STAKE COMPUTER™️

🕊🍃🌿🌹🍃.............✍ እራስህን ማዳመጥ ስትችል ነው ሌሎችንም የምታዳምጠው፤ እራስህን መርዳት ስትችል ነው ለሌሎችም የችግራቸው መፍትሄ ቁልፍ መሆን የምትችለው። @Yefker_Hayl 👒...............🍃🌹🍃..............👒

​​​​💌♥️ 🕊🍃🌹🍃..............✍ አንች ማለት የመኖሬ ተስፋ ነሽ.. አንዳንዴ ምን እላለሁ መሰለሽ አንች ባትኖሪ ኑሮ ማንን አፈቅር ነበር......? እና . . . . . . . . . . . . . . . . . . . ባንች ፍቅር ተይዤ መግቢያዉ እና መዉጫዉ ጠፍቶብኝ እንገላታለሁ:: እባክሽን ፍቅርዬ በህይወት መኖሬን ትርጉም አልባ አታድርጊዉ...ላንች ያለኝ ቦታ ከምታስቢዉ በላይ ነዉ:: ብቻ የኔ ቆንጆ እሽ በይኝና ፍቅሬን ላሳይሽ..ትንሽ እንኳን በልብሽ አኑሪኝ... አውቃለሁ የኔ አለም"ትወጂኛለሽ " ግን ማመን አትፈልጊም....እስከመቼ የኔ ውድ ሞትና ህይወት...ተስፋና ህልም ከገነት ወደሲኦል ያመላልሱኝ....ነፍሴ በቋፍ ነው ያለችው እባክሽን በፍቅር አምላክ ይሁንብሽ ልብሽን አዳምጪው...ፍቅሬን ተጋሪኝና ከገደል አፋፍ የተንጠለጠለች ነፍሴን ታደጊያት....።።።።።። ♥️የፍቅር ሀይል♥️ @Yefker_Hayl 👒.........🍃🌹🍃..............👒

🌙🌿🍃🕊...............✍ 🌹የቅርብ ጊዜ የስነ ልቦና ጥናታዊ ሪፖርቶች : 👄 ሴት ልጅ ለአንተ ልዩ ፍቅርና መውደድ እንዳላትና እንደሌላት አዕምሮዋን በአካላዊ እንቅስቃሴዎቿ በኩል በቀላሉ እንድታነብ ያስችሉሃል። 💏 አካላዊ እንቅስቃሴዎች ዋነኛዎቹ የመግባቢያ መንገዶች ናቸው፡፡ እነዚህ እንቅስቃሴዎች [ግልፅ አካላዊ እንቅስቃሴና ዝግ አካላዊ እንቅስቃሴ ይባላሉ፡፡ 🌀አካላዊ እንቅስቃሴዎች በራሳቸው ቋንቋ በመሆን ከንግግርም በላይ በሆነ መልኩ መልዕክት ያስተላልፋሉ፡፡ ♉️ እንዲህ አይነት ተግባቦት በአብዛኛው በተቃራኒ ፆታ ግንኙነት ውስጥ በተለይም በሴቶች ላይ ይስተዋላሉ፡፡ 👫 ግልፅ አካላዊ እንቅስቃሴ አንድ ጊዜ ከሴት ጋር አይን ለአይን ከተገጣጠምክ ፊቷን ካዞረች በኋላ ያላትንም እንቅስቃሴዎች አስተውል፡፡ 🌀 አይናቹ በመጋጨቱ እፍረት ወይም መጨናነቅ ነገር ከታየባት ተመችተሃታል ወይም ወዳሃለች ማለት ነው፡፡ ♐️ ለምሳሌ ፀጉሯን እንደማፍተልተል.. ልብሷን ወይም ጌጣጌጧን ማስተካከል ወይም ደግሞ እጇ ላይ ባለው ነገር መጫወት ከጀመረች እነዚህ ግልፅ የሆኑ ማረጋገጫዎች ናቸው አንደወደደችክ.... 🌀አንድ ሴት አንድን ሰው በምታይበት ጊዜ የአይን ብሌኗ ከሰፋ ያንን ሰው እንደምትወደው በተቃራኒው ደግሞ የአይን ብሌኗን ካጠበበች ለዛ ሰው ጥሩ ስሜት እንደሌላት አንድ መገለጫ ነው፡፡ 😍 አይን ለአይን በምትጋጩበት ጊዜ ፈገግታን ከቸረችህ ወደ እሷ ሂድና አነጋግራት፡፡ 💞 ሌላው እንደ መልካም ነገር መገለጫ የሚወሰደው አንተ በምታወራበት ጊዜ በረባ ባልረባው ፈገግ የምትል ወይም ሳቅ የምታበዛ ከሆነ በእርግጠኝነት በደንብ ተመችተሃታል ይሄ ደግሞ የበለጠ የተሻለ ነው፡፡ 💖መሽከርከር አንድ ሴት ፀጉሯን አየር ላይ ወርውራ ወዲያው ዞራ ካየችህ አንተ እንድታያት ለማድረግ እየጣረች መሆኑን ማመን ትችላለህ፡፡ 💖ወደኋላ መሸሽ ወይም መለጠጥ ወንበር ላይ ከአንተ ራቅ ብላ ወይም ተለጥጣ የምትቀመጥ ከመሆን በደንብ የሚስተዋል አንተን ያለመሻቷ መገለጫ ነው፡፡ ስለዚህ የእኔ ምክር የሚሆነው የዚህ አይነት አካላዊ እንቅስቃሴዎችን በምታይበት አጋጣሚ ጨዋታውን ጥሎ መውጣት ብቻ ነው መፍትሄ የሚሆነው በእንደዚህ አይነት አጋጣሚ ሴቷን የራሳቸው ማድረግ የሚችሉት ልምዱ ያላቸው ብቻ ናቸው፡፡ አንዲት ሴት እንደወደደችክና እንደምትፈልግክ በትንሹ 10 ማወቂያ መንገዶች አሉ። 1 ፀጉር ማፍተልተል 2 የብርጭቆ ጠርዝ ላይ እጅን ማሽከርከር 3 በክንዷ ስትደገፍ 4 እጇን በማጣመር ተደግፋ ስትቀመጥ 5 ከንፈሯን ስታረጥብ 6 ሽፋሽፍቶቿን የምትነካካ 7 እግር ማወዛወዝ 8 የጣቶች አይነት 9 ከንፈሯን ከበላች 10 ነፍሷን አዳምጠው... @Yefker_Hayl @Yefker_Hayl 🌷______🍃🌹🍃______🌷

በዛ ሰፌድ በሚያህል እጁ እፊታ ላይ ከደነባት። ሁለት እጃ የታሰረው ሚስኪን ሴት ጥፊውን መቋቋም ትለተሳናት ተሽከርክራ ተመሬት ተደባለቀይ እትዬም ተጣራ በላይ ሳቃቸውን ለቀቁት።እሄን ተማይ ሞቴን ተመኘሁ። ማንሳት ባልችልም የወደቀችውን እህቴን ቁልቁል እያየሁ ተንሰቀሰቅሁ ።ፈጣሪዬ እነኝህን ሰዎይ ግን እውነት አንተ ነህ የፈጠርሃቸው እንዲህ አይነት ሰዎይ እንደሚሆኑ ቀድመህ ታውቅ ተነበረ ስለምን እንዲኖሩ ፈቀድህላቸው አልሁ ፍጣሪዬን ሀዘኔ ታቅሜ በላይ ትለሆነብይ። እወለሉ ላይ ባፍጢማ የተደፋችው ሚስኪን እዛው እንደወደቀይ ዝም ትትል ጎትቶ አነሳት ታአፍንጫዋ ደም ይንዥቀዥቃል " ስሚ እሱ ቶሎ በሞሞቱ ካንቺ የበለጠ እድለኛ ነው ገባሽ አሁን የተባልሽውን ታደርጊያለሽ? አታደትጊም ?" አለና አንቧረቀባት መልስ ታትሰጠው ቁና ቁና እየተነፈሰይ ሽቅብ ትታየው አንገቷን እነቀና ግድግዳው ላይ ለጠፏት .... 👉 👍LIKE በሁዋላ ይቀጥላል.. @YEFKER_HAYL @YEFKER_HAYL @YEFKER_HAYL 💕................🍃🌹🍃.................💕

🔥 ከመኖሪያ ቤቱ ስር ያለው ድብቅ መቃብር ቤት📖 🌹 ክፍል 1⃣3⃣ ✍ድርሰት ፦ በጥላሁን ተስፋዬ . . . እኝህ ሴትዬ መጥተው ተምድረ ገፅ ታይሰውሩኝ በፊት የማመልጥበት መላ ቢከሰትልይ ብዬ ታወጣ ታወርድ ቆየሁ ። ትለ ባለቤቶ መፈታት ቲያወሩ ውስጤን ደስ ብሎት ትለነበር ይሆናል ታይታወቀይ ያመለጠኝ ልበላቸው አይ ይህም አይሆንም አንድ ግዜ አላልሁም ብያለለሁ አላልሁም በቃ በዚሁ ተመድረቅ ውጪ ሌላ ማምለጫም የለይ "ምን ብታፈገፍጊ ተግድግዳ አታልፊም" ያለው ማን ነበር እቴ ተነዚህ እርኩሶይ ወዴት ይሸሻል ወደ ግራም ወደ ቀኝም ቢዞሩ እነሱ ያበጁት የክፉ ሰዎይ ግድግዳ ነው ያለው ወደ ላይ ቀና ብሎ ለሱ ተመንገር በቀር መላም የለ። መሂናቸውን እንዳስገቡ እግቢው ውስጥ ወዲያ አዲህ እየተንጎራደዱ ስልክ ቲያወሩ ቆዩና አቦሉ እንደፈላ ጨርሰው ወደ ቤት ገቡ። እንደገቡ ተግር እስተራሴ በክፉ አይን እየተመለከቱይ ..."ያንቺ ጉዳይ በይደር ይቆይ መጀመረያ እጄ ላይ ያሉትን ስራዎች ልጨርስ !"አሉና ወደ ምኝታ ክፍላቸው ገቡ። እሱን ፈጣሪ ያውቃል እትዬ ደሞ ሰዋቹን ልጨርስና ተረኛዋ አንቺ ነሽ አይሉይም ተዛ ሌላ ምን ስራ አሎት አልሁ እንዳይሰሙይ ወደ ክፍላቸው በጎን እየተመለከትሁ። አፍታም ታይቆዩ ልብስ ቀይረው ወደ ሳሎን መጡ ። አቦሉን ቀድቼ ትሰጣቸው ቡናውን ታይቀበሉይ ይዤ እንደቆምሁ ሽቅብ እየገላመጡይ " ደላላው ጋር ደውያለሁ እንዳመጣልኝ አንቺን ወደ ምሸኝበት ሸኝሻለሁ !" አሉይ። ቡናውን ሰጥቼ ትመለስ ወዴት እንደሚሸኙኝ አውቀውልለሁ እትዬ "እንዶድን በገርነቷ ወሃ ወሰዳት" አለይ እምዋ ። ብቻ እንኳንም ግዜ ሰጡይ እንዢ አይድከሙ በቀላሉማ አይገሉይም።ታይሸኙኝ እኔ ሸኛት ይሆናል ማን ያውቃል። ተቅዴ በፊት ጨረሱይ ብዬ ትሰጋ ግዜ ትለሰጡይ ፍርሀቴ ተውስጤ ጠፋ። ተዛ በሃላ የሚጠራውን ስልካቸውን እየያዙ እሁንም አሁንም እየወጡ ቲያወሩ እኔን አባከና ታይሉኝ መሸ። ስልክ ቲያወሩ በጨረፍታ እንደሰማሁት ተሆነ ያፈኗቸውን ሰዋይ ዛሬ ታያመጣቸው አይቀርም። ወደ ምኝታ ክፍላቸው ገብተው ቲተኙ በልሁ የጠረጠረው ካሜራ ባይኖር ነው ዝም ያሉትብዬ እፎይ አልሁ። ቆየት አልሁና ወደ ክፍሌ ገባሁ ።እትዬ እውነት ደውለውላቸው ተሆነእነዛ ሰውና እቃ ለይተው የማያዩ ደላሎይ ቀጣይዋን ለትዬ መስዋእት የምትሆነውን ሰራተኛ እንደበግ ጎትተው ለማምጥት ተነገ አያልፉም ።እትዬ ስራቸውን ዛሬ ተጨረሱ ዋጋን የለኝ። ታልፈጠንሁ እትዬ ይቀድሙኛል የያዙዋቸውን ሰዎይ ተበልሁ አጠገብ አስረው ማስቀመጣቸውንና በልሁ ታይገደል በሂወት ማደሩን አረጋግጬ ማደር ግድ ትለሆነብይ እንደባለፈው ትራሱን አስተኝቼ እትዬ ታያዩኝ ተክፍሌ ወጥቼ እላይኛው ክፍል ተደበቅሁ። የተደበቅሁበት ክፍል የግድግዳ ሰአት ስድስት ሰአት ላይ እንደጠቆመ ተግቢው ውጪ የመሂና ድምፅ ተሰማይ ።ወድያው አፍታም ታይቆይ ተትዬ ክፍል ስልካቸው ቲያቃጭል ሰማሁ።አንስተውም ታያወሩ ቆየት ብለው ያንን አስፈሪ አለባበሳቸውን ለብሰው በመውጣት በፍጥነት የኔን ክፍል ተውጪ ቆልፈው በጠሎት ቤቱ ቁልቁል ወረዱ ። ፈጣርዬ በልሁን እንዲያተርፍልይ አልቅሼ ለመንሁትና ቁልቁል ወደ ጠሎት ቤት ወረድሁ።ቁልቁል ትመለከት አይናቸው በጥቁር ጨርቅ እጃቸው የኋሊት የተጠረነፉ አንዲት ቆንዦ ሴትና አንድ ጎልማሳ ወንድ ያ ጥላሽት የመሰለ ሰውዬ እየገፈተረ እትዬ አጠገብ አቆማቸው። የትዬን ሳቅ ስትሰማ ልጁቱበእልህ ተንጨረጨረይ ። እንኳን ደና መጣሽ የኔ እመቤት ብለው አይኗ ላይ ያለውን ጥቁር ጨርቅ ተመፍታታቸው ቁና ሙሉ ምራቅ እፍታቸው ላይ ለደፈይባቸው ። እንዲህ ያለች እለኸኛ ሴት አይቼ አላቅም ። ምራቋንም ተፍታባቸው "አንቺ የዛ ስጋ ለበስ አውሬ ባለቤት እኔን ብትገይኝም ባልሽ ግን መቀመቅ ከመውረድ አይድንም ብላ ትትጮህ " እትዬ ተተሰቀሉት ገጀራዎይ ተለቅ ያለውን በማውረድ ፊታቸው ላይ ያለውን ምራቅ እየጠረጉና በእልህ እየተንቀጠቀጡ ወደ ልጅቱ ተምዘገዘጉ አጠገቧ ደርሰው ታሁን ታሁን በያዙት ትልቅ ገዠራ አንገቷን ቀንጥሰው ጣሉት ብዬ ትሳቀቅ ቆም ብለው ትንሽ አሰቡና ሁለቴ በጥፊ አልሰዋት ቀዩ መጋረዣ ወደ ተሰቀለበት ክፍል ገብተው አፍታም ታይቆዩ ወጡና ለሻንቆ ጠጋ ብለው በጆሮው ምን እንዳሉት እንጃ ተልጁቱ አጠገብ የቆመውን ሰውዬ ተሸክሞ ዘንዶው ያለበትን ክፍል በመክፈት ወደ ውስጥ ቲወረውረው ልጅቱ እሪታዋን አቀለጠችው እኔም ባለሁበት ወኔዬ ሁሉ ተውስጤ ተነነ.. ዘንዶው መስኮት የሚያህል አፉን ከፍቶ የተወረወረለትን ሰውዬ መሬት ታይነካ ቀለበው።ተመቅፅበት እስተወገቡ በመዋጥ ሰውየው ነብስ ይዞት ቲታገለው ተግራ ወደ ቀኝ ተቀኝ ወደ ግራ እያላተመ ወደ ውስጥ ያስገባው ዥመር።ልጅቱ እትዬ ላይ እያፈጠጠይ ጨካኛይ ናችሁ አረመኔዋይ ናችሁ ፈጣሪዬ ለምን ዝም አልህ እባክህ ሀይልህን አሳይ እያለይ ትትጮህ እኔ ተላይ ሆኜ የምይዘው የምጨብጠው ነገር ጠፋይ።ዘንዶው ሰውየውን ቲያጣጥም እትዬ እንደሻማ የረዘመ ሆኖ እንደ እጣን የሚጨስ ነገር ይዘው እስተዛሬ ትኖር ሰምቸው በማላውቀው ቋንቋ እየለፈለፉ ዘንዶው ያለበትን የብረት ፍርግርግ ቤት እየዞሩ ይለፈልፋሉ። ሻንቆ የሚሉት የቀን ጭለማ አሜን አሜን ማለቱ ታይሆን አይቀርም ሁለት እጁን ከፍ አድርጎና አይኖቹን ከድኖ ከንፈሩን ያነቃንቃል።በልሁ እስታሁን መሬት መሬቱን ተማየት ውጪ ቀና አላለም።እትዬ የያዙት ነገር የሚያወጣው ጭስ መጠኑ ብዙ ትለነበር ቤቱ በጭስ ተሞላ።ዘንዶው የተገበረለትን ሚስኪን ውጦ እንደጨረሰ ተዘርግቶ ተኛ።ይህን ግዜ እትዬ የዘንዶውን ቤት መሽከርከራቸውን አቆሙ።ሻንቆ ወደ እትዬ ቀረብ ብሎ ያወራውን እንዣ ተመልሶ ወደ እምትንሰቀሰቀው ልዥ ቀረብ አለና... ድንጋይ ተመሬት ውስጥ በሚፈነቅል ጎምዛዛ ድምጡ ልዥቱን ማናገር ዥመረ። ሰውየው እንኳን ቀረብ ብሎ ተርቁም ቲያዩት ያስፈራል ። እኔማ ታስበው እሄን ሰውዬ ፈጣሪ መዥመሪያ ጉማሬ አርጎ ሊፈጥረው አስቦ ተላይ ዥምሮ ግማሽ ላይ ቲደርስ ሀሳቡን ቀይሮ ታይሆን አይቀርም ተወገቡ በታች ሰው ያደረገው። ልጅቱን በዛ ሰፌድ በሚያህል እጁ አገጯን ይዞ ቀና አደረገና እንደ ጠጉር ቆራጭ ግራና ቀኝ እያወዛወዘ አፈጠጠባት ። "በጣም ቆንጆ ሴት ቆንጆ ነሽ" ቲላት ልዥቷ ፍቷን ተእጁ መሀል ልታስለቅቅ ተፍጨረጨረይ። "ሃሃሃሃ...." ብሎ ቲስቅ የከፈተው አፉ የዘንዶውን አካፋይ ታያክልም አይቀር። "ስሚ አይጥ በወጥመድ ከተያዘች ቡሀላ ብትፍጨረጨር በሰላም ከመሞት ይልቅ ተጋግጣ ትሞታለች እንጂ ለውጥ አታመጣም ሃሃሃሃ... ልክ እንደዚህ አጠገብሽ እንዳለው ጅላጅል ዘበኛ ከእትዬ ጋር አፍ መካፈት በሰላም እና ቶሎ ከመሞት ይልቅ ስቃይን ማብዛት ነው ትርፉ ይልቅ ስቃይሽን መቀነስ ከፈለግሽ መፍጨርጨርሽን ተይና የምትባይውን ነገር አደብ ገዝተሽ አድምጪ!!" አለና እዛው ጨምድዶ እንደያዛት ወሬውን ቀጠለ... "ያቺ ቆንጅየዋ ታናሽ እህትሽ ጋር እንደውላለን ሂወትሽን ማትረፍ ከፈለግሽ የማዝሽን ትነግሪያታለሽ የመጀመሪያው ትዛዝ ከኛ ሰዎች ጋር ተገናኝታ እዛ ቀይና ውብ ፊታ ላይ ንቅሳት ይሰራላታል ከዛ ለ ሶስት ቀን ብቻ ለአንድ ተልእኮ ሰዎቻችን በሚያስቀጥሯት ቤት በሰራተኝነት ትቀጠራለች ከዛ የምትባለውን ሰነድ ሰርቃ ትወጣለች ሃሃሃሃ...ቀላል ነው አደል?" አላት ጨምድዶ የያዘውን የልጅቱን ፊት የኋሊት እያሽቀነጠረ። ልጅቱ ተተወናጨፈችበት ትትመለስ... "እሄን ሚስኪን ለምን ገደላችሁት ስራ የሌላት ሚስትና ሶስት ልጆች እንዲሁም የሚረዳት በሽተኛ እናት አለችው እኮ ጨካኛች ናችሁ ጨካኛይ አረመኔዋይ" እያለይ በመጮህ ትትንሰቀሰቅ ... "እትጩሂ!" አለና

