: غالب بن راشد 💤 .

‏يامبتدى الحلم حنا شيبتنا السنين ‏اخير من عيشت الاوهام طيب الذكر ‏ياما سرحنا وجينا في العشي منكفين ‏يوم ٍشراب زلال ويوم ٍ شرب ٍ عكر ‏يامل قلبً معيف وخاطرً مايزين ‏الا لاقامت ذعاذيع الهبايب تكر

‏تدور الليالي بين ضيقه وعبرة حلق ‏وانا الطيب اللي دورة الوقت موجعته ‏اجامل وانا دمي حياوي ووجهي طلق ‏وصبري بـ صدري لا شريته ولا بعته

‏لاصار قلبك نظيف .. ونيّتك زينه ‏خل البشر حكيها ياكل حسانيها

‏تحت سقف الذكريات اشعر بـ وحده ‏يبدو أن حظي على الطيحه مسيّس ‏ ‏كوب شاي ، وليل شوق ، وطيف وحده ‏قلبي كويّس .. وحظي : مش كويّس

‏جعل مانلهى عن الدين بالطيب ونباه ‏ولا نقصّر فالعباده .. ونسرف .. بالفعول ‏ ‏يعذر الرجال في كل شي الا .. الصلاه ‏لو يسوق من المعاريف ويشيل الحمول

‏كل شيٍ في الزمان اللي مضى نطرب له ‏والعيون اليا بكت ما تبكي الا الماضي ‏السوالف ف الخلا مع شايبٍ عند ابله ‏افضل من السينما ومن الكلام الفاضي

‏حنا عزاز نفوس ترثة عزاز نفوس ‏والانذال مهما تعتلي مانصاحبها ‏ ‏خلقنا وحنا روس ولا حنينا الروس ‏لو ان الزمان الصلف و الحظ شيبها

‏الحـــياه دروس والعمـــر افتــراضي ‏والجـــروح تروح والدنـــيا قصـــيره ‏عش على مبداء التغافل والتغاضي ‏لا تدقّـــق فـ الكبـــيره والصغـــيره

‏عند الكرامه تصير الارض كبر الزرار ‏مانعترف فالحياه وفي .. قوانينها

‏اجبرته ظروف الأيام لو ماهو قطـوع ‏و ان رحل زوله عن العين ، حبه ما رحل ‏والله إن يبطي وحبه ورى حدب الضلوع ‏العرب غيره طراقي .. وهو راعي محـل

‏لاصكت ابواب البشر لا تبالي ‏باب الولي مفتوح في كـل الأوقات

‏خلوني اسج عن موضوعه احسنلي ‏ولا الغـلا والله ان يبطي و هو غالي

‏كثير اشياء بالخاطر ولا تنقال ‏عسى الكتمان ينسيني قساوتها

‏النفس لاطاوعتها عشت مغبون ‏ملزوم في بعض الأمور اتعصاها

‏الحظوظ الماش تغتال حتى الأمنيات ‏وطيحة الطيب كبيره وظلم النفس شين ‏وقربك من الله يعلمك وش معنى الثبات ‏ومسة الحاجه تعلمك معنى الطيبين

‏ماخذ الرّوح وما في أقصى الضلوع ‏وماخذ البال وراعي البال ، وقلبه

‏لولا الرجا فالكريم اللي يغيث الضعوف ‏ماتت هقـاوي بعض الأجواد فنحورهـا