احتوآء

" مش كل "خيانة" بتبقى خيانة بالجسم!.. الكذب خيانة، الغدر خيانة، كسر الوعد خيانة، التخلّي خيانة.. ولا كل "مؤذي" بيبقى مكتوب على وشه إنه "مؤذي"!.. الكلام اللي زى السم أذى ، عدم التقدير أذى، الإستهانة بزعل حد غيرك أذى، التخّلي أذى ، وإستغلالك لـ طيبة حد مديلك الأمان أذى .. "الأذى"، و"الخيانة" لهم مليون شكل، ومش لازم آثارهم تبقى متشافة على ملامح اللي قدامك لكن بتبان في الأفعال! .. معظم اللي بيإذوا غيرهم بيقفلوا عيونهم عن تصرفاتهم المؤذية اللي بسببها فيه حياة ناس بتتغير للأسوأ .. ربنا يكفينا شر المؤذيين المقرفين وشر أذاهم ويبعدنا عن أذية الغير بقصد أو بدون ..'

" بَقيت حاسس إن نفسي مَسدودة، لكن مش سدة النفس بتاعة الأكل والشُرب لأ ، أنا نفسي مسدودة عن الناس وعن حواراتهُم ، وعن المُعافرة اللي بتبقى على الفاضي، نفسي مسدودة من الروتين اللي بعيشه بشكل يومي ، حاجات كتير حصلت استنفزت طاقتي على الفاضي وخلتني فعلًا ماليش نِفس لأي حاجة ولا مستني حاجة .. فبقيت ساكت أغلب الوقت لإن اللي جوّايا أكبر بكتير من إني احكيه .."

" أكتر ناس بيعانوا في الزمن الحالي هما اللي اتربوا كويس، بيعيشوا صراع بين الحاجات الكويسة اللي جواهم، وبين واقع بيفرض عليهم كل يوم يتشوِّهوا ويتوسخوا عشان يعرفوا ياخدوا حقهم .. مساحة كبيرة من الحيرة والغضب بتتعب أي إنسان، خصوصًا لما يلاقي حد بيستضعفه لمجرد إنه شاف في تصرفاته أصل طيب وخوف من ربنا .."

من أو..سخ المواقف اللى ممكن تمُرّ عليك "الفُجور فى الخصُومة" الشخص اللى لما تختلف معاه يطلَّع أسرارك برّا ويستخدم نقاط ضعفك ضدك عشان يضعفك، الشخص اللى حرفياً يخليك تعيش الندم و شعُورك بالزعل من نفسك على إنك اختارتُه و وثقت فى شخص زيُّه فى يوم من الأيام ، الشخص اللى يجبرك تفكّر مليون مرّه قبل ما تقرّب من حد أو حد يدخل حياتك وتثق فيه و غالباً هتفضل تعاني من الموضوع ده فترة مش قليله ، ورُبما العُمر كله للأسف الشديد .."!

" واحدة من أجمل الجمل اللي قرأتها في حياتي "كلٌ يراك بعين طبعه وبقدر محبتك في قلبه" فا انت هتلاقي في حياتك اللي بيشوفك أطيب الناس، وهتلاقي اللي بيشوفك أسوأهم .. هتقابل ناس بتنسالك خمسين موقف حلو عشان بس قصرت مرة، وناس بتدور لك على أعذار وبيظهرولك قد اي انت جميل ..! هتقابل ناس ما بتبطلش تنتقدك ، وناس هيخلصوا كل الكلام الجميل في وصفك .. هتقابل ناس بتكرهك بدون سبب ، وناس بتخترع أسباب تحببها فيك! وفي النهاية أنت نفس الشخص ، ولكن كل عين تراك على قدر محبتها لك وكلٌ يراك من الزاوية التي تقف فيها من قلبه .."

لما اللي قدامك "يتغاضى"، بلاش أنت تسوق فيها و"تتمادى"!.. "جبران خليل جبران" قال: (اتقوا شر المتغافل إذا مل من تغافله) .."

" الإنشغال بالنفس ده شيء عظيم.. فكرة إن أكبر اهتماماتك يكون تطوير ذاتك وإزاى تكون أفضل على كل المستويات يوم عن التاني هي أهم حاجة المفروض تشغل البال .. اللي مالوش شغلانة غير إنه يتكلم عن غيره بالسوء من وراه بيعمل كده لإنه وراه فعلاً سواء في الأخلاق أو القيمة أو المقام.. كل واحد مشغول بنفسه هو إنسان سوي ومتزن، ومفيش حد مشغول بنفسه هيشغلها بغيره .."

- نتعلم من كل خطوة بالحياة درس 𝒘𝒆 𝒍𝒆𝒂𝒓𝒏 𝒂 𝒍𝒆𝒔𝒔𝒐𝒏 𝒇𝒓𝒐𝒎 𝒆𝒗𝒆𝒓𝒚 𝒔𝒕𝒆𝒑 𝒐𝒇 𝒍𝒊𝒇𝒆