Башҡорт донъяһы

Бөгөн Өфөлә башланған "Рәсәй - спорт державаһы" XII Халыҡ-ара форумы сиктәрендә Көрәш һарайы алдында ойошторолған күргәҙмәнән күренештәр.🥰

МИН БИТ ӘЛЕ БАШҠОРТ ҠЫҘЫ Үтәйемсе атта елеп Тау-урманды, ялан-ҡырҙы, Саялығым нәҫелемдән – Мин бит әле башҡорт ҡыҙы. Һығылып торған өҫтәлемдә Ҡымыҙ ҙа бар, икмәк-тоҙо, Тәбиғәттән ҡунаҡсылмын – Мин бит әле башҡорт ҡыҙы. Йырлайымсы күкрәк киреп Оҙон көйгә моңло йырҙы, Күңелемдә мең йәшәр моң – Мин бит әле башҡорт ҡыҙы. Ата-бабам усағының Йөрәгемдә дөрләй ҡуҙы, Төйәккенәм – Башҡортостан, Ә мин үҙем башҡорт ҡыҙы! Зөлфиә ХАННАНОВА. Видео: шиғырҙы Нәркәс Юлдашева уҡый. "Башҡорт телен һаҡлау һәм үҫтереү ойошмаһы" төркөмөнән.

ҺӨЙӨНСӨ! Башҡортса яңы китап сыҡҡан!

Башҡортостан урмандарында яҡындан ғына маралды төшөрөп алғандар. Ярай әле ул кешене күрмәй үтеп киткән, юғиһә, фажиғәле хәл булыуы ихтимал, ти урман хеҙмәткәрҙәре. Видео: "Шүлгәнташ" Дәүләт ҡурсаулығы төркөмөнән.

ХӘЙЕРЛЕ ИРТӘ! Бәхетле минуттар күберәк булһын!💚

Батырхан менән бергә башҡортса әкиәт тыңлап тамамлайыҡ әле был көндө 😍 Тәмле төштәр барығыҙға ла!✨🪄 Видео: Миләүшә Хәйбуллина.

❓Киске ял минуттарығыҙҙы нисек үткәрәһегеҙ? Аҙна уртаһында барлыҡ ваҡ мәшәҡәттәрҙе 15 минут та 26 секундҡа булһа ла онотоп торорға һәм беҙҙең менән бик кинәйәле генә "Кәләш алам" фильмын ҡарарға кәңәш итәбеҙ. 😉 Режиссеры: Таңсулпан Бураҡаева.

🙈

БАШҠОРТ ХОР МУЗЫКАҺЫ ТУПЛАНА 📍Башҡортостандың Т. Сәйфуллин исемендәге Дәүләт академия хор капеллаһы башҡорт хор музыкаһы аудиоантологияһын яҙҙырта башлаған! 🎼Коллектив 1940 йылдарҙан беҙҙең көндәргә тиклем ижад ителгән хор менән йырланған әҫәрҙәрҙең аудиояҙмаларын әҙерләй. 🎼Был үҙенсәлекле антология коллективтың 2025 йылда билдәләнәсәк 55 йыллыҡ юбилейына арналасаҡ. Т. Сәйфуллин исемендәге Дәүләт академия хор капеллаһының художество етәксеһе һәм баш дирижеры Алһыу Хәсбиуллина әлеге ваҡытта коллектив менән эш башлаған.

Күрмәй ҡалмағыҙ! 🔥 ⭐Башҡорт телендә иң популяр тапшырыу - "БИШБАРМАҠ-ШОУ"ға иртәгә көндөҙгө 4-тә киң билдәле "БҮРЕЛӘР" рок-төркөмө солисы Илшат Абдуллин ҡунаҡҡа килә.

Донъя беренселегендә еңгән ҡыҙ🔥 📌Өфөнән Әлиә Мөхәмәтйәнова - самбо буйынса Донъя беренселегендә еңгән. Ларнака ҡалаһында (Кипр) самбо көрәше буйынса Донъя беренселеге U20 тамамланды. Унда кадеттар (14-16 йәш), йәш егеттәр (16-18 йәш) һәм юниорҙар (18-20 йәш) араһында 55 ауырлыҡ категорияһында ярыштар уҙғарылған. 🏆50 кг-ға тиклемгеләр араһында яҡташыбыҙ Әлиә Мөхәмәтйәнова алтын миҙал яулаған. Ҡыҙ БР Н.Гастелло исемендәге Спорт мәктәбендә шөғөлләнә. Йәш спортсыны һәм уның тренерҙары Станислав Орлов, Елена Орлованы ҙур еңеү менән ҡотлайбыҙ!🌹 Фотолар: "Вестник Башкортостана" төркөмөнән.

ИКМӘКТЕ ОЛОЛАП 📌Хәйбулла районының Аҡъюл ауылында Бөтә донъя икмәк көнө уңайынан "Икмәккә оло хөрмәт" тигән бай йөкмәткеле сара уҙғарылған.

🥖"Икмәк - ил байлығы, тиҙәр, был ысынлап та шулай. Кешене туйындырып тороусы төп аҙыҡ ул. Шуға ла электән уны үҫтереүселәр — игенселәр хеҙмәте оло баһаланған. Уның ҡәҙерен айырыуса аслыҡты кисереүсе оло быуын вәкилдәре яҡшы аңлай. Ул дәүерҙәр ҡабатланыуын һис теләмәйбеҙ, әммә йәш быуынға икмәк ҡәҙерен аңлатыу, уны ололарға өйрәтеү — беҙҙең бурыс",

- тип хәбәр иткәндәр "Хәйбулла районы башҡорттары ҡоролтайы" төркөмөндә. 📍Сарала ҡатнашҡан балаларға Фәнүзә Ишемғолова таш тирмән (боронғо ҡул тирмәне) тураһында һөйләгән. 🥖"Иң ҙур икмәк" конкурсына 2 кг-лыҡ икмәк бешереп алып килгәндәр. 🥖"Иң бәләкәй икмәк" конкурсына 170 грамлыҡ ҡына тартҡан. 🥖"Иң матур биҙәлгән икмәк" кеүек тағы төрлө маҡтауҙарға лайыҡ булған Аҡъюл ҡатын-ҡыҙҙарының күпертеп бешергән тәмле ризыҡтары. Икмәк ҡәҙерен онотмаһаҡ ине, тигән теләктә ҡала аҡъюлдар. 📍Әйткәндәй, Аҡъюл ауылы халҡы быйыл "Айыҡ ауыл" конкурсында ҡатнаша икән, уларға уңыштар теләйбеҙ!

ТАТЛЫ ҠАРБУЗ🍉🍉🍉 Видеола: полуляр йырсы Rena Rnt-ның малайы.

БАШҠОРТ ГИМНАЗИЯҺЫ УҠЫУСЫҺЫ - ГИМНАСТ 📌Видеоға төшкән Солтанова Гөлнәзирә Өфө ҡалаһының Ф. Мостафина исемендәге 20-се Башҡорт гимназияһында уҡый. Шулай уҡ ул С. Хоркина исемендәге гимнастика үҙәгендә шөғөлләнә, спорт гимнастикаһында еңеүҙәргә лә өлгәшкән икән. 🔥 📍ӘЙТКӘНДӘЙ, 17-19 октябрҙә баш ҡалабыҙҙа әһәмиәтле спорт сараһы - «Рәсәй – спорт державаһы» XII халыҡ-ара форумы үткәрелә. ