Borfonicon

1: "በስማያት የምትኖር አባታችን ሆይ:" -ፀሎት በአንተ ላይ ያለንን የማያቋርጥ ተደጋፊነትና ግንኙነት የምናሳይበት ነው:: አቤቱ ብዙዎቻችንን ወዳንተ ከመቅረብ የሚያግደን ፍርሃት ወይም ያለመብቃት ስሜት ነው:: ፀሎትን እንፈራለን ርቀትም ይሰማናል: ሆኖም በዚህ ፀሎት እንዳስተማርከን የምንቀርበው ወደ አባትነትህ እንደሆነ ማሰብ እጅጉን ያሳርፈናል:: ይህ አባትነትህ በስጦታ የተገኘ በዋጋ የታተመና ዘላለማዊ ነው:: ይህም ተስፋ የማይናወጥ የእምነትና የመረጋጋት መሰረታችን ይሆናል:: ካንተጋር ያለን ግንኙነት የአምላክና የአምላኪ: የፈጣሪና የፍጡር ብቻ ሳይሆን የአባትና የልጅ መሆኑን ስናስብ በማንኛውም ሁኔታ አንተን መቅረብን እንመርጣለን:: በዚህም አባት ለልጁ ከሚያስበውና ከሚሆነው በላይ እንደምትሆንልን እናምናለን:: አቤቱ ልጆችህ ልንሆን ስላቀረብከንም ምስጋናን እንመልሳለን!

1ኛ ዮሐንስ 2 (አዲሱ መ.ት) ¯¯¯¯¯¯¯¯¯¯ ¹⁵ ዓለምን ወይም በዓለም ያለውን ማናቸውንም ነገር አትውደዱ፤ ማንም ዓለምን ቢወድ፣ የአብ ፍቅር በእርሱ ዘንድ የለም፤ ¹⁶ ምክንያቱም በዓለም ያለው ሁሉ፦ የሥጋ ምኞት፣ የዐይን አምሮትና የኑሮ ትምክሕት ከዓለም እንጂ ከአብ የሚመጣ አይደለም። ¹⁷ ዓለምና ምኞቱ ያልፋሉ፤ የእግዚአብሔርን ፈቃድ የሚፈጽም ግን ለዘላለም ይኖራል።

ራስን ፍለጋ (ጥያቄ አስር) ሁል ጊዜ ተቀባይና ወሳጅ ነኝ ወይስ አቅራቢና ሰጪም ጭምር? መስጠት የሌለበት ወሳጅነት፣ ማቀበል የጎደለው ተቀባይነት፣ መጋበዝ የማያውቅ ተጋባዥነት፣ መጥቀም የሌለበት ተጠቃሚነት . . . በዘመናችን የተለመደ ማሕበራዊ ቀውስ! ሰው ሁል ጊዜ ወደ እርሱ የሚያስገባበትን በር ክፍት አድርጎ ከእርሱ የሚያስወጣበትን በር ግን ሁል ጊዜ ዝግ ሲያደርግ ስለማንነቱ ማወቅ እጅግ አይከብድም፡፡ ከሰዎች የመቀበልና በሰዎች የመጠቀም ሂደት ጤናማነቱ እንደተጠበቀ ሆኖ ሳለ፣ ከዚያው ጋር እኛ ደግሞ “ለሰዎች ምን ያህል እየሰጠን ነው? ሰዎችንስ ምን ያህል እየጠቀመን ነው?” የሚለውንም ጥያቄ በመጠየቅ እውነታው ጋር መድረስ አስፈላጊ ነው፡፡ በሕይወትህ የላቀ ማንነት ውስጥ መግባት ከፈለክ ይህንን ጥያቄ በቁም ነገር ጠይቀህ መልስ ማግኘት አለበህ፡፡ \ቤሰተቦችህ፣ ጓደኞችህ (ወዳጆችህ)፣ ሕብረተሰቡ፣ የተማርክበት የትምህርት ተቋም፣ የምትሰራበት መስሪያ ቤት . . . ለአንተ የሰጡህንና እየሰጡህ ያሉትን አስበው፤ አንተስ ምን ያህል መልሰህ እየሰጠህ ነው? በተቀበልክ መጠን መልሰህ የማትሰጥበት መስክ በሙሉ ቀስ በቀስ ለአንተ መስጠቱን እንደሚያቆም አትዘንጋ፡፡ ምሳሌን በራስህው አካል ላሳይህ፡፡ የአካል ክፍሎችህ ካለማቋረጥ ጠዋት ተነስተህ የምትፈልገውን ነገር ለማድረግ የምትችልበትን ነገሮች በሙሉ ይሰጡሃል፡፡ እግሮችሀ መራመድን፣ እጆችህ መስራትን፣ አይኖችህ መመልከትን . . .፡፡ በዚሁ ልክ ግን ሰውነትህ ከአንተ የሚፈልገውን ካልሰጠኸው አንድ ቀን ለአንተ የሚሰጥህን ያንን ሁሉ የለመድከውን ነገር ማቆሙ አይቀርም፡፡ በተመሳሳይ መልኩ ሁል ጊዜ አገልግሎትን የሚሰጡንን እንደ መኪናና የመሳሰሉት አይነት ነገሮችን እንደ ምሳሌ መውሰድ ትችላለህ፡፡ አገልግሎቱን ብቻ በመቀበል፣ መልሰህ ለእነሱ መስጠት ወይም ማድረግ የሚገባህን አገልግሎት ካልሰጠሃቸው የጊዜ ጉዳይ ነው እንጂ አንድ ቀን እነሱም አገልግሎታቸውን ማቆማቸው አይቀርም፡፡ የውጤቱ ተጽእኖ የሚመጣው አንተው ጋር ነው፡፡ እስቲ ሰሞኑን ማድረግ እንደጀመርነው ዛሬም ከቻልክ የየቀን ማስታወሻህ (Diary) ላይ ከእነሱ የተቀበልከውን ያህል ምላሽ እንዳልሰጠሃቸው የምታስባቸውን ሰዎች ወይም ተቋሞች አስብና ምን አይነት ለውጥን ማድረግ እንደምትችል በመጻፍ ለመተግበር ሞክር፡፡

ሰላምን እተውላችኋለሁ፤ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጣችሁ አይደለም። ልባችሁ አይጨነቅ፤ አይፍራም። ዮሐንስ 14:27 ---------------------------- 4 Killo Fellowship ----------------------------

Amazing new song by singer Yafet Asefa

@YTAudioBot - 04:04, 3.86 MB