Human.uz | Rasmiy kanal

Ҳиндистонда диний байрам чоғида 121 киши ҳалок бўлди Фожиа Ҳиндистоннинг Уттар-Прадеш штатининг Хатрас туманида гуруҳ Бхоле Бабанинг тадбиридан сўнг содир бўлди, деб хабар бермоқда "АП". Кучли жазирама туфайли одамларнинг нафас олиши қийинлашди ва улар тезда чиқишга отилди. Маҳаллий ҳокимият вакилларининг айтишича, чодирдан чиқаётган одамлар яқин атрофдаги канализация каналига тушиб, бир-бирининг устига чиқиб кета бошлаган. Ташкилотчилар 5 минг киши ташриф буюрганини хабар қилишди, бироқ тадбирга 15 мингга яқин ташриф буюрган. Фожиа оқибатида 121 киши ҳалок бўлди, 28 нафар ташрифчи жароҳатланди, деб ёзади The Economic Times. Расмийлар тергов ишларини бошлаган. 👉@humanuzofficial

⚡️⚽️Ўзбекистон U-23 терма жамоасининг Париж Олимпиадасида иштирок этувчи таркиби эълон қилинди Турнир регламентига мувофиқ, 3 нафар 23 ёшдан юқори футболчилар — Элдор Шомуродов, Остон Ўрунов ва Ҳусниддин Алиқулов жамоага жалб этилди. Тимур Кападзе томонидан тақдим этилган умумий рўйхатдан 23 нафар футболчи жой олди. Эслатиб ўтамиз, Ўзбекистон Париж Олимпиадасидаги иштирокини 24 июль куни Испанияга қарши ўйин билан бошлайди. @humanuzofficial

⚡️⚽️🇺🇿ЖЧ-2026 саралаши 3-босқичида Ўзбекистон гуруҳи ва рақиблари номи аниқ бўлди @humanuzofficial

Ассанжнинг иши расман тўхтатилди - у суд залидан озод қилинди Суд Wikileaks асосчиси учун ўтказилган вақтни ҳисобга олди ва бошқа қамоққа олиш шарт эмас, деган қарорга келди. Британиянинг Guardian нашри хабар беришича, келишув шарти сифатида Ассанж Wikileaks'га маълумотларни йўқ қилишни буюриши шарт эди. У қарсаклар остида суд биносидан чиқиб кетди. Ассанж бортида бўлган самолёт Австралияга учди, деб хабар бермоқда Австралиянинг ABC телеканали. Жулиан Пол Ассанж - австралиялик журналист ва телебошловчи, хакер, дастурчи, сиёсий маҳкум ва Wikileaks халқаро нотижорат ташкилоти асосчиси. У аноним манбалар ёки махфий инсайдлардан олинган маълумотларни нашр этгани учун қамалган. У Америка судида ҳарбий сирларни ошкор қилишда айбини тан олди, шундан сўнг АҚШ расмийлари билан аввал эришилган келишувларга мувофиқ озод қилинди. @humanuzofficial

“Мен бу кунни 15 йилдан ортиқ кутдим...” Таниқли журналист, бир нечта муваффақиятли лойиҳалар муаллифи Ҳамза Жумаев номини оқлаш ниятида судга ариза берди. Бу ҳақда ўз телеграм каналида хабар қилди. “Кимдир билар, кимдир билмас, бир замонлар бир иш доирасида жавобгарликка тортилганман. Иш тафсилотларига чуқурлашмоқчи эмасман. Бўлган иш бўлди. Хуллас, “керак бўлса столбага ҳам айб қўйиб қамайдиган” замонлар эди. (Бу ҳақда бир мажлисда Президент ҳам айтган) Бир муддат жамиятдан четлаш(тирил)дим. Орадан вақтлар ўтди. Ниҳоят, замон ўзгариб, янги бошқарув сиёсати туфайли “қора рўйхат”дан чиқарилдим. 2017 йил (орадан 8 йил ўтиб) ишимга қайта тикландим. Аввалгидан ҳам кўпроқ натижаларга эришиб келмоқдаман ва бунга чексиз шукр қиламан. Ватанимга, халқимизга хизмат қилиш шарафидан насибадорман!”, деб ёзади журналист. Суд жорий йилнинг 27 июнь куни ўтказилиши белгиланган. Умид қиламизки, суд адолатли қарор қабул қилиб, байрам кунида журналист учун қувончли янгилик тухфа қилади. @humanuzofficial

