HTY Information

ရွှေပြည်သာတွင် ရပ်ကွက်အုပ်ချုပ်ရေးမှူးရုံးအတွင်းဝင်ရောက် ပစ်ခတ်ခံရပြီး ရာအိမ်မှူးတစ်ဦး သေဆုံး HTY Information (စက်တင်ဘာလ ၆ ရက်) ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၉) ရပ်ကွက် ရပ်ကွက်အုပ်ချုပ်ရေးမှူးရုံးကို ဒီကနေ့ စက်တင် ဘာ ၆ ရက် ည (၇:၃၀)ဝန်းကျင်ခန့်က သေနတ်ဖြင့် ဝင်ရောက်ပစ်ခတ်ခံရပြီး ရာအိမ်မှူးတစ်ဦးသေဆုံးခဲ့တယ်လို့ သိရပါတယ်။ အဆိုပါပစ်ခတ်ခံရမှုကြောင့်ထိမှန်ခဲ့သူမှာ ရာအိမ်မှူးဦးအောင်ထူး ဆိုသူဖြစ်ပြီး ကျည်ထိဒဏ်ရာသုံးချက်ဖြင့် အခင်းဖြစ်နေရာမှာ ပွဲချင်းပြီး သေဆုံးသွားတယ် လို့နီးစပ်သူတွေထံက သိရပါသည်။ ပစ်ခတ်မှုဖြစ်ပွားပြီးနောက် စစ်ကောင်စီတပ်များ စစ်ကား ၂ စီးဖြင့်ရောက်ရှိလာပြီး စစ်ဆေးမှုများပြုလုပ်ခဲ့တယ်လို့လည်းသိရှိရပါသည်။ #ရွှေပြည်သာ #ရပ်ကွက်အုပ်ချုပ်ရေးမှူးရုံးပစ်ခက်မှု #HTY_Information

ကုန်ဈေးနှုန်းမြင့်တက်မှုတွေအတွက် ဒေါ်လာသန်း ၂၀၀ ထောက်ပံ့လိုက်ပီဖြစ်တယ်လို့ဆိုသော် မည်သည့်ဈေးနှုန်းမျှမကျ HTY Information (စက်တင်ဘာလ ၆ ရက်) ပြည်တွင်းကုန်ဈေးနှုန်းမြင့်တက်မှုတွေကြောင်း အဆိုပါ ဈေးနှုန်းမြင့်တက်မှုတွေကို ထိန်းချုပ်နိုင်ဖို့ စစ်ကောင်စီက အမေရိကန်ဒေါ်လာ သန်း ၂၀၀ ထောက်ပံ့ပေးပြီးဖြစ်တယ်လို့ စစ်ကောင်စီရဲ့ ပြန်ကြားရေး တာဝန်ခံ ဇော်မင်းထွန်းက ဆိုပါတယ်။ အဆိုပါ ထောက်ပံ့ငွေတွေကို အဓိကလိုအပ်တဲ့ စက်သုံးဆီ နဲ့ စားသုံးဆီ ကဏ္ဍတွေအပြင် လိုအပ်နေတဲ့ လုပ်ငန်းတွေကို ထောက်ပံ့ခဲ့တာလို့ ၎င်းကဆိုထားသော်လည်း မည်သိုမည်ပုံ ထောက်ပံ့လိုက်သည်မသိတာကြောင့် မည်သည့်ဈေးနှုန်းမျှသိသိသာသာကျဆင်းလာတာ မတွေ့ရတဲ့အပြင် ရန်ကုန်စက်သုံးဆီဈေးမှာတင် ၂၅၀၀ ဝန်းကျင် ရှိနေတာတွေ့ရပါတယ်။ သို့သော် စစ်ကောင်စီရဲ့ပြန်ကြားရေးတာဝန်ခံ ဇော်မင်းထွန်းကတော့ ကုန်ဈေးနှုန်းမြင့်တက်နေတာ သက်သာဈေးဖို့ အမေရိကန်ဒေါ်လာ သန်း ၂၀၀ ကို ဗဟိုဘဏ်ကတစ်ဆင့် အဓိကလိုအပ်လုပ်ငန်းတွေကို ထောက်ပံ့ပေးခဲ့ပြီး ဝယ်ယူတင်သွင်းသူတွေအနေနဲ့ ထိုက်သင့်တဲ့အမြတ်ကိုသာယူပြီး ပြန်လည်းရောင်းချရမှာဖြစ်တယ်လို့တော့ ဆိုထားပါသည်။ #စစ်ကောင်စီ #ဒေါ်လာသန်း၂၀၀ပလုံ #HTY_Information