‍ በልሁም ፊቴ ድቅን ቲልብኝ ተመልሼ ወደ ቤት ገባሁ። የሆነውን ሁሉ ታስበው እውነትም ዛሬ ምን ሆኛለሁ ታለወትሮዬ ተሳቸው ጋር ሰጣ ገባ የገጠምሁት ግራ ገባይ ። እዛ አስርቱ ትዛዛት እተጣፉበት እጋኔኑ ክፍል ውስጥ የገባሁ ግዜ ተለክፌ ይሆን? ። አበጄ ነበር? ባላብድማ እንዲህ ባልለፈለፍሁ "እብድና ዘመናይ የልቡን ይናገራል "አለይ እምዋ,,,,,, ይቀጥላል like👍 ያድርጉ። @Yefker_Hayl @Yefker_Hayl @Yefker_Hayl @Yefker_Hayl 💕.........🍃🌹🍃..........💕

🔥ከመኖሪያ ቤቱ ስር ያለው ድብቅ መቃብር ቤት📖 🌹 ክፍል 1⃣ 2⃣ ✍ድርሰት ፦ በጥላሁን ተስፋዬ . . . ቀማምሰው እንደመጡ የአይናቸው መቅላትና የድምጣቸው መቀየር ያስታውቃል።መደንገጤ እንዳይታወቅብይ ጥረት እያረግሁ የለለይን ምራቅ ሁለቴ ዋጥሁና .... እንዴ እትዬ መጡ እንዴ ቆዩ ምነው? ብቻዬን ትለተቀመጥሁ ነው መሰል ተሌቪዥኑን ታናጠፋው በፊት ትናይ የነበረው የሀገራችን ክፉ ነገር በሙሉ ፊቴ ድቅን ቢልብይ ሀገሬ አሳዘነችይ ።ተዛ ምን እንደምልም በወጉ ታይታወቀይ ዝም ብዬ የመጣልኝን ትቀባጥር ነበር። እትዬ እንደው ይህቺ አገር ግን አታሳዝንም እኔስ አንጀቴን በላችይ እትይ ። "የትኛዋ ሀገር !? አሉይ ስካርና ቁጣ በቀላቀለ ድምጣቸው ። እንዴ እትዬ ምን ማለቶት ነው ታንድ ሀገር ውጪ ስንት ሀገር ኖሮን ያውቃል ያው ኢትዬጲያን ማለቴ ነዋ ትላቸው... "ክክክክክክ አልሰሜን ግባ በለው አሉ ጋሽ ጅንበሩ እሄውልሽ ኢትዬጲያ የምትባል ሀገር ፊደሎቹ ተጣልተው ከተበተነች ቆየች እኮ " አሉይ።እሱ የርሶ ምኛት ነው በትኖ ይጣሎት ያባቴ አምላህ! ምን እልሽ? ደሞ ፊደል ተመች ወዲህ ነው ጥል የዥመረው ? እትዬ? "ከገባሽ ይግባሽ እንግዲህ በቃ ድሮስ ቅኔው ለንደኛ አይነቱ ምሁሮች እንጂ ለንዳንቺ አይነቱ ባለ ሀገሮች መች ይገባችሃል ተጣሉ ተጣሉ አሁን ተኮራርፈው ጥግ ጥጋቸውን ይዘው እየተፋጠጡ ነው .. ኢ -ለብቻዋ ት-ም ለብቻዋ ....ዬ- ም ለብቻዋ ....ጲ-ም ለብቻዋ.....ያ-ም ልብቻዋ ከሆኑ የኔ ፥ ለኔ ማለት ከጀመሩ ቆዩኮ ክክክክክክክ" ኧረ ጥርሶት ይርገፍ እቴ አሁን እሄ ያስቃል እንዲህ በነጋ በጠባ ነብሴን ተስጋዬ እንደሚያላቅቌት ፈጣሪ ከምድር ህይወት አላቆ ገሀነም ይጣሎት እቴ። "ምን አልሽኝ?" አይ እትዬ እንደው በበዛ ምሁር እና ሽማግሌ ፊደሎቹን መክሮ እና ገስፆ የሚያስታርቅና እንደቀድሞው አንድ እንዲሆኑ እሚገጣጥማቸው ጠፍቶ ነው? "ማን ሆነና እሚያጣላቸው እ በምሁሩ እና በሽማግሌው አደል እንዴ የባሰው ክክክክክክ" አንደው እኝህ ሴትዬ ተጠጡ ማስካካት ብቻ ነው ይድፋዋት "ምን እያልሽ ነው? አይይ እንደው ክፋታቸው እትይ እርሶን የመሰሉ ደጋግ ባለ ሀብቶይ ፋብሪካ እየከፈቱ ለድሀው የስራ እድል በማስፋት ተችግር ያላቅቃሉ ሌሎይ ደሞ ወንድማማዮችን እያጣሉ ባንድ ላይ ሆነን እንኳን ተድህነት አልወጣን ጭራሽ ለያይተው ሀገሪቱን ቁልቁል ይሰዳሉ። "ዛሬስ እውነት ተናግረሻል ሰንዬ እሄ ዝም እሚል ሰው እኮ ሲናገር አይጣል ነው ዝም አትያቸውም እነዚህ ደደቦች ክክክክክክክ!" አይይይ እርሶም ሰው ሆነው በሌላ ሰው ይስቃሉ "አመድ በዱቄት ይስቃል!"አለች እምዋ። "ምናልሽኝ?" ኧረ ምንም አላልሁ እትዬ። "እንዴ ስታጎመጉሚ እየሰማሁሽ ምንም አላልኩም ትይኛለሽ?" አይ እሱማ እትዬ እስቲ ያስቡት እንኳንስ ለዘመናት በብዙ ነገር እርስ በርስ የተሳሰረን ህዝብ መለያየት ባልና ሚስት እንኳን አብረው ያቀኑትን ጎጆ አፍርሰው ቲለያዩ ምን ያህል ችግር ውስጥ እንደሚገቡ። መቸስ እሄን ተኔ በላይ እርሶም ያውቁታል። "እኔ ግን ተባሌ አልተለያየሁም ደሞ በቅርቡ ከስር ቤት ይፈታል!" አሉይ ፊታቸው ተለዋውጦ.. እረ እንደዛ ማለትዬ እልነበረም እትዬ "ዝም በይ ደሞ ባይፈታስ ስንቱን የማማልል ቆንጆ የቆንጆዋች ቆንጆ እንደሆንኩ እወቂ እኔን የሚፈልጉ ቢሰለፉ ከዚህ በር እስር ቤት ይደርሳሉ ፈላጊ ማልቶኛል ስንቱ ሞትኩልሽ አበድኩልሽ ካላገባሁሽ እያለ መቆሚያ መቀመጫ እንደሚያሳጣኝ ብ ብታውቂ አፍሽን ባልከፈትሽ ገባሽ !"አሉይ" አዋ ገባይ " አገባሽ ያለ ሁሉ ላያገባሽ ከባልሽ ሆድ አትባባሽ " አለች እምዋ!። "ምን ትላለች እቺ ጮክ በለሽ አታወሪም እንዴ ምን ምን ትልጎመጎሚያለሽ?!" አረ ምንም አላልሁም እትዬ ምን እላለሁ ብለው ነው። "ቆይ..ቆይ ቆይ ቆይ ... እሄን ሁሉ አመት ሰናይት ብለው ሲጠሩሽ አቤት ሲያዙሽ እሺ ከማለት ውጪ ድምፅሽ የማይሰማ ልጁ ዛሬ እንደማይረባ ከሰል እላዬ ላይ የምትንጣጭብኝ ምንድን ነው ሚስጥሩ ለመሆኑ? እ ንዴ: ማን ነው ፈቶ የለቀቀብኝ ባካችሁ ?" ማ...ማን...ተ...ተየት ነው እሚፈታኝ እትዬ ወይኔ እምዬ ታይታወቀኝ ጉድ ሆኛለሁ አልያም እየቃዥሁ ነው መሰል... አልሃቸው ባፍዝ አደንግዛቸው ተራሴ አረሳስተው አስረው የለቀቁይ መስሎይ... "እንዲህ ነሽና ...ምናልሽ አንቺ እኔ ላይ እየቀለድሽ ነው?" አረ አልቀለድሁም እትዬ። "ታድያ እየቃዠሁ ነው እምትይው እያላገጥሽብኝ ካልሆነ በቁምሽ መቃዥት ጀምረሽ ነዋ "አሉ ይበልጡን ያን አይናቸውን ተማደሪያው ጎልጉለው እያወጡ.. እትዬ ምን ላርግ ማን ነው ፈቶ የለቀቀብኝ ቲሉ ግዜ እኔም ታስሬ ነበር እንዴ ብዬ እኮ ነው!። "ምናልሽ አንቺ ሙትቻ እ..እኔም ታስሬ ነበር ...ወይይ !? እዚህ ቤት ሌላ የታሰረ ማንን ታውቂያለሽ እና ነው እኔም ታስሬ ነበር ወይ የምትይኝ! " እኔም አልሁ እንዴ ኧረ አላልሁም ባኮት እትዬ እኔ ነው ያልሁት እይ መች እኔም አልሁ? "እሄማ ጫን ያለው ነው ወይይይይ ጉድ በቀላሉ አንላቀቅም ነይ ነይ ነይ ውጪ ነይ ወደ ሳሎን !" አሉይና አራስ ነብር እንደሆኑ ቀድመውይ ሄደው እሶፋው ላይ ተቆለሉ። ዛሬስ አበቃልኝ ምን ትል እሄን ቃል ታፌ እንዳወጣሁት ግራ ገባይ "አፍ ቲከዳ ተሎሌ ይብሳል "አለች እምዋ ፈጣሪዬ የዛሬን አውጣኝ እይ ሁለተኝ ተኝህ አሳሳች ሴትዬጋ አፌን እልካፈትም ። "ነይ ወደ እዚህ ከፊቴ ቁሚ!" አሉይ አይናቸውን እኔ ላይ ጣታቸውን ደሞ ወደ መሬቱ ቀስረው እምቆምበትን ቦታ እያመላከቱይ። ተጠግቼ ቆምሁ። "ዛሬ ሌላ ጠንቅ ሳይከተልሽ እኔም ታስሬ ነበር ወይ ያልሽው ምን ለማለት ፈልገሽ እንደሆነ ተናገሪ!" ኧረ እትዬ እባኮትን ይመኑይ እኔኮ ያልሁት እኔ ነው አልሆት ይህችን ...ም..ያሏትን ፊደል ፈጥሞ አልጠሯኋትም። "ጠራሻት ወይ አላልኩችም ምክንያቱን ተናገሪ ሌላ እርምጃ እንድወስድ እትገፋፊኝ ብዬሻለሁ ሰናይት!" እትዬ ይተው እንጂ እንደው ታልጠፋ መጣያ ሰበብ ይቺ ህጣን ልጅ ተወረቀት ላይ በላፒስ በሚያጠፋት ባንድ ፍደል እንጣላ? ደሞ ጠርቻት ቢሆን በጀ። "ፍደሏ ሳትሆን መልክታ ነው ከባድ አንቺ ደነዝ ያልሽው : እኔ : ሳይሆን : እኔም : እንደሆነ በገዛ ጆሮዬ ነው የሰማሁሽ !" እትዬ ይመኑይ ይቺ ...ም...የተሰኘይ ጠንቀኛ ፊደል እኔ ተተናገርሁ ቡሀላ እጆሮዎ ቲደርስ ጅኒ ይጨምራት ሰይጣን እንዣ እንጂ እኔ አልጠራኋትም። ይህን ግዜ የትዬ ቁጣ ቅጥ አጣ ተተቀመጡበት ተነስተው በጥፊ ቲመርጉብይ ተምን ውስጥ እንደነቃው እንጃልይ ብቻ ተሆነ ነገር ውስጥ ነቅቼ ወደ ራሴ ተመለስሁ። "አንቺ ብጣሻም ደሃ በቀላሉ አንላቀቅም መኪናዬን ላስገባት። አሁኑኑ ቡና እፈልጋለሁ ።የትኛው ጂኒ ወይም ሰይጣን ካንቺ ወሬ እየተቀበለ ለኔ እየጨመረ እንደሚነግረኝ ትነግሪኛለሽ ። ደሞ ሰይጣን እሚያጣላው ሰው አጣና ነው እኔን የተከበርኩ ሴትዬ ከእንዳንቺ አይነቷ ምናምንቴ ጋር ለማጣላት ስራ ሚፈታው : ከግር ጥፍርሽ እስከ እራስ ፀጉርሽ ፈታትቼ ያልበታተንኩሽ እንደሆነ እኔ አይደለሁም!" እያሉ መሂናቸውን ተደጅ ሊያስገቡ ደንዝዤ እቆምሁበት ጥለውኝ ትሄድ ተከትያቸው ወጣሁና እግቢው መሀ መሀል ቆምሁ በሩ ተጥግ እስተ ጥግ ተበርግዷል ወደ ውጪ ትመለከት ድምጣቸው ሳይሰማ በግራቸው ለመግባት ቲሉ መሂናቸውን ተግቢው ፈንጠር አርገው ነው ያቆሟት ተመመለሳቸው በፊት ተግቢው እንደእብድ እየሮጥሁ ወጥቼ ልጠፋ አሰብሁና ፈራሁ

​​🦋🌿🕊...........✍ ➮በምን ይለያያል ውዴታና ፍቅር ➦ውዴታ በጊዜ የተገደበ ነገር ነው እናም የወደድከውን ነገር ሰው ከጊዚያት ቡኃላ ልትጠላው ትችላለህ። ➦ፍቅር ግን በጊዜ የማይገደብ የጠለቀ ስሜት ነው፤ ያፈቀርከው ሰው ፍፁም አትጠላውም ፤እስከህይወትህ ፍፃሜ ድረስ በልብህ ውስጥ ይኖራል። @Yefker_Hayl @Yefker_Hayl &&--------------❤❤-----------&&

🔥ከመኖሪያ ቤቱ ስር ያለው ድብቅ መቃብር ቤት📖 🌹ክፍል 11 ድርሰት ፦ በጥላሁን ተስፋዬ . . . "ሀብታቸውን ተጠቅመው እዚህ ላደረሰቻቸው ሀገር ትምህርት ቤት እና ሆስፒታል ተመገንባት ይልቅ በየጉራንጉሩ እስርቤት እየገነቡ ለዘመናት የፍዳ ቀንበር መሸከም ያመረረውን ትውልድ በሸክም ላይ ሸክም በችግር ላይ ችግር እየጨመሩ ተዘመን ዘመን በጦርነት ተወልዶ በጭቆና አድጎ በጭቆና እንዲሞት ያደርጉታል።ሰንዬ ተድህነት ባያወጡን እንኳ ምናለ ተነድህነታችን ሰላም ቢሰጡን።ዛሬ የግፋቸው ፅዋ ለኔም ደረሰኝ ሰንዬ አንቺ ግን ምናልባት እትዬ እቤት ውስጥ እሚሰራላቸው ትላለለ አይነኩሽም ተኔ ጋር ታዩሽ ግን አይምሩሽምና ባክሽ ተኔ ራቂ።" አይ በልሁ እኔም ብሆን እንዳንተ አልታሰርሁም እይ ላውዳመት እንደተገዛይ ዶሮ ማረጃው ቢላዬ እስቲሳል እየጠበቅሁ እንደሆነ ታውቆኛልይ ።እይህ ባለቀዩ መጋረዣ ክፍል ገብቼ ባየሁት ነገር አንተ ተምትነግረኝ በላይ ስለትዬ ማወቅ ችያለሁ ።ያመጣሁትን ምግብ በልመና እያጎረስሁት ምን እንዳነበብሁና ቀጣዩንና ሌላ ሚስጥር የያዘውን ሚስጥራቸውን እንዳላነብ ግን እርኩስ መንፈስ መብራቱን ሁሉ አጥፍቶ ተክፍሉ ገፍትሮ እንዳስወጣይና የፈጣሪን ስም ደጋግሜ ባልጠራ ሊገለኝ ታይፈልግ እንዳልቀረ ትነግረው.. በልሁ ስቅስቅ ብሎ እያለቀሰ" ሰንዬ የአለም ሀብትና ስልጣኔ በፈጣሪ ፍቃድና በመንፈሳዊ ስልጣኔ ላይ ታልቆመ የሀብቱ ጉልበት የሚገለጠው በሰዋይ ላይ በሚያደርሰው በደልና ስቃይ ነው።እኔ እማዝነው ሌላው አለም በፈጣሪ ቁጣና መቅሰፍት ምድራቸው ቲታመስ በህዝባ ጠሎትና በሱ ቸርነት ተክፉ ነገር ሁሉ የጠበቃትን የኛን ብርክት ሀገር እትዬጲያን በእንደ እትዬ አይነቶቹ ክፉ ሰዎይ የተነሳ በጠኔ ማለቃችን ታያንስ እነሱ በድሎት አለም ቲጠባቸው በኛ ላይ የመከራ ዝናብ ቲያዘንቡን ታይ ነው።"እባክህ አታልቅስ በልሁ ይልቅ እትዬ ተሄዱበት ታይመለሱ ዝም ብለን የመሞቻ ቀናችንን ተመጠባበቅ ትለምናመልጥበት መንገድ እንማከር አልሁት። "ምን መንገድ ይኖራል የኔ አለም።" ቲለይ..እዚህ ተትዬ ጎን ያለው ግቢ ውስጥ ስንት ሰው ነው የሚኖረው? ትለው "ያን ቀን እኔን ቲያመጡኝ ሁሉት ሰው ነው ያየሁት ሰንዬ።" አለይ ። እየውልህ በልሁ እትዬ ስልክ ቲያወሩ እንደሰማሁት ተሆነ ጋሼ ላይ እንዳይመሰክሩ በትዬ ሰዎይ የተያዙት ሁለቱ ሚስኪኖይ ዛሬ ማታ ወዲህ ታያመጧቸው አይቀሩም ዛድያ ሰዋቹን እዚሁ ታንተ ጎን ተሆነ የሚያስሯቸው ሶስት ሆናችሁ ማለትም አይደል ተኔ ጋራ አራት: ቸር አምላክ አግዞይ እትዬ በሆነ ምህንያት ተተዘናጉልይ : ነገ ወዲህ መጥቼ ተነሱም ጋር ሆነን ላራት እንማከርና ተተስማሙ: ሆኖልይ አንዳችሁ የታሰራችሁበትን ታግዬ ብፈታ የተፈታው ቀሪ ሁለቱን ይፈታና ተነ እትዬ ጋር ፊት ለፊት ተናንቀን ተሆነልን በሂወት ታልያም ሞተን ተዚህ ሰቆቃ እንገላገላለን አልሁት። "ተይ ሰንዬ ተይ ለኔ ትትይ የመሞቻ ቀንሽን አታፍጥኝው አሁን እዚህ መምጣሽንም እክፍሉ ውስጥ ካሜራ ተክለው እየተከታተሉን እንዳይሆን ሰግቼ ተገባሽ ጀምሮ ለፈጣሪዬ እያለቀስሁ ነው። እባክሽ እህቴ እኔን ተይኝ። እኔ እንደሁ ስቃዩን እንጂ ሞቱን አልፈራውም ።እነሱ ተአምር ተፈጥሮ ታላለቁ በቀር በሂወት ተዚህ ቤት እንደማልወጣ አውቀዋለሁ። ይልቅ ለኔ አንድ ውለታ ዎይልኝ እና እራስሽን አድኚ።" ቲለኝ.. በካሜራ ቢከታተሉንስ ያለይ ነገር ውስጤን በፍርሀት ማእበል እየናጠው ምን? ...ም...ን ላርግልህ የኔ ጌታ? አልሁት በልሁን.. "እባክሽ ተስቃይ ገላግይኝ ታሁን ቡሀላ በትዬም ይሁን በዛ ሰው የስቃ የስቃይ ለሊት ማሳለፍ አልሻምና እባክሽ አለሜ ተዛ ጋር አንዱን ስለት አምጪና እዚህ እታሰረበት ቦታ ላይ የአንደኛውን እጄን ትልቁን ደም ስር በጥሰሽ ግደይኝ!አለሜ!" ም...ን...አልክ..በልሁ? "ምን ላርግ ሰንዬ ..." በል ዝም በል አልሁና አፉን ያዝሁት ።የሰይጣን ጆሮ አይስማው በልሁ እንዳትደግመው ። አልሁት። እንኳን እቤቱ ተቀምጠን በየሄድንበትም እየተከተለ አላስቀምጥ ያለን ሰይጣን በልሁ ያለውን ተኔ ቀድሞ እንደሰማው እያሰብሁ።እሄን ተማረግ ሞቴን እመርጣለሁ!። ጭራሽ በጄ እንዳጠፋህ ጠየከኝ በልሁ! ደግመህ እንዳታስበው ።ደሞ ለኔ ብለሽ ለኔ ብለሽ አትበለይ የቀን ጉዳይ ሆኖ እይ እኔስ ለትዬ ታንተ ምን ልዩነት ኖሮይ ነው። አንተስ ብትሆን በኔ ጦስም አይደል እይህ ጉድ ውስጥ የገባኋው ያን ቀን ስርህ እየመጣሁ ልጥፋ አልጥፋ እያልሁ ስወተውትህ እትዬ ባያዩን እዚህ ጉድ ውስጥ ትገባ ነበር ታሁን ወዲ ለሁለታችን እንጂ ለኔ ወይም ላንተ የሚባል ነገር የለም እሺ?። ይልቅ የኔ ዥግና አሁን ያልሁህን እስትሞክር ብቻ ታገሰይ ያንተ ስቃይ ታያሰቃየይ ህመምህ ታይሰማይ ቀርቶ እንዳይመስልህ። እንደሚሳካልይ ውስጤ ትለታወቀይ እና ደሞ እጅን አጣጥፎ ሞትን ተመጠበቅ መታገሉ ይሻላል ብዬ እንዢ። ምናልባት እንኳን ታይሆንልን ቀርቶ መውጫ ቀዳዳ ሁሉ ተተደፈነብን ምንም እንኳ ያሰብሁትን ነገር እራሱን መልሼ ታስበው ፍርሀት ፍርሀት ቢለኝም ።ላንዴ እና ለመጨረሻ ግዜ ላደርገው ያቀድሁት የመጨረሻ ሙከራ ትላለኝ ለኔ ትትል እስተዛ ሁሉን ችለህ ታገሰኝ የኔ ዥግና! ። አደራ! አልሁትና ልሄድ ትሰናዳ መልስ ታይሰጠኝ ዝም ብሎ አይን አይኔን ቲመለከተኝ እንባውን ታይኑ ላይ አብሼለት በአይኔ ተሰናብቸው ሰሀኑን ይዤ ደረጃውን መውጣት ጀመሩሁ። ጠሎት ቤቱን እንደነበረው አስተካክዬ ወደ ሳሎን ገባሁ። እታች በወረድሁ ሰአት እትዬ ባለመምጣታቸው ፈጣሪዬን አመሰገንሁ። የትዬን መሂና ድምጥእየተጠባበቅሁ ሳሎን ቁጭ ብዬ ትንሽ እንደቆየሁ ቤቱ እሚበላይ እሚበላይ ትለመሰለኝ ወደ ክፍሌ ገባሁ ።በልሁ እንዳለው እታች ቤት ካሜራ ደብቀው አኑረው ተሆነ ቲመለሱ የተቀረፀውን አይተው ምን እንዳደረግሁ ታወቁ ተበልሁ በፊት እኔን ተማረድ ወይ ተመስቀል እንደማይመለሱ ታስብ ብርድ ብርድ አለይ ። ጉልበቴን ወደ ሆዴ አስጠግቼ በሁለት እጄ ጠረነፍሁና እየተወዘወዝሁ የውስጤን ሀዘን በንጉርጉሮ ተነፍሰው ዥመር.... እህህ ድማሙ እህህ ድማሙ እህህ ድማሙ እህህ ድማሙ የትብቴ መኖሪያ ምነው አንቺ አገሬ ያካሌ መቅበሪያ ምነው አንቺ አፈሬ መከራው በዛብይ ታንቺ መፈጠሬ እህህ ድማሙ እህህ ድማሙ ስሚኝ አንቺ አገሬ የትውልድ ቀየዬ የትውልድ መንደሬ የሆዴን ልተንፍስ ልናገረው ዛሬ ክፉዋች በዙና ለቅሶሽን ያወጁ ለክፋት የቆሙ በዛብሽ ሀዘኑ ፥ በዛብሽ ህመሙ ልጆችሽ አለቁ እየተመረጡ እየተለቀሙ። ንፋስ ቢያይልበት ጎንበስ አለ ዛፉ እሱ በቃ እስቲለን ፥ ቀን እስቲወጥልን እስቲ እናንተ ሂዱ እስቲ እናንተ እለፉ። ሰው ሰው የማይሸቱ ተክፉም የከፉ ተገርፈው ሳያድጉ ሰው እየገረፉ እነሱ ሊኖሩ ስንት ሚስኪን ደፉ መች ይሆን ሚሞላው የሚያበቃው ግፉ በቃ በለን እምላህ የቀሩት ይትረፉ። እያልሁ ትቆዝምና ታንጎራጉር በርም ቲከፍቱ ያልሰማሁዋቸው እትዬ፥እኝህ ተንኮልን እዩንቨርስቲ ገብተው በጥሩ ውጤት በድግሪ የተመረቁት መሰሪዋ እትዬ፥አረ ተድግሪም በላይ! ድምጡ እንዳይሰማ መሂናቸውን አርቀው አቁመው በእግራቸው መጥተው ነው መሰል ኮቴያቸው ታይሰማ እንዴት አድብተው ወደ ክፍሌ እንደዘለቁ እንዣ እክፍሌ በር ላይ እንደዥብራ ተገትረው የክፋት መርዝ ልብ ላይ እየረጨ ልብ የሚያቀልጠውን ትልልቅ አይናቸውን እያጉረጠረጡ "ምን ምን ምን ...ምን አልሽ አንቺ" ብለው ቲያንባርቁብኝ :ተመክዳትም ተመከዳትም ይሰውራችሁ ሁለመናዬ ከዳይ!... ይቀጥላል 👍like ማድረግዎን አይርሱ:: @yefker_Hayl @yefker_Hayl @yefker_Hayl @yefker_Hayl

ና ጨለማ ወረሰይ። እየተደነባበርሁ ወደመውጫው ትሄድ ወደቅሁኝ ደጋግሜ የፈጣሪዬን ስም እያነሳሁ እጮህ ጀመር ተዛ ቡሀላ ማን ገፍትሮይ ያስወጣይ ቤት በኩል ልውጣ ታይታወቀይ እራሴን ተክፍሉ ውጪ አገኘሁት በልሁ እየጮኸ ይጣራል።ግራ ቀይ የተወጠረበትን ገመድ ሊበጥስ እየታገለ "እህቴን ገደሉሽ!" እያለ ይጮኻል እኔን ዞሮ ማይት ትላልቻለ። አይዞህ ወንድሜ ደና ነይ።ወይ ጉድ እሄ ነገር ተቤቱ መሰረት ጀምሮ ሆን ተብሎ ለዚሁ እርኩስ ተግባራቸው መዘጋየቱ ተአምር ሆነብይ በልሁ "ሰንዬ ኢትዬጲያ ውስጥ ተትምህርት ቤት በላይ እስር ቤት ተሰራተኛ በላይ እስረኛ በዝቷል የተባለው እኮ ህዝብ እውቅና ታይሰጣቸው እንደ እትዬ አይነቶቹ ጥቃቅንና አነስተኛ መንግስቶይ በየመንደሩ ተሽጠው ባላቸው ሀብት .. ይቀጥላል like👍 ያድርጉ @Yefker_Hayl @yefker_Hayl @yefker_Hayl 💕..............🍃🌹🍃...............💕

🔥ከመኖሪያ ቤቱ ስር ያለው ድብቅ መቃብር ቤት📖 🌹 ክፍል 1⃣ 0⃣ ✍ድርሰት በጥላሁን ተስፋዬ . . . ቄራ ነው"።አለይ ።እቤቱ ግድግዳ ላይ ተትንሿ ቢላ ዥምሮ እስከ ላይኛው ግዥራ ፣ተትንሿ መቀስ ዥምሮ እስተ ትልቁ የጥድ ማኸርከሚያው መቀስ ፣ ማዋለጃ የሚመስል ባለ ጎማ አልጋ፣ተበልሁ ጀርባ በስተቀኝ 2 ተከፋች የቀብር ሀውልቶይ ቲኖሩ በስተግራ ደሞ አንዱ ጥቁር መጋረዣና አንድ ቀይ መጋረዣ እበራቸው ላይ የተንጠለጠለ ክፍሎይ አሉ። እነኛ ጥቁር እና ቀይ መጋረዣ የተሰቀለባቸው ክፍሎይ ምንድን ናቸው በልሁ!? " ሰንዬ እኔን በጥቁሩ መጋረዣ በኩልም አይደል ወይህ ያመጡይ" አለይ። እንዴት በልሁ በየት በኩል? " አይ ሰንዬ እትዬ ምን ተማምነው ጥለውን የሄዱ ይመስልሻል ?እሄ ተዚህ ግቢ ጎን ያለው ግዙፍ ግቢ እትዬ ላሽከሮቻቸው የሰሩት ቤት ቲሆን ተመሬት በታች ውስጥ ለውስጥ ተዚህ ቤት ጋር ይገናኛል ያን ቀን ጋደም ባልሁበት በለሊት የትዬ ግቢ ከውጭ በቁልፍ ቲከፈት በመደናገጥ ማነው ብዬ ብድግ ተማለቴ እንኳን ተቅርብ ተሩቅ ለማየት የሚቸግር ፓውዛ አይኔ ላይ ቦግ አረጉብይ። አይኔ የጠፋ መሰለይ አይኔን ይዤ ወደ ምድር እያየሁ በህግ አምላህ ትላቸው ሁለት እጄን ጠርንፈው እየደበደቡ ቀጥሎ ወዳለው ጊቢ ወሰዱይ ተዛ ለአንደኛው " ካሁን ቡሀላ ሁለቱንም ግቢ በትኩረት ተከታተል " ብለው ትዛዝ በማስተላለፍ እኔን እየጎተቱ ወደ እቤቱ አስገቡይ ተዛ ውስጥ ለውስጥ ወዲህ እንዳመጡይ እትዬ ተላይ አንቺ ተመጣሽበት ቁልቁል ቲወርዱ አየኋቸው ተዛ ቡሀላማ ምኑን ልንገርሽ?። ቲለኝ ደርቄ ቀረሁ በሰማሁት ነገር የማምለጥ ተስፋዩ ቲማሽሽ ተሰማይ። በልሁ ይብሱን ተስፋ እንዳይቆርጥ እራሴን አበርትቼ እሺ ተጎኑ ያለው ቀይ መጋረዣ የተጋረደውስ ትለው "እሱስ ምን እንደሆነ እንጃ " ልየው በልሁ?"ተይ ሰንዬ ይቅርብሽ!" ፈጣሪ ታለ ምህንያት ምንም ነገር አያደርግም ምናልባት እሄን ተአምር ለኔ የሚያሳየይ አንድ አላማ ቢኖረው ነው አልሁና በልሁን ተይ ቢለይም በቀስታ ወደ ክፍሉ ተጠጋሁ። መጋረዣውን ገለጥ ታረገው ተበልሁ ፊት ተነነብሱ የሚገላበጠው ዘንዶ እይህ ክፍል ውስጥ ቁመቱ ተኔ ቁመት በሚልቅ በመብራት ውስጡ ባጌጠ መሀሉ መስታወት ጠርዙ ወርቅ በሆነ ትልቅ ፍሬም ውስጥ ፎቶው ተቀምጧል። የክፍሉ ግድግዳ ዙርያውን አንድ አይን ባላቸው የተለያዩ የሴት እና የእባብ ፎቶዋች ተሞልቷል። ወደ ክፍሉ መሀል ገብቼ ትቆም በቁሜ እሰይጣናች አለቃ እሳጥናኤል ቤት ውስጥ ያለሁ መሰለይ። እመስታወቱ ውስጥ ተዘንዶው ፎቶ ግራ እና ቀኝ ፅሁፍ ስለተመለከትሁ ጠጋ አልሁና ማንበብ ጀመርሁ ተላይ በደማቁ እንደ ርእስ የሰፈረው.. መልእክተ ሳጥናኤል ወ አጋንንት አስርቱ ትዛዛት! ይላል ወረድ ብሎ ደግሞ ...ጠላቶቼ መፃፍ ቅድስ እና ቁራን ሲያነቡ ወዳጆቼ መፅሀፈ እርኩሰትን በመንፈስ አስነብባችሁ ዘንድ ቀጣዩቹን አስር ትዛዞቼን ፈፅሙ።ያኔ ምድራዊ ሀብት ሁሉ በእጃችሁ ይገባል። ይላል ። ቀጠልሁ ።ዝቅ ትል.. ትእዛዝ አንድ፦ በሀማኖቷ የጠነከረች ሀገረ ኢትዬጲያ ለዘመናት ፈትናኛለች ከአለም ትንሽ ተከታይ ያለኝ እዚች ሀገር ነውና ምድራዊ ግዛቴ ደም እንዳይጠማ በሰው ደም የሚያድጉ አትክልቶቼ በደም እጦት እንዳይጠወልጉ ከጥግ እስከ ጥግ ከመላ ምድሪቱ ለኔ የሚሰሩ ሰዎችን መልምሉ ። ትእዛዝ ሁለት፦ እዝነ ህሊናቸው ማድመጥ የተሳነው ሰዎች ሲበዙ በምድር የሰዎች ፍጭት እና ሞት ይበዛልና የእልቂት መንገዶቼን ከላይ ማር እየለወሳችሁ አብላቸው ሰውን ወደ እንስሳነት የምቀይርበት መንገዶቼን ተጠቅማችሁ ለዘር ተቆርቋሪ መስላችሁ በዘር አጫርሷቸው። ለሀይማኖታችሁ እስከሞት ድረስ የቆማችሁ በመምሰል በሀይማኖት አባሏቸው ።ለትውልድ መንደራችሁ ተቆርቃሪ ተሟጋች መስላችሁ ለመፍትሄው ጠላቴ ሰላምን ሳይሆን ግብረ ነግሬን ተጠቅማችሁ በጥፋት መንገድ አጋድሏቸው ። የቆምሁባቸው እግሮቼ ቲንቀጠቀጡ ታወቀይ እዚህ ላይ የተጣፈው ትዛዝ በተለቭዥኑ ታየሁት የሀገሬ ምጥ ጋር አንድ ትለሆነብይ እስከመቼ ነው ዝም ብለህ የምታየን ብዬ እየጮሁ ሽቅብ ተንሰቀሰቅሁ።በልሁም ድምጤን ሰምቶ ምን ሆንሽብይ እያለ ማልቀስ ቲጀምር አይ ምንም አልሁና እንባየን ጠርጌ ቀጠልሁ.. ትእዛዝ ሶስት... ...ሳጥናኤል ወ አጋንንት አስርቱ ትዛዛት.. ትእዛዝሶስት፦ እሄ ጦሙን እያደረ ፈጣሪውን ጥዋት ተነስቶ የሚያመሰግን ህዝብ ወደኔ ለማምጣት ብልሀተኛች ሁኑ ። ነፃ እናወጣችኋለን እያላችሁ ነፃ ሆነው እንዳይኖሩና ዘወትር ያልታሰሩበትን ገመድ ለመፍታት እረፍት አልባ ሂወት እንዲገፉ በማድረግ እረፍት ያገኙ ዘንድ ምግባረ እርኩሰትን እንዲፈፅሙ አድርጓቸው ። ያኔ የፈጣሪያቸውን ጥበቃ ስለሚነፈጉ እንደበግ እየነዳችሁ ወደኔ ታመጧቸው ዘንድ ቀላል ይሆናል። ትእዛዝ ፦አራት..እኔ ተሰሚነት እና ተቀባይነት ይኖራችሁ ዘንድ በምሰጠችሁ የርኩሰተ ጥበብ እየታገዛችሁ በመንፈሳዊና በስጋዊ ትምህርታቸው ደከም ያሉትን ወዳሉበት ተሰማሩ እያሳደዳችሁ ለጥሪያችሁ ቅርብ የሆኑትን መንፈሰ አጋንንት በመሳብና በመርጨት ለጥሜ ደማቸውን ለርሀቤ ስጋቸውን አቅርቡ የተመረጡትን ገብሩ። ትእዛዝ አምስት፦ ግለ ችግር ያለባቸውን ችግራቸውን የምትቀርፉ መስላችሁ ቅረቧቸው ። በትውልድ መሀል ችግር ለመፍጠርም ለችግሮቻቸው ደራሽ በመምሰልም የሚቀድማችሁ እይኑር ጉድለትና ችግሮቻቸው እወጥመድ መረባችሁ ውስጥ የምታስገቡበት ዋናው መሳሪያችሁ ይሁን። ትእዛዝ ስድስት፦አይነ ልቦናቸው ሚስጥር ለመፈተሽ ያልበቃ ህፃናትን በእርዳታ ሰበብ እየመለመላችሁ የርኩሰት መንፈሴን ዝሩባቸው ያኔ አይነ ልቦናቸው ፈፅሞ በኔ የታወረ ይሆናል።ጠንካሮቹ ደካሞቹን እንዳያበረቱ መደማመጥና መስማማት ይሳናቸው ዘንድ ልቦናቸው በኔ የታወሩትን ወስዳችሁ መሀላቸው በትኑ ። ትእዛዝ ሰባት፦ማንነቱን ያጣ ትውልድ ለማንም አይመለስምና ስራቸው ተነቅሎ እግሬ ስር ይወድቁ ዘንድ ስትጀምሩ ከመሰረቱ ይሁን ። የምትሏቸውን አምነው ይቀበሉ ዘንድ የነበራቸውንሁሉ አሷጧቸው።ከትንንሾቹ ከእድርእና ከእቁብ ጀምሮ እስከላይኛቹ ትልልቅ ድርጅቶች በብሄር ስም አደራጁ በብሄር ስም ተቋማትን ክፈቱ ።የጋራ ማንነታቸውን ለማጥፋት አንድ በሚያረጋቸው ሳይሆን በልዩነታቸው ላይ ጠንክራችሁ ስሩ ። ጥላቻን ዝሩ ። ሰውን እንደንዋይ መንዝሩ ። ወደ ጥፋት መንገድም ገፍትሩ ።በምግባር አርኩሷቸው ያኔ ልቦናቸውን ለኔማደሪያ ይሆን ዘንድ ይከፍታሉ። ትእዛዝስምንት፦የጥፋት ግዛቴንእኑሩ ግዜው ሲፈቅድ የምትገልጡትን መለያዬን በህቡ እመንገድ እንብሩ። በወጥመዴ ዳግምላይመለሱይገቡ ዘንድ የርኩሰት ማህተሜን በሚጠቀሙትነገር ሁሉም ስጥራዊ በሆነ መንገድ ቅበሩ ። ትእዛዝ ዘጠኝ፦ቤተ እምነቶች ላይ እጃችሁን አንሱ ለይታሁ አጥቁ ተለይታችሁ የተጠቃችሁም ምሰሉ ትእዛዝ አስር፦በሚነበቡና በሚደመጡት ሁ ሉ ለይታችሁ አወድሱ ለይታችሁም አሳንስሱ ።የታሪክ ስተትን በመጥቀስ ቂም በቀልን በመቀስቀስ ከዳር እስከዳር ይብዛ ብጥብጥና ትርምስ ።ትውልድ ከትውልድ ይናከስ ። ሳጥናኤል ወ አጋንንት በኢትዬጲያ ምድር ዘላለም ይንገስ ።አሜን። በፍርሀት መቆም ቢሳነይም አስርቱን ትዛዛት እንዳገባደድሁ ተዘንዶው በስተግራ ወዳለው ሌላ ዝርዝር ጥሁፍ ፊቴን መለስ ተማረጌ እዛ ተመሬት በታች ታለ ቤት ውስጥ ተየት እንደመጣ እንጃ ወደ ክፍሉ ንፋስ የመሰለ ነገር በፍጥነት ቲገባና ቀሚሴን ቲሰቅለው ደንግጬ ቀሚሴን ቁልቁል እየያዝሁ ወደ ጥሁፉ ፍቴን ትመለስ እመስታወቱ ውስጥ ያሉ መብራቶይ ጭጭጭጭ የሚል ድምጥ በማሰማት ተደረገሙ ። ምን ጉድ ነው ብዬ ቀና ተማየቴ የ የክፍሉም መብራት ጠፋ

​​🔥 ከመኖሪያ ቤት ስር ያለው ድብቅ መቃብር ቤት! 📖 🌹 ክፍል 9⃣ ✍ ደራሲ ጥላሁን ተስፋዬ . . . እሳቸው ቲጮሁ እኔ እንደፈዘዝሁ በልሁ ጋር ትለረሳሁት ሰሀን ታስብ መላሽ ትላልሰጠኊቸው በሽቀው... ወደ እኔ ይበልጡን በመጠጋት "ያን ሁሉ ሳንኳኳ ምን ስትሰሪ ነበር እያልኩሽ እኮ ነው ብለው ቲያፈጡብኝ ተሄድኩበት ሀሳብ ባነንሁና የባለፈውን እንደመብረቅ ልብ የሚያቀዘቅዝ ጥፊያቸውን ታያልሱኝ በፊት... ወደ ላይም ወደ ታይም ሲሎት ግዜይ እንደው ቢያረጋጋሎት ብዬ ተሽሮ ፍትፍት ጋር ደባልቄ ፍቱን መፍሀኒት ልቀምምሎ አሰብሁና ለክፍ ቀን ቢሆን ብዬ ማድቤት ቋጥሬ ያስቀመጥኋቸውን ፌጦና ሌሎይ ቅመማቅመሞይ ወየት እንዳስቀምጥኊቸው ትለጠፍቡይ ፍለጋ ትንጎዳጎድ ነው ቲያንኳኩ ያልሰማኆት።ትላቸው... "ኧረ ባክሽ እውነትሽን ነው ሽሮ ፍትፍት ልታዘጋጂ ...ያባቴ አምላክ ይፈትፍትሽ እና..." የርሶን አምላህ አውቀዋለሁ ያባቶ ደሞ ማን ይሆን "ያባት እዳ ላልጅ" አለች ያገርቤታ ጎረቤቴ።አልሁ በሆዴ መቸም ሆድ በነገር አይሞላ።ቀጥለዋል እትይ... "አንቺ ምናምንቴሽን ፈትፍተሽ ስትሰጭኝ አምኜ የምቀበልሽና የምበላ ጅል እመስልሻለሁ " እህህህም ማመን ትላቆሙ ነው ለካ ተቅርብ ግዜ ወዲህ ምግቦትን እራሶ ማዘጋጀት የዥመሩ "ሌባ እናት ልዧን አታምንም " አሉ እብዬ ደጉ። "ምን?ምን?........ምናልሽ?" እሺ ይቅርታ ነው ያልሁት እትዬ ሌላ ምን እላለሁ። ሳሎኑ መሀል ቁጭ ብለው አይናቸውን ወደ ጠሎት ቤቱ ግድም በወረወሩ ቁጥር ቀልቤ አብሮ ቲወረወር ሰቀቀኑ ታይገለኝም አይቀር። እንዲህ ድፍንፍን ያለ ጭንቀት የወረሰኝ እለት እምዬ ነች ውል የምትልብይ ... "ሰንዬ የኔ ልዥ ታላንቺ ማን አለይ ያንቺን ክፉ ነገር ቆሜ ተሚያሳየይ ክፉሽን ያርቀው ወይ እኔን ይውሰደይ።" ትል ነበር እምዋ ጠጉሬን አልሰራ ብዬ ታስቸግራት እኔን ትታባብለይ ታንጎራጉርልይ ነበር። እንዬ ዛሬስ እንዣ ተኝህ ክፉ ሰትዬ ማምለጫም የለይ!። ሁሉን ነገር ተደረሱበት መቸም አይኔ እያየ ባውሬ ተምበላ ተያይዘን እናልቃለን እትዬ ። አይ እትዬ እንደው ምን ይሆን እንዲህ ክፉ ያደረጎት ? ነው ሀብት ቲመጣ ክፋትን አስከትሎ ይሆን እንዲያ ተሆነማ ዘንዳ ሁሉም ሀብታም ክፉ በሆነ ነበር።እንደው እኔ ተዚህ ቤት በሰላም ብወጣና ተላይ ተፈቅዶልይ ቢያልፍልይ ክፉ ልሆን ? " ሰላሳ ቢታለብ ፥ እኔ በገሌ" አለች ውርዬ። ተተፈቀደልኝ በላይ ላልበላና ላልኖር ምን ክፉ አስሆነኝ አረ አልሆንም!። የትዬ ስልክ አቃጨለ "ሆሎ እሺ እንዴት ነህ ? የፍርድ ቤት ውሎ እንዴት ነበር እዛ አከባቢ ማየት የማልፈልጋቸው ሰዎች ስላሉ ነው ያልመጣሁት። ዛሬ ለምን ምሳ እየበላን አንጨዋወትም? በርግጥ ምሳ ሰአት አልፏል። እሺ በቃ ቁጥር ሶስት ። ጠብቀኝ እሺ የኔ ጌታ።" እትዬ ተቤት የሚወጡት እሄንኑ መከረኛ ጠበቃ ማግኘት ቲፈልጉ ነው።ገና ስሙን ቲጠሩ ነው ተጭንቄ የገላገለኝን ፈጣርዬን ማመስገን የዥመርሁት ነብስያዬ መለስ አለች። ተጭንቄ ብገላገልም ስልኩን ቲዘጉ "የኔ ጌታ" ማለታቸው ግን አብሽቆያል እኝህ አስመሳይ። እኛን ቤተ መቅደስ እንደገባይ ውሻ እያካለቡና ተቆሌያችን እያራራቁ ተሚሆኖት እና ታምሳያዋት ቲያወጉ ሰው አክባሪ ይመስላሉ። "መሰል መሰሉን ነው ሰው ሁሉ ሚያከብረው! ቡቱቶ ለባሹን ምንስ ተሰው ለየው?! መኖሪያችን እንጂ መግቢያችን አንድ ነው!!! አለች እምዋ!... እትዬ ተጣጥበው እና ተኳኩለው እንደጨረሱ ተላይኛው ክፍሎች ባንዱ ውስጥ ገቡ ።ወድያው አንድ የመሂና ታርጋና መፍቻ ይዘው በመውጣት መሂናቸው ላይ የነበረውን ታርጋ ፈተው ቀየሩት ። ተዛ የቀየሩትን ወደ ቤት አስገብተው የጎንዬሽ ገርመም አርገውይ ነይ የውጭውን በር ክፈች አሉይ ። የከፈትሁበትን ቁልፍ ተቀብለውይ ተውጪ ቆልፈው ቲሄዱ... የባእድ አምልኮ ማድረሻ "አቴቴዋን" ተሙዳይ ውስጥ አውጥታ በመጣል ተፈጣሪዋ ዘንድ እንደታረቀይ የቤት እመቤት የሆነ ጋኔን ተላዬ ላይ የወረደ መሰለይ። ትከሻዬን ቲቀለይ ትለታወቀይ እኝህ ሴትዬ ማ እርኩስ መንፈስ የተጠናወታቸው ናቸው አልሁና...በጥድፊያ ምንም ነገር ተማረጌ በፊት ምን ማረግ እንደሚሻለይ እና ምን ማረግ እንዳለብይ ተቀምጬ በጥሞና ታሰላስል ተቆየሁ ቡሀላ... የመጣው ይምጣ እይ የዛሬውን እድል ተዚህ ሞት ሞት የሚሸት ቀፋፊ ቤት ለማምለጥ ታልተጠቀምሁበት ተበልሁ ቀጥሎ ሞቴን የምጠባበቅ ተንቀሳቃሽ ሙት መሆኔን መቀበል ነው። አልሁና እበልሁ ዘንድ ወርጄ ሀሳቤን ታማክረው ተተቀበለይ ሽቦ ባልተደረገበት እመውጫው በር ስር ተቤት ውስጥ ያሉትን ወንበሮች ፣ ኩርሲና፣ ደንበርካዎይ የተመቸንን ደርድረን በሩ ላይ በመውጣትና ቁልቁል በመዝለል ብንፈረከስም ብንከሰከስም የተረፈውን አካላችንን ይዘን ማምለጥ ።በቃ ተይህ በላይ ጥሩ አጋጣሚ ፈጣሪስ ተየት ያምጣልን ።አልሁና በተለመደው መንገድ በጠሎት ቤቱ ቁልቁል ትወርድ ... በልሁ ቅድም ያጠጣሁት ውሃ ነብስ ዘራበት መሰል እዛው እታሰረበት ቦታ እጅና እግሩ እንደተወጠረ ሽቅብ ጣራ ጣራውን እያየ ቲያወራ ተመለከትኩ ። ድምጡ ግን አልተሰማይም ። ወንድሜን እየጠለየ ነው መሰል አልሁና ጠጋ ብዬ በልሁ ትለው... እንባው ተአይኑ ላይ እየረገፈ በመርፌው ምህንያት የጀመረው ለሀጩ እየተዝረበረበ እንዲ አለይ"አንቺ ነሽ እናት አለም ተላይ በሩ ቲከፈት እንደሰማሁ እኛ እርኩስ ሴትዬ መስለውይ ፈጣሪዬን በኔ ታይበቃ ልኔ ስትል ደግ በሰራች ስለምን እህቴን ታውሬዋቹ እጅ ታልህብይ እያልሁ ወቀሳ ይሉት ልመና ለኔም ታይገባኝ ትለፈልፍ ነበር። እሄን ሰሀን ተሄድሽ ቡሀላ ታየው አንስቼ አልደብቀው ነገር እጅና እግሬ ተጠርንፎ አላላውስ ቢለይ ሽቅብ ማልቀስ ጀመርሁያ ምን ላርግ አምጥተሽ የዘነጋሽው አንቺም አይደለሽ የኔ አለም!" ተተወለድኩ ተሰምቶይ ያላየሁት ሶስት አይንት ስሜት ተሰማይ... የሚያስብልይ ሰው መኖሩ ፣የመበደል እና የስቃይ ስሜት ባንድ ግዜ ውስጤን ተታች ወደለይ ቲገለባብጠው ምን እንደገፋይ እንጃ ተፈናጥሬ እበልሁ አንገት ላይ ተጠመጠምሁበትና አዋ ወንድሜ እኔው ነይ ብትበላልይ ብዬ አምጥቼው ቲያጣድፉኝ እዚሁ ዘንግቼው የሄድሁት እኔም ታሁን ታሁን ገብተው አዩት እያልሁ ትጨነቅ ነው የዋልሁት እትዬ ግን ወዲህ ታይመጡ እጠበቃው ዘንድ ሄደዋል። ይልቅ አሁን እንድ ነገር ልጠይቅህ በጄ በለኝ የኔ አንበሳ ትለው "ምንድን ነው? ሰንዬ!" አለይ ። ተያይዘን ተዚህ ቤት እንጥፋ አልሁት "አይ ሰንዬ! እነዚህን ሰዎይ ጠንቅቀሽ ያወቅሻቸው አይመስለይም!" እስቲ አይኖችሽን ተኔ ላይ ንቀይና ያለንበትን ክፍል ዙርያ ገባውን በወጉ ተመልከችው " አለይ። ታንተ ጀርባ እኮ ጨለማ ነው በልሁ ምኑን ልየው? ትለው እክፍሉ ውስጥ ያለውን ማብሪያ ማጥፊያ በአይኑ ጠቆመይ።አበራሁት። እቤቱን ተጥግ እስተ ጥግ ተመለከትሁና አፌን ይዤ ቀረሁ።እይህ ቤት ውስጥ ትንሽ ቢያስቀምጡይ ማንም ታይነካይ በፍርሃት እንደምሞት ታወቀይ። ቤልሁ ቤቱ በትልቭዥን ያየሁትን ከብቶቹ የሚታረዱበትን ቄራ ይመስላል ልበል ትለው "ልክ ነሽ የኔ አለም ግን ይሄ የከብት ታይሆን ሰዋች የሚሰውበት የሰዋች ቄራ ነው!..... ይ 🀄️ላ🀄️ሉ ❤️የ ሀ ይ ል❤️ ፍ ቅ ር 💕............🍃🌹🍃...........💕

