Atameken Business - Жаңалықтар

✅“Ақ жол” партиясы: 1. Ахметжаев Дәурен Хайруллаұлы 2. Бибаев Бақтыбек Сәлбекұлы 3. Еспаева Дания Мәдиқызы 4. Қожахметов Асылхан Төлепбергенұлы 5. Ли Юрий Виссарионович 6. Нұралдинов Олжас Елтайұлы 7. Шынасылова Мейраш 8. Юсупов Ермекқали Төлепқалиұлы ✅Respublica партиясы: 1. Айтқұлов Бекжан Бахтыбекұлы – партияның Түркістан облыстық филиалының төрағасы. 2. Идрисов Руслан Рашитович – кәсіпкер, Global Food ЖШС құрылтайшысы, Алматы қаласы мәслихатының VIII шақырылымының депутаты. 3. Қасымбаев Мейрхат Мейрамханұлы – кәсіпкер, «Capital Road Construction» ЖШС байқау кеңесінің төрағасы. 4. Құспеков Олжас Хайроллаұлы – Respublica партиясы төрағасының орынбасары, Мәжілістің VIII шақырылымының депутаты. 5. Наумова Динара Рустамқызы – Мәжілістің VIII шақырылымының депутаты, Президент жанындағы Жастар саясаты жөніндегі кеңестің мүшесі. 6. Смолякова Екатерина Сергеевна – Мәжілістің VIII шақырылымының депутаты. 7. Тау Нұргүл – Мәжілістің VIII шақырылымының депутаты. 8. Хасенов Махамбет Қабдұлқайырұлы – Special Oil Projects компаниясы мен «Альмерек» мұнай базасының құрылтайшысы әрі бас директоры, Алматы қаласының Қоғамдық кеңесінің төрағасы. 9. Қожаназаров Айдарбек Асанұлы – Respublica партиясының төрағасы, Мәжілістің VIII шақырылымының депутаты. Бізге жазылыңыз -> t.me/atamekenbusiness_qaz

⚡️Партиялар Құрылтайға баратын депутаттарын атады ✅"Ауыл" партиясы 10 депутаттық мандатқа ие болды: 1. Айтуғанов Қайрат Қапарұлы 2. Байманов Шахмардан Асқарұлы 3. Бегалиева Захира Оңғарбайқызы 4. Егізбаев Серік Рахметоллаұлы 5. Иргибаев Мұрат Саматұлы 6. Каджибекова Ажар Елемесова 7. Киян Владимир Сергеевич 8. Мұхаметов Алмас Ерекұлы 9. Райханова Динара Қуанышқызы 10. Токсеитова Рабига Альбековна ✅Жалпыұлттық социал-демократиялық партия: 1. Асхат Рахимжанов – ЖСДП төрағасы, ҚР Парламенті Мәжілісінің VIII шақырылым депутаты; 2. Мақсұт Насибулов – ЖСДП Орталық аппаратының жетекшісі; 3. Нұрайнаш Камалова – ЖСДП Атырау облыстық филиалының төрағасы; 4. Лариса Ли – "PANA" жобасының жетекшісі; 5. Аслан Құлмағамбетов – ЖСДП елордалық филиалының экологиялық саясат мәселелері жөніндегі сарапшысы; 6. Арман Ақылбай – ҚР Әділет министрлігінің қызметкерлермен жұмыс департаментінің директоры; 7. Наурыз Сайлаубай – ЖСДП жастар қанатының жетекшісі, ҚР Парламенті Мәжілісінің VIII шақырылым депутаты; 8. Ажар Сағандықова – ҚР Парламенті Мәжілісінің VIII шақырылым депутаты, ЖСДП Әйелдер қанатының жетекшісі. Бізге жазылыңыз -> t.me/atamekenbusiness_qaz

Ескі көлікті өткізіп, жаңасын ал: Сертификат құны белгілі болды Ескі көлігін жамап-жасқаудан қажыған ел үшін керемет жаңалық бар! Қазақстанда тозған машиналар утилизациялау бағдарламасы қайта іске қосылатын болды. Бірақ нақты қашан жанданатыны әлі белгісіз. Қазір ескі көлік пен ауыл шаруашылығы техникасын қайта өңдейтін кәсіпорындарды іріктеу сияқты тиісті жұмыстар жүргізіліп жатыр екен. «Түскі формат» бағдарламасының толық нұсқасын YouTube арнамыздан көре аласыздар. Бізге жазылыңыз -> t.me/atamekenbusiness_qaz