ရွှေဈေးကျဖို့ ရွှေဒင်္ဂါးထုတ်ရောင်းနေသောစစ်ကောင်စီက ရွှေဒင်္ဂါးကို လက်ရှိအပြင်ပေါက်ဈေးအတိုင်းရောင်းချ HTY Information (စက်တင်ဘာလ ၅ ရက်) ပြည်တွင်းရွှေဈေးအဆမတန် မြင့်တက်နေမှုကြောင့် ရွှေဈေးကိုထိန်းချုပ်နိုင်ဖို့ စစ်ကောင်စီက ရွှေဒင်္ဂါးများ ထုတ် ယူရောင်းချနေသော်လည်း စစ်ကောင်စီရဲ့ ထုတ်ပြန်ကြေ ညာထားသောဈေးနှုန်းမဟုတ်ပဲ လက်ရှိအပြင်ပေါက်ဈေး နဲ့ ရောင်းချနေတာဖြစ်တယ်လို့ ရွှေလုပ်ငန်းရှင်တစ်ဦးကဆိုပါတယ်။ အပြည့်အစုံ - https://www.hlaingtharyarinformation.com/posts/yawheekyapao-yawhedingataokyaawinnethawsitkawinsik-yawhedingako-letyahiapyinpaweteatoinyaawinkhya #ရွှေဒင်္ဂါး #စစ်ကောင်စီ #HTY_Information

မုံရွာမြဝတီဘဏ်ရှေ့က ခြံစောင့်စစ်ကောင်စီတပ်တွေကို တော်လှန်ရေးအင်အားစုကလာရောက်ပစ်ခတ်တိုက်ခိုက် (ရုပ်/သံ) Yangon Freedom Press (ဩဂုတ်လ ၃၀ ရက်) စစ်ကိုင်းတိုင်း မုံရွာမြို့ မြဝတီဘဏ်ရှေ့မှာ ကင်းစောင့်နေတဲ့ အာဏာသိမ်းစစ်ကောင်စီတပ်ကို ဒီကနေ့ နေ့လည်တွင် တော်လှန်ရေးအင်အားစုက လာရောက် ပစ်ခတ်တိုက်ခိုက်ခဲ့ကြောင်းသိရသည်။ အဆိုပါ တိုက်ခိုက်ခံရမှုကြောင့် စစ်ကောင်စီတပ်သား (၃) ယောက်ကို သုတ်သင်နိုင်ခဲ့ကြောင်း မုံရွာ​​ပြည်သူ့ကာကွယ် ရေးတပ်ဖွဲ့ MPDFက သတင်းထုတ်ပြန်ထားတာတွေ့ရပါတယ်။ ပစ်ခတ်မှုအတွင်း ဆိုင်ကယ်စီးပြည်သူအချို့ ဖြတ်သန်းသွားလာတာကြောင့် ရဲဘော်တွေ အပစ်ရပ်ကာ ဆုတ်ခွာခဲ့ရပြီး လက်နက် ရယူနိုင်မယ့် အခွင့်အရေးဆုံးရှုံးခဲ့ရတဲ့အတွက် ပြည်သူတွေအနေနဲ့ စစ်ကောင်စီတပ်တွေနဲ့ ဝေးရာကနေ ရှောင်ရှားပြီး မြို့ပြရဲဘော်တွေကို ကူညီပေးဖို့ MPDFကမေတ္တာရပ်ခံထားပါတယ်။ ဒါပြင် ၎င်းတိုက်ခိုက်မှုကို မုံရွာပြည်သူ့ကာကွယ်ရေးတပ်ဖွဲ့ (MPDF)၊ မုံရွာခရိုင်အမှတ် (၁) တပ်ရင်း ၊ မုံရွာမြို့နယ် ပြည်သူ့လုံခြုံရေးတပ်ဖွဲ့(ပလဖ) ၊ Monywa Hero Group (MHG) ၊ မုံရွာ နတ်ဆိုးတပ်ဖွဲ့တွေ ပူးပေါင်းလုပ်ဆောင်ခဲ့တာလို့လဲ သိရှိရပါသည်။ #မုံရွာပစ်ခတ်မှု #MPDF #YangonFreedomPress