​​🔥 ከቤቱ ስር ያለው ድብቅ መቃብር ቤት 📖 🌹 ክፍል 8⃣ ✍ ደራሲ : ጥላሁን ተስፋዬ . . . እኔም አሁን አንድ ነገር ታፌ ቢወጣ እትዬ ተነስተው ተነጨርቄ ተመዋጥ አይመለሱም ። "ተእብድ አጠገብ ፥ ድንጋይ አይወረወርም" አለች ያቺ ያገር ቤቷ ሚስኪን ጎረቤቴ። እዚህ እማ ምን ኮረቤት አለ። ሰው ሁሉ ደም የተቃባ ይመስል ተሸሽጎ ነው የሚኖረው። ተቸገርኩ ቢባል ለጋሽ፣ ኡኡ ቢሉ ደራሽ፣ ሞቱ ቢባል አልቃሽ የለለበት መንደር ያመጣኝ እድሌ ነው ። ይለፍልፉ እትዬ እኔ እንደሁ በውስጤ ልቃጠል እንጂ ቃል አይወጣኝ። እኔ የውስጤን ፍም ለማብረድ በውስጤ ትልጎመጎም እትዬ ድምጣቸውን እየጨመሩ አዲስ ርእስ ጀመሩ። ቲጀምሩ ሳቃቸውን ተጠራ በላይ ለቀቁትና ..."አይ የኔ ባል..የኔ ባል እኮ ጀግና ነበር እሄን ታውቂያለሽ?" ዝም ብዬ ታቁለጨልጭ "አታውቂም? ታውቂያለሽ?!" አሉና አፈጠጥቡኝ። ጭንቅላቴን ግራና ቀኝ በማወዛወዝ አላውቅም አልኻቸው። "እሺ ኢትዬጲያ ውስጥ ስንት ቡድን እንዳለ ታውቂያለሽ? ቡድን ስልሽ የግር ካስ ቡድን እንዳይመስልሽ ክክክ።" አላውቅም። " ድሮስ ምን ታውቂያለሽ አንቺ ሙትቻ ድሮም በቁምሽ ሞተሻል እኮ ወስዶ ሬሳሽን እሚያቃጥል ጠፍቶ እንጂ ክክክ...።" ሴትዮዋ እንዴት እንዴት ነው የሚያደርጋቸው ጃል..የገሀነም እሳት ይብላቸው እቴ ደሜን አፈሉትኮ! ቆይ ብቻ በልሁን አንዴ ላግኘው እንጂ ተዛ ሻንቆ ተሚሉት ሾተላይ ማምለጫ አናጣም በያቸው ታለኝ በተኙበት አንገታቸውን ታልበጠስኩት እኔ ሰናይት የናቷ ልጅ አይደለሁማ!። እንደ ዶሮ እያስካኩ ወሬውን ቀጠሉ... "በሂወት ውስጥ ብዙ አርቴፊሻል ቡድኖች አሉ የኔ ባልና አጋሮቹ ለራሳቸው እንዲመቻቸው ከፋፍለው የቦደኗቸው ታድያ የኔ ባል ትልቁ የስራ ድርሻው ተሱ ቡድን ውጪ ያሉትን አንዳንድ ነፈዝ ተጫዋቾች ከቡድንቸው ሳይለቁ እዛው እንዳሉ በብር ይገዛቸውና እራሳቸው ቡድን ላይ ጎል እንዲያገቡ ያደርጋቸዋል ክክክ..አሁንም ማግባታቸውን አላቆሙም ክክክክ.. ወይ የኔ ባል አንበሳ እኮ ነህ ስንቱ ገልቱ ላይ ተጫወትክበት ክክክክክክ!" ወይ እኝህ ሴትዬ ዛሬ እንጥላቸውም ታይበጠስ አይቀር በድምጥ ማጉያ ጆሮዬ ላይ የሳቁ እስቲመስለኝ ድረስ አደነቆሩኝ እኮ። "አንቱ ትተረጉሙ ፥ አንቱ ትደረግሙ" ያለው ማን ነበር እቴ ምን እንደሚያወሩ ተመነሻውም ታይገባኝ የሚያወሩ እሳቸው የሚስቁ እሳቸው። ጠርሙሱን ብድግ አድርገው ቀድና በረዶውን ቀይሪው አሉኝ። ለሊቱን ሙሉ በልሁን ቲያሰቃዩ እንቅልፍ ያጡት እትዬ በሮዶውን ይዤ ትመለስ እዛው እሶፋው ላይ ማንኮራፋት ጀምረዋል። በልሁ ጋር ለመግባት ታስብ የጠፋው ፍርሄቴ ተመቅፅበት መላ እካላቴን ወረረኝ ። ማድ ቤት ገባሁና ለበልሁ ተቁርስ የቀረውን ምግብ እጎድጓዳ ሰሀን ውስጥ ከትቼ ያዝኩለትና ወደ ጠሎት ቤት ገባሁ ፈራሁ ወደ እትዬ ታማትር ተወገብ በታች እንጂ ተወገብ በላይ አይታዩም ታልተነሱ በቀር እተኙበት ሆነው አይናቸውን ቢገልጡም ጠሎት ቤቱ አይታያቸውም። ምንጣፉን ገልጬ የወለሉን በር በጥንቃ ከፍቼ ቁልቁል እየወረድሁ በልሁን ተማየቴ በፍት እንቅፉን የተኛውን ዘንዶ ታይ ብርክ ያዘኝ እግሬን ማዘዝ ተሳነኝ።ጥርሴን ነክሼ በልሁጋ ትደርስ የበልሁ ሁኔታ ፍርሀቴን ሁሉ አጥፍቶ ያንሰቀስቀኝ ገባ።እግርና እጁ ተወጥሮ የተደፋውን አንገቱን ቀና አድርጌ ፊቱን በቀሚሴ እየጠራረኩ ...በልሁ አንተ በልሁ እባክህ ሰናይት ነኝ አናግረኝ የኔ ጌታ ....በልሁ ምንም ድምጥ አላወጣ ብሎ ተስፋ ቆርጬ ቆሜ ታለቅስ "ውሃ አምጭልኝ ሰንዬ ውሃ....ውሃ" ቲለኝ ሽቅብ በመሮጥ ማድ ቤት ገብቼ ተፍሪጅ ውስጥ የታሸገ ሁለት ሊትር ውሃ ይዤ ትወጣ..ሳሎን መሀል ላይ ተገትረው ሁለት እጃቸውን አፋቸው ላይ እንደጫኑ አይናቸውን ቲያጉረጠርጡብኝ እቆምኩበት ሰማይና ምድሩ ድብልቅልቅ አለብኝ....የሞት ሞቴን ይቅር ይበሉይ እትዬ ታለወትሮዬ ዛሬ የታሸገ ውሃ አምሮት ውል ቲልብይ ግዜ ነው ትለተኙ ታላስፈቅዶት የወሰድሁት አልሁና በድንጋጤ ምን እንደምሰራም ታይታወቀይ ውሃውንም አፌንም ከፈትሁና አንቆረቆርኩት። ታሁን ታሁን እትዬ ዘለው አናቴ ላይ የሚከመሩብይ ትለመሰለይ አይኔን ታልነቅል ትመለከታቸው ..ቃል ታፋቸው ታይወጣ ፍታቸው ሞላውን እየተቀያየረ ይብስ ብሎ ደሞ ተግንባራቸው ላይ ላብ ችፍ ችፍ ማለቱን ትላየሁ ግራ ተጋባሁ። "ዋ! ሴትዬማ በጤናቸውም አይመስለኝ ብዬ አሰብሁና...እትዬ ምን ሆነዋል? እያልሁ ጠጋ ትል ..ለካ ነገሩ ወዲህ ነው ። ምንድን ነው አትሉይም? ጥዋት ቁርስ በወጉም ታይበሉ እንዲያ እየለፈለፉ በላይ በላይ የላፉት ውስኪ በፍጥነት እንደገባው ሁሉ ሆድ እቃቸውን ደበላልቆት እንዳገባቤ ታልወጣሁ ብሎ ቲተናነቃቸው ኖሯል ውሃውን ልወስድ ወደ ማድቤት ትገባ ተይተው ያየኋቸው እትዬ ትመለስ ሳሎኑ መሀል እንደንጨት ተገትረው ቲያጉረጠርጡ ያየኋቸው። መናገር ተስኗቸው ገንፍሎ እንዳይወጣ በሁለት እጃቸው ግጥም አርገው ተያዙት አፋቸው ላይ አንድ እጃቸውን ላንድ አፍታ ለቀቅ አረጉና ወደ ላይ ሊላቸው እንደሆነ በምልክት ነግረውኝ መልሰው በፍጥነት አፋቸውን ቲይዙ... በውስጤ ታስር ግዜ በላይ.. ተመስገን ፈጣሪዬ፣ ተባረክ የድሀ አምላክ፣ተመሰገን የጭንቅ አምላክ ....እያልሁ ሮጬ ማስታጠቢያ አመጣሁና አፋቸው ስር ደቀንሁት። ተወገብ በላይ እየተናጡ ጣጣቸውን እንደጨረሱ የጠጡት ውስኪ አተት ነው ኮተት እንደሚሉት በሽታ ተላይም ተታችም ነው መሰል ያጣደፋቸው። ሆዳቸውን ደግፈው እንዳቀረቀሩ ሽንት ቤት ሽንት ቤት አድርሽኝ አሉና ደገፍ አሉብኝ ። ወይ ፈጣሪ ላንተ ምን ይሳንሃል ተሰላሳ ደቂቃ በፊት ልክ ልኬን አረ ተልኬም በላይ ቲነግሩይ ቲሰድቡይ የነበሩ ሴትዬ እንዲህ ልካቸውን ትላሳየኽልይ ተመስገን ። ለጦሎት ቤቱ ጀርባችንን እንደሰጠን ወደ ሽንት ቤት አስገባኻቸው ተመጣደፋቸው የተነሳ በሩን ተውስጥ ታይዘጉ ትለተቀመጡ ... እትዬ ቲጨርሱ ይጥሩይ አይዞት ።አልሁና በሩን ተውጪ ዘጋሁባቸው። ወንድሜ በልሁ ውሃ ውሃ እያለ ታላጠጣው ተምቀር ሞቴን አልሁና የተረፈችኝን ውሃ ይዤ ወደ በልሁ በረርሁ ።ቁልቁል ትወርድ የትዬ ጌታ እያ ዘንዶ እንቅልፋቸውን ጨርሰው ይገላበጣሉ። በልሁ አጠገብ እንደደረስሁ ሰርቄ ዘንዶውን እየተመለከትሁ ከፉሉን ውሃ እበልሁ አፍ ውስጥ ከፊሉን ደሞ ታፉ ውጪ እየደፋሁ አጠጣሁት። ጉድ ሆየልህ ነበር በልሁ እትዬ ተተኙበት ተነሱ ትለው ቅድም እንዲያ አጠገቡ ቆሜ ትወተውተው ታለቅስ አይኑን እንደጨፈነ ዝም ያለው በልሁ አሁን እትዬ ተነሱብይ ትለው አይኑን ገልጦ ውይ እህቴን የሚል በሚመስል ሀዘን በተሞላበት እይታ ቲመለከተይ እንባዬ እርግፍ አለ።በዚህ መሀል በሩ በሀይል እየተመታ ሰናይት የሚል ድምጥ ከላይ ትለተሰማይ ሽቅብ ሮጥሁና የጠሎት ቤቱን የወለል በር ዘግቼ ምንጣፉን እንደነበረው አስታስተካክል እትዬ ቢጣሩም እንዳልሰማሁ ሆንሁ። እንደጨረስሁ ወደ ሽንት ቤት በመሄድ አቤት እትዬ ጠሩይ እንዴ አልሁና በሩን ትከፍት ...እትዬ ባንድ ግዜ ወደ ነባሩ ማንነታቸው ወደ አውሬነታቸው ተቀይረው ተውጪ ዘግተሽብይ ለምን ጠፋሽ ብለው ለጉድ ቲወርዱብይ.. እኔ ግን በልሁ ተበላልይ ብዬ በሰሀን አጥቅሼ የወሰድኩትን ምግብ እዛው በልሁ ጋር ረስቼው መምጣቴን ትላስታወስኩ ተጉድ አውጥቶ ፈጣሪ የሰጠይን እድል ታልጠቀም የኔንም የሱንም ሞት ያፈጠንሁት መስሎ ተሰማይ እሳቸው ቲሳደቡ አካሌ ተፊታቸው ቢቆምም እኔ ግን አልነበርሁም.... ቶሎ እንድንቀጥል 👍 ያድርጉ @yefker_Hayl የፍቅር ሀይል ❤️...........