Биржада доллар нығайды 💸Қазақстан қор биржасындағы сауда-саттық қорытындысы бойынша доллар бағамы 458,87 теңгеге жетті. Бір тәулікте шетел валютасы 0,66 теңгеге қымбаттады. 🔖Ұлттық банктің 26 тамызға белгілеген ресми бағамы – 458,48 теңге. Бізге жазылыңыз -> t.me/atamekenbusiness_qaz

Тоқаев Үкіметке Қазақстан-Қытай мектебін ашу мәселесін пысықтауды тапсырды

«Қыркүйекте Жасанды интеллект университеті ашылады. Бірақ бұл жеткіліксіз деп ойлаймын. Үкімет Қытайдың жаңа технологияларды меңгерудегі жетістігі мен тәжірибесін ескере отырып, Астанада Қазақстан-Қытай жасанды интеллект мектебін ашу мәселесін пысықтағаны жөн», - деді Президент.

Бізге жазылыңыз -> t.me/atamekenbusiness_qaz

🇺🇸АҚШ визаға өтінім қабылдауды уақытша тоқтатты ❓Дональд Трамп әкімшілігі бүкіл әлем бойынша визалық сұхбаттарды уақытша тоқтатты. АҚШ Мемлекеттік департаменті бұл шешімді елшіліктер мен консулдықтардың қызметкерлері арнайы оқытудан өтуі тиіс деп түсіндірді. Тренингтердің қанша уақытқа созылатыны әзірге белгісіз. ℹ️Financial Times басылымы АҚШ елшіліктері мен консулдықтарына сұхбатқа жазылып қойған иммиграциялық виза үміткерлеріне электронды хабарлама жіберілгенін жазды. Хатта олардың қабылдау уақыты кейінге шегерілгені және жаңа мерзім туралы қосымша хабарланатыны айтылған. Бізге жазылыңыз -> t.me/atamekenbusiness_qaz

Президент Үкіметке фаст-фудтың агрессивті жарнамасына қатысты проблеманы мұқият зерделеуді тапсырды  

«Тағы бір мәселе. Фаст-фудтың агрессивті жарнамасы қаптап кетті. Тез ішіп-желінетін тағам зиянды әдет қалыптастырады, денсаулық сақтау жүйесіне салмақ түсіреді, еліміздің еңбек күші әлеуетіне теріс әсер етеді.

 

Дәрігерлердің бақылауында қант диабетіне шалдыққан 7 мыңға жуық бала бар. Олардың саны көбеймесе, азайып жатқан жоқ.

 

Көптеген ел құрамында май, қант және тұз мөлшері жоғары өнімдердің жарнамасына тыйым салады немесе шектеу қояды.

Бұл өте күрделі мәселе. Түрлі шетін тұстары, пікірталастарға негіз болған медициналық, тіпті саяси астары бар. Дегенмен Үкімет, ең алдымен, балаларымыздың саулығын ойлап, аталған проблеманың ұңғыл-шұңғылын мұқият зерделеуі керек», - деді Президент.

Бізге жазылыңыз -> t.me/atamekenbusiness_qaz

Тоқаев оқушыларға арналған SIM-карта енгізуді тапсырды Президент қазіргі цифрлық заманда балалардың психологиялық және эмоциялық тұрақтылығы аса маңызды екенін айтты. Сондықтан бұл жауапкершілікті тек ата-анаға артып қоюға болмайтынын жеткізді.

 «Үкімет 16 жасқа толмаған пайдаланушыларға әлеуметтік желіде тіркелуге тыйым салатын заң жобасын әзірледі (биыл маусым айында Парламент қарауына ұсынылды). Құрылтайдың бірінші сессиясының ашылуында депутаттарға осы мәселені қарастыруды ұсынамын.