ရန်ကုန် အင်းယားကန်ထဲ လူတဦးခုန်ချ၍သေကြောင်းကြံ ရက်ပိုင်းတွင်းသေကြောင်းကြံမှုဆက်တိုက်ဖြစ်ပေါ်နေ HTY Information ( ဩဂုတ်လ ၂၉ ရက်) ရန်ကုန်မြို့တိုင်း ကမာရွတ်မြို့နယ်၊ အင်းယားကန်ထဲသို့ ဒီကနေ့ ဩဂုတ်လ ၂၉ ရက် မွန်းလွဲ (၂:၀၀) ဝန်းကျင်က လူတဦး သေကြောင်းကြံ ခုန်ချမှုဖြစ်ပွားခဲ့ကြောင်း မြန်မာ နိုင်ငံမီးသတိတပ်ဖွဲ့မှသိရပါသည်။ ခုန်ချသွားသူဟာ အသက် ၄၀ ကျော်ခန့်ရှိပြီး အမျိုးသား တစ်ဦး ဖြစ်တယ်လို့သိရကာ ကယ်ဆယ်ရေးအဖွဲ့တွေရှာနေကြတယ်လို့လည်း ဆိုပါတယ်။ ဒါပြင် ယမန်နေ့ကလည်း ပဲခူးတိုင်း၊ ပြည်မြို့ နဝဒေးတံ တားပေါ်မှ အသက် (၃) နှစ်အရွယ်ကလေးနှင့် မိခင်ဖြစ်သူတို့ ခုန်ချသတ်သေမှု ဖြစ်ပေါ်ခဲ့ပြီး ယနေ့တိုင်းရှာဖွေနေဆဲဖြစ်ပါတယ်။ ပြီးခဲ့တဲ့ သြဂုတ်လ (၂၅) ကလည်း ရန်ကုန်၊ ကမ္ဘာအေးလူကူးခုံးကျော်တံတားပေါ်မှ အမျိုးသားတစ်ဦး ခုန်ချမှုပြု လုပ်ခဲ့သေးသည်။ ဆက်လက်ပြီး ဩဂုတ်လ ၂၆ ရက်နေ့တွင်းလည်း စစ် ကိုင်းတိုင်း၊ တမူးမြို့နယ် CDM ကျောင်းဆရာမတစ်ဦး ကိုယ့်ကိုကိုယ်အဆုံးစီရင်မှု ဖြစ်ပွားခဲ့ပါသေးသည်။ #အင်းယားကန်ထဲ #လူတဦးခုန်ချမှု #HTY_Information

ဩဂုတ်လ ၂၅ ရက်နေ့က လူမှုကွန်ရက် စာမျက်နှာမှတစ် ဆင့် ဒူဘိုင်းတွင်ဒုက္ခရောက်နေကြောင်းအကူအညီတောင်း ခံခဲ့သော မြန်မာအမျိုးသမီးငယ် ၈ ဦးကို မြန်မာနိုင်ငံသို့ ပြန်လာနိုင်ရန် ဒူဘိုင်းရှိ မြန်မာလူမှု့အဖွဲ့အစည်းများနှင့် ပူးပေါင်းဆောင်ရွက်နေဟု မြန်မာသံရုံးကထုတ်ပြန်ထားပါသည်။ (သြဂုတ်လ ၂၉ ရက်) #YangonFreedomPress

❗️လှိုင်သာယာ၊ အမှတ် ၁၆ ရပ်ကွက်၊ မင်းတပ်လမ်းတွင် ဧည့်စာရင်းဝင်ရောက်စစ်ဆေးနေသည်ဟု သိရသည်။ စစ်သား ၁၀ ယောက်ခန့်နှင့် ရပ်ကျေးများပါပြီး၊ အိမ်/အဆောင်များ တွင်နေထိုင်သူများကို သန်းကောင်စာရင်း/ဧည့်စာရင်းများနှင့်တိုက်ကာ စစ်ဆေးသည်ဟုလည်း သိရသည်။ ဩဂုတ်လ ၂၇ ရက် #ဧည့်စာရင်း #HTY_Information