​​‼️ሰሞኑን በተፈጠረብኝ ችግር ምክንያት ታሪኩ ስለተቋረጠ ይቅርታ ጠይቃለሁ::🙏 🔥 ከቤቱ ስር ያለው ድብቅ መቃብር ቤት 📖 🌹 ክፍል 7⃣ ✍ ደራሲ ጥላሁን ተስፋዬ . . . ደምስሮቼ ሁሉ ስራቸውን አቁመው ማን እንደነካኝ ለማየት አንገቴን ወደ ጀርባዬ ማዞር ተሳነኝ ።የሞትኩ ያህል ትንፋሽና ድምጤን አጥፍቼ በፍርሀት ተውጬ ትጠባበቅ ተውሃላ የነካኝ ነገር እዛው እነካኝ ቦታ እንደተጫነኝ አልንቀሳቀስ ቲል የሞት ሜቴን ዘወር ብዬ ታይ። ተደነገጥኩት ባልተናነሰ ባስደነገጠኝ ነገር በሸቅሁ። " ፍርሀት እና ጭንቀት ቀልቡን የነሳው ሰው ደንብሮ ይሮጣል ጥላው ቲከተለው ።" አለች እምዬ። እንዲህ ነብስ እና ስጋዬ እስቲላቀቅ ያስደነገጠኝ ለካ ቁልቁል እያየሁ እትዬ ታሁን ታሁን በልሁ ላይ ተኮሱ አልተኮሱ ገደሉት አልገደሉት እያልሁ ጭንቅ ይዞኝ ትፈራገጥ በሩን ወድሮ የያዘውን ታኮ በግሬ መትቼ አሽቀንጥሬው ኖሯል በሩ ሊዘጋ ቲጣደፍ መሀል ላይ መቀመጫዬ እንቅፋት ሆንበት እዛው ተደግፎኝ የቀረው። ድንጋጤዬ ታይለቀኝ የትዬ ስልክ አንቃጨለ "ሁለት ደቂቃ ጠብቀኝ እደውላለሁ " አሉና እበልሁ አፍ ውስጥ ድምጥ ማፈኛ ብረቱን አስገብተው ወደ ላይ ለመውጣት ቲሰናዱ ተነስቼ ወደ መደበቂያዬ ወደ ላይኛው ክፍል በረርሁ። ቁልቁል ትመለከት እትዬ ወጡና የጠሎት ቤቷን ጉድ ምንም እንዳልተፈጠረ እንደነበረች ሸፋፍነው እንዳበቁ ስልክ እየመቱ ወጡ። የደወሉለት አነሳው መሰል ሃሎ " እያሉ የኔን ማደሪያ ገልመጥ አርገው ወደ ሳሎኑ መሀል እየተጠጉ "ሻንቆ ተሳክቷል ታልከኝ ወዲህ መቸስ ችግር ተፈጥሯል አትለኝም" አሉና አይናቸውን አፍጠው ቲያደምጡ ተቆዩ ቡሀላ ምን እንዳለቸው እንጃ ፊታቸው በደስታ እንደ ጠሀይ ሲያበራ አየሁ። ትገምት ግን ጥዋት ባልቸው ላይ የሚመሰክሩ ሰዋችን ሻንቆ እስተ ማታ አንቆ አንደሚያመጣላቸው ቲያወሩ ነበር ታይሳካላቸው አልቀረም ። ተዛ " ምን ላርግህ የኔ አንበሳ ክክክክክ በል ጉራው ይቆይህና አሁን የምነግርህን በጥንቃቄ ተግብር።"አሉና "ሰዎቹን ለመያዝ የተጠቀምክበትን የፓሊስ ልብስና መታወቂያ አቃጥለው፣ አሀኑኑ ነብሮ እና ተኩላ መኪና ይዘው ወደ ሚጠባበቁህ መጋዘን ውሰዳቸውና ሴቷን ለነብሮ ወንዱን ለተኩላው ስጣቸው፣ ለነብሮና ለተኩላው መስካሪ ተብዬዋቹ ከአዲስ አበባ ውጪ የወሰድናቸው እንዲመስላቸው እጅና እግራቸውን በገመድ እንዲሁም አፍና አይናቸውን በጥቁር ጨርቅ ካሰሩ ቡሀላ እመኪናው ውስጥ በጥንቃቄ በመደበቅ በተለያየ አቅጣጫ ቢያንስ እስከ 150 ኪሎ ሜትር ወስደው በማሳደር የሄዱበት አቅጣጫ እስኪዞርባቸው ድረስ አዙረው የት እንደሆኑ እንዳያውቁ ነገ ከለሊቱ ስድስት ሰአት ያዲስ አበባ ታክሲ ወያሎች እስቴድየም፣ ሜክስኮ፣ ፕያሳ ፣ አራት ኪሎ እያሉ የሚያሰሙት ጥሪ ፀጥ ረጭ እንዳለ ይዘዋቸው እኔ ጋር እንዲመጡ ጥብቅ ትዛዝ አስተላልፍ ጨርሻለሁ" አሉና ስልኩን ዘግተው የኔን ማደሪያ ክፍል ከፍተው ወደ ምኝታ ክፍላቸው ገብተው ተኙ። ቆየት አልሁና ድምጥ ታላሰማ ወደ ክፍሌ ገብቼ ተጋደምሁ እንደው እናንተዬ መስካሪዋቹንስ ባላቸውን ለማዳን ያጥቋቸው የኔና የበልሁ ነው እይ ትርጉም የለለው ሞት ። ሁሉን ነግር ታስበው ጨነቀኝ ። የብር ደሀ ብንሆን የሰው ደሃ አልሆንን የትና ማንጋ እንደተቀጠርን አንድም ሰው ታያቅ በማናውቀው ደላላ እንደ በግ እየተጎተትን ታውሬዋቹ ቤት ገባን ዛሬ ማን? የት ? ብሎ ይታደገናል ፈጣሪዬ እባክህ ተተደገሰልን ሞት በማውጫህ አውጣን ላንተ የሚሳንህ የለ! ዛሬ ቀን ቲጥለኝ የረሳኝ መስሏቸው የዛሬን እያዩ እንዲህ መክፋታቸው ቀን ያስታወሰኝ ለት ፥ የት ይሆን መግቢያቸው!" አለች የኔ ደጓ ናት እምዬ ሆዷን ሆድ ቲብሰው ... ብጋደምም እንቅልፍ ተየት ይመጣል ። ፈጣሪዬ እባክህ ክፉውን እርቅለት ። እንደው በልሁ ምንም ታይሆን በፊት አንዴ ባወራሁት እና ምን እንደሚለኝ በሰማሁ። እሄን አርጊ ታለኝ ምንም ይሁን ምን ተማረግ አልመለስም !። ተዳንም ባንድ ላይ! ተሞትንም ባንድ ላይ! እዚህ ቤት ውስጥ ምን አለው ታለኔ እኔስ ብሆን ...የሀሳብ ተካፋዬ ፣ ቲከፋኝ ማልቀሻዬ፣ ትሳሳት መካሪዬ፣ ታላንተ ማን አለኝ ። እንዴት ልሁንልህ ?የኔ ድሃ። በምን አቅሜ ተዚህ ጉድ ላውጣህ መላው ጠፋኝ እኮ በልሁ እህህህህህ!። እኔ ባዳይቱ እንዲህ የሆንኩኝ አምጣ የወለደችህ እናትህ ብታይህ ምን ይውጣት ይሆን? አይ እትዬ ነብሶት አይማር ቀጣዩ እቅዶ ምን ይሆን? ሜዳውን ሲያጠቡት ፥ ገዘፈ ተራራው ማን ይሆን ተረኛው ፥ ለሞት የሚጠራው። አለች እምዬ። ምንም ታላረግልህ ቀጣይ ተረኛይቱ እኔው መሆኔ ነው ምን ይሻለኛል....ሆድ ብሶኝ ትንሰቀሰቅ በዛው እንቅልፍ እንደ ጣለኝ ያወቅሁት እትዬ በሬን በሀይል አንኲኩተው ቲቀሰቅሱኝ ነበር። ተረፋዱ ሶስት ሰአት ሆኗል ።ወይ ዘሬስ ገደሉኝ እያልሁ ተክፍሌ ትወጣ ስልክ ላይ ተጥደዋል። "ሁሉን ነገር በቅዳችን መሰረት ስላከናወንከው ደስ ብሎኛል የኔ ባርያ" አሉና ስልኩን ዘጉት ያንን አረመኔ ሻንቆን ነው መሰል። ተዛ ቀጠል አርገው ወደ ላይ እያዩ "ፈጣሪ ይመስገን እየተሳካ ነው" አሉ ።የትኛውን ፈጣሪያቸውን እንደሚያመሰግኑ ተምታታብኝ።ቁርስ ከበሉ ቡሀላ በደስታ እየተፍነከነኩ ተነስተው ሙሉ ጠርሙስ ውስኪ አወረዱና በረዶ እንዳመጣላቸው አዘዙኝ ። ምነው እኝህ ሴትዬ እሄን ውስኪ ልፈው ልፈው ክምብል ባሉልኝና በልሁ ጋር በገባሁ። ሞቅ አላቸው መሰል ሳቅ ሳቅ ይላቸው ጀመር። ደሞ መልሰው እኔን ገልመጥ ያረጉኛል ዛሬ እኝህ ሴትዬ ነገር ተፈለጉኝ እፊታቸው ባለው ጠርሙስ አናታቸውን ብዬ ነው እምገላግላቸው እያልሁ ታስብ... ድንገት "ነይ እዚህ እፊቴ ቁሚ" አሉኝ ቆምኩ። ቀጠሉ "ስሚ አንቺ ማወቅ የለለብሽን የዚህ ቤት ሚስጥሮች ተዛ ተብጣሻም ደሀ በልሁ አልያም በራስሽ መንገድ እንዳወቅሽ ልቤ ጠርጥራል።እሄ ማለት ምን ማለት እንደሆነ ታውቂያለሽ ? የቤተሰቡ የደህንነት መረብ ውስጥ ገብተሻል ማለት ነው ።ባጭሩ ለቤተሰቡ ደህንነት ሲባል እኔ በህይወት እያለሁ መቼም ቢሆን ስራሽን መልቀቅ አትችይም ።አይደለም መውጣት የመውጣት ሀሳብ ብታነሺ የመውጫውን መሰላል በሀይል አስረዝምልሽና ወደ ላይኛው ቤት ወደ ገነት ወይ ወደ ሲኦል ዘመዶችሽ በብዛት ያሉበትን መርጬ ያለ ምንም ክፍያ አደርስሻለሁ ክክክክክክክክክክክ....!" እንዲህ ነሽ እና ሰናይት አልበዛን እንዴ አሁንስ በዛ ደሞ የምድሩም አልበቃ አላችሁና የሰማዩንም መወሰን አማራችሁ። የምድሩን ሂወት ለበጃችሁ ገነት ላልበጃችሁ ሲኦል ትታረጉብን የከረማችሁት ይበቃችኻል ።እንዴ እምድርስ ብር ትላላችሁ ተሰው በላይ ሆናችሁ በደሀ ስቃይ ትትደሰቱ ኖራችሁ እትዬ እላይማ ሌጣችንን ነው እምንሄድ ማን ከማን እሚበልጥ መሰሎት ሁሉም እኩል ነው ..ገዥውም አንድ ነው እንደ ምድሩ ሰማንያ ቦታ ገዢ ሰማንያ ቦታ ፈራጅ የለም።እንደምድሩ የሰው ፈላጭ ቆራጭ የለም እፍ ግልግል። እኛስ የምድሩ ይበቃናል ሁለቴ ሲኦል አንገባም ይልቅስ ለራሳችሁ ቀኑ ታይረፍድ ብታስቡበትና ተጋኔን ስራችሁ ብትቆጠቡ ይበጃቹኻል ።አልኳቸው በሆዴ። እምናገርበትማ ምን አፍ አለኝ ። ዛሬ አልናገርም ምን እናገራለሁ? የተናገሩትም እንዳለቁ አውቃለሁ። አልች እምዋ... @yefker_Hayl @Yefker_Hayl

