ً

خلك على صكات الايام صبار ‏ويومٍ يفوتك لا تمنى رجوعه -رشيد الزلامي

سنين وانا اخيل لي من يمة القبلة خيال ‏من مزنة ما هل ماها وانتظر هملولها ‏لكن كانه حل خامس عقب رابع حول حال ‏سندت ولا انحيت مع عرض البلاد وطولها ‏والله يعينك يالجنوب ليا امتلا صدر الشمال ‏الله يعينك ليا امتلا صدر الشمال تقولها -مطلق دعيج

مانيب طرّاد السّحاب المزابير ‏اللّي ما بل عروق كبدي قراحه ‏وشوله أحول على جمّة البير ‏لا صرت فـالجمه ما أعرف السباحه ‏يرزقني اللي يجلب الرزق للطير ‏اللّي على عشّه كسير جناحه ‏أمسى يمرجح به عجاج المعاصير ‏ولقى فرج ربّي على أول صباحه .

الرزق من عند الولي بالتساهيل ‏ماهوب بالقوة ولا بالشطاره ‏والحنظلة لوهي على شاطي النيل ‏زادت مرارتها القديمة مراره ‏- عبدالله بن لويحان

تبادل نشر ‏ mti_ri

-