قوم امشي أقرا

عزيزي القارئ؛ سمعت بفيديوهات تحويل التفاح إلى أناناس في أربع خطوات؟🤯 طيب في بوستات تحويل التسويف من نقمة لنعمة في ٤ تريكات⚠️🚫📛⛔🛑 ودا واحد منهم حصريًّا لدى قوم امشي أقرا🥳 التريكاية الأولى: إنت عارف إنو التسويف = هروب🤔 فلازم تعرف إنت بتهرب من شنو وبتهرب عن طريق شنو.. عشان تخلي الحاجات البتهرب ليها مكافأة للحاجات البتهرب منها، حلوة صح؟ 😇 تقرأ ربع ساعه تمسك التلفون ٣ دقايق وهكذا.. التريكاية التانية: بدل ما تفكر في الهروب أخلع مخّك بإنو تعدّ من ١ لـ ٥ وتقوم على شغلك دغري☝🏽 وهذه تسمى قاعدة الخمس ثوانٍ ومثبتة علميًّا أسألوا قوقل🙂‍↕ التريكاية التالتة: أنا حبدا بعد ما أفطر وحبدا بعد ما أصلي التراويح السنة الجاية دي تحايلات منك عشان ما تحسّ بالذنب إنك بتسوّف🧐. خليك صريح مع نفسك و eat The frog🐸. التريكاية الرابعة: لو وصلت هنا أنا معتبرك من نخبة المجتمع عشان تاكل سندوتش لازم تقسمه على لقمات صغيرة. وعشان تنجز مهمة لازم تقسّمها لواجبات صغيرة. ودي قاعدة الجبنة (لكن الجبنة ما بتسند فأديتكم سندوتش عشان أنا كريمة🌯) بقت عندك قاعدة الخمسة والضفدع والجبنة، ممكن تسوّف زيادة بإنك تمشي تفتش وتقرا عنها وممكن بس تطبيقها بقدر الفهمتو دا في الحالتين فايز🏆 #قوم_اتنفض #قوم_امشي_أقرا

صباحات البدايات الجديدة 💙🫶🏼 عمرها البداية من جديد ما كانت حاجة هينة ولا هي أيضًا بالشيء المستحيل ..! نحن بس الما جادين 🥺 قوموا أقروا عشانكم وعشان عشم أهلكم فيكم 💙 آية عبدالله #قوم_أمشي_أقرأ #تعليمك_لحدي_عندك

أحسن مكان تذاكر فيه جمب الماسورة ليه ؟ علشان تغسل وشك و تصحصح لو نعست . الاء: ...

حاجه عاجباك في التعليم عن بعد؟؟ #احكي_لينا

يا عبد الباقي 👳🏾‍♀️ عاوز تضيعني ؟! سألته سؤال اداني معلومات غلط !... = شفت دا زاته الأنا كنت خايف منه، تعال أقعد وريني أنت عملت شنو؟ مش أنت قلت لي هو بيعرف أي شي؟ = يا سيدي أنا قلت أنه هو بيجاوبك على أي شي، لكن ما قلت ليه كلامه دايمًا صح! أها جينا للكلام الما ياهو ... = عارف أكبر غلط قاعدين يعملوه الطلاب شنو مع شات جي بي تي؟ أنهم بيعتمدوا عليه هو بس، مع انه معلوماته ياها زاته حق النت العادي دا لكن منظمة يعني فيها الصح وفيها الغلط. مش هو اتعمل علشان كدا ؟ علشان يسهل علينا . = شوف يا ولدنا لازم تعرف انه هو اتعمل في الأول لغرض الترفيه لكن لو عاوز معلومات موثوقة المكتبات والمراجع قصرت معاك في شنو؟ يعني هسه ما مفروض اعتمد عليه في أي شي أخد منه هو بداية الكلام وأمشي اتأكد من مصادر موثوقة ؟ = ايوا وما بس كدا، اتجنب تسأله أسئلة طبية وكيف تعالج جرثومة المعدة بقشر الرمان لأنه هو براه بيقول أنا لست طبيبًا 🤷🏻. ▫️اتجنب تسأله أسئلة مفتوحة زي أنه كيف تحل كل مشاكلك ؟ ▫️ما تقعد تسأله ٣ أسئلة في الثانية الواحدة قايله شنو أنت! ▫️ما تسأله في قضايا حساسة وسياسة وما إلى ذلك وتجيب ليه الهواء... يعني بالرغم من أداة رهيبة وفادتني شديد لكن نستخدمه بصورة صح ونبطل نسأله عن قرارات مصيرة. = أيوا وارجع شوف البوست البتكلم عن كيف تديه الأوامر الصح، واتذكر أنه مساعد، زي المساعد في المواصلات وجوده مهم شديد للحافلة لكن شنو براه ما بيقدر يشتغل ! #Gom_AI #تعليمك_لحد_عندك #قوم_امشي_أقرا.