 

Үкімет балаларды қорғау мақсатында мазмұнды (контентті) сүзгіден өткізу шараларын қабылдағаны жөн. Белгілі бір, мейлінше объективті себептерге байланысты жауапкершілікті ата-аналарға ғана артып қоя алмаймыз.

Сондықтан балаларға арналған міндетті SIM-карталарды енгізу тәжірибесін жаппай таратуды тапсырамын. Бұл олардың ақпараттық иммунитетін қамтамасыз ете алады», - деді Президент.

Тоқаев Назарбаев мектептеріндегі сияқты 12 жылдық оқуды алып тастау қажет екенін айтты

«Осы орайда, 18 жасқа толған жасөспірімдердің мектеп партасында отырғаны қаншалықты дұрыс деген орынды сауал туады. Әдетте Назарбаев зияткерлік мектептерінде және жекеменшік білім ошақтарында солай қалыптасқан. Қазіргі балалар физиологиялық тұрғыдан тез жетілетінін ескерсек, бұл қаншалықты ақылға қонымды?   Министрлік осы мәселені қарастырып, қажет болса тиісті шешім жолдарын ұсынады деп ойлаймын.   Конституциямызда жалпыға бірдей білім беру стандарты белгіленген. Мұны міндетті түрде ескеру керек», - деді Президент.

Тоқаев тарих оқулықтарын қайта қарау жөнінде тапсырма берді  

«Жақында Үкімет жұртшылыққа нәтижелі жұмыстың қорытындысын жариялады. Мектеп оқулықтарынан 700-ден астам өрескел қате табылған. Мұның бәрі орта білімнің сапасына нұқсан келтіреді десек, артық айтқандық емес.

 

Әлгінде ғана тексерілмеген тарихи деректер мен оқиғалар сипатталатын, балаларға жалған «қаһармандар» мен олардың «ерлігі» жөнінде әңгімелейтін аңыздар енген оқу материалдарын қайта қарау қажет екенін айттым. Жалған, ойдан құрастырылған мәліметтер тарату арқылы балаларды отаншылдыққа тәрбиелеу жақсылыққа апармайды. Бұл халқымыздың ар-ұжданына қайшы», - деді Президент.

Сондай-ақ Президент ұдайы жапа шеккен ұлт кейпінен арылуымыз керек екенін айтты.

«Біздің кейбір қаламгерлеріміз «мұң» деген сөзді жақсы көреді: «жүрегімде мұң, көзімде мұң»! Мұң-қайғы жастық шаққа, жастарға жараспайды.

 

Жастарымыз өз халқының тарихын дұрыс түсіне отырып, болашаққа үмітпен және сеніммен қарауға тиіс.

 

Еліміздің жастары оптимист болып, еңсере алмайтын қиындық жоқ екенін білуі қажет. Біз өз күш-қуатымызға сенетін, мықты ұлтқа айналуымыз керек. Мұң, қайғы, күйзеліс – жастарымызға жат нәрсе болуға тиіс», - деді.

Президент Түркістан облысындағы білім сапасына назар аударуды тапсырды  

«Осы тұста Ұлттық бірыңғай тестілеудің биылғы нәтижелеріне тоқталғым келеді. Мәселен, Қызылорда, Солтүстік Қазақстан, Павлодар, Қостанай облыстарының, сондай-ақ, Астана және Алматы қалаларының түлектері жоғары көрсеткішке қол жеткізді. Ал Түркістан, Ұлытау, Атырау, Ақтөбе және Алматы облыстарындағы жағдай жақсы деп айту қиын.

 

Әсіресе, тиісті министрлік пен әкімдік Түркістан облысындағы ахуалға назар аударуы керек. PISA ұйымының зерттеуі де Түркістан облысындағы білім сапасының мәз емес екенін көрсетті. Бұл – аймақтың оқу-ағарту жүйесінде олқылықтар әлі бар деген сөз», - деді Президент.

Президент бұл мәселені қолайлы жағдайдың жоқтығымен байланыстырды. Себебі облыста білім алып жатқан оқушылардың 75 пайызы ауылда тұрады.

«Олардың жан-жақты және қарқынды дамуы үшін қолайлы жағдай жасалуға тиіс. Қажетті инфрақұрылым салып, шалғай елді мекендерге мықты мамандарды тартқан жөн.

