YANGI NURAFSHON – Mash’al

⚡️Қулаб тушган уйнинг эгаси қўшнисидан 300 минг доллар талаб қилди. Ҳолат юзасидан жиноят иши очилди. Каналга уланинг👇 ▫️@mashal_gzt

😱Самарқандда котлован нотўғри қазилиши оқибатида қўшнининг уйи қулаб тушди Қурилиш ва уй-жой коммунал хўжалиги вазирлигига кўра, нотурар жой қурилиши учун хандақ қазиш жараёнида нотўғри йўл тутилган. Бунинг оқибатида эса қўшни уйга зарар етган. Самарқанд вилоятининг Жума шаҳрида котлован нотўғри қазилиши оқибатида қурилиш объектига туташ бўлган уй қулаб тушди. Ҳолат юзасидан Қурилиш ва уй-жой коммунал хўжалиги вазирлиги расмий муносабат билдирди. Дастлабки маълумотга кўра, мазкур объект вилоятнинг Паст Дарғом тумани “Самарқанд” МФЙ Самарқанд кўчасида жойлашган нотурар жой ҳисобланади. Ҳақиқатан ҳам хандақ қазиш жараёнида нотўғри йўл тутилгани боис қўшни уйга зарар етган. Вазирлик ҳолатга доир қўшимча маълумотлар ўрганишлардан сўнг маълум қилинишини билдирди. Паст Дарғом тумани ҳокимлигига кўра, воқеа натижасида жароҳат олганлар йўқ. Ҳозирда ҳолат юзасидан тегишли тартибда суриштирув ишлари олиб борилмоқда. Каналга уланинг👇 ▫️@mashal_gzt

❗️Бугун – 15 майдан уй-жой олиш учун субсидияга аризалар қабул қилиш бошланди Аризани шу йилнинг 1 ноябригача my.gov.uz портали орқали юбориш мумкин. Эслатиб ўтамиз, Президент фармонига мувофиқ, дастур доирасида субсидиялар тўлашнинг амалдаги тартибига қуйидагиларни назарда тутувчи ўзгартиришлар киритилди: ➖ субсидиялар ажратиш юзасидан аризалар тасдиқланган параметрлар доирасида ҳар йили 15 майидан 1 ноябрига қадар қабул қилинади; ➖ 2024 йилги Дастур доирасида ажратиладиган кредитлар бўйича фоиз тўловларининг бир қисмини қоплаш учун субсидиялар – 12 фоиздан ошган қисмига, 2025 йил ва ундан кейинги йиллар Дастурлари доирасидаги кредитлар бўйича эса – Марказий банкнинг асосий ставкасидан ошган қисмига тўланади; ➖ бирламчи уй-жой бозоридаги квартираларни сотиб олиш учун ажратилган ипотека кредитлари бўйича дастлабки бадалнинг бир қисмини қоплаш учун субсидиялар – 2024 йилги Дастурдан бошлаб қатъий белгиланган 30 миллион сўм миқдорида тўланади.

#тайинлов ⚡️⚡️Кулбекова Насиба Закировна – Тошкент вилояти олий таълим, фан ва инновациялар бошқармаси бошлиғи лавозимига тайинланди. У лавозимга тайинлангунга қадар Нурафшон шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида фаолият юритиб келаётган эди. @haqiqatonline_24

⚡️Мактабгача ва мактаб таълими вазирлиги томонидан умумтаълим муассасаларида 2023-2024-ўқув йилини якунлаш ва «Сўнгги қўнғироқ» тадбирларини ўтказиш бўйича тавсиялар ишлаб чиқилди. Унга кўра, умумий ўрта таълим муассасаларида «Сўнгги қўнғироқ» тадбирлари: • 2024 йилнинг 25 май куни соат 8:00 дан 9:00 га қадар ташкил этилади; • мактаб ўқувчилари сонидан келиб чиққан ҳолда фақатгина 1-, 4-, 9-, 11-синф ўқувчилари жалб этилади; • маҳалла фаоллари, ота-оналар ва ҳуқуқни муҳофаза қилиш идоралари вакиллари билан ҳамкорликда ёнғин ва техника хавфсизлиги қоидаларига амал қилинган ҳолда ташкил этилади; • фахрий ўқитувчилар, ота-оналар, маҳалла фаоллари, ўрнак бўладиган мактабнинг собиқ битирувчилари таклиф этилади; • йил давомида намунали хулқ ва аъло баҳоларга ўқиб, энг юқори рейтинг кўрсаткичларига эришган иқтидорли битирувчилар рағбатлантирилади; • мактаб ҳаётида фаол иштирок этаётган, одоб-ахлоқи, интилувчанлиги билан тенгдошларига ўрнак бўлаётган ўқувчиларнинг ота-оналарига «Энг фаол ота», «Жонкуяр она», «Масъулиятли ота-она», «Аълочи ўқувчи отаси», «Билимли қиз онаси» номинациялари бўйича ташаккурномалар берилади. 2023-2024-ўқув йилини якунлаш ва «Сўнгги қўнғироқ» тадбирларини ўтказиш давомида қуйидагилар тақиқланади: • турли ресторан ва кафелар, хонадонларда «Битирув оқшомлари»ни ўтказиш, босқичли назорат имтиҳонлари ва якуний давлат аттестасияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул маблағларини йиғиш; • битирув тадбирларида ўқувчилардан қимматбаҳо совғалар учун пул йиғиш, битирув кечаларига атаб қиммат кийимлар олиш, енгил автомашиналарда сайр ташкил этиш; • ўқувчиларнинг гуруҳ-гуруҳ бўлиб хиёбонлар, истироҳат боғлари, чўмилиш ҳавзаларига бориши. Мактабгача ва мактаб таълими вазирлиги тизимдаги барча ходимлар, ота-оналар ҳамда кенг жамоатчилик вакилларидан жорий ўқув йилини якунлаш ва «Сўнгги қўнғироқ» тадбирларини ўтказишда мазкур тавсияларга амал қилишларини сўраб қолади. Каналга уланинг👇 ▫️@mashal_gzt

⚡️Ихтиёр Қосимов муаммо ҳал бўлишини айтди Ўрта Чирчиқ тумани ҳокими Ихтиёр Қосимов туман прокурори, 2-сектор раҳбари Улуғбек Комилов ва туман ИИБ бошлиғи, 3-сектор раҳбари Анвар Султонов билан бирга “Номданак” маҳалласидаги муаммоларни ўрганиб, уларни ҳал қилиш бўйияа тегишли кўрсатмаларни берди. Каналга уланинг👇 ▫️@mashal_gzt

⚡️Ихтиёр Қосимов “Номданак” маҳалласида сайёр қабул ўтказяпти Айни дамда Ўрта Чирчиқ тумани ҳокими Ихтиёр Қосимов ва туман ИИБ бошлиғи, 3-сектор раҳбари Анвар Султонов “Номданак” маҳалласида сайёр қабул ўтказмоқда. Туман раҳбари ёшлар тарбияси юзасидан ҳам фикр билдирди. Каналга уланинг👇 ▫️@mashal_gzt

#дарвоқе Эгачим эрга тегди, эскиси менга тегди.