وحدوي

میراتی ئەوانیش بۆ ئێمە ماوەتەوە کە میراتەکەی ئەوان بۆ ئێمە ئەم تەریقەتانەیە کە ئێستاکە هەیە وەک قادری و نەقشبەندی و ریفاعی...هد.. کە سەنەدەی هەموو تەریقەتەکانەوە دەگاتەوە سەر حەزرەتی ئیمامی عەلی. (ئەگەرچی هەندێک سەنەد ئاماژە بە غەیری ئیمامی عەلی دەکەن بەڵام ئەم سەنەدانە قسەیان لەسەرە، ئیتر خوا بۆخۆی باشتر دەزانی) ئەوەی کە گرینگە روون بێت گشت ئەم تەریقەتانە ئێمە دەگەینتە ئەم مەعنەویە و حەقیقەتی کە هەیە. واتە میراتە حەقە نەک غەیری ئەوە. ئەگەر ئاماژە بەمە بکرێ کە لەناو ئەم تەریقەتانە ئەشعەری یان ماتوریدی هەن، خودی ئەمانە تەنیا لە زاهیردا دەجولێینەوە نەک حەقیقەت بەڵکو تەنیا وەک وێزگەیەک وایە کە عەقیدەکەو پاک بێ بەرامبەر بە خودا نەک گەیشتن بێ بە حەقیقەت. نامەوێت نوسراوەکە زۆر درێژ بکەمەوە کۆتای دەهێنم بەمەی کە ئیسلام بە رسوڵ اللە ﷺ هات لەناو "بەنی هاشم"، هەروەها دوای ئەم تێکچوونەی کە زاهیر و باطن لەناو موسڵماناندا پچرا بە فەرمایشتی رسوڵ اللە هەر کەسێک دێت کە لە بنەماڵەی خۆیەتی کە بنی هاشمە و ئیمامی مەهدیە. حەزرەتی شێخی گەورە ابن عەرەبی لە "الفتوحات المكية" دەفەرمووێت: "اعلموا أن لله خليفة يخرج وقد امتلأت الأرض جورًا وظلمًا، فيملؤها قسطًا وعدلًا، ولو لم يبقَ من الدنيا إلا يوم واحد، طوّل الله ذلك اليوم حتى يلي هذا الخليفة، وهو من عترة رسول الله صلى الله عليه وسلم، من ولد فاطمة، جده الحسين بن علي بن أبي طالب." حەزرەتی شیخی گەورەش بە روونی باسی ئەوە دەکات کە ئیمامی مەهدی لە الوبیتی رسوڵ اللەیە ﷺ. خولاسە سەرەتا و کۆتای ئیسلام خودی مەبەست لە هاتنی ئیسلام تا رۆژی قیامەت... بە الوبیتی رسوڵ اللەیە، هیچ کەسێک و هیچ هۆزێک ناگاتە فەزڵی ئەوان، ئەوانە هەڵبژێردراون و تایبەتی تەیبەتەکانن، خۆشەویستی ئەوان تەنیا دەروازەیە بۆ نزیک بوونەوە لە حەقیەقەت بە غەیری خۆشەویستی ئەوان محاڵە. رسوڵ اللە و الوبەیتی هەڵگری حەقیقەتی موتڵەقن و کۆکەرەی زاهیر و باطن و پەخشەری تەواوی مەعنەوی و حەقیقەتن بە هەموو موسڵمانان بە موتڵەقی!. ئیتر خوای گەورە خۆی باشتر دەزانێ

