قصص ولادة بعد التثقيف

قصة ولادة منزلية جميلة جمعت الأم فيها الحدث مع المعلومات الصحيحة اللهم بارك فيها وفي اسرتها واحفظهم من كل سوء اللهم نسألك ان تسخّر لكل الأمهات هذا الخيار الجميل بكامل احتياطاته الطبية السليمة ✨✨✨✨✨✨✨✨ https://thekidspart.com/ar/homebirth/?utm_source=ig&utm_medium=social&utm_content=link_in_bio&fbclid=PAdGRleASIwdlleHRuA2FlbQIxMQBzcnRjBmFwcF9pZA8xMjQwMjQ1NzQyODc0MTQAAacLRX2klPyKxJxhlIUNDWoqNlAScl5gSq_4UrSioGrdtHcpoQ1v1VAIn3HLYA_aem_kG0awJigODyovL0qixu8kQ ✨✨✨✨✨✨✨ للإشتراك في دورة تثقيفية عن الولادة الطبيعية الغريزية اضغطي هنا🟢

‏https://www.amanibirth.app/teacher-doula-details?recordId=ffdLcWQpHD0Hst#affiliate-testimonial-table حبيباتي💕😘 يسعدني تقييمكم لي في تثقيف الأمهات عن الولادة الغريزية 🌹🌹🌹🌹🌹🌹 ليس ضروري أن تذكري إسمك😘

ماكنت قادرة اتحرك ووقتها الرحم ٤ سم و كانوا حاطين التخطيط واقلهم معليش ابغا ارفع الظهر وارفعه كان في ممرضة معصبة تقهر وكنت اقلها لاتعصبي ماسويت لك شي 😂 وارفع الظهر وهيا تنزل لين استسلمت هيا سبحان الله كانت تجي الطلقة شدييييدة بس انا اكون جالسة شبه متربعة وزوجي اقله يمسج ظهري من تحت كأنو يضغط ع الألم ويختفي 🥺 وقتها عيوني كانت تزغلل وأحس بتنميل وانا خوافة على طول دكتوراااااا أحس بزغللة وتنميل لييييش قالتلي من الكمامة حبيبتي خففي منها شوية 😂🤕 كان معايا كمامة بس وبدأ الطلق يزيد ويصير ورا بعض ورا بعض لين ماشاءالله وصل ٨ سم شوية بديت أحس بدفع صرخت نادوا الدكتوووورة وبدأت اللحظات الأصعب والأجمل في البداية كنت أحس بدفع وأدفع بس ماني حاسة البيبي يتحرك شوية جات دكتورة ثانية قالتلي اسمها فلانة الفلانية وهي استشارية حتولدك وياريتها ماجات 😭 كانت دكتورة لينا حنونة وتشجعني وتحاول تخفف عني اما هذي الدكتورة اتذكر انو دكتورة لينا قالتلها الأم ماتبغا شق وكذا قالت طيب بعدين ماتذكر اني سمعت منها كلمة غير دفي يلا دفي دفيييي يابنتي مايصير كذا مو قاعدة تدفي صح البيبي حيتضرر منك دفي دفي ااااه شتتتتتتتني صرت مو عارفة ادف صدق وتقول لزوجي متى آخر ولادة قلها قبل ٣ سنين تقوم تقلي يعني نسيتي كيف تدفي ولا ايش يلا دفي ونبرة صوتها عالية وانا قاعدة اموووووووت من الألم حرفيا كانت اصعب لحظة في حياتي حاسة بكل شي والألم قاتل والدكتورة تزززن فوق راسي وانا اسمع ملامها وادف واتتتتعب وتجيني طلقة ثانية فالدفة الأولى توقف تقوم تخاصمني ليييش وقفتي الدف انا خلااااااص صرت اصرررررخ اقلها مو قاااااادرة حموووووت خلاااااص 😭😂 والبيبي حالف مايطلع وكأني اتذمر انها قالت ترا ممكن نحتاج نقص لو مادفيتي كويس ( بس زوجي يقلي ماقالت عاد مدري يطبطب عليا ولا حقيقي لأنو جاني انهيار اسبوع