​​🔥ከቤቱ ስር ያለው ድብቅ መቃብር ቤት📖 🌹 ክፍል 6⃣ ✍ ደራሲ ፨ጥላሁን ተስፋዬ፨ . . ቁልቁል እንዳልፈጠፈጥ ፈራሁ ቀና ብዬ እራሴን ለማረጋጋት ሞከርሁ። ጥጉን ይዤ እምዬ እሄን ጉዴን አላየሽ እስተዛሬ ታውሬ ጋር አብሬ ነው የኖርኩት አልሁ ለራሴ ። ትንሽ ተቀመጥሁና ትንፋሽ ወስጄ መልሼ በሆዴ ተኝቼ ቁልቁል ትመለከት የበልሁ ሁኔታ አንጀቴን አላወሰው ። እትዬ የ ባእድ የአምልኮ ጠሎታቸውን ጨርሰው ተነሱ። በበልሁ ዙርያ እንደ ጦስ ዶሮ እየተሽከረከሩ ...."ስማ አንተ ድሀ " አሉና ታቀረቀረበት በያዙት ሽጉጥ ተአገጩ ወደ ላይ ቀና አደረጉት። ወይ ወንድሜን አፉ ውስጥ እንደ ጋሪ ፈረስ ብረት ዱለውበታል በንዴት የወንድነት ወኔ እና እልሁ ፊቱ ላይ እየተንቀለቀለ ቲነድ አየሁት። "እኔ ቤት ከገቡ ሰዋች ለብዙ አመት በሂወት የኖርከው አንተ ብቻ ነህ ።ይህ የሆነው ደሞ በጠባይህ እንጂ የዚህን ቤት ብዙ ሚስጥር እንደምታውቅ ስለምናውቅ የኔም የሻንቆም አይን አንተን ከመከታተል ባዝኖ አያውቅም ሰማህ?" አንተን ለዚህ ዘንዶ እንዳልገብርህ እንዳንተ አይነቱን ነጫጭባ አይፈለግም መሰለኝ አላዘዘኝም። ትናንት ከሰናይት ጋር ቀኑን ሙሉ ምን ነበር የምታወሩት እኔን ያናደደኝ ፖሊሶቹ ቤት ይፈትሻሉ እናንተ ቤቱን ጥላችሁላቸው የራሳችሁን ወሬ ታወራላችሁ። ይታይሀል እሄ ከፉትህ እምታየው ዘንዶ እስካለልኝ ድረስ ምንም እንደማልሆን እወቅ ። ስለዚህ ዘንዶ እምታውቀው ነገር አለ ? እ..ምን ታውቃለህ?" አሉና እንዲናገር አፉ ላይ ያለውን ብረት ቲያነሱለት... የመናገር እድል የተሰጠው በልሁ እንዲ ብሎቸው እርፍ.... "ቀን የጣለው አንበጣ ፥ ይሆናል ፌንጣ" አለ ያ.....ገር...ሰው" እርሶም ነገ ቀን ጥሎት ፌንጣ ቲሆኑ በዛ ሽመል ክርኖን ብዬ ታልጣልሆት እኔ በልሁ አይደለሁማ! እትዬ በበልሁ ንግግር ተናደው ሽጉጡን አውጥተው አናቱ ላይ እንደመብረቅ ቲያጮሁበት በድንጋጤ ተኝቼ ቁልቁል ተማይበት ተፈናጥሬ ተግድግዳው ጋር ተላተምሁ። አይ በልሁ እስቲ በይህ ግዜ እንዲህ ይባላል ይተረታል ነው ወይስእትዬን አበሳጭተህ ተመሰቃየት ቶሎ ለመሞት መርጠሀል ማለት ነው የኔ ጀግና! እባክህ ክፍ አትናገራቸው እኔ እህትህ ተዚ ጉድ አወጣሀለሁ ተስፋ አትቁረጥ ወንድሜ ተስፋ አትቁረጥ! እስቲበቃኝ አልቅሼ ቁልቁል ትመለከት በልሁ እና እትዬ ተፋጠዋል ። እትዬ ምራቃቸውን እፊቱ ላይ ለደፉበትና " ስማ አንተ ብጣሻም ደሃ እኔን ስታየኝ ቀን የሚጥለኝ እመስላለሁ? እድሜ ለጌታዬ አሉና ወደ ዘንዶው ዞረው በመንበርከክ.. ፋብሪካዬ ስራውን እንዳያቆም የመረጠውን ሰው እገብርለታለሁ ፣የተመረተው ምርት ገበያ ላይ ፈላጊ እንዳያጣ ...እሄን በይ ፣እሄን ግደይ፣ እሄን ፍለጭ፣ እሄን ቁረጭ የሚለኝን ሁሉ አጉድየበት አላውቅም ፣ እሄው እንደምታየኝ በጌታዬ ፍቃድ ተዝቆ የማያልቅ ሀብት አፍርቻለሁ" አሉና ተዘንዶው ላይ ፊታቸውን መልሰው ወደ በልሁ ቲመለከቱ... በልሁ ቁልቁል እያያቸው ... "የማይበሉት እህል ታፈር ይቆጠራል" አይበሏትም እትዬ እችን በደሀ ደምና በሰይጣናዊ መንገድ ያከማቿትን ሀብት አይበሏትም ታፈር ቢቆጥሩት ይሻሎታል እንዳፈር ይቁጠሩት ።" ቲላቸው መሞት እንደፈለገ ትለገባኝ ውስጤ ክፉኛ ሀዘን ገባው... እትዬ በንዴት ተተንበረከኩበት ተነስተው ያንን ስሪንጅ ክንዱ ላይ ቲሽጡት በልሁ በሀይል ጮኸ!! ይሄኔ ቲጮህ እተከፈተው እበልሁ አፍ ውስጥ የያዙትን ሽጉጥ እስተ ወገቡ ዶሉት... "በቀላሉ እማ ገድዬ አልቀብርህም በቁምህ አስቃይቼ እሄን እልህክን አበርድልሀለሁ።"አሉና ሽጉጡን ታፉ ውስጥ ቲያወጡት መርፌ ወግተው ወደ ሰውነቱ ያንቆረቆሩት ፈሳሽ ምን እንደሆን እንጃ ታፉ ውስጥ የሚዝለገለግ ነጭ ፈሳሽ እየወጣ እንደቅድሙ ለመጮህ ተሳነው መሰል በለሆሳስ እያቃሰተ " ግደይኝ አንቺ አረመኔ ሴትዬ እነዛን ታስር በላይ የሆኑ ሚስኪን ደሀ ሰራተኛችን አይናቸው እያየ ያውሬ ሲሳይ እንዳደረግሻቸው ከፊሉን ደሞ ገለሽ በዚህ የሀጥያት አውድማ በሆነ ቤትሽ ቀብረሽ ድንጋይ እንደጫንሽባቸው እኔንም ግደይኝ ለምን ግዜ ታጠፊያለሽ ግደይኝና ሄደሽ ተኝ መቸስ የሰላም እንቅልፍ አትተኚ እንዳንቺ አይነት ሰው የሰላም እንቅልፍ ተተኛማ ፈጣሪም እንደሰው የሀብታም እና የግፈኛች እንጂ የድሆች አምላክ አይደለማ! ህጅና ተኝተሽ ተህሊናሽ ጋር ትግል ግጠሚ።" ቲላቸው ...."ክክክክክክክ ስለሰራተኛቹም ታቃለህ ለካ አየህ መርፌው ስራውን ጀመረ ማለት ነው ገና የምታውቀውን ሁሉ እየጎለጎለ ያስለፈልፍልኛል ። ስማ እነሱ እኮ ስለተመረጡ ነው የተበሉት እንዳንተ አይነቱን ቆዳው በብርድና በችጋር የዛገ ዘበኛን ግን እንኳን የኔ ዘንዶ ሶስት ቀን ሙሉ ምግብ ያጣ የራበው ጅብ እንኳን ቢያገኘው አይበላውም ። እሄውልህ "አሉና በሽጉጡ ሰደፍ አናቱን ቁልቁል ዶቁሰው " ሰውን ያለ አንድ ጥቅም ገድዬ አላውቅም ገድዬ ከቀበርኩህ እማ ጠቀምኩህ እንጂ መች ተጎዳህ ገድዬ ልቅበርህ እህህህህህም ሲያምርህ ይቀራል ...ስንት አመት የዘበኛ ደሞዝ እየተባለ ላንተ የወጣሁትን ብር በምን እንደማወራርድ ማወቅ ትፈልጋለህ? ሻንቆ እስኪመጣ ጠብቅ ነብስህ ሳይወጣ ሆድ እቃህን ዘርግፎ ኩላሊትህን ያወጣልኛል ሌላም ዋጋ የሚያወጣ ያልተጎዳ መቀያየሪያ ውስጥህ ከተገኘ እሱንም ጨምሮ ይበልትህና በቆዳ እና ዋጋ በማያወጣው በድን አካልህ ያስቀርልኛል ። ያኔ ካንድም ሁለት ግዜ እንደገደልኩህ ሳቅ ደስ እያለኝ በኩላሊት ህመም ለሚሰቃዩ ባለ ዶላር ዲታዋች እሸጥና ካወጣሁብህ በላይ ገቢ አገኝብሀለሁ ክክክክክ። እሱንማ ተጀመሩ ቆዩኮ ጠያቂ የለላቸውን ሰዋች ተሆስፒታል ምንም የማያውቁ ህፃናትን ተየመንገዱ እየለቀሙ የኩላሊት ንግድ መጀመሮን የማላውቅ መሰሎት ይልቅ አይልፉ ሰትዬ እኔ እንደሁ ሁለቱም ኩላሊቴ ጤነኛም አይደል ይልቅ ተፌቴ ቆመው ተመለፍለፍ በያዙት ሽጉጥ ይግደሉኝ ለኔም የርሶን ፊት ተማየት መሞቱ ይሻለኛል " ቲላቸው " ምን እንደሚያዝናናኝ ታውቃለህ ሰዋች የሚፈሩትን ሞት እንዲህ ልክ እንዳንተ ሲናፍቁት ማየት ክክክክክ ግደሉኝ እያሉ ሲለምኑ መስማት ክክክክክክ" እህን ግዜ መከረኛው መንዘፍዘፍ የየለት ስራ የሆነበት ሰውነቴ ተላይ እስተ ታች ይንቀጠቀጥ ገባ ..እግዚዬ የሰው ክፋት ፣እግዚዬ የሰው ጭካኔ ፣እግዚዬ የፈጣሪ ትግስት አንተስ ሁሉን ቻይ ሆነህ ታገስህ ጌታዬ እንደው እኝህን ሰትዬ ተሳክቶልኝ እንኳንስ በወጉ መግደል በጫጭቄ ብበላቸው ተሀጥያት ትቆጥርብኛለህ "ባለጌን ተወለደ ፣ የገደለው ይፀድቃል" አለች እምዬ ። እናንተዬ... አይንና ጆሮዬ የሚያየውንና የሚሰማውን አምኖ መቀበል ተሚችለው በላይ የሆነበት ጭንቅልቴ ሊፈነዳ ደርሶ ማሰብ ተሳነው መሰል ደነዘዝሁ ። ተድንዛዜዬ ታልወጣ አጎንብሼ ቁልቁል ትመለከት በዛ ውድቅት ለሊት ተጀርባዬ ጅኒ ይሁን ሰይጣን አልያም ሰው ማን እንደሆን እንጃ እመቀመጫዬ ግድም ነካ ነካ ቲያረገኝ እምዬ ድረሽ አልሁና በድንጋጤ ተልቤ ውስጥ ቀዝቃዛ ውሃ ፍስስ ያለ መሰለኝ .... እንዲቀጥል like👍 ያድርጉ፡፡ @Yefker\_Hayl @Yefker\_Hayl ❤️ የፍቅር ሀይል ❤️ 💕..........🍃🌹🍃.............💕

​​‍ 🔥 ከቤቱ ስር ያለው ድብቅ መቃብር ቤት 📖 🌹 ክፍል 5⃣ ✍ደራሲ : ጥላሁን ተስፋዬ . . ቀጥታ ወደ ክፍሌ ገባሁ የሰውየው አስተያየት እና አስፈሪ ገፅታ ተፊቴ አልጠፋ አለኝ።ትናንት ያንን ምስኪን ደሀ በልሁን አስሬ እስሩ እየሄድኩ ተፖሊሶቹ ጋር ታልሄዱኩ እያልሁ ትጨቀጭቀው ሰውየው አይቶን ታይሆን አይቀርም..እትዬ በልሁ ሚስጥር ያወጣ መስሏቸው የጨከኑበት። አይ እትዬ ምን አይነት ጨኳኝ ሰው ኖት በሚስኪን ደሀ ነብስ ላይ እየተጫወቱ ቤተስኪያን ቢስሙ ምን ዋጋ አለው ። "ተመቶ ሀምሳ ዳዊት ፥ የልብ ቅንነት"አለች እምዬ ፈጣሪ እንደሁ የሚያየው የልባችንን ነው።እኩለ ቀን ላይ ተክፍላቸው የወጡት እትዬ ምሳ አቅርቢ ታይሉኝ ምሳቸውን ወስደው በሉና ቡና እንዳፈላ አዘዙኝ።ቀናም ብዬ ታላያቸው ቡናውን አፈላሁ። አቦሉን ተስኒው ቀድቼ ልሰጥ ተነሳሁ ። ትኩር ብለው ፊቴን ቲመለከቱ ተሞት ጋር ፊት ለፊት የተፋጠጥሁ መሰለኝ። ቴት መጣ ታይባል ፍርሀት ወርሶኝ መላ አካላቴን ቲንጠው ስኒው ተነቡናው ተጄ ላይ አምልጦ ታልጠፋ ቦታ እግራቸው ስር ወድቆ ተከሰከሰ። ብቻ ምን ያደናብርሻል ብለው ቲጮሁ ተደናግጬ ቀና ተማለቴ ተነስተው ፊቴ ላይ በጥፊ መረጉብኝ። እትዬ ብቻ ታይሆኑ ተሰፈረባቸው ጋኔን ጋር ነው መሰል በጥፊ ያጣፉኝ ፊቴ ላይ እንደመብረቅ የጮኸው ጥፊያቸው ናላዬን አዞረው።ቤቱ ቲሽከረከርብኝ እንደምንም ሶፋ ተደግፌ ተመውደቅ ተረፍሁ። ምኑን ተረፍሁ ተጥፊው በላይ ታፈር ሚደባልቅ የሚያውቁትን ስድብ በሙሉ ምንም ታያስቀሩ እኔው ላይ ጨርሰውት ተነስተው ወጡ። እልህ ተንዴት ጋር ውስጤ ተቀጣጥሎ ተጀርባቸው ዘለሽ እነቂያቸው እነቂያቸው ቢለኝም "ፌንጣ ብትቆጣ እግሯን ጥላ ሄደች" የምትለው እምዬ ተረቷ ቲያቃጭልብኝ ተሳቸው ጋር መተናነቅ ለማለቅ ነው ብዬ ወደ ክፍሌ ገባሁ። እክፍሌ ሆኜ ምን ማረግ እንዳለብኝ ታወጣ ታወርድ ዋልሁና ዛሬ ማታ እክፍሌ ውስጥ ተጋድሜ እስቲቆሉፍብኝ ታልጠብቅ የትዬን እና የዛን ጠሎት ቤት ጉድ የማይበትን መላ ዘይጄ እስቲመሽ ቸኩዬ ትጠባበቅ መሸ።እትዬ ወደ ምኝታ ክፍላቸው ገብተው ጋደም እንዳሉ ። ምኝታዬ ላይ ሶስት ትራስና ጨርቅ አስተኝቼ ብርድ ልብሱን ሸፈንሁትና እትዬ ትወጣ እንዳያዩኝ ተክፍሌ እንደህፃን ልጅ በዳዴ እየዳሁ ወጥቼ እላይኛው ፎቅ ላይ ታሉት ክፍሎች ቁልቁል ጠሎት ቤቱን ለማየት ምቹ የሆነውን መርጬ በመግባት ተደብቄ መጠባበቅ ጀመርሁ። ጉደኛዋ እትዬ ልክ በትናንትናው ሰአት እኩለ ለሊት ላይ ጥቁሩን ካፖርታ ለብሰውና ጥቁሩን የሹራብ ኮፍያ እስከ ቅንድባቸው አጥልቀው ተክፍላቸው ወጡ። ቁልቁል እንዳየኻቸው የፈረደባት ልቤ እንደከበሮ ትደልቅ ጀመር ።አይዞሽ ሰንዬ ቁጭ ብለሽ በሰቀቀን ሞትሽን ተምትጠብቂ ታግለሽ የክብር ሞት መሞት ይሻልሻል በርቺ አልኩኝ ልቤን ተመዝለል ላረጋጋት ብዬ። እትዬ እንደወጡ ቀጥታ ወደ እኔ ምኝታ ክፍል ሄደው በሩን ተውጪ ቆለፉት። ተዛ ወደ ጠሎት ቤቱ አመሩ ሁለመናዬ አይን ሆኖ የሚሆነውን ለማየት ተጣደፈ። የጠሎት ቤቱን በር እስተጥግ ከፈቱት። ጠባቧ የጠሎት ቤት ክፍል ተጥግ እስተ ጥግ ታየችኝ ። በሩ ላይ ቆም እንዳሉ ትንሽ አሰብ አረጉና ወድ ጀርባቸው መለስ ብለው ሳሎን ቤት ውስጥ ታሉት አሻንጉሊቶች መሀል ተለቅ ያለውን በማንሳት ተሆዱ ውስጥ ቁልፍ አወጡ። ቁልፉን ይዘው እኔ ወደተሸሸኩበት ፎቅ ደረጃውን ሽቅብ ቲወጡ ድንብርብሬ ቢወጣም ፈጠን ብዬ ተበሩ ላይ ወደ ውስጥ ገባሁና እክፍሉ ውስጥ ታለው መታጠቢያ ቤት ውስጥ ተደበቅሁ..... ሻወር ቤት ውስጥ ሆኜ ያለሁበት ክፍል ውስጥ ዘው ብለው ቲገቡ እኔኑ የተከተሉኝ መስሎኝ ወደ ውስጥም ወደ ደጅም ትንፋሽ ማውጣት ተስኖኝ ፀጥ አልሁ።እሳቸው ግን እክፍሉ እንደገቡ ግድግዳዉ ላይ የተሰቀለውን ትልቅ ስእል ተግድግዳው ላይ አወረዱ። ደሞ ቀጠሉና ቀለሙ ተግድግዳው ጋር የሚመሳሰል እንደ ፕላስተር የመሰለ ነገር ተግድግዳው ላይ ገሽልጠው ቲያነሱ አይኔ የሚያየውን ነገር ማመን ተስኖት መርገብገቡን አቋረጠ። እትዬ ፕላስተር የመሰለውን ነገር እንደላጡት ግድግዳው ላይ የቁልፍ ማስገቢያ ቀዳዳ አየሁ። ቁልፉን ከተቱና ቃ....ቅ..ቃ አድርገው በመክፈት ጎተት ቲያረጉት ተከፈተ። እህን ግዜ እንደ ቁም ሳጥን በተከፈተው ግድግዳ ውስጥ ያየሁት ነገር ሁለመናየን ከፋፍቶት መደበቄንም አስረስቶ ምራቄን አስዋጠኝ። እንኳን በውኔ በህልሜ እንኳን አይቼ የማላውቀው የብር አይነት እና መአት ትመለከት ያለሁበት ቦታ ባንክ ቤት ይሁን መኖሪያ ቤት ተምታታብኝ። ደሞ ቀጠሉና እንደ መሳቢያ የመሰለ ብረት ተውስጥ ጎትተው ውስጡ ተተሰደሩት ሽጉጦች እያነሱ ቲያማርጡ እሄ ነገር በፊልም ይሁን በገሀድ እትዬ ቤት በራሳቸው በትዬ እየሆነ ያለው ነገር ይበልጡ ግራ ገባኝ እኝ ሴትዬ ምንድን ናቸው? ....የቤት እመቤት ናቸው ወይስ ነብሰ ገዳይ ማፍያ አልሁ ለራሴ። ተዛ ቀጠሉና ተሽጉጡ መሀል አንዱን መርጠው እካፓርታው የውስጥ ኪስ ተሸሸጉ ቡሀላ አንድ ትልቅ ስሪንጅ ተነ መርፌው እና ፈሳሽ የያዘ ትልቅ ብልቃጥ አወጡ ።ትለ ስሪንጁ ተጠየቃችሁኝ እኔ ገጠር እያለሁ ከብት ቲወጋበት ታየሁት ስሪንጅ ጋር አንድ አይነት ነው። ተዛ ውጪ ታምሜም የታመመ ላስታምምም እሆስፒታል ታንዴም በላይ ሄጃለሁ በይህ አይነት መርፌ ሰው ቲወጉ አይቼ አላውቅም። የሚፈልጉትን ነገር በሙሉ ተያዙ ቡሀላ እንደነበረው መላልሰው ተክፍሉ ቲወጡ እንደው የሚሰለቡብኝ መስሎ ትለተሰማኝ ቀልቤን መግዛት ተስኖኝ ደረጃውን ወርደው ታይጨርሱ ተመታጠቢያ ቤቱ ወጥቼ ተከተልካቸው እና በር ላይ ቆሜ ቁልቁል ቲወርዱ ተጀርባ ሆኜ እያየኻቸው ሰተት ብለው ወደ ጠሎት ቤቱ ገቡና ጠሎት ቤቱ ውስጥ ያለውን ወፍራም የወለል ምንጣፍ በጥንቃቄ እየጠቀለሉ ጥግ አስያዙት ።ተዛ በርከክ ብለው ተወለሉ ላይ አንድ ነገር ሳብ አደረጉና ጫን ቱሉት ወለሉ ላይ ያለው በርና የኔው አፍ እኩል ተከፈቱ ። ቁልቁል በተበረገደው በር እግራቸውን አስቀድመው እይኔ እያየ ሁለመናቸው ወደ ውስጥ ቲገባ የተከፈተውን አፌን መዝጋት ተስኖኝ ፈዝዤ ደንዝዤ ለደቂቃዋች አፍጥጬ ተቆምኩ ቡሀላ ነብሴ መለስ እንዳለችልኝ እራሴን አበርትቼ ተቀስታም በተንቀረፈፈ አካሄድ ድምጤን አጥፍቼ ቁልቁል ደረጃውን ወርጄ እንደ ጨረስሁ ወደ ጠሎት ቤቱ ተጠጋሁ ። ልቤ ድብደባዋን አናረችው ተጠጋሁ ።በሩ ላይ ደረስሁ በርከክ አልሁና ወደ ውስጥ ተጠጋሁ ወደ ውስጥ ለማየት ግን ፈራሁ እንደምንም ጥላዬ እታች እንዳይታያቸው መላ አካሌን እወለሉ ላይ አስተኛሁና በትንሹ በትንሹ ብቅ ብዬ ቁልቁል ትመለከት..እታች ባለው ቤት ውስጥ እትዬ የብረት ፍርግርግ ውስጥ በኩራት ለተጋደመው ዘንዶ ቲሰግዱ እየሁ ።ትንሽ ፈቅ ብሎ ደሞ ሰውነቱ በሙሉ ልብስ መቆንጠጫ በሚመስሉ ትንንሽ ብረቶች የተወረሰው በውስጥ ሙታንታ እንደቆመ እግርና እጁ ጥግና ጥግ ተቆመ ብረት ላይ ታስሮ አፉ እንደተለጎመ ቁልጭ ቁልጭ እያለ የሚመለከታቸውን የኔን ሚስኪኑን በልሁን ታየው እዛው በተኛሁበት እራሴን ስቼ ቁልቁል... 👉 ታሪኩ ቶሎ እንዲለቀቅ የ like👍 ምልክቱን ይጫኑ፡፡ @Yefker\_Hayl @Yefker\_Hayl @Yefker\_Hayl @Yefker\_Hayl 💕.........🍃🌹🍃...........💕

