lадлан Харачо

Делан кхоллар Youtube чуьра ссылка

Имам А́журрис (АллахIа къинхетам бойла цунах) аьлла: «Хьуна ца хезна, Дала хьох къинхетам барг, Абу Къила́батан дешнаш вай хьахийна долу: «ДегIан лаамашна тIаьхьабевллачаьрца охьа ма ховша шу я цаьрца къийса а ма ло, цара хьо шайн тиларчу вуьгур вац аьлла тешам бац хьуна сан я шаьш Iехаделлачух цхьадолчух хьо Iехор вац аьлла а». Хьуна ца хезна Хьасанан къамел, цхьана стага шега хаттар дича: «Соьца къовсалой хьо?», - аьлла, Хьасана цуьнга аьллера: «Суна нийсо евзуш ю, нагахь хьо тилвеллехь, хьайна нийсо ахь лахахьа». Хьуна ца хезна Iумар ибн Iази́зан дешнаш: «Къийсаваларх болх бина лелаш волчунна хийцаваларш дукха хуьлу». ХIокху имамашна тIаьхьаваьзнарг шен дин тIехь лаьттар ву, иншаАллахIу таIа́ла́». [Шари́IахI, агIо: 1/268]

Хаза гIиллакх Youtube чуьра ссылка

​​Имам А‌журрис (АллахIа къинхетам бойла цунах) аьлла: «Нагахь цхьамма алахь: «Цхьа стаг хилча, Лекха волчу АллахIа шена Iилма делла, тIаккха цунна тIе кхин стаг веъча, динах лаьцна къовсаме хаттар дохьуш, цуьнца къовсавала, къовсавала веза аьлла хетий хьуна, цуьнан къамел харц хилар билгалдархьама, цуьнга нийса дерг дIакхачорхьама?». Цуьнга эр ду: «И ду-кх вайга инкарло йинарг, бусалба нехан имамаша вайга ларло баьхнарг и ду-кх». ТIаккха цхьамма алахь: «ХIун дан деза вай тIаккха?». Цуьнга эр ду: «Нагахь и хаттар деш верг нийсонна тIе ван гIерташ хоьттуш и велахь, къийсавала хоьттуш воцуш, тIаккха Iилманца чIогIа кIеда-мерза билгалде цунна, Къуръанчуьра а, суннатера а, асхьабийн дешнашкара а, бусалба нехан имамийн дешнашца а, нагахь иза къовсавала гIерташ велахь, и ду-кх Iеламнаха хьоьга ма де бохуш дерг...». Юха цхьамма алахь: «Цаьрга харцо юьйцуьйтуш Iаддабуьтур бу вай уьш, дист ца хуьлуш?». Цуьнга эр ду: «Хьо церан хьокъехь вист ца хуьлуш дIасацар а, цара дуьйцург ахь тергал ца дар а, хьо цаьрца къовсаваларал а чIогIа хала ду царна, иштта аьлла-кх иза дIабаханчу дикачу нахах болу, бусалба нехан Iеламнаха»». [Шари́IахI, агIо: 1/266]

Будь ты проклят, о буданов! #Shishan.20

Чуьрк Youtube чуьра ссылка

Имам А́журрис (АллахIа къинхетам бойла цунах) аьлла: «Хьалха а я хIинца а Iеламнехан къовсам ца хилла хаварижаш вон нах хиларна тIехь, уьш Лекха волчу АллахIна а, Цуьнан Элчанна а (саллаллахIу IалайхIи ва саллам) Iеса нах хиларна тIехь, цара мел ламазаш дахь а, мел марханаш кхабахь а, мел Iибадатехь цара къахьегахь а, и дерриге а царна пайда бийр болуш дац хьуна, цара мел дика дерг де бохуш делахь а, вон дерг ма де бохуш уьш белахь а, царна иза пайда бийр болуш дац хьуна, Къуръан шайн дегIан лаамашца туьдуш, бусалба нахах бакъдерг къайлахьуш нах уьш болун дела, ткъа Лекха волчу АллахIа царах лардалар тIедиллина вайна, Пайхамара а (саллаллахIу IалайхIи ва саллам) царах лардалар тIедиллина вайна, цул тIаьхьа нисонна тIехь хиллачу халифаша а царах лардалар тIедиллина вайна, асхьабаша а (АллахI реза хуьйла царна) царах лардалар тIедиллина вайна, царна тIаьхьа мел баханчара а». [Шари́IахI, агIо: 1/190]