شیعە و سوننە؛ ئێمە لە سەردەمێکدا دەژین تەواوی سروشتی مرۆڤ کەوتۆتە ناجێگری، بە ئەستەم شتێک دەدۆزیتەوە لە شوێنی خۆی بێت.. ئەمە نەک سەردەمی فیتنەیە کە لام وایە بەرەو کۆتایەکان دەرۆین... لە تەواوی ئەم خوێندنەوە و شەرحانەی من خوێندوومە لەگەڵ دیراسە کردنی چەند بابەتێک لەم ساڵەی کۆتایدا... بە حەقیقەتن من لە چوارچێوەی ئەهلی سوننەدا یان شیعە دا نیم ... وەک ئەم شیعەی کە لەم سەردەمەدا هەیە یان ئەم سوننەی لەم سەردەمەدا هەیە...! هەر قسەیەک دەکەم بەبێ گەرانەوەیە بۆ ئەهلی سوننە و شیعە.. چونکە حەق بۆ دیار کردن لازمە لە دەرەوەی ئەوانە بە کۆمەڵێک بنەما پێوەر بکرێ، بۆیە ئەوەی وێڵم بەدوایدا حەقە نەک دەستەواژەیەک بۆ هەڵگرتن ئەگەر بزانم شتێک لە سوننە یان شیعە یان غەیری ئەوان حەقە بەبێ دوو دڵی هەڵیدەگرم!.. لە ئەزموونی بەندەوە، حەقی موتڵەق نە لای سوننەیە نە لای شیعەیە بەڵکو لای کۆمەڵەیەکە کە بە تەواوەتی پابەندی ئسوڵی تەسەوف دەبن. ئەگەر چی لای زۆرێک لایان وایە تەسەوف و سوننە یەکە بەڵام ڕاستیدا ئەوەی من تا ئێستا پێگەیشتووم تەنیا ئەوەیە کە نایانەوێت بە جیاوازی سەیر بکرێ ئەگینا لە ڕاستیدا بە تەواوەتی دوو عەقیدەی جیاوازن. ئەمەی کە ئێستا هەیە لەم سەردەمەدا کە پێیان وایە شیعە راستەقینەیە یان ئەهلی سوننەی راستەقینەیە بە هیچ شێوازێک وانین. هۆکاری سەرەکی ئەم دوو فرقەیە لەناو ئومەتی ئیسلام لەسەر ئەو خوێندنەوانەی کە من کردوومە تا ئێستا دەگەرێتەوە بۆ دوو جەمسەر کە "بەنی ئومەیە و بەنی هاشمە".. بەڵام لە ئسوڵی ئەهلی تەسەوفدا بە هیچ شێوازێک لەسەر ئەم جەمسەرانە نین. لە واقیعی ئێستادا، بە تەواوەتی دەردەکەوێ کە ئەهلی سوننە بەنی ئومەیان کردۆیە سمبول، شیعەکانی بەنی هاشمیان کردۆتە سمبول. لەم سەردەمەدا کە زۆرینەمان نوقمی گێژاوی سەرلێشیاوی بووینە بە هۆی ئەم هەژموونانەی بەسەرمانەوەیە، بۆ دۆزینەوەی رێگای حەق من ئاماژە بە حدیسێک دەکەم نەک تەنیا سەحیحە بەڵکو ئەوەندە زۆر باس کراوە کە گەیشتۆتە حەدی متەواتر. حەزرەتی رسوڵ اللە ﷺ دەفەرمووێت: ​"إِنِّي تَارِكٌ فِيكُمْ مَا إِنْ تَمَسَّكْتُمْ بِهِ لَنْ تَضِلُّوا بَعْدِي، أَحَدُهُمَا أَعْظَمُ مِنَ الآخَرِ: كِتَابُ اللَّهِ حَبْلٌ مَمْدُودٌ مِنَ السَّمَاءِ إِلَى الأَرْضِ، وَعِتْرَتِي أَهْلُ بَيْتِي، وَلَنْ يَتَفَرَّقَا حَتَّى يَرِدَا عَلَيَّ الْحَوْضَ، فَانْظُرُوا كَيْفَ تَخْلُفُونِي فِيهِمَا." دەقی حەدیسەکە: "من دوو شتی گرانبەها لەناو ئێوەدا بەجێ دەهێڵم، ئەگەر دەستیان پێوە بگرن هەرگیز دوای من گومڕا نابن؛ یەکێکیان لەوەی تریان گەورەترە: کتێبی خودا (قورئان) کە وەک پەتێکی ڕاکێشراوە لە ئاسمانەوە بۆ زەوی، و عترەتەکەم (ئەهلی بەیتم). ئەم دووانە هەرگیز لە یەک جیا نابنەوە تاوەکو لە لای حەوز (لە ڕۆژی دوایی) دەگەنەوە بە من. کەواتە وریابن بزانن چۆن مامەڵە لەگەڵ جێنشینەکانم دەکەن لە دوای من." لای ئێمە روونە کە قورئان چیە!. الو بیتی رسول اللە ﷺ گومان لەوەدا نیە کە بنی هاشمە، بەڵام نەک ئەم سیسیلەی کە شیعە بروای پێیەتی!. لای ئەهلی حەق (تەسەوف) لەم شەرحانەی من پێی گەیشتووم ئیشارەتە بە ئەهلی کیساء. ئایە ئەهلی کیساء کێن؟! ... ئاماژە بە حەدیسێک دەکەم کە سەحیە لای سوننە و شیعە کە رسوڵ اللە ﷺ دەفەرمووێت: "عَنْ عَائِشَةَ رَضِيَ اللَّهُ عَنْهَا قَالَتْ: خَرَجَ النَّبِيُّ ﷺ غَدَاةً وَعَلَيْهِ مِرْطٌ مُرَحَّلٌ مِنْ شَعْرٍ أَسْوَدَ، فَجَاءَ الْحَسَنُ بْنُ عَلِيٍّ فَأَدْخَلَهُ، ثُمَّ جَاءَ الْحُسَيْنُ فَدَخَلَ مَعَهُ، ثُمَّ جَاءَتْ فَاطِمَةُ فَأَدْخَلَهَا، ثُمَّ جَاءَ عَلِيٌّ فَأَدْخَلَهُ، ثُمَّ قَالَ: ​إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا. دەقی حەدیسەکە: (حەزرەتی دایە) عائشە (ڕەزای خوای لێبێت) دەفەرموێت: بەیانییەک پێغەمبەر ﷺ چووە دەرەوە و عەبایەکی (کیسا) نەخشێنراوی لە مووی ڕەش پۆشێبوو. ​سەرەتا حەسەنی کوڕی عەلی هات و بردیە ژێر عەباکەوە. ​دواتر حوسێن هات و ئەویشی بردیە ژێرەوە. ​پاشان فاتیمە هات و ئەویشی خستە ژێر عەباکە. ​لە کۆتاییدا عەلی هات و ئەویشی بردیە ژێرەوە. ​پاشان پێغەمبەر ﷺ ئەم ئایەتەی خوێندەوە بەسەریان: ​إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا. ئەم شەرحانەی کە من بە ئاگادارم لای ئەهلی تەسەوف، ئەم چوارە خۆشەویستە حەزرەتی دایە فاتیمە و حەزرەتی ئیمامی عالەم (عەلی)، حەزرەتی ئیمامی حەسەن و حوسێن، چوار جەمسەرن کە تەواوی حەقیقەت لەوانەوە دەردەچێت. لە شەرحەکانی شێخ "محمد زوبێر"دا بە روونی ئاماژە بەمە دەکات کە حەزرەتی دایە فاتیمە کە کچی رسوڵ اللەیە ﷺ لەگەڵ حەزرەتی ئیمامی عالەم (عەلی) تایبەترینن کە ئەم چوار خۆشەویستە هەڵگری کەماڵیەتی سیفات و میراتی رسوڵ اللەﷺن.