​​❤️የፍቅር═❁✿❁ ═ሀይል❤️ 💞የፍቅር ደብዳቤ😂 ✍★★አንድ ብር ላይ ያለው ልጅ 10 ብር ላይ ላለችው ሞሰብ ለምትሰፋው ቺክ የፃፈው አሳዛኝ የፍቅር ደብዳቤ★★✍✍ ፡ ሀይ የኔ ፍቅር እንዴት ነሽ? እኔ በአንቺ ፍቅር ምክንያት ሰላሜን ካጣሁ ቆይቻለው፡፡ ሰው እየሳኩ ሲያየኝ የደላኝ ነው ሚመስለው፡፡ አንቺ ግን ደሀ ነው ብለሽ ነው አይደል ፍቅሬን የገፋሽው?? እዛ 5 ብር ላይ ካለው ሽማግሌ ሰውዬ ጋር የፍቅር ግንኙነት እንደጀመርሽ 50 ሳንቲም ላይ ያሉት ሰዎች ቡና እየጠጡ ሲያወሩ ሰምቼ ንዴቴን መቆጣጠር አቃተኝ፡፡ የዛን ቀን ማታ እራቴን እንኳን ሳልበላ ጥቅልል ብዬ ተኛሁ፡፡ ሌሊቱን ሙሉ ስላንቺ እያሰብኩ አደርኩ፡፡ ጥዋት ላይ እንደውም ለምን አልሰድባትም ብዬ ወደ እናንተ ሰፈር ስመጣ በር ላይ ተቀምጠሽ ሰፌድ እየሰፋሽ አየሁሽ፡፡ የሰፌድ አሰፋፍሽን ሳየው ንዴቴ ቡን ብሎ ጠፋ፡ ውበትሽ አስደነገጠኝ፡፡ ስድቡን ትቼ በዝምታ ወደ ቤቴ አዘገምኩ፡፡ ግን አንድ ነገር ልንገርሽ? ያ 5 ብር ላይ ያለውን ሼባ ካንቺ ጋር ያየሁት ቀን እግሩን ነው ምሰብርለት፡፡ አርፎ ቡናውን ቢለቅም ይሻለዋል፡፡ ደሞ እኮ በደንብ ሲያዩት ቡና እየለቀመ ሳይሆን ቡና ላይ የሆነ ምርምር ሚሰራ ነው ሚመስለው፡፡ የኔ ፍቅር ይሄን ደብዳቤ ላንቺ እየፃፍኩ የምጠብቃቸው ከብቶች ስንት ጊዜ የሰው ማሳ ውስጥ እየገቡ አስቸገሩኝ መሰለሽ፡፡ ሰሞኑን የሚመችሽ ከሆነ ሻይ ቡና እያልን እናወራለን፡፡ ለነገሩ ተይው 5 ብር ላይ ያለው ሼባ ሹገርዳዲ ቡና ሲለቅም ካየሁት በኋላ ቡና የሚባል ነገር አስጠልቶኛል፡፡ ♥ ♥ ሁሌም አፈቅርሻለው!❤️❤️ Join Us ❤️ የፍቅር ❤️ ሀይል ❤️

​​🔥ከመኖሪያ ቤቱ ስር ያለው ድብቅ መቃብር ቤት📖 👇 ሰናይት እና ሰሚራ ክፍል 4⃣ ✍ደራሲ ጥላሁን ተስፋዬ . . . አድፍጬ ትጠባበቅ የትዬ ቤት አንፖል ታይጠፋ እኩለ ሊሊት ሆነ።ተትዬ ባህሪ የማውቀው መብራት ታይጠፋ እንቅልፍ እንደማይወስዳቸው ነው።ግራ ገባኝ እስታሁን አልተኙም ወይስ ታያጠፉ እንቅልፍ ጥሏቸው ይሆን ?ጨነቀኝ። በጭንቀት ትወዛወዝ ገርበብ ያለው የትዬ ምኝታ ቤት ቲከፈት ሰማሁ።ቆሌዬ ተላዬ ላይ ረገፈ ። ተተቀመጥኩበት ተበሩ ስር ዘልዬ አልጋዬ ላይ ወጣሁ። ጆሮዬን ቀስሬ የትዬን ኮቴ ትከታተል እትዬ ወደ ክፍሌ ተጠጉና በር ላይ እንደደረሱ የርምጃቸው ድምጥ ጠፋ ቆየና የክፍሌ በር በትንሹ ቲከፈት ሰማሁ ። ፊቴ ወደ በሩ አቅጣጫ ትልነበር አውቄ የከደንሁትንት አይኔን የውስጤ ፍርሀት ሊበረግደው ይታገለው ዥመር ። አይኔን ጨፍኜ መጠበቅ ፈተነይ። ታሁን ታሁን እላዩ ላይ የሆነ ነገር አረፈ አላረፈ እያልሁ በሰቀቀን መጠበቁ ታቅሜ በላይ ቲሆንብይ አንድ አይኔን በስሱ ከፍቼ ጭንቀቴን ልተነፍሰው ወሰንሁና ያይኔን ቆብ በሽፋሽፍቴ ልክ ገለጥ አድርጌ ወደ በሩ ትመለከት እትዬ ተላይ እስተ ታች ጥቁር ካቦርታ ውስጥ ተሰንገው አናታቸው ላይ ደሞ ጥቁር የሹራብ ኮፍያ እንዳጠለቁ በሬ ላይ ተገትረው ቁልቁል ቲመለከቱኝ በማየቴ አንቀው ሊገላግሉኝ ነው ብዬ በተኛሁበት በላብ ተዘፈቅሁ። ትንሽ ቆም አሉና ተካፓርታው ኪስ ውስጥ ቁልፍ አወጡ ። ተዛ ተክፍሌ ወጥተው ተውጪ ክፍሌን ቆለፉት።ሰውነቴ በፍርሀት እየተንቀጠቀጠ ጆሮዬ የትዬን አቅጣጫ ተከትሎ አብሮአቸው ቲወጣ እትዬ ወድ ጠሎት ቤቱ አቅጣጫ መሄዳቸው ተረዳኝ ። ወድያው ታልጋዬ ወርጆ ወለሉ ላይ በሆዴ ተነጠፍሁና ጆሮዬን እወለሉ ላይ ለጥፌ ታደምጥ ጠሎት ቤት ገብተው አፍታም ታይቆዩ ድም...ድም....ድም.. እያለ ሰው ደረጃ ቲወርድ የሚያሰማው አይነት ድምጥ ትሰማ እትዬ ተወለል በታች ቁልቁል እየወረዱ መሆንን ለማወቅ አልተሳነይም ነበር። እህን ግዜ ልቤ ተውስጤ አፈትልካ ለመውጣት የከጀለች እስቲመስለኝ ድረስ ደረቴን ለጉድ ትደልቀይ ዥመር። ክፉኛ ተመደንገጤም ባለፈ እስተዛሬ ጠሎት ቤት የተባለው ቤት ድብቅ መውረዥ ያለው የዋሻ በር እንዴት እና በየት በኩል ሊኖረው ይችላል ብዬ ባስብም አልመጣልሽ አለይ ። ወይ ጠሎት ቤት ፣ ወይ ጠሎተኛዋ እትዬ ይገርማል "ተወገብ በታች ጣኦት ፥ ተወገብ በላይ ታቦት " ያለችው እምዬ እንደዚህ አይነት ግማሽ ሰይጣ ግማሽ ሰው የሆነው ገጥሟት ይሆን? አልጋዬ ጫፍ ላይ ቁጭ ብዬ በጭንቀት ትብገነገን በዛ ውድቅት ለሊት የውጭው በር ቲከፈት ሰማሁና ተተቀመጥሁበት በርግጌ ተነሳሁ ወድያው በልሁ " በህግ አምላክ ምን ፈልገህ ነው አትጠጋይ !" ቲል ተሰማይ እትዬ በጠሎት ቤቱ ነው የገቡት አሁን ደሞ በልሁ ተወንድ ጋር ነው እሚጨቃጨቀው ፈጣሪዬ ምን ጉድ ውስጥ ከተትከይ እኝ ሴትዬ እዥ ብዙ ናቸው ያለው በልሁ እውነቱን ነው ውይ ወንድሜ እኔው ነይ ጦስ ያመጣሁብህ ። ውስጤን አንዳች ነገር ቲያናውጠው ታወቀይ። ትንሽ ቲጨቃጨቁ ቆዩና አንድ ሰው በሀይል እንደተመታ "ወይኔ እናቴ" የሚል ድምጥ አስማ ። በሩ ዳግም ተከፍቶ መልሶ በሀይል ተዘጋ ተዛ ሁሉም ነገር መልሶ ፀጥ ረጭ አለ ። ትንሽ ቆይቶ ተትዬ ጎን ያለው ትልቅ ግቢ ውስጥ ምን እንደሆነ የማይለይ ድምጥ ሰማሁ መልሶ ፀጥ አለ።በልሁን አንድ ነገር እንዳደረጉት ልቤ ቲጠረጥር እራሴን መሆን ተሳነኝ። አልቅሼ የማላውቀውን መራር ለቅሶ አለቀስሁ ። እልህ እና ጭንቀቴ ተቀይሮ እንደ እብድ አደረገይ በጥፍሮቼ ግድግዳውን መቧጠጥ ልብሴን መቅደድ ጀመርሁይ ። እትዬ ታልሞትኩ በቀር እሄን ጉዶን ለአለም አሳይሎታለሁ አልሁ ጮክ ብዬ ... ሰሚ የለለው ጩኸት ምን ያህል ውስጥን እንደሚያቆስል የደረሰበት ብቻ ታልሆነ ማን ይረዳዋል?።ባይወጣልኝም እስቲደክመኝ እለቀስሁ አልጋዬ ላይ በደረቴ እንደተደፋሁ በልሁን ተከፋ ጉዳት እንዲጠብቀው አምላኬን እየለመንሁና እየተማፀንሁ ቆየሁና ምናልባት ተኔ በፊት እዚህ ቤት የቤት ሰራተኛ ተነበሩት ውስጥ ምናልባት ምናልባት እክፍሉ ውስጥ የደበቁት የቤት ቁልፍ ባገኝ ብዬ ፍራሹን ፣አልጋውን፣የልብስና የጫማ ማኖሪያውን ሌሎች እክፍሉ ያሉትን አንድም ታይቀረኝ ፈለግሁ። ምንም ታላገኝ ቀረሁ።l የጭንቀቴን ፍራሹ ጨበጥ ጨበጥ እያደረግሁ ትፈልግ ተፍራሹ ጠርዝ ላይ ተፍራሹ ጥጥ ጠጠር ያለ ነገር ነክቼ እጄን ቲጎረብጠኝ በጎን በኩል ክሩን ፈትቼ እጄን ወደ ውስጥ ሰደድሁ። ነገሩን ጎትቼ ታወጣው በፀጉር ሻሽ የተቋጠረ ነገር ነው ፍትቼ ታየው ተኔ በፊት የነበረች ኢልፉ የምትባል ሰራተኛ ለናቷ የጣፈችው በርከት ያለ ደብዳቤ አገኘሁ። ምን እንደጣፈች ለማወቅ ልቤ ቢከጅልም ባለሁበት ሁኔታ ላይ ሌላ ጉድ ተጨምሮ ታለሁበት ክፍል ታልወጣ በጭንቀት ጨርቄን ጥዬ እንዳላብድ ሰጋሁ።አንዱን ጀመር ታረገው "እናቴ ምናለ ያኔ ተይ ይቅርብሽ አትሂጂ ስትይኝ በሰማሁሽ ኖሮ።ይቅር በይኝ እማማ ፀልይልኝ እናቴ ።ፀሎትሽ ረድቶኝ ተዚህ ታለሁበት ሲኦል ቤት በሂወት ተወጣሁ..."ደብዳቤውን ማንበቤን ለመቀጠል ወረቀቱን የያዘው እጄ ያኔ በልጅነቴ አብዬ ወባ ይዞት ቲንቀጠቀጥ ተነበረው በላይ እየተንዘፈዘፈ ወረቀቱን በወጉ አልይዝልሽ ትላለኝ አቋረጥሁትና ተንበርክኬ ወደ ፈጣሪዬ ጠሎት ጀመርሁ። እየጠለይሁ ተታች የሚንጋጋ ነገር የሰማሁ ትለመሰለኝ አልጋዬ ጥግ ላይ ኩርምት እንዳልሁ ድምጡን ትጠባበቅ እንቅልፍ ጣለኝ። ብንን ትል የክፍሌ በር ተከፍቷል እትዬ ክፍላቸው ስልክ ያወራሉ ድምጥ ታላሰማ ወደ ትዬ ክፍል ተጠጋሁና ጆሮዬን ደቀንሁ.."እሄውልህ ባሌ ላይ በመመስከር ለጥብቅና ስራህ ፈተና ሊሆኑ የሚችሉትን ስለባሌ ብዙ መረጃ ያላቸውን ሁለት ምስክሮች የት እንዳሉ ሻንቆ ስለደረስበት ዛሬ ለሊት አንቆ ያመጣልኛል አታስብ" አሉ ።እኔንም ወጥተው ታያንቁኝ ወደ ክፍሌ ተመለስሁና ጫማ ለብሼ ወደ በልሁ ማደሪያ ሮጥሁ። እንደደረስሁ የበልሁ ሬድዬን በሩ ስር ወድቃ ትለፈልፍለይ በልሁ ግን እማደሪያው ውስጥ የለም።ከሩጫ በማይተናነስ እርምጃ ግቢውን እየዞርሁ ፈለኩት የለም።እምይዝ እምጨብጠው ጠፋኝ ኡ...ኡ....ኡ...እርርርርርርርርይ ብለሽ ጩሂ ሰፈር መንደሩን አቅልጭው አቅልጪው አለኝ ። ግን መጮህ ተሳነኝ። ነገሩ ጉሮሮዬ እስቲሰነጠቅ ብጮህም ተሞት ያድናቸው ይመስል የኔን ቁመት ሁለት በሚያህል ድንጋይ ተላዩ ላይ ደሞ ሽቦ በተተጫነበት አጥር ተከበው የሚኖሩት የቀየው ነዋሪዋች የኔ ጩኸት ቤት በኩል ይሰማቸዋል። " የሽሮ ድንፋታ ፥ እንጀራ እስቲመጣ" እንዳለችው እምዬ ሰዋቹ ሳይደርሱልኝ የትዬ ዱላ እፌን ይዘጋው እንደሁ እንጂ። ይልቅስ መጮሁን ትቼ እትዬ ታይነሱ ማምለጫዬን ልፈልግ ወደ በሩ ትሄድ ቁልፍ ነው ግቢውን እይዞርሁ በመሀል ቀና ብዬ ታይ ለሊት ድምጥ ከሰማሁበት ግቢ ውስጥ አንድ ጥቁረቱ ተጥላሸትም የጠለመ ረጅም ሰውያ ተ ፎቅ ላይ በመስኮት እኔን ባይኑ ቲከተለኝ አየሁት ። እዛው በቆምሁበት ሰውነቴ በድን ሆኖ አይኔን ታልነቅል ትክ ብዬ ታየው ማታ በልሁ ላይ የሆነው ነገር ፣ እትዬ ጥዋት ሻንቆ ብለው መጣራታቸው እና የሰውየው አስተያየት የትዬ ሰው ትለመሆኑ ለመረዳት ግዜም አልፈጀብኝ። እያየሁት በድንጋጤ እቆምኩበት ሽንቴ ሊያመልጠኝ ደረሰ ወድያው በደመነፍስ ግቢውን እንደሚያጠዳ ሰው አጎንብሼ መሬት ያገኘሁትን ድንጋዩንም ወረቀቱንም እየለቃቀምሁ ቀና ታልል ደግሜም ታላየው ወደ ቤት ገባሁ.... 👉እንዲቀጥል Like ይጫኑ ♥️Share & join 👇 @yefker_Hayl @Yefker_Hayl