بِيسيآتَ ﮼آنَسّانْ،رَآقِـٌيُ❀✎ ‏🖤

‏الزمن بياع واعمارنا مثل البضاعه بـ اي لحظه ممكن يباع فالدنيا مصيرك خل ثلثك من معزّه وثلثيّنك قناعه قد يكون الواقع اللي تعيشه حلم غيرك

ياعزة النفس لاهمتي ولا ملتي لو كام بعض الاوادم بان تقصيره انا مع الناس عارف وش مشكلتي عطيت بعض الاوادم فوف تقديره

‏صديت عن بعض المخاليق بالعمد ‏لاهو كبــر مني ولا هي حمـاقـه ‏لكن بعض الناس يالله لك الحمد ‏مافيه امل معهم .. تدوم العلاقه .

الله من رزقٍ بغـيـته وراح ‏اصل الحياة بكبرها زايلة ‏حظي مايلٍ لا قام ولا طاح ‏غادي مثل الخيمة المايلة

عين الردي يقصر نظرها من الطيب لو كان شوفه شوف زرقاء اليمامه يغويه شور قريّبين المحاضيب ويعميه من كسب الجميل الرخامه .

مدام رزقي عند رب المخاليق مالي ومال الناس واللي وراها يارب تجعل كل عمري توافيق ونفسي من الزلات تغفر خطاها

‏لاتامن الطيب ولاتامن الشين ‏خلك فطين وخل نفسك حريصه ‏ ‏حنا بزمن فيه اختلاف الموازين ‏ماعاد تعرف غاليه من رخيصه .

‏يا قبر علمني عن احوال راعيك فقيدي اللي ما يعوض غيابه مرحوم ياللي كل ماحل طاريك يهل دمعي مثل وبل السحابه

صدّو ولا قالو لنا ليش صدّو وحنا بعد جاز الفراق ونسينا شالو على سود النوايا وشدّو وحنا على بيض النوايا بقينا

خلك عزيز النفس والعز مبداك كلن عطه تفصيل ثوبه وقده لا ترتخي بالضيق وتفرح اعداك خلك جسور وكل صعب تهده