ကန်ဒေါ်လာ ၁ သန်းကျော် သုံးစွဲထားပြီး နိုင်ငံအနှံ Drone ဖြင့်တိုက်ခိုက်မှုရာနဲ့ချီပြုလုပ်ပြီးကြောင်း Federal Wings ထုတ်ပြန် Yangon Freedom Press (ဩဂုတ်လ ၂၇ ရက်) Drone Project နှင့် Sniper Project တွေအားလုံးအတွက် အမေရိကန်ဒေါ်လာ ၁ သန်းကျော် ကုန်ကျခဲ့ပြီ ဖြစ်တယ်လို့ Federal Wings က ယမန်နေ့ ဩဂုတ် ၂၆ ရက်နေ့မှာ ထုတ်ပြန်ထားပါတယ်။ ဒါပြင် ဒရုန်းတပ်ဖွဲ့တွေ နိုင်ငံအနှံ့ဖြန့်ကျက်ထားပြီးဖြစ်သလို တိုက်ခိုက်မှု အကြိမ်ရေ ရာနဲ့ချီပြီး ပြုလုပ်နိုင်ခဲ့ပြီးဖြစ်တယ်လို့လည်းဆိုပါတယ်။ နောက်ပိုင်း စစ်ဆင်ရေးတွေဆက် လုပ်ဆောင်ဖို့အတွက် ဒရုန်းတပ်ဖွဲ့တွေ ထိုက်သင့်သလောက် အင်အားရှိသော် လည်း နေ့စဥ် ဗုံးကြဲချနိုင်ဖို့ ငွေကြေး အကူအညီ လိုအပ်နေတယ်လို့ Federal Wings က ဆိုထားပါတယ်။ #ဓာတ်ပုံ_FederalWings #YangonFreedomPress

Breaking-လှိုင်သာယာမြို့နယ်ရွှေလင်ပန်း (၂၃)ရပ်ကွက် ခရေ (၅)လမ်းနှင့် (၆) လမ်းကြားရှိ လမ်းသွယ်တစ်ခုတွင် ဒီကနေ့ ည (၇:၀၀) ဝန်းကျင်အချိန်ခန့်က လူငယ် (၃) ဦး စစ်ကား ၃ စီးဖြင့် ဝင်ရောက်ဖမ်းဆီးမှုဖြစ်ပွားခဲ့ပြီး (၁)ဦး လွတ်မြောက်ကာ (၂)ဦးဖမ်းဆီးခံရတယ်လို့ ဒေသခံတွေထံကသိရပါတယ်။ အဆိုပါ ဖမ်းဆီးခံရမှုနဲ့ပတ်သက်ပြီး အကြောင်းအရင်း အသေးစိတ်မသိရှိရသေးပေမဲ့ လွတ် မြောက်သူ (၁) ဦးရှိနေတဲ့အတွက် လမ်းအတွင်း ကြိမ်း မောင်းသွားတယ်လို့သိရှိရပါသည်။ (ဩဂုတ်လ ၂၇ ရက်) #HTY_Information

"နိုင်ငံတစ်ဝှမ်းမှ ဖိနှိပ်ခံ ပြည်သူပြည်သား အားလုံးနိုးကြလော့" ဘန်နာကိုင်ကာ ရန်ကုန်လူငယ်တွေ ဆန္ဒပြ HTY Information (ဩဂုတ်လ ၂၇ ရက်) ဒီကနေ့ ရန်ကုန်မြို့ရဲ့တစ်နေရာမှာစစ်အာဏာရှင်ဆန့်ကျင် ရေး လှုပ်ရှားမှုအဖြစ် Burma Youth Revolutionary Force(BYRF)မှဦးဆောင်ပြီး YRSC(ရန်ကုန်ရဲ့သူပုန်များသပိတ်ကော်မတီ)၊ထား၀ယ်မြို့နယ်အခြေခံပညာကျောင်း သားများသမဂ္ဂ(ထ၀အကသ)၊ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၊မြောက်ဥက္ကလာတော်လှန်လူငယ်များ မှပူးပေါင်းကာ တော်လှန်ရေးအားပိုမိုအရှိန်မြှင့်တင်ရန်နှင့် စသ်ခေါင်းဆောင်မင်းအောင်လှိုင်အား စိန်ခေါ်ကြိုးစင်တက်ကိုတက်ရမည်ဟု ကြွေးကြော် သံနှင့်အတူ စစ်အာဏာရှင်ဆန့်ကျင်ရေးသပိတ်လှုပ်ရှားမှု ပြုလုပ်ခဲ့ကြကြောင်းသိရှိရပါသည်။ #ရန်ကုန် #ဓာတ်ပုံ_ပေးပို့ #HTY_Information