بعد ولادتي اتذكر الدكتورة وأبكي فهوا شكلو يخفف عني ) المهم صرت اضم رجولي ماني قادرة والدكتورة ترفع رجولي بقوة ☹️ طبعا الوضعية كانت جالسة وركبتي على صدري أنا خلاص مع الألم وقتها واللخبطة والاصوات اللي على راسي صرت بس اصرخ واقول ياااارب وهيا تقلي لا تصرخي 😂 خلاص ياحقة اسكتي انتي بس 😂 المهم بعدين حمدلله في أحد الدفات وحينما كاد نفسي ان ينقطع شرف الشيخ ياسر والحمدلله 😂😍❤️ من الانهيار رميت ظهري على ورا ومانطقت ولا كلمة كنت حاسة اني رجعت من الموت فعلا وزوجي قص الحبل السري حقو 😍😍😍 وأنا يادوب مسكته كدا بيدي بدون مااشوفو وحضنتو واقول لزوجي نحيف الولد يقلي بالله عليك مو وقتك 😂😂😂😂 وبعدين اقلهم ليش مايبكي ليش مايبكي والدكتورة لينا تقلي عادي حبيبتي اتطمني دحين حيبكي وفعلا بعدها بشوية سمعته 🥺💘 المهم بعدها ضغطت على بطني وطلعت المشيمة وحقيقي كان الألم اللي حسيت فيه عمري ماحسيت فيه في حياتي حتى وقت المشيمة بس خلاص من التعب مافتحت فمي 😩 ولكن الحمد لله ولدي طلع بخير وعافية وصحة كويسة حمدلله ورضعته وسويت سكن تو سكن حتى الممرضة ضحكتني لما قلتلها جيبيه قالتلي استني قلتلها لا انتي استني ابغا اسوي سكن تو سكن قالت واااو انتي تعرفي سكن تو سكن 😂😂😂 ثاني يوم الدكتورة لينا طلعت لي الغرفة وكان نفسي ابوسها بس شكرتها مرة ودعيت لها حتى ماما شكرتها 🥰💕 والحمدلله بعد كل اللحظات الصعبة هذي ولدت الساعة ١:٥٠ دقيقة يعني حمدلله حمدلله طلقي وولادتي ماطولوا كثير يمكن كانت أطول فقرة في الولادة الدف ولكن بدون شق او طلق صناعي او شي والحمدلله عدت بسلام ويارب يجعلهم قرة عين و يعيننا على تربيتهم ويعلمنا ويعلمهم ويحفظهم بحفظه ❤️ اللهم آمين

5328256 الولادة الثالثة بدون شق عجان ماشاء الله تبارك والحمدلله 🌹🌹🌹🌹🌹🌹🌹 ولادتي الثالثة طبيعي نهاية الأسبوع ٤١ يوم الخميس ١٧ / ٣ / ١٤٤٤ هـ الساعة ١:٥٠ ظهرًا مستشفى غسان فرعون - جدة من يوم مادخلت الأسبوع ٣٦ جاتني حساسية رهيبة في أطرافي وجسمي كله وكنت تقريبا كل أسبوع أراجع في المستشفى ولاداتي السابقة كلها أولد في الموعد المتوقع بعده بيوم أو نفس اليوم فتخليت انو هذي الولادة كذا في الأسبوع ٣٩ راجعت عند دكتورة غير دكتورتي في مستشفى ثانية وفجعتني وقالتلي الموية ناقصة جدا ولازم تولدي وقمت وانفجعت واستشرت وسألت وسويت سونار واثنين و ثلاثة وآخر شي طلعت الموية ناقصة شي لا يذكر الحمدلله وتمر الأيام والاسابيع وكل اللي حوامل معايا يولدوا (وحتى أخت زوجي اللي معايا في نفس الأسبوع ) ويخلص الأسبوع ٤٠ وأدخل ٤١ وأنا لا حياة لمن تنادي الحساسية تزيد وجسمي كله آثار وبهذلة وأنا تعبت من الثقل وأول مرة أطول كذا أهلي وأهل زوجي كل يوم يسألو وبرضو مافي أي بوادر الدكتور بدأ يقلي احتمال نلجأ للطلق الصناعي انا