МО «Чурапчинский наслег»

Бүгүн, бэс ыйын 4 күнүгэр Айылгы оройуоннааҕы норуот айымньытын дьиэтигэр И.И.Кандинскай аатынан култуура киинин иһинэн үлэлиир "Дьиэрэнкэй" оҕо народнай үнкүү ансаамбылын отчёттуур дьоро-киэһэтэ буолан үрдүк таһымҥа ааста. Бастакы түһүмэххэ биир дойдулаахпыт, Саха Республикатын норуодунай суруйааччыта Василий Семенович Яковлев «Далан» Бүтэй Бүлүү сэһэниттэн “Тулаайах оҕо" айымньытыттан быһа тардан үҥкүүнэн дьүһүйүү көрдөрдүлэр. Икки түһүмэх эҕэрдэ үҥкүүнэн түмүктэннэ. 80-нус сыллар диэки ыаллыы оройуоннарга оҕоҕо ананан үлэлиир үҥкүү-ырыа куруһуоктара народнай коллективтарга кубулуйан киирэн барбыттара. Дьиэрэнкэй оҕо народнай ансаамбылыгар Балетмейстеринэн Анатолий Филиппов, оҕолору ырыаҕа уһуйууга ССРС культуратын туйгуна Матрена Егоровна Васильева, Роман Романович Саввин айымньыылаахтык үлэлэлэрин саҕалаабыттара. "Дьиэрэнкэй" ансаамбыл 30 сыл устата айымньылаахтык үлэлээн, улуус үгүс көлүөнэ ыччатын ырыаҕа-тойукка, үҥкүүгэ-битиигэ уһуйан кэлбититтэн кырдьаҕас көлүөнэ  культура үлэһитэ олус үөрэбин, астынабын диэн Мария Андреевна “Дьиэрэнкэй” оҕо норуоднай ансамбль 30 сыллаах үбүлүөйүгэр Саҥа Олох хаһыакка 14 сыл ааһыыта бэйэтин тус санаатын үллэстэн турар. Күн бүгүн “Дьиэрэнкэй” оҕо норуодунай ансаамбыл 44 үлэтин сезонун түмүктүүр. Куруһуокка уопсайа 5 формирования буолан үлэлии сылдьар, уопсайа 83 иитиллээчилэрдээх. Олортон бастын үгүс улуснай, республиканскай, международнай таһымнаах үнкүүлэри күндү бар дьоммутугар бүгүн үрдүк сыанаттан көрдөрдүлэр. "Чурапчы нэһилиэгэ" МТ дьаһалтата 04.06.2024 с.

«Чурапчытааҕы аграрнай-техническай колледж» (дир. В.В. Гуляев) сваркаҕа студеннары үөрэтэр маастардар муосталары оҥорон Чурапчы нэһилиэгэр бэлэх ууммуттара хаһыс да сыла. Икки сыллааҕыта Нидьилигэ Өйүк үрэҕин туоруур муостаны оҥорбуттара. Былырыын баччаларга Трактовая уулуссаҕа канаваны туоруур муоста оҥорон монтажтаабыттара. Бүгүн, бэс ыйын 4 күнүгэр бастакы кварталга уочараттаах муосталарын оҥорон нэһилиэктэригэр бэлэх ууннулар. Бу үлэлэр барыта колледж салалтатын, коллективын инициативатынан тапталлаах Чурапчыбыт нэһилиэгэр дьоһун көмө быһыытынан оҥоһуллар. Колледж коллективыгар нэһилиэк дьаһалтатын аатыттан махталбытын биллэрэбит. Үлэҕитигэр үрдүк ситиһиилэри, доруобуйаны баҕарабыт! «Чурапчы нэһилиэгэ» МТ дьаһалтата. 04.06.2024 с.