လှိုင်သာယာမြို့နယ် ကျန်စစ်မင်းအိမ်ယာမှာ စစ်ကားကြီး ၂ စီး ကားလေး ၁ စီးနဲ့ ဧည့်စာရင်းဝင်ရောက်စစ်ဆေးနေတယ်လို့ သိရပါတယ်။ လက်ရှိအချိန်ထိတော့ ထူးခြားမှုတစ်စုံတစ်ရာ မကြားသိရသေးပါဘူး။ (ဩဂုတ်လ ၂၆ ရက်) #ဧည့်စာရင်း #HTY_Information

စစ်တပ်ကအာဏာသိမ်းပြီးနောက် ယိုင်နဲ့နေတဲ့ တရားရေးမဏ္ဍိုင်တွေ သတိပေးဖောက်ခွဲခံရပြီးနောက် ထိခိုက်မှုရှိသော တိုက်ခိုက်မှုစတင် Yangon Freedom Press (ဩဂုတ်လ ၂၆ ရက်) ရန်ကုန်တိုင်း၊ မရမ်းမရမ်းကုန်းမြို့နယ်ရှိ မြို့နယ်တရားရုံးကို ဒီကနေ့မနက်ပိုင်းတွင် Generation-Y Guerilla (GYG) က ဗုံးဖောက်ခွဲတိုက်ခိုက်ခဲ့ပြီး စစ်သား (၂)ဦးထိခိုက်ဒဏ် ရာရရှိခဲ့တယ်လို့ ဒေသခံတွေထံက သိရပါတယ်။ ဒီကနေ့ ဩဂုတ်လ ၂၆ ရက် မနက်(၁၁:၃၀) ဝန်းကျင်အချိန်ခန့်က ပေါက်ကွဲမှုဖြစ်ပွားခဲ့တာဖြစ်ပြီး ပေါက်ကွဲမှုဖြစ်ပွားပြီးတဲ့နောက် စစ်ကောင်စီတပ်တွေအပြင် လူနာတင် ကားတွေပါ ရောက်ရှိလာတာတွေ့ရတယ်လို့ ဆိုပါတယ်။ အဆိုပါတရားရုံးတွင် တရားသူကြီးအပါအဝင် ဝန်းထမ်းတွေကလည်း စစ်ကောင်စီ၏အလိုကျ ဆောင်ရွက်နေတာကြောင့် GYG အဖွဲ့မှ ဖောက်ခွဲတိုက်ခိုက်ခဲ့ပါတာဖြစ်တယ်လို့ဆိုထားပြီး ရဲဘော်များအားလုံးလည်း အန္တရာယ်ကင်းရှင်းစွာ ဆုတ်ခွာနိုင်ခဲ့ကြောင်း Generation Y Guerilla - GYG အဖွဲ့ကဆိုထားပါသည်။ ပြီးခဲ့တဲ့ လပိုင်းတွေကလည်း ယိုးယွင်းပျက်စီးလာသော တရားရေးဌာနတွေဖြစ်တဲ့ နေပြည်တော်အပါအဝင် မရမ်းကုန်း၊ အရှေ့ဒဂုံ၊ တောင်ဥက္ကလာပ၊ လှိုင်သာယာနှင့် အရှေ့ပိုင်းခရိုင်တရားရုံးများတွင် အသီးသီး ပေါက်ကွဲမှုတွေဖြစ်ပွားခဲ့ပါသည်။ #မရမ်းကုန်းတရားရုံး #ဗုံးပေါက်ကွဲ #GYG #YangonFreedomPress

