البــــت الســـمحة‏💔

الليله زعلانه من امي ومقهووره ومعارفه اعمل شنو .. قاعدين انا وراجلي مع ناس امي ل ظروف فتره محدده وراجعين زوجي عندو ركشه بطلع الصباح بجي النهار ياخد ليهو رقده ويرجع تاني يشتغل والله تقريبا ماسك البيت كلو لانو ابوي شغلو بسيط يعني حرفيا في اي حاجه نحنا متكلين علي زوجي والناس كلها بتشهد ليهو بالطيبه والاحترام للناس .. عندنا غرفه ياها البنرقد فيها بالليل وفيها مكيف بالنهار انا وامي واولادي راقدين كده سمعنا صوت الركشه وقف وزوجي وبدق في الباب امي طوالي قامت عملت حركه ب خشمها كده ومعاها اووووووف كرهتونا العيشه...وطلعت مشت الغرفه التانيه انا في اللحظه ديل قربت امشي اقول ل زوجي ماتجي داخل امشي شوف ليك اي مكان ارقد فيهو وقلبي ده انقبض والعبرة وقفت لي لانو هو طيباااان الطيبه اللمن عواره والله ماحصل طلبو منو يعمل حاجه ورفض بس يضحك ويقول حااضر بدون ما احس مشيت ل امي قلت ليها يعني هسه لو سمع الحركه العملتيها او الكلام القلتيهو دا ولا اولادو مشو قالو ليهو حيقول علي وعليكم شنو قالت لي مايسمع ما شغلتي بيه😭 قلت ليه طيب هو عمل ليكم شنو ياها الخمسه دقائق البجي يرقدها دي مضايقكم يعني وبقت تتكلم مع اختي في موضوع تاني كانو انا م بتكلم معاها ..ده غير ضرب اولادي وكل يوم يقولو ليهم كرهتونا البيت واولادي كل يوم يجوني يبكو يقولو لي نحنا راجعين بيتنا متين والله ي جماعه قلبي قال لي شيلي شنطتك وامشي اعملي ليك راكوبه في الشارع ونقعد فيها حبيت افضفض ليكم بس عن الجواي لاني مغبوووووونه 😂😂😂😂😂😂😂😂😂