 

Бұл – Үкіметтің және әкімдіктердің алдында тұрған жедел міндет, жұмысты жоспарлы түрде тездетіп атқарып, нақты нәтижелерге қол жеткізу қажет.

 

Жалпы, төмен нәтиже көрсеткен барлық аймақтың әкімдері бұл бағыттағы жұмысты күшейтуі керек. Үкіметке осы жұмысты тиімді үйлестіруді тапсырамын», - деді Президент.

Президент педагогтерді аттестациядан өткізу талаптарын оңтайландыру жөнінде тапсырма берді.  

«Өздеріңізге мәлім, мұғалімдерге кәсіби қолдау көрсету үшін «Өрлеу» біліктілікті арттыру ұлттық орталығы құрылды. Бірақ бүгінде бұл ұйымның жұмысы мардымсыз деуге болады.

 

Мәселен, маған ұстаздардан аттестация ережесін қайта қарау туралы көптеген өтініш келіп түсті. Мұғалімдер артық жүктеменің және қағазбастылықтың көп екенін айтып, шағымданып отыр.

 

Осыған орай, мен педагогтерді аттестациядан өткізу талаптарын оңтайландыру, жетілдіру жөнінде нақты тапсырма бердім.

Тиісті министрлік бұл мәселемен айналысып, көп ұзамай нақты ұсыныстар беруге тиіс», - деді Тоқаев.

Бізге жазылыңыз -> t.me/atamekenbusiness_qaz

Президент оқу саласында реформалар жүргізуді доғаруды тапсырды

- Бұрыннан қалған теріс нәтижелер осы аса маңызды саланың тас-талқанын шығарғаны есімізде бар. Осындай сынақтар оқу саласына үлкен зиян әкелді. Тек реформа үшін жай ғана аты бар, заты жоқ реформалар жүргізуді доғару қажет.   Басқа сөзбен айтқанда, реформаларды, өзгерістерді, әрине, жүргізу керек, бірақ ондай өзгерістер мұғалімдерді әбден шаршатып, оларды күйзеліске ұшыратпауы керек.   Әрбір реформаны, әсіресе, білім саласындағы реформаны жүзеге асыру алдында оны жан-жақты саралау қажет, оның тиімділігіне әбден көз жеткізу керек. Реформа, бұл – бастапқы сынақ, эксперимент емес, бұл – жауапты шешім мен іс-шара, - деді Президент.

Бізге жазылыңыз -> t.me/atamekenbusiness_qaz

Елімізге тағы да 5 мыңнан астам мұғалім керек - Тоқаев Президент Тамыз конференциясына қатысып, оқу-ағарту саласында кадр тапшылығын жойып, ұстаздардың біліктілігін көтеру қажет екенін айтты.  

«Биылдың өзінде мектеп бітірген 12 мыңнан астам түлек педагогикалық мамандық бойынша мемлекеттік грант иегері атанды. Олардың 2 мыңнан астамы – мектепті «Алтын белгімен» бітіргендер.

 

Дегенмен кадр мәселесін түпкілікті шешу үшін әлі де біраз шаруа атқарылуға тиіс. Елімізге тағы да 5 мыңнан астам мұғалім керек. Себебі халық саны тұрақты түрде артып келеді.

 

Соңғы жылдары салынып жатқан мектептердің саны да едәуір көп. Осы жағдай педагог мамандарға деген сұранысты арттырып отыр. Бұл мәселе бойынша министрлік тың тәсілдер ұсынуға тиіс», - деді.

Бізге жазылыңыз -> t.me/atamekenbusiness_qaz

Қазақстандықтар Қытайда өз жүргізуші куәлігімен көлік тізгіндей алады Ішкі істер министрлігі әзірлеген Үкімет қаулысының жобасына сәйкес, келісім Қазақстан мен Қытайда уақытша немесе тұрақты болатын азаматтар үшін жүргізуші куәлігін тану және алмасу рәсімдерін жеңілдетуге бағытталған. Құжат қазір «Ашық НҚА» порталында жария талқылауға ұсынылды. 📌Келісім күшіне енсе, екі ел азаматтары жүргізуші куәлігін: – қайта оқудан өтпей; – емтихан тапсырмай; – тиісті елдің заңнамасы талаптарын сақтай отырып, алмастыра алады. ℹ️Жаңа тәртіп келісімге қол қойылып, екі тарап қажетті ішкі мемлекеттік рәсімдерді аяқтап, құжат күшіне енгеннен кейін ғана қолданылады. 🗓Құжатты талқылау 30 тамызға дейін жалғасады. Бізге жазылыңыз -> t.me/atamekenbusiness_qaz