ရန်ကုန်-မန္တလေးလမ်းဟောင်းတွင် စစ်ကောင်စီယာဉ်တန်းကို ဒေသကာကွယ်ရေးတပ်ကမိုင်းဆွဲတိုက်ခိုက် Yangon Freedom Press (ဩဂုတ်လ ၂၆ ရက်) မန္တလေးတိုင်းဒေသကြီး မိတ္ထီလာခရိုင် ဝမ်းတွင်းမြို့နယ်အထွက် ရန်ကုန် - မန္တလေး လမ်းဟောင်းပေါ်က လျှော်ပင်ကျေးရွာ အနီးမှာ ဒီကနေ့မနက် စစ်ကောင်စီတပ်တွေရဲ့ ယာဉ်တန်းကို မိုင်းဆွဲ တိုက်ခိုက်ခဲ့တယ်လို့ ဝမ်းတွင်းမြို့နယ် တော်လှန်ရေးအင်အားစု (WTRF)က သတင်း ထုတ်ပြန်ထားပါတယ်။ ဒီကနေ့ ဩဂုတ်(၂၆)ရက် မနက်(၉)နာရီက ဝမ်းတွင်းမြို့တောင်ဘက် အထွက် လျှော်ပင်ကျေးရွာ အနီးမှာမိုင်းဆွဲ တိုက်ခိုက်ခဲ့တာဖြစ်ပြီး အသေအပျောက် ရှိနိုင်ပေမယ့် အတိအကျ မသိရသေးဘူးလို့ ဆိုပါတယ်။ ပြီးခဲ့တဲ့ ဩဂုတ်(၁၃) ရက်ကလည်း ရန်ကုန်-မန္တလေးမ်းဟောင်းမှာ သံချပ်ကာ သင်တန်းဆင်း စစ်ကောင်စီတပ်ဖွဲ့ဝင်များလိုက်ပါလာသော ကားကြီးနှစ်စီးကို ပဒေသာမိုင်းနဲ့ အဆိုပါအဖွဲ့က ဖောက်ခွဲ တိုက်ခိုက်ခဲ့ပါသေးသည်။ #ဝမ်းတွင်း #စစ်ယာဉ်တန်းမိုင်းဆွဲခံရ #WTRF #YangonFreedomPress

Burmese Ranger Army - LDF ဟုခေါ်သော အမည်ခံ အဖွဲ့အစည်းတစ်ခုမှ လှိုင်သာယာမြို့နယ်တွင်း အမှန်တကယ် ဖြစ်စဉ်မရှိခဲ့သော သတင်း (၃) ပုဒ်ကို ထုတ်ပြန်ထားတာထပ်မံတွေ့ရှိရတဲ့အတွက် ပြည်သူအများသတိပြု နိုင်စေရန် ဖော်ပြပေးလိုက်ရပါသည်။ (ဩဂုတ်လ ၂၅ ရက်) #HTY_Information

Burmese Rangers Army - LDF ဟုခေါ်သော အမည်ခံ အဖွဲ့အစည်းတစ်ခုဟာ လှိုင်သာယာမြို့နယ်တွင်း အမှန်တကယ်မရှိခဲ့တဲ့ သတင်းအား လူထုကြားထင်ယောင် ထင်မှားဖြစ်စေရန် ပြီးခဲ့တဲ့ ဇူလိုင်လ (၇) ရက်နေ့က ၎င်းတို့ရဲ့ facebook စာမျက်နှာကတစ်ဆင့် ဖော်ပြခဲ့ပြီး အဆို ပါသတင်းကို သတင်းဌာနကြီးအချို့က ယူဆောင်ဖော်ပြခဲ့ကြကာ လုထုကြား နာမည်ကျော်ပျံ့နှံ့လာခဲ့ပါတယ်။ ၎င်းဖြစ်စဉ်နဲ့ပတ်သက်၍ လှိုင်သာယာမြို့နယ် အခြေစိုက် သတင်းဌာနဖြစ်သော HTY Information ၏ လိုက်လံစုံစမ်းဖော်ထုတ်မှုကို မကျေနပ်သောကြောင့် သတင်း Post ရဲ့ Comments ကတစ်ဆင့် အောက်ပါအတိုင်း စိန်ခေါ် ခြိမ်းခြောက်လာတာတွေ့ရပါတယ်။ HTY Information အနေနဲ့ Comments မှ အထပ်ထပ်အခါခါ မမှန်ကန်သော သတင်းကို ပြန်လည်စိစစ်ပေးဖို့ တောင်းခံသော်လည်း ပြည်သူ့ကာကွယ်ရေးတပ်ဖွဲ့တစ်ခုဟု ခေါင်းစဉ်တပ်ထားသော အဖွဲ့မှ အောက်တွင်ပါရှိသည့်အတိုင်း ပြောဆိုလာတာကို ပြည်သူအများ သတိပြု သိရှိနိုင်စေဖို့ ပုံနဲ့တစ်ကွ ဖော်ပြပေးလိုက်ရပါသည်။ (ဩဂုတ်လ ၂၅ ရက်) သတင်းအပြည့်အစုံ ပုံနှင့်တကွ ဖတ်ရှုလိုပါက - https://www.facebook.com/103787165113663/posts/pfbid0HQfHMtFYhY7ibjab9qqaFMZumSdgf7owX28jW5j48WCkPr6rfhWSDVw7QzkyFjgal/?d=n #HTY_Information