"وأقرب الناس إليه أي إلى النبي علي بن أبي طالب رضي الله عن عنه، إمام العالم وسر الأنبياء أجمعين." 📚الفتوحات المكية - الشيخ الأكبر ​"فما من وليٍّ لله تعالى من أمة محمد ﷺ من أولاد علي أو غيرهم، إلا وهو من تحت قدم علي بن أبي طالب." 📚الفتوحات المكية - الشيخ الأكبر

دەربارەی بەکارهێنانی ئازەربایجان و ئەرمەنیا #سیاسەت

بۆچی ئەمەریکا بەبێ "پاکستان و عەرەبەکان" ناتوانێت هێرشی زەمینی بکاتە سەر ئێران؟! لە دوای هەموو ئەو هەراو هۆرانەی میدیایەی کە باس لە ئەگەری جەنگی زەمینی دەکەن، ڕاستییەکی حاشاهەڵنەگر هەیە کە ئەمەریکا، سەرەڕای هەموو باڵادەستیە تەکنەلۆژیەکەی، توانای دەستپێکردنی جەنگێکی زەمینیی (Ground Invasion) نیە دژی ئێران!، مەگەر بە بەشداریی ڕاستەوخۆ و قووڵی پاکستان و وڵاتانی عەرەبی نەبێت!. ئەمە هەر لەبەر لاوازیی سوپای ئەمەریکا نیە بەڵکو پەیوەندی بە جوگرافیا و لۆجستیكی جەنگەوە هەیە کە جوگرافیای ئێران و کێشەی "دابەزینی زەمینی" ئەمەریکا و هاوپەیمانەکانی لە کەنداو خاوەنی پێشکەوتووترین فڕۆکەی جەنگی و مووشەکی "تۆماهۆک"ن، بەڵام جەنگ لەسەر زەویدا سوودی نیە!. ئەوجا ئێران وڵاتێکی شاخاوی و فراوانە هێرشی "دابەزینی ئاسمانی یان دەریایی" (Amphibious Assault) کارێکی ئەوەندە مەترسیدارە کە تەنانەت پنتاگۆنیش ترسی لێی هەیە!!. بۆیە بۆ ئەنجامدانی هێرشێکی زەمینی، پێویستە بە "سەری پردێک" (Bridgehead) هەیە کە یانی سنوورێکی وشکانیی فراوان کە هێزەکان لێیەوە ڕەوانە بکرێن، ئەمەش تەنیا لە ڕێگەی پاکسـتان (لە ڕۆژهەڵاتەوە) یان عەرەبەکان (لە باشوور و ڕۆژاواوە) دەکرێت!!.. هەروەها پاکستان، کلیلی هێرشە! پاکستان تەنیا دراوسێیەکی ئێران نیە، بەڵکو خاوەنی یەکێک لە گەورەترین و بەئەزموونترین سوپاکانی جیهانە!. بێبەشبوونی ئەمەریکا لە پشتیوانیی ئیسلام ئاباد، بەواتای لەدەستدانی گەورەترین دەروازەی زەمینی دێت. بەبێ هێزی مرۆیی پاکستان و بەکارهێنانی خاکەکەی وەک بنکەیەک بۆ جووڵەی تانک و زرێپۆشەکان، هەر هێرشێکی ئەمەریکی بۆ سەر قووڵایی خاکی ئێران دەبێتە "خۆکوژیەکی سەربازی"....! وڵاتانی عەرەبیش لە نێوان حەز و واقیع هەموو ئەو قسانەی باس لە پاڵنانی سعودیە یان وڵاتانی کەنداو دەکەن بۆ جەنگ، تەنیا پڕوپاگەندەی میدیاین!.. ڕاستییە تاڵەکە ئەوەیە کە ئەم وڵاتانە "دەوڵەتی جەنگاوەر" نین و ئەوان لە ڕووی ستراتیژیەوە زۆر ناسکن، هەروەها زۆر هۆکاری تر کە نامەوێت نوسینەکە درێژ بێتەوە...! لەسەر ئەم ئەساسانە جەنگێکی ئەستەمە ئەگەر ئەمەریکا بیەوێت هێرشی زەمینی بکات، پێویستی بە ملیۆنان سەرباز و هەزاران کیلۆمەتر سنووری کراوە هەیە. کاتێک وڵاتانی کەنداو لەبەر ناسکیی پێگەی خۆیان نەیانەوێت تێوەبگلێن، و پاکستانیش بەرژەوەندیەکانی خۆی لە ئەستمە بخاتە مەترسیەوە ، ئەمەریکا خۆی لەبەردەم بنبەستێکدا دەبینێتەوە!!. ئەمەریکا دەتوانێت لە ئاسمانەوە ئێران وێران بکات، بەڵام بەبێ قوربانیدانی سوپای وڵاتانی عەرەبی و بەکارهێنانی قورسایی جوگرافی و سەربازیی پاکستان، هەرگیز ناتوانێت پێ بخاتە سەر خاکی ئێران. هەر هێرشێکی زەمینی بەبێ ئەم دوو لایەنە، تەنیا خەونێکی سیاسییە و لەگەڵ واقیعی سەربازییدا ناگونجێت...! #سیاسەت