هنا مت رعب وصرت أدعي وأقول يارب لا تحوجني له كنت تقريبا كل يومين أروح المستشفى عشان اتطمن ع البيبي والموية وسويت كمية تخطيط نبض هذيك الأيام عمري ماسويتو في حياتي 😂 ( لما أتذكر كم مرة رحت المستشفى هذاك الشهر تجيني ضيييقة حقيقي كلللل مشاويري كانت مستشفى ) كنت أمشي يوم إيوة ويوم لا وأشرب شاي التوت وآكل اناناس وأسوي قرفصاء و أحاول أبذل الأسباب اللي أقدر عليها لين وصلت آخر يوم في الأسبوع ٤١ تقريبا ماما بدأت تخاصمني وتقلي خلاص لازم تولدي ماتعرفي ايش يصير في البيبي ومانبغا ننفجع عليك لا قدر الله ام زوجي في نفس اليوم تتصل وتقول نفففس الكلام انو خلاص روحي يولدوكي لا تستني أكثر ماتتخيلوا كمية التوتر اللي أصلا أنا مو ناقصني 🤕 بداية هذا الأسبوع الدكتور قال حسنتنا لآخر الأسبوع لو ماجاك طلق حنعطيك صناعي رحت المستشفى يوم الأربعاء عشان اتطمن وأطمن أهلي إنو رحت وحشوف ايش يقولوا والدكتور قلنا خلاص بكرة تعالوا نعطيها صناعي بلاش تطول أكثر من كذا الموية بدأت تقل والحساسية قاعدة تزيد خلاص ارتاحي واولدي وطلعت أسوي تخطيط كانت الساعة ١٠ في الليل تقريبا، الدكتورة المناوبة شافت طلق في التخطيط وكشفت وأعطتني أمل مرة قالتلي انتي وضعك وضع ولادة الراس تحت ورحمك مفتوح ٢ ونص او ٣ وفي طلق في التخطيط وكانت فرحانة وفرحتني الله يسعدها، قالتلي خلاص روحي البيت وارجعي بعد ساعتين غبنا ٤ ساعات رحت شربت ينسون وعسل وأكلت تمر وقرفصت وسويت تمارين الكورة وعلاقة ومشيت وجهزت بيتي ( يومتها كنت طابخة ملوخية وقعدت اغسل القدور 😂 ) ووديت بناتي لأهلي وسلمت عليهم ومشيت ع المستشفى بس مافي أيييي ألم ولا أي عرض ولادة دخلنا وللأسف الدكتورة اللي كانت مناوبة تغيرت قلتلها بس اكشفي عشان نعرف اذا في حركة في الطلق ولا لأ قالت لا لازم تخطيط تاني قلتلها خلاص والله ظهري تصلب من التخطيط كانت كدا ناشفة وقالتلي ماحكشف لك بدون تخطيط المهم سوت التخطيط وبعدين جات كشفت وقالتلي كدا بكل عصبية ( انتي ماعندك طلق ومافي ولادة والرحم بس مفتوح ٢ سم كيف تقولي ٢ ونص أو ٣ روحي البيت مافي ولادة تعالي بكرة خذي صناعي وبس ) جابتلي إحباااااااااااااط وأسلوبها قهرني وجابلي بكا رجعت البيت أجر أذيال الخيبة ، وطبعا ماكلمت ماما وماقلتلها رجعت البيت ولا شي وقتها كنت أكلم البنات في القروب والله يسعدهم طبطبوا عليا وكم وحدة ذكرتني بالصدقة بنية تفريج الهم والحمدلله ربي أكرمني والله يجعلها في موازين حسناتهم وسبحان الله وقتها صار شي عجيب طول التاسع أنا مااناااام الليل إلا ساعات متفرقة وغير مشبعة أبدا هذاك اليوم كأنو الله أخر ولادتي للصباح بس عشان أنام وربي رزقني أنا وزوجي نومة مريييييحة سبحان الله من الساعة ٢ إلى ٨ ونص الصباح والظاهر انو الكشف اللي كشفوه عليا حفز الطلق