У тирик! У 24 июн куни казинода карта ўйнаб вақт ўтказган. Бир пайт унга омад кулиб боқди: 4 миллион Сингапур долларини (тахминан 250 миллион рубл) ютиб олди. Аммо бир неча сониядан сўнг ерга қулайди, атрофидагиларнинг табрикларига жавоб бермай қўяди. Сasino.org манбасининг хабар беришича, эркак юрак хуружига учраган, шифокорлар уни олиб кетган, ҳозир эркакнинг аҳволи яхши ва соғаймоқда. Демак, у икки карра омадли экан. Ўша гап: Қимор ўйнаманг! @humanuzofficial

Катта пулдан юраги ёрилиб ўлди Воқеа Сингапурда содир бўлди. Marina Bay Sands казиносида жекпот ютган бир эркак юрак хуружидан вафот этди. Воқеа жойига етиб келган тез тиббий ёрдам ходимлари ҳеч нарса қила олмади – юрак ортиқча ҳиссиётларни кўтара олмади. Қимор ўйнаманг! @humanuzofficial

Ҳаж сафари чоғида 550 дан ортиқ зиёратчилар жазирама сабаб ҳалок бўлди Ҳалок бўлганларнинг аксарияти – 323 киши Мисрдан. Иорданиядан ҳам 50 дан ортиқ ўлим ҳақида хабар берилган. Маълумотларига кўра, жами 577 киши ҳалок бўлган. Ўлимнинг асосий сабаби - ҳаддан ташқари иссиқл. 17 июнь куни Маккадаги Масжиди Ҳарамда ҳаво ҳарорати +51,8 даражага етди. Саудия Арабистони расмийларининг хабар беришича, 16 июнь ҳолатига кўра, жазирама туфайли икки мингдан ортиқ зиёратчи шифохоналарга йўл олган. @humanuzofficial

Путиннинг баёнотлари ҳақида нима ёзишяпти? Хорижий оммавий ахборот воситалари Путиннинг Украинадаги келишув бўйича таклифлари ва президентнинг бошқа баёнотлари ҳақида ўз хулосаларини ёзмоқда. Financial Times: Россия президентининг жума куни нутқи чоғида қўйган талаблари жуда аниқ эди. Украина тўртта ҳудуд устидан назоратни самарали равишда Россияга топшириш шартларини қабул қилиши даргумон. Daily Mail: Путиннинг Украина бўйича Швейцария саммити арафасида қилган баёноти Киевда “қабул қилиб бўлмайдиган таклиф” сифатида баҳоланади. Newsweek: Путин даҳшатли баёнот бериб, дунё қайтиб келмайдиган нуқтага яқинлашганини таъкидлади. Mirror: Путин Ғарбни Учинчи жаҳон уруши ҳақида огоҳлантирди. У Украинада босиб олган ҳудудлар абадий Россия таркибида қолишига ваъда берди. Hindustan Times: Путин Украинада зудлик билан ўт очишни тўхтатишга ваъда берди, аммо шартларни илгари сурди. Баёнот Италияда бўлиб ўтган G7 саммити фонида ва Швейцарияда бўлиб ўтадиган конференция арафасида қилинган. @humanuzofficial

Киев Россиянинг янги тинчлик таклифини рад этди Украина президенти девони раҳбари маслаҳатчиси Михаил Подоляк Путиннинг можарони ҳал қилиш бўйича янги ташаббусида “ҳақиқий тинчлик таклифи йўқ"лигини айтди. @humanuzofficial