هێرشی زەمینە یەکێکە لە هەرە گەمژەترین بریارەکان لەلایان ئیدارەی ترەمپەوە چونکە مێژوو ئەوە دەسەلمێنێ جوگرافیای ئێران بە هێزی زەمینی ئەمەریکا و ئیسرائیل هەرگیز سەرکەوتوو نابێت!.. بەڵام.... لێرەدا بەڵامێکی گەورە هەیە چونکە مەرج نیە بە ناردنی سەربازی ئەمەریکایی بۆ نزیک ئێران ئەمەریکا مەبەستی هێرش بێ بەڵکو هێنانی سەربازەکان رەنگە وەک سیاسەتێک بەکار بهێنی بۆ ئەوەی ببێتە هاندان بۆ هێزە کوردیەکان و ئەو کەسانەی ناوخۆی ئێران بۆ ئەوەی دژی حوکمەتی ئێران جولە بکەن!. هەرچەندە ئەم ئەگەرە لاوازە.. چونکە سیاسەتی ئەمەریکا لەم شەرەدا بەراستی هەنگاوەکانی هەمووی لاواز و بێ پیلانن بۆیە ئەم ئەگەرەم خستۆتە روو. #سیاسەت

خەڵکانێک زۆر لایان وایە ئێران هێرش دەکاتە سەر کوردستان وەک ئیهانە یان گوماندارە لە ناوچەکان... لە ڕاستیدا چ ئێران چ ئەمەریکا هێندە گەمژە نین یەک درۆن بە خەسار بدەن لە خۆرا. زۆربەی ناوچەی کوردستان بە تایبەتی ناوچەی سەر بە پارتی و هێزە کوردیەکان ئەوانەی چەکداری سەربەخۆن تەنانەت زۆرێک لەو مەقەرانەی سەر بە پێشمەرگەن لای پارتی... وەک وێزگە بەکار دەهێندرێ بۆ دروستکردنی تەشویش لەسەر ئێران، هەروەها گەیاندنی پەیام بە سیخور لە ئێران...هد. هەتا هەردوو حیزبەکە بە تەواوەتی لە کوردستان یەکنەگرن و بە زمان و بە کردار راینەگێنن کە ناچنە ئەم شەرەوە! هێرشەکان هەر بەردەوام دەبێ!.. دەبێ هەردوو حیزبەکە خۆیان هەڵبسن بە پاکردنەوەی کورستان لەسەر وێزگانەی بۆ دژی ئێران بەکاردێ!. هەرچەندە پێشتر وتومە ئەمە ئەستمە رووبدا... بۆیە ئەمەریکا دواجار خاکی کوردستان هەر بەکار دەهێنێت! #سیاسەت

کاتێک خۆشەویستی لە هەموو مەبەستێکی شاراوە خاڵی دەبێتەوە، دەبێتە پەیوەندیەک کە تەنانەت لە پەیوەندیی خوێنیش بەهێزتر دەبێت...! "ابن حزم"

خۆشەویستیی ڕاستەقینە بە عەقڵ ڕوون نابێتەوە و بە وشەش دەربڕ ناکرێت بەڵکو لە دڵدا نیشتەجێیە و ڕۆح پڕ دەکات....! ابن حزم

خۆشەویستی لە وشە و دیاریدا نیە، بەڵکو لەو ساتانەدایە کە هەست دەکەیت بەتەنیا نیت...! ابن حزم

خۆشەویستی شاردنەوە ئازارە، ئاشکرا کردنی مەترسیە، کە لە نیوان دوو ئاگردا وەستاوە!.. ابن حزم

"جیابوونەوە لە خۆشەویست لە مردن خراپترە، چونکە مردن ئاسوودەیی دەهێنێت، لەکاتێکدا جیابوونەوە بە هێواشی دەکوژێت....!" "ابن حزم"

خۆشەویستیی ڕاستەقینە تەنها بۆ ئەو کەسانە هەیە کە شایستەی بن، وە تەنها بۆ ئەو کەسانە دەمێنێتەوە کە بەهای دەزانن!... "ابن حزم"