الساعة ٨ ونص الصباح صحيت على طلقة وحسيتها بس قلت هذي زي حقت كل يوم الساعة ٩ كمان جاتني وحدة ثانية قمت قلت لزوجي شكلو طلق حقيقي وانا فرحاااانة يقلي أول مرة أشوف أحد فرحان من الألم 😂😍 وقتها كان الطلق كل ربع ساعة وبعدين فجأة نزل عليا دم قلتله خلااااص ولااادة مابنمزح دي المرة شربت ينسون واخذت كم ملعقة عسل واكلت تمر وقعدت ع الكورة لين صار الطلق كل ١٠ دقايق تقريبا وحركنا وصلت المستشفى الساعة ١١ وكانت دكتورة لينا سورية هيا المناوبة قلتلها اني مو حابة شق وحابة اولد وانا جالسة مو وانا متمددة وزوجي حاب يقص الحبل السري وأعطتني الأمان الله يسعدها وأعطت زوجي القفاز من بدري 😍✌🏼

5328075 الولادة الثانية المستشفى العسكري بجدة قصة ولادتي الثانيه الاسبوع ال٣٩ بداية القصه يوم الاحد كان عندي موعد دكتور مراجعه طمني انو كل شي تمام واعطاني موعد ك حد اقصى اسبوعين بعدين موعد طلق صناعي خرجت من عنده وانا اقول ان شاء الله مايجي الموعد الا وانا ولدت باذن الله ولااضطر للطلق اليوم الثاني يوم الاثنين حجزت عامله تنظف لي البيت نظفنا وغسلنا وكبت مويه عالارض انا ماانتبهت وقتها ربي لطف كنت بشويش امشي عالارض وزحلقت وطحت طيحه مو قويه تعتبر بسيطه قلت رب ضاره نافعه ان شاء الله تولدني الطيحه 😂 هذا المغرب الليل عالفجر الثلاثاء جاني الم اسفل ظهري خفيف بس اول مره يجيني حسيته غريب قلت من الطيحه نمت صحيت قبل العصر نزل شي وردي على الساعه ٥ العصر شي ووردي ومويه خفيفه عرفت انها علامة ولاده بس مااعرف متى مستبعده نفس اليوم على ٦ بدا الم خفيف محتمل اخف من الدوره استمر ل ٩ عادي جدا محتمل وكلها بينها ١٠ دقايق لين وصلت صار بين الطلقه والطلقه ٣ دقايق وكانت شويه محتمله مايله للشده قريت فالكتاب وعرفت اني فالمرحله النشطه خلاص مابقي شي ع مرحلة المخاض امي كانت جايه بالصدفه جده كلمتها وعرفت من صوتي اني ولاده وجات على ٩ ونص انا وقتها سلمت عليها واكلتني ملعقه عسل اصلي سدر ورطب ومويه وقالت اجي معاك قلت لا اصلا شكلي مو لاده باقي لو قالت لي ٤ سانتي برجع البيت بس بكشف وارجع وقتها بس طلعت السياره بدات الطلقات تزداد حده لدرجه ماصرت اقدر اجلس وكانوا العسل اللي اكلته حمى الطلق وصار اقوى وبين الطلقه والثانيه ٣ دقايق عرفت من المها انها طلقات ولاده رجعت ورا ماصرت اتحمل الجلوس المستشفى تقريبا ٢٠ دقيقه وصلنا وتجي الطلقه اللي تخليني اوقف شويه رفضت العربيه مشيت وشجعتني الممرضه انو ممتاز هذا يسهلك ع بال تسجل معلوماتي ورحت طواري الولاده فحصت قالت ٧ سانتي خلاص ولاده طلعوها فوق طلعتني كشك الولاده الساعه على ١٠ وربع الليل خلتني ارقص معاها شويه واحرك حوضي ١٥ دقيقه بعدين صرت خلاص مااقدر للوقوف قالت لي لازم اشوف النبض قلتلها شوفي وشيليه عشان اتحرك اغير