровий айтади: “Ўйлашимча яна: “Агар кимдир кўнгли сиқилган пайтида у (ўлим)ни эсласа, уни кенгайтиради. Агар у кенглик (хурсандчилик, шод ҳуррамлик) вақтида эсласа, (кўнгли)ни торайтиради (яъни икки ҳолатни ҳам мўътадиллаштиради), дедилар” (Имом Баззор ривояти). Ўлимни эслаш ҳаётни заҳарлаш ва дунёдан чекиниш дегани эмас. Аксинча, бу нарса дунё ташвишларини енгиллаштириш ва чалғитувчи нарсалардан қочиш учундир. Агар тафаккур мўътадил ҳолатда бўлса, кенглик бекорчиликка, торлик эса дўзахга айланмайди. ©️ Шайх Муҳаммад Ғаззолий 🌐 https://t.me/+ZgkOZopwJwc3ZWEy

📹 ЭНГ ГЎЗАЛ ТАРИХ 📜Сийрат дарслари 12-қисм 🎙 Устоз Улуғбек Бухорий @abdumalikbuxoriy

ЁШ ТАНЛАМАС ЯХШИЛИК Бугун кўчада бир ёшгина болакайни кўриб қолдим. Йўл-йўлакай ташландиқ нарсаларни териб олиб, йўл четидаги қутига соларди. Аввалига сал тушунмай турдим. Негаки одатда бунақа фидойиликни кўп ҳам учратмаймиз. Лекин разм солиб қарасам, ростдан ҳам бу ишини мамнуният билан адо этарди. Қандайдир ички куч у билан гаплашишга ундади. Секин унинг ёнига борган эдим, салом берди. Алик олгач уни гапга тутдим: – Укажон, исминг нима? – Муҳсин. – Ёшинг нечида? – Шу йил Рамазон ойида олти ёшга тўламан? – Нечанчи синфда ўқийсан? – Мактабга келаси йили бораман. – Сендан бир нарса сўрасам майлими? – Бемалол. Нима сўрамоқчисиз? – Нима учун бу ахлатларни териб юрибсан? Ахир буларни сен ташламагансанку?! – Сабабини айтаверайми? – Ҳа... – Исмим – Муҳсин. Муҳсин – яхшилик қилувчи дегани. Отамнинг айтишларича, исмимга яраша бўлишим керак экан. Шунинг учун яхшилик қилишга одатланганман. Умримнинг охиригача имкон қадар яхшилик қилавераман. Яхшилик қилган кишиларга фаришталар кўплаб савобларни ёзар экан. – Сенга буларни ким ўргатган? – Отам ва онам. – Ҳар иккаласига менинг номимдан салом айтиб, каттакон раҳмат деб қўй! У билан хайрлашиб кета туриб яна ортимга разм солдим. Болакай “ўрганган” ишида давом этарди. Эй Аллоҳим, қандай бандаларинг бор-а! Ёш бўлишига қарамай савоб нималигини билишади. Исмига монанд иш қилишда давом этади. Яхшиликни ўзига ҳаётий шиор қилиб олган. Бундай қалби пок, савобга муҳаббатли, халқпарвар, саранжом-сариштали бандаларинг бор экан, юртимиз янада равнақ топиши муқаррар! Эркин ҚУДРАТУЛЛОҲ Каналга уланиш учун 👇👇👇 🎤 @ErkinQudratulloh

Banda bilan banda orasidagi haqni Alloh kechmaydi. Shayx Alijon qori rasmiy sahifalari👇 👍Telegram | 👍Facebook | 👍Youtube | 👍Instagram

📹 ЭНГ ГЎЗАЛ ТАРИХ 📜 Сийрат дарслари 11-қисм 🎙Устоз Улуғбек Бухорий @abdumalikbuxoriy