Burmese Rangers Army - LDF ဟုခေါ်သော အမည်ခံ အဖွဲ့အစည်းတစ်ခုဟာ လှိုင်သာယာမြို့နယ်တွင်း အမှန်တကယ်မရှိခဲ့တဲ့ သတင်းအား လူထုကြားထင်ယောင် ထင်မှားဖြစ်စေရန် ပြီးခဲ့တဲ့ ဇူလိုင်လ (၇) ရက်နေ့က ၎င်းတို့ရဲ့ facebook စာမျက်နှာကတစ်ဆင့် ဖော်ပြခဲ့ပြီး အဆို ပါသတင်းကို သတင်းဌာနကြီးအချို့က ယူဆောင်ဖော်ပြခဲ့ကြကာ လုထုကြား နာမည်ကျော်ပျံ့နှံ့လာခဲ့ပါတယ်။ ၎င်းဖြစ်စဉ်နဲ့ပတ်သက်၍ လှိုင်သာယာမြို့နယ် အခြေစိုက် သတင်းဌာနဖြစ်သော HTY Information ၏ လိုက်လံစုံစမ်းဖော်ထုတ်မှုကို မကျေနပ်သောကြောင့် သတင်း Post ရဲ့ Comments ကတစ်ဆင့် အောက်ပါအတိုင်း စိန်ခေါ် ခြိမ်းခြောက်လာတာတွေ့ရပါတယ်။ HTY Information အနေနဲ့ Comments မှ အထပ်ထပ်အခါခါ မမှန်ကန်သော သတင်းကို ပြန်လည်စိစစ်ပေးဖို့ တောင်းခံသော်လည်း ပြည်သူ့ကာကွယ်ရေးတပ်ဖွဲ့တစ်ခုဟု ခေါင်းစဉ်တပ်ထားသော အဖွဲ့မှ အောက်တွင်ပါရှိသည့်အတိုင်း ပြောဆိုလာတာကို ပြည်သူအများ သတိပြု သိရှိနိုင်စေဖို့ ပုံနဲ့တစ်ကွ ဖော်ပြပေးလိုက်ရပါသည်။ (ဩဂုတ်လ ၂၅ ရက်) သတင်းအပြည့်အစုံ ပုံနှင့်တကွ ဖတ်ရှုလိုပါက - https://www.facebook.com/103787165113663/posts/pfbid0HQfHMtFYhY7ibjab9qqaFMZumSdgf7owX28jW5j48WCkPr6rfhWSDVw7QzkyFjgal/?d=n #HTY_Information