وضعياتي عالسرير الظهر ماني قادره الطلق كله ف ظهري نمت ع جنبي طوال مالتخطيط شغال شويه وسمحتلي بالحركه بشرط الجهاز فيني كانت تقولي لاتشيلينه عادي سوي الوضعيه اللي تبغينها بس كل شويه ارجعي ع جنبك اتطمن اكثر عالنبض كنت مطنشتها وهي خايفه عالنبض لاني لما اتحرك واحرك حوضي وتجي الطلقه النبض يضعف شويه راحت نادت الدكتور قالي انو تبغين ابرة ظهر قلتله انا ماني عارفه كم سانتي وحسيت نفسي اقدر اتحمل بنفس الوقت قلت ليش لا تخفف عني الالم 😂 قالي طيب نكشف نشوف كم الاول كشفت القابله على الساعه ١١ تقريبا بعد ساعه من دخولي المستشفى قالي ٩ سانتي انتي ولاده خلاص وموية الراس نفكها الان ترتاحين بتولدين بسرعه ترددت خفت قالت لي القابله راح ترتاحين فعلا فكتها من هنا بدا الدف من هنا كان خفيف شويه بدا يقوا ١٥ دقيقه وولدت وضعيتي كانت اطراف اربعه واضم السرير اوقات واحرك حوضي كثير اخر شي وقت تتويج الراس قلتلها ادعميلي خروج الراس حسيت فيه بيخرج كنت عالاطراف الاربعه صاحت شالتني لفتني عليها والسرير مرفووع وضعيه جلوس ماقدرت ع ظهري صرت متمسكه ف بدات السرير وظهري فالهوا ماني قادره احطه عالسرير وهيا تصيح افتحي رجلك بيبي بيختنقوانا اقولها دقيقه اتنفس وهيا تدعم الراس فتحت رجولي شويه خرج الراس ودعمت الباقي ف دفه ثانيه خرج كله وصرنا كلنا نقول الحمدالله الحمدالله فرجها ربي بشكل يارب لك الحمد ولدت ف عسكري جده بدون قص عجان ولاصار تمزقات ولا جروح ولله الحمد والمنه ولاااحتجت خياطه لا داخليه ولاخارجيه الطفل كان وزنه ٢كيلو ونص المستشفى داعم لعدم القص بقوه وداعم للرضاعه الطبيعيه على حسب طلب الام واختيارها التعامل ممتاز سواء وقت الولاده او بعد الولاده وهذي ولادتي الثانيه عندهم وبرضوا الاولى كنت بكريه ودعموني بعدم القص بس حصل تمزق درجة اولى وخياطه وكانت بسيطه لاتذكر الحمدالله وهنا قصة ولادتي الأولى https://t.me/BirthStory/72

5328319 نورة طبيعي بعد قيصريتين الرياض بسم الله الرحمن الرحمن قصة ولادتي☺️ ولادتي كانت طبيعي الحمدلله بعد عمليتين قيصريتين تعتبر الولادة الثانية لي طبيعي لان ولادتي البكرية كانت طبيعي الحمدلله في داخلي احاسيس ما اعرف كيف اوصلّها .. اللهم لك الحمد ..احساس بالفرح و الانتصار يارب الحمد و عسى كل الحوامل يجربون شعور الولادة الطبيعية الغريزية مثل ما جربتها .. تابعت عند دكتورة فاطمة الشنقيطي ( دكتورتي الشجاعة القوية الله يسعدها يارب وين ما راحت) ❤️في الشهر السابع تقريبا واصلت معها الحمدلله إلى ان دخلت التاسع و بدأت و خلص التاسع و جاء يوم الولادة ..جيت الطوارئ الساعة ٧ الصبح كان مفتوح عندي ٤ سم و طلعت غرفة الولادة و كانت مع القابلة ( الله يسعدها ) ماقصرت معي ❤️ و ع الساعه ٩ تقريبا انفتح ٧ سم و ما زاد انفتح و كنت امشي و اتحرك. و اسوي قرفصاء و عملت لي كمادات دافية ريحتني كثيييير ..