تَمكِين أُمّة

💭 تخيل لو قولتلك عندك انترڤيو لوظيفة بمرتب 10 آلاف دولار في الشهر هتستعد إزاي؟ طبعا هتجهز الكلام اللي هتقوله وتفضل تعيده لحد ما تحفظه وتهتم بكل تفاصيل لبسك ومظهرك👨🏻‍💼 كل دا عشان وظيفة في الدنيا طيب لو قولتلك إنك داخل على أخطر وأهم 10 أيام في السنة كلها ‼️ العشر من ذي الحجة هتستعد ليها إزاي❓ 👈🏻بما إن أكتر عبادة أوصانا بيها النبي صلى الله عليه وسلم في الأيام دي هي ذكر الله يبقى تبدأ من دلوقتي تعود نفسك على الذكر ▪️خصص على الأقل ربع ساعة يوميًا  بعد الفجر وربع ساعة قبل المغرب لذكر الله سبحانه وتعالى وجاهد نفسك تتفكر في اللي بتقوله وتستشعره بقلبك ▪️وأفضل الذكر كلام الله القرآن الكريم 💚 إوعى تنسى وردك اليومي من القرآن وحاول تزود فيه شوية ▪️ماتنساش أذكار الأحوال وأذكار الصباح والمساء وطول ما انت ماشي أو رايح وجاي عود لسانك لا يفتر عن ذكر الله ▪️اسمع دروس عن فضل عشر ذي الحجة عشان تجدد الإيمان والهمة في قلبك ▪️صوم يوم أو اتنين.. الصيام بيهذب القلب ويلينه واشحن همتك يا بطل واعقد العزم لاستغلال الأيام دي 💪🏻 وقبل كل دا استعن بالله واسأله يوفقك ويعينك على الطاعة ويتقبل منك🌿🤍

{وتلكَ الأيامُ نداولها بينَ الناس} ‏قال ابن الجوزي رحمه الله : 📝اعلم أن الزمان لايثبت على حال -فتارة فقر، وتارة غنى، -وتارة عز، وتارة ذل، -وتارة يفرح الموالي، -وتارة يشمت الأعادي.. ✏️فالسعيد من لازم أصلاً واحداً على كل حال، وهو ((تقوى الله عز وجل)) فإنه: -إن استغنى زانته، -وإن افتقر فتحت له أبواب الصبر، -وإن عوفي تمت النعمة عليه، - وإن ابتلى حملته.. ولا يضره إن نزل به الزمان أو صعد، أو أعراه أو أشبعه أو أجاعه: (لأن جميع تلك الأشياء تزول وتتغير، والتقوى أصل السلامة: حارس لاينام!) .📖: صيد الخاطر - (1 / 39).

سؤال ... هو أنت لو مش تعبت دلوقتي هتتعب امتى..!؟؟ انت عارف انها دنيا وعارف أن الجنة حفت بالمكاره وعارف اننا لم نخلق للراحة هنا وووو يبقى ليه كثرة الشكوي بدون عمل قلل شكوى وكتر عمل وربنا هيعينك " والذين جاهدوا فينا لنهدينهم سبلنا" مش فاهم عاوز حياتك ازاي ولا عاوز توصل للجنة ازاي وانت مش بتتعب ولا تصبر الكل بيتعب بس الفرق ف النية والغاية ف انت كدا كدا هتتعب ف اتعب صح وصحح النية وبردو انت مفكر انك لو ارتحت هنا هترتاح هناك!!؟؟ تيجي ازاي دي ي تتعب هنا وترتاح هناك ي هترتاح هنا بس هتتعب هناك بس اللى عاوزك تاخد بالك منه ان هناك سواء راحة او تعب فهو دايم لكن هنا مؤقت وميجيش شيء قصاد اللى هناك مش بقول هتبقى ماكينة وتتعب العمر كله اكيد م بين كل فترة وتانية ناخد بريك علشان نكمل بس الاغلبية اي..؟ شتطر تعب خلقنا فى كبد هنا ف الدنيا ف نبطل شكوى كتير ونبدلها بالعمل مش بقول بردو اننا مش بنتألم لا بنتألم ده طبيعى ف نفضفض لربنا وندعيه انه يهونها علينا وصلت الرسالة ي رفيق ..!!؟؟؟؟ #حفص

الأربعاء ١٣ ذو القعدة ثاني الأيام البيض الخميس ١٤ ذو القعدة ثالث الأيام البيض كن صائمًا إن إستطعت، ومذكرًا لعلك تكون سببًا في صيام أحدهم . اجعل بينك وبين الله مشاريع خفيّة لا تراها الأعين أو تتحدّث بها الألسن، ولا تخافِت بها صديقًا أو تحدّث بها قريبًا، وتذكر دائمًا بأن الخبيئة الصّالحة زورق نجاة عندما تغرقك أمواج الحياة .