چاو، گەورەترین دەروازەی ڕوحە، زۆربەی ئەوەی دەچێتە دڵەوە لەم دەروازیەوە دەبێ!. "ابن حزم الأندلسي"

سەیر نیە، ئەگەر کەسێک خۆشەویستی لەناوی ببات، سەیر ئەوەیە، ئەو کەسەی خۆشی ویستووە دەمێنێتەوە!... "ابن حزم الأندلسي"

زۆرینەی چیرۆکەکان لە مێژووە کە دەگاتە ئێمە، لەناوەوەیاندا درک بە توندرەوی و توندیەکی زۆر دەکرێ لەلایان ئافرەتەوە یان پیاوە بۆ بەدەست هێنانی ئەم کەسەی کە دڵی بردووە.. بە جۆرێک کە توند بوون و شەرکردن لەسەر ئەو حەزرەتەی کە دەیەوێ بەدەست بهێنێ بۆتە دەلیلی پیاوەتی و خۆشەویستیەکەی!.. رەنگە لای زۆرینەی کەس ئەمە شتێکی ئاسایی بێ کە نەماوە لەم سەردەمە نوێیەدا، جا ئەگەر بە هەر بەهانەیەک بێ.. چونکە یاخی بوون لە چوارچێوەیەک بۆ بەدەست هێنانی حەزرەتی ناوەوەی لەم جیهانە نوێیەدا نامۆیە. یەکێک لەم شتانەی کە بۆ ماوەی ٣ دانە ساڵە تێبینی دەکەم کە ئەوەیە کچ و کور بەهۆی ئەوەی لەم سەردەمەدا چیتر ئاراستەی خۆیان ناکەن لە ژیان و ویستەکانیان بەڵکو ئاراستەکراون! هەڵبەتە ئەم بابەتەم لە نوسینەکانی تردا باس کردووە.. بەڵام ئەوەی لێرەدا پرسەکەیە کە خودی خۆیان نەماون!. چونکە کاتێک مرۆڤێک ڕوحی دەکەوێتە ناو بۆشایەکەوە بە سروشتیەن قبوڵی ناکات، وەک چۆن پلینگ پەلاماری ئاسکێک دەدا، ئەم ویستە هیچ بەربەستێک رایناگرێ! تەنانەت هێزێکی مەعنەوی بێوێنە بەرهەم دەهێنی بۆ شەرکردن! بەڵام لەم سەردەمە نوێیەدا، کاتێک بۆشایەکان دروست دەبن، پر دەکرێتەوە بە شتی نەگونجاو.. وەک خشتەیەکی بیرکاری وایە کە ژمارەیەکی گونجاو دەبێ لە شوێنی گونجاو بێ بەڵام تاکەکان ژمارە گونجاوەکە هەڵنابژرێن! نەک لەبەر ئەوەی نایانەوێت!! بەڵکو نازانن!.. چونکە ئەوان نەزان کراون لەبەر ئەوەی زۆرێک لە پیاوەکان ئەم توندرەوەیە لە ئەشقە بۆ بەدەست هێنانی کچێک لەلایان ئەم سەردەمەوە بە توندی لۆمەکراوە! کە لە راستیدا بۆشایەکی گەورە لە پیاوەکە پر دەکاتەوە.. هەروەها کچەکان بە هەمان شێوەیە کە سروشتیان دەبێ وابێ کە لە پێناو بۆشایەکەی ناخیدا رابکات بە دوای سوارچاکەکان یان بە مانایەکی تر خۆی هەڵبواسی بە پیاوەکەوە!.. بەڵام لە جیهانی مۆدێرنەدا بە پێچەوانەیە ئەم بۆشایە دوبارە پر دەکرێتەوە بە شتێکی نەگونجاو.. لە ئەنجامی ئەم پێشەکیانە هەردوو رەگەزەکە لە بۆشایەکی مەعنەویەدا مەلە دەکەن، تەنانەت زۆربەی کات کە هاوژینیش پێک دەهێنن چونکە ئەم بۆشایە هەر دەمێنی چونکە سروشتی دوو رەگەزە لام وایە هەوڵی بۆ بدا کە نەیداوە! وەک نەقسێکی شاراوە دەمێنێتەوە !! #ئیدراک