أبجديّة

‏المجد ما يرضى يناله شخص خوّاف وقنوع ‏والغاية ما ترضى سوى صارم يبلل ريقها ‏وأنا أطيق الحاجة الصعبة ولو كانت تروع، ‏والحاجة اللي تنتظر حبة خشم ما أطيقها

‏والله ان صدري معافى وخفاقي نظيف ‏لو أشوف الحزن في عين حسّادي زعلت ‏الملامح بعض الأحيان تظهرني عنيف ‏ولاّ أنا بالكلمة الطيبة .. ماقد بخلت ‏أقبل بوجهٍ يشرف ومنطوق عفيف ‏ولا لقيت اللي ينقص من حضوري رحلت ‏أتعدا عن عيوب البشر كني كفيف ‏ولا تبيّن شي للعين جنبت وغفلت

يالله يا فالج جُنح الدِّجى بالصباح ‏مثل ما يفلج الكذاب وجْه الصحيح ‏يا عليمٍ لك أسرار الخفايا تُباح ‏فالضِّمير الخفي وفالضِّمير الصريح ‏أعبدك وأستعينك بالهُدى والصلاح ‏جد علي من عطا جودك برزقٍ فسيح

اثر الكلام اللي يصفف بالحكي ماهو كلام ‏يا عيني اللي ما حكت لك وش كثر تعني لها ‏ماكنت محتاج اهتمام احتجت أعطيك اهتمام ‏حتى قصيرات السوالف .. في لقاك أطيلها ‏قالوا لي تفتش علي بين الأسامي والانام ‏ما جيت لك لو ذكرياتك كل يوم أجيلها

‏يحبّك من بسط قلبه على رمل الهوى لرضاك ‏تملّ الناس ما ملك يعاف الناس و يسعى لك

‏" حمدتك على خير وحمدتك على مكروه وسبحانك اللي لا التجأ عبدك أنصفته ‏أجي لك بوجهٍ ساير الناس ما شافوه ‏على شان وجهٍ ساير الناس .. عارفته "

اللهم ارحم حبيبي عبدالرحمن عدد ماسألك السائلون وذكرك الذاكرون

‏ذكّرتك .. وغيّر الله شكلي ولوني ‏يا طيّب الذكريات .. وطيّب السّمعه ‏أشتقت للعُمر معك وفاضت عيوني ‏ومن رجّع الذاكرة .. ما رجّع الدمعه ‏ومن يوم ما أخذك القدر و أنا على هوني ‏ما أعرف الأسبوع غير بـ ليلة الجمعه

"يالله بعلم ٍ يجمّل قبل يوم الرحيل ‏وتوبة ٍ ترضيك عني وعفو ومغفره ." ‏-سلطان بن بتلاء

‏عادي تمرّك لحظةٍ تبغى الظهور ‏وبـ وقت ودّك بـ إنعزالك تختفي ‏لا ترتبك لو ينطفي وهج الشعور ‏حتّى السماء تضوي شوي وتنطفي ‏ما فيه من قلبك ولا قلبي قصور ‏ أحيان في عزّ إحتياجك تكتفي ‏ريّح شغفك إن لحّف إحساسك فتور ‏حتّى الشغف يحتاج يهدأ ويغفي ‏في وضعنا ما للمعاتب أيّ دور ‏كثر العتب ماهو مغيّر موقفي ‏صدّ وبعد ما تصدّ فاجئني بحضور ‏يمكن خفوقي في رجوعك يحتفي ‏ما هو بـ كل صمت يتقفّاه العبور ‏خلّ الزمن يثبت لك إنّي لك وفي

‏"أثرني من قبل أعرفك يا جميل الوصف؛ غادي ‏أشهد إنه مرحبا بك يا دواء النفس الشقيّه.."

"عن مملكة نفسي اللي عانت الإنفلات ‏أنا أتخذت القرار اللي يحفظ أمنها ‏جلست بيني وبيني جلسة الـ ( جلد ذات ) ‏وغيّرت حاجات واجد .. وأنت من ضمنها"

‏أعوذ بك ربِّي من الخوف ومن الوسواس ‏و من حاجةٍ مالي بها قوّه ولا حيله ‏فيك الرِّجى ما خاب يارب الفلق والنَّاس ‏و منك الأمل ما مات لا لحظه ولا ليله ‏أنت اليقين الِّلي قطع حبل الجزع واليأس ‏و أنت الأمان الِّلي بخوفي دايم أشكي له

‏ومثلك ما تردّيه الليالي ومنه ما ينخاف .. ‏لو انك كاشف اسراري وعارف وش هي طبوعي

مرَّت رْيَاحك.. وهبَّت كلّ شيء إلَّا شراعي! ‏والبحر غدّار؛ وأنت أحلى مشاوِيْرك عنيْفة ‏ما تركْتِك في توقَّاد الهوى.. والشوق واعي! ‏كيف عاد أترك دروبك؛ والزِّمان يْحدّ سيْفه؟ ‏أندفع لك من مغبّات الجَوَى؛ وأنت اِندفاعي ‏قلبك إنْ ما صدِّني بَرْده؟ أبى أهْلَك في مصيْفه