لاتغفل !! أنت في الأشهر الحرم الوقت اللي راح منك بلا طاعة بادر وأيقظ قلبك بتسبيحة أو تهليلة تتقرب فيها لله والله اننا بحاجه لتثقيل الموازين ومثل هذه الأيام المباركة الطيبه حريٌّ بنا استغلالها والتزود فيها بحسنات ليوم طويل نرجوا من وراءه جنة خُلد خالدين فيها أبداً بإذن الله. - نقل

بسم الله والحمدلله وبعد، بعض النصائح بخصوص الامتحانات: إياك تغش ، إياك تغشش حد، تنحرق الإمتحانات وتكسب دينك وضميرك، وربنا يجمعلك بين خيري الدنيا والآخرة. ١- لو اتيحت ليك فرصة غش انا بقولك اهو ماتغشش وسيبها على ربنا هيكافئك على دا اوي اوي والله، اقرا السؤال كويس مرتين وبعدين حل إلى تعرفه وبعدين اقرأه مرة كمان بالحل بتاعه. ٢- هتخرج من اللجنة هتلاقي إخواتك بتراجع واصحابك جايين يراجعوا معاك ماتراجعش مع حد نهائي وانسى اللي حصل وفكر في المادة الجاية. ٣- ماتقولش رأيك في الامتحان خالص لأنك ممكن تحبط حد تاني مهما كان رأيك، وفره لنفسك.. منه راحة بال وتوفير وقت ليك كدا كدا رأيك مش هيغير حاجة. ٤- بالنسبة للأكل: افطر بس خفيف ، لبن ، جبنة ، عيش ، مربى ، الشوفان حلو، قهوة أو شاي ، يكون معاك ازازة مية أو عصير في اللجنة، متشربش أوڤر علشان هتبقى عايز تروح الحمام. ٥- لبس مريح، مش رايحين عرض أزياء احنا، بالنسبة للبنات لا يصف ولا يشف ولا يكون زينة في نفسه؛ الشباب مزيل عرق و برفان البنات مزيل عرق ويفضل يكون طبيعي زي الشبة المهم ميكونش الريحة شديدة. ٦- السؤال الصعب بنفكر فيه دقيقة، اتنين ، تل.. ، لأ كفاية يصاحبي، بيتركن ونفكر فيه في الآخر، وربنا بيكرم وبتفتكره والله. ٧- لازم لازم تنام قبل الإمتحان وإياك تروح مطبق..   هتنام في نص الإمتحان و هتلاقي مفيش طاقة تفكر! 😵 ٨- تصلي ركعتين قضاء حاجة قبل الإمتحان وتدعي ربنا يوفقك ويسهل عليك الأسئلة. ٩- كل ما يوقف معاك سؤال.. قول اللهم ذكرني  اللهم أرشدني إلى الصواب واستغفر واهدا  ١٠- بعد ما تخلص وانت بتسلم الورقة قول اللهم استودعتك اجاباتي اللهم وفقني 💓 ١١- لا يجوز إنك تصف زميلك المُسلم إللي مش بيرضى يشارك مجهوده مع حد باليهودي لأن ده رمي له بالكُفر. ١٢- مهما كان اللي عملته في الامتحان انساه خالص انت تعبت وماكانش في ايدك تعمل اكتر من كدا، هتقعد تحسب درجات وربنا هيكرمك بدرجات تانية خالص والله ثق فيه بس واتعب للمادة الجاية عشان ربنا يكرمك فيها. ١٣- مسك الختام، أمك وأبوك تراضيهم قبل ما تنام وتطمنهم وإياك تتعصب عليهم، تقرأ ورد القرآن، تصلي ركعتين قيام وركعة وتر، وتتذلل لله. ١٤- أخيرا متنساش تاخد رقم الجلوس والبطاقة بتاعتك. حبيبي كلنا مقدرين مجهودك وتعبك والظروف اللي مريت بيها خلال السنة وفرحانين بيك والله، عملت ايه وهتعمل ايه في الامتحان دي حاجة مش فإيدك ماتخافش منها، اجتهد واعمل إللي عليك وتوكل على الله وحل على قدر فهمك والنتيجة يتكفل الله بها وصدقني لو ربنا رأى منك الجد والصدق والتقوى لن يضيعك ولو مش في الدنيا فـ هناك آخرة ❤️ - طلاب الازهر.