ဗကသဥက္ကဌဟောင်း ရဲဘော်ညီမင်းသူကျဆုံးခြင်း ၆ လပြည့်အထိမ်းအမှတ်အဖြစ် ဗကသများအဖွဲ့ချုပ်မှ ရန်ကုန်တွင် ဆန္ဒပြချီတက် သြဂုတ်လ ၂၅ ရက် ယနေ့ ရန်ကုန်မြို့၊ မရမ်းကုန်းမြို့နယ်တစ်နေရာတွင် ဗကသဥက္ကဌဟောင်းဖြစ်သူ ရဲဘော်ညီမင်းသူ ကျဆုံးခြင်း (၆) လပြည့်အထိမ်းအမှတ်အဖြစ် ဗကသများအဖွဲ့ချုပ်မှ စစ်အာဏာရှင်ဆန့်ကျင်ရေး ကြွေးကြော်ချီတက် ဆန္ဒပြခဲ့ကြသည်ဟု သိရသည်။ “ရဲဘော်ညီမင်းသူစိတ်ဓာတ် ကိုင်စွဲတိုက်ပွဲ၀င်ကြ ” စာသားပါ ဘန်နာအား ကိုင်စွဲ၍ “စစ်ဖိနပ်အောက် ဘယ်တော့မှ ဒူးမထောက်ဘူး” အပါအဝင် စစ်အာဏာရှင် ဆန့်ကျင်ရေး ကြွေးကြော်သံများကို ဟစ်ကြွေး၍ ဆန္ဒပြချီတက်ခဲ့ကြခြင်းဖြစ်သည်။ ယနေ့ လှုပ်ရှားမှုကို မရမ်းကုန်းမြို့နယ်ကျောင်းသားများသမဂ္ဂ(ဗကသများအဖွဲ့ချုပ်) ၊ လှိုင်သာယာမြို့နယ်ကျောင်းသားများသမဂ္ဂ(ဗကသများအဖွဲ့ချုပ်) ၊ မင်္ဂလာဒုံမြို့နယ်ကျောင်းသားများသမဂ္ဂ(ဗကသများအဖွဲ့ချုပ်)၊ သင်္ဃန်းကျွန်းမြို့နယ်ကျောင်းသားများသမဂ္ဂ(ဗသကများအဖွဲ့ချုပ်)၊ အထက (၁) လသာ ကျောင်းသားများသမဂ္ဂ(ဗကသများအဖွဲ့ချုပ်) ၊ ထဝယ်​မြို့နယ်ကျောင်းသားများသမဂ္ဂ(ထဝအကသ) ၊ Burmese Youth Revolutionary Force-BYRF တို့မှ ပူးပေါင်းဦးဆောင်၍ ဆောင်ရွက်ခဲ့ခြင်းဖြစ်ပြီး၊ အခြေခံပညာကျောင်းသားများသမဂ္ဂ - အကသ (ဗကသများအဖွဲ့ချုပ်) ၏ ဥက္ကဌဟောင်းဖြစ်သူ ရဲဘော်ညီမင်းသူ ကျဆုံးခြင်း ၆ လပြည့်အထိမ်းအမှတ်အဖြစ် ပြုလုပ်ခဲ့ကြခြင်းဖြစ်သည်ဟုလည်း သိရသည်။ #ရုပ်သံ_ပေးပို့ #ဗကသများအဖွဲ့ချုပ် #abfsu #HTY_Information

ကမ္ဘာအေးဘုရားလမ်းမကြီးပေါ်ရှိ လူကူးခုံးကျော်တံတားပေါ်မှ အမျိုးသားကြီးတစ်ဦးခုန်ချမှုဖြစ်ပွား Yangon Freedom Press (ဩဂုတ်လ ၂၅ ရက်) ရန်ကုန်တိုင်း၊မရမ်းကုန်းမြို့နယ်၊ ကမ္ဘာအေးဘုရားလမ်းမကြီးပေါ်ရှိ လူကူးခုံးကျော်တံတားပေါ်မှ ဒီကနေ့ သြဂုတ် ၂၅ ရက် နံနက်ပိုင်းက အမျိုးသားတစ်ဦး သေကြောင်းကြံ ခုန်ချခဲ့ကြောင်း မြန်မာ့ကြယ်ဖြူလူမှုကူညီရေးအသင်းမှ သိရသည်။ ဒီကနေ့နံနက် ၁၁ နာရီခွဲကျော်ခန့်ကလူကူးခုံးကျော်တံတား ပေါ်မှ ဦးစိုင်းမြင့်မိုး(၅၈)နှစ်သည် ခုန်ချ၍ သေကြောင်း ကြံစည်ခဲ့ခြင်းဖြစ်ကြောင်း သိရပြီး ထိခိုက်ဒဏ်ရာများရရှိခဲ့သဖြင့် မြန်မာ့ကြယ်ဖြူလူမှုကူညီရေးအသင်း၏ လူနာ တင်ကားဖြင့် မြောက်ဥက္ကလာဆေးရုံကြီး ပို့ဆောင်ခဲ့ရကြောင်း သိရှိရပါသည်။ #လူကူးခုံးကျော်တံပေါ်မှခုန်ချမှုဖြစ်ပွား #ဓာတ်ပုံ_မြန်မာ့ကြယ်ဖြူလူမှုကူညီရေးအသင်း #YangonFreedomPress