Кешенді жарыстарда спортшыларға ілесіп баратын делегация құрамы нақты нормативпен айқындалады. Бұл шешім 2020 жылғы Токио Олимпиадасына дайындыққа бөлінген бюджет қаражатының тиімділігіне жүргізілген аудиттен кейін қабылданды. ❔Тексеру кезінде бір спортшыға қанша жаттықтырушы, дәрігер, массажист, психолог және штаб өкілі қажет екені жөнінде бірыңғай талап болмағаны анықталған. Бұған дейін делегация құрамы әр жарыс алдында жеке белгіленіп келген. ✍️Жоғары аудиторлық палатаның тапсырмасынан кейін Туризм және спорт министрлігі спортшылар санына шаққандағы жаттықтырушылар, штаб өкілдері мен ресми тұлғалардың оңтайлы сандық арақатынасын бекітті. Бұл бюджет шығыстарын алдын ала жоспарлауға, олардың негізділігін бақылауға мүмкіндік береді. ✅Енді спортшылармен тікелей жұмыс істейтін жаттықтырушылар мен медицина мамандарына басымдық беріледі. Бізге жазылыңыз -> t.me/atamekenbusiness_qaz

Алматы облысында 800-ден аса көлікті заңсыз тіркеген ұйымдасқан қылмыстық топ сотталды Қаржы мониторингі агенттігінің мәліметінше, сот олардың әрқайсысына қылмыстағы рөлі мен қатысу деңгейіне қарай 2 жылдан 11 жылға дейін бас бостандығынан айыру жазасын тағайындады. 💸Мемлекетке төленбеген тіркеу және утиль алымдарының жалпы сомасы 6,6 млрд теңгеден асты. 🚙🙅‍♂️Тергеу барысында қылмыстық топтың екі жыл бойы автокөліктерді заңсыз тіркеумен айналысқаны анықталды. Алғашқы кезеңде Қазақстанға әкелінген 642 жүк көлігін заңсыз тіркеген. Кейін тағы 209 көлік тіркелген. ‼️Заңсыз схемаға полиция қызметкерлері, мамандандырылған ХҚКО қызметкерлері және жеке нотариустар қатысқан. Бұрынғы төрт полицей арнайы атақтарынан айырылды. Нотариустарға сот нотариаттық қызметпен айналысуға тыйым салды. Бізге жазылыңыз -> t.me/atamekenbusiness_qaz

Құрылтайдың бірінші сессиясы 28 тамызға шақырылды. Президент тиісті Жарлыққа қол қойды. Бізге жазылыңыз -> t.me/atamekenbusiness_qaz

Үкімет 2029 жылға дейін Digital Qazaqstan стратегиясын жүзеге асыру жөніндегі іс-қимыл жоспарын бекітті Тиісті қаулыға Премьер-министр Олжас Бектенов қол қойды. 🟣Жоспардың басымдықтарының бірі – білім берудің барлық деңгейінде ЖИ-ді жаппай енгізу. AI-SANA бағдарламасын кеңінен тарату шеңберінде 2029 жылға қарай мектептер, колледждер мен ЖОО түлектерінің кемінде 80%-ы ЖИ-дің базалық дағдыларын меңгеруі тиіс. ✅Денсаулық сақтау саласын цифрландыру деректерді басқарудың бірыңғай жүйесіне көшуге және бетпе-бет жүгінудің қажет етпейтін сервистерді кеңінен пайдалануға бағытталатын болады. ⏺2029 жылға қарай мемлекеттік қызметтер мен әлеуметтік қолдау шараларын ұсыну уақыты кем дегенде 50%-ға қысқаруы тиіс. Бізге жазылыңыз -> t.me/atamekenbusiness_qaz