يا عبد الباقي 👳🏾‍♀️ عاوز تضيعني ؟! سألته سؤال اداني معلومات غلط !... = شفت دا زاته الأنا كنت خايف منه، تعال أقعد وريني أنت عملت شنو؟ مش أنت قلت لي هو بيعرف أي شي؟ = يا سيدي أنا قلت أنه هو بيجاوبك على أي شي، لكن ما قلت ليه كلامه دايمًا صح!

صباح السعي 💙🚶🏻‍♂️ كان ما سعيت ورا حلمك حلمك ما حيجيك لعندك قوم وأقرأ دا الطريق الوحيد والطريقة الأثبتت فعاليتها على مدى العصور وهي السعي . آية عبدالله #قوم_أمشي_أقرأ #تعليمك_لحدي_عندك

خالدة زاهر التي صنفت كأول طبيبة سودانية في دولة السودان، وهي من العشر الأوائل اللائي أسسن الإتحاد النسائي السوداني عام 1952 م وتولت رئاسته في آواخر الخمسينات، ناضلت من أجل المرأة السودانية كثيرًا، وكانت عضو مؤسس لهيئة نساء السودان الشعبية، وشاركت في العديد من المؤتمرات المحلية والعالمية في أصعب الظروف ... كمؤتمر السلام، إضافةً لمشاركتها في العديد من المؤتمرات الطبية خارج البلاد . خالدة درست في خلوة الفكي حسن في الموردة بأم درمان وهي صغيرة، وبعد ذلك تلقت التعليم النظامي الأولي والأوسط والثانوي بمدرسة الإتحاد العليا . وفي عام 1946 م التحقت بكلية كتشنر الطبية وتخرجت عام 1952 م، وعملت طبيبة في وزارة الصحة وتدرجت في السلك الوظيفي حتى وصلت درجة وكيل وزارة، وتنقلت الراحلة التى خلدت إسمها في أقاليم السودان المختلفة منادية وناشرة للتوعية بصحة الطفل والمرأة وحقوقهما، ومحاربة العادات الغير صحية . عاشت خالدة مع ابنها حتى وفاتها في يوم ٩ يونيو 2015 م . من كان يظن أن الطالبة التي درست في مراحل كان تعليم المرأة لم ينتشر بالصورة التي يشهدها يومنا الحاضر، والتي تزوجت وهي لا تزال طالبة وأنجبت أبناءها الإثنين _د.حمد عثمان محجوب طبيب استشاري باطني، د.خالد عثمان محجوب دكتوراة في العلوم من جامعة كيمبردج_ وبنتيها _مريم عثمان محجوب التي تعمل بالأمم المتحدة في جنيف، د.سعاد عثمان محجوب دكتوراة في علم الآثار جامعة السربون_ ستوافق حياتها وتديرها بهذه الكيفية وتصل إلى ما وصلت إليه ... إن كان هذا يعني شيئًا .. فهذا يعني لا مستحيل، فقط يجب السعي لتحقيق مبتغاك 💙 #قوم_أمشي_أقرأ #تعليمك_لحدي_عندك

لكل إمرئٍ من إسمه نصيب ..💙 اليوم حنتكلم عن إحدى نساء السودان اللائي خلدهن التاريخ ✨

ليه مهم نحل الأسئلة قبل الامتحان وما نكتفي بس بالمذاكرة ؟ 🔹حتتأكد من مدى فهمك للمادة . 🔹حتثبت المعلومة في الذاكرة وتتدرب على استرجاعها . 🔹كلما تحل سؤال حتحس بثقتك في نفسك زادت وإنك قاري كويس. 🔹حتعرف تتعامل كيف مع الأسئلة الصعبة في الامتحان . فعشان كدا خلي دي فقرة مهمة في جدول المذاكرة حقك 💙 هل قاعد تحل أسئلة...ولا حتبدأ تحل من الليلة ؟ تعليمك لحد عندك ركّز_حتنجز #قوم_امشي_أقرا #قراية_الكتمة #قوم_امشي_أقرا