‏أنت اليوم على موعد مع نِعمٍ متجددة..فاحفظها بالطاعة وأَقِمْها بالشكر. ولاتنس الصلاة والسلام على سيدنا ونبينا محمد صلى الله عليه وسلم د.عمرو شعيب

لا تغفلوا عن الدُعاء؛ ففي الجمعة ساعة لا يُوافِقُها مُسْلِمٌ، يَسْأَلُ اللَّهَ فيها خَيْرًا، إلَّا أعْطاهُ إيَّاه. اللهم انصر اخواننا. اللهم ثبت قلوبنا على دينك. ✨ #أذكار_المساء ✨

﴿يولِجُ اللَّيلَ فِي النَّهارِ وَيولِجُ النَّهارَ فِي اللَّيلِ وَسَخَّرَ الشَّمسَ وَالقَمَرَ كُلٌّ يَجري لِأَجَلٍ مُسَمًّى ذلِكُمُ اللَّهُ رَبُّكُم لَهُ المُلكُ وَالَّذينَ تَدعونَ مِن دونِهِ ما يَملِكونَ مِن قِطميرٍ﴾ فاطر

باسل محمد مؤنس -رحمه الله-

*فقرة ذي القعدة والإستغلال الأمثل للامتحانات* *الليلة هي ٨ من شهر ذي القعدة ، أول حاجة الشهر دا من الأشهر الحُرم ف أهلا ومرحبا*❤‍🩹 يعني تُضاعف السيئات مثل ما الحسنات تتضاعف ، واللي مش عارف إيه هي الأشهر الحرم فهي (رجب، ذو القعدة، ذو الحجة، محرم) يعني احنا داخلين على ٣ شهور الغلطة الصغيرة في نظرك في ميزانك ثقيلة *يعني ذنب زي النميمة كدا ، بياكل من ميزانك فتخيل لما السيئات تُضاعف؟* *احترسوا على ميزانكم الأيام الجاية* الشيء الثاني ، المسافة بين رمضان والعشر شهرين بس ، لكن المسافة من العشر لرمضان ٨ شهور و نص تقريبًا! فتخيلوا كدا احنا بنبني أساس يكمل معانا ٨ شهور 🥹🤲🏻 *موسم عبادة ضخم ، الإنسان لو وضع أساس قوي هيستمر لحد رمضان ويجي في رمضان يشحن نفسه تاني وهكذا* *فـ احنا عايزين نستعد للعشر بكل طاقة كأننا داخلين حرب يا نموت يا نفوز!*🪄 معانا شهر واحد للاستعداد نعمل إيه؟🤔 🔖 *هنحارب نرجع أي عبادة وقعت من بعد رمضان يعني الصلاة على وقتها والنوافل والضحى والقيام ، دول أساس اليوم اليوم مينفعش يخلص بدونهم ، بصوا تعاملوا على إنهم فروض*. 🔖 *والأذكار ، صباح ، ومساء ، حسنات كتير وتحصنكم وتنجيكم ، وذكر ، بعد كل صلاة ، كل ذكر حسب ما تقدر ، صدقة حسب ما تقدر*. 🔖 *ورد القرآن وتحاول تختم ، صيام اثنين وخميس و١٣ و١٤ و١٥ الايام القمراية ، ويعني لو تعرفوا تزودوا ليه لا*؟ 🔖 *وترك أي ذنب أي ذنب ، حطوا حد بينكم وبينه أي ذنب يبعدكم عن الله اقطعوه اقطعوا أي حاجة محرمة* *ميزانكم الشهور الجاية لازم يكون في زيادة للحسنات والخير والمسارعة للتوبة كل ما نفع ،والله المستعان*. وأنهينا اللي كنا عاوزين نقوله ياولاد الخلاصة لو عرفت الثواب هيهون عليك أي تعب وده مش ثواب عادي كده ده الله يضاعف لمن يشاء🥹🪄 *الامتحانات هتعدي والضغط هيعدي والتوتر وكله بيعدي* *بس يعدي وانت فايز دنيا واخره ولا يعدي وانت كده كده وانت محطتش في ميزانك؟!* استعينووو بالله وجددوا النوايا واستغلو النفحات في الشهور العظيمة دي 🤍