الين الساعة ٦ونص المغرب وانفتح ٩ ونص و ع الساعه ٧ تماما ولدت ... يا الله شعووور روووعة ..كانك انتصرتي على كل مخاوفك و الناس السلبية اللي حولك في المجتمع اللي كانوا يحبطوني و يقولون لي ما راح تقدرين تولدين طبيعي ابدا. لا تحاولين او تنتظرين الولادة الطبيعية ..و غيره من هالكلام .... كنت مستمره على شرب شاهي ورق التوت والتمارين وكل نصايح دكتورتي الجميله دكتورة فاطمة الشنقيطي .. واللهم لك الحمد كما ينبغي لجلال و جهك وعظيم سلطانك 💖💖

دولا يمنى https://instagram.com/safe.pregnancy?utm_medium=copy_link https://amanibirth.com/Yomna.Saif/

وركبت ليا جهاز التخطيط وارسلت ل زوجي انا خلاص بغرفة الولاده الساعه ٩و١٤ تقرببا ١٠ دقايق وتبداء انقباضات قووويه ووراء بعض مافيه فاصل بينهم استخدمت الكمام لتخفيف الالم من الالم نسيت خطتي ونسيت اتنفس وكل شي ضعف نبض الجنين ف نوموني ع جنبي اليسار واعتقد فتحوا موية الجنين بس مو متاكده الكمام كان يخدرني ف ماكنت واعيه كثير بس اتذكر ضعف نبضها اكثر وطلبوا مني اهدا واتنفس بس ماكنت قادره كلها دقايق وبديت ادفع ومو قادره اوقف دفع القابله كنت تقولي بتجيب لنفسك نزيف لاتدفي بس ماكنت قادره ابد جاتني فحصتني وطلع فاتح ٩ لما قلت ٩ كنت بموت من الفرحه يارب لك الحمدلله ثواني وتجمعوا عليا كلهم ولما اتعدلت ع ظهري رجع ضعف النبض ف قصولي العجان و استخدموا الشفاط طبعا هالوقت كان غريب ماكنت احس بالام كاني بعالم ثاني واسترخيت وكنت اتنفس وهم يصارخون عليا ادفعي البيبي تعبان وطلعت بنتي الحمدلله وكانت الساعه ١٠و ٢٠ دقيقه كل ذا صار بساعه و٦ دقايق ياربي لك الحمد والشكر طبعا القص والشفط ماكانت ابغاهم لكن الحمدلله راضيه اتم الرضا ع هالتجربه واعتبرها معجزه ..والحمدلله حتي يبلغ الحمد منتهاه... وكل الشكر ل دولا يمنى رفيقي بهذي التجربه خطوه بخطوه من بداية حملي لين يوم ولادتي .. والدكتوره فاطمه الشنقيطي ربي يجزاها خير الجزاء كانت ترد علي اسئلتي و حنان وامان ربي يجزاها خير صح مااخذت معها دوره خاص لكن حساباتها بحر معلومات... طبعا الاشياء اللي سويته خلال الحمل ..كنت امشي من الرابع ع قد ما اقدر ومن اخر السابع التزمت امشي ٢٠ دقيقه وزدتها شوي شوي لين التاسع امشي ساعه كامله واحيانا ساعه ونص و ساعه و٢٠ شاي التوت من الاسبوع ٣٢ بديت اشربه كاس وزدت كاسين والتاسع صرت اشرب ٣ القرفصاء الجلسه وتمارين الكره والفراشه وظهر القطه يوميا اسويها من الرابع ..الا بعض الايام بس جدا نادره الاغلب اسويهم يوميا .. وكنت انام ع جنبي اليسار اغلب الوقت من الرابع.. اكلت اناناس يوميا من الاسبوع٣٧ ورطب يوميا وشربت اخر ٣ اسابيع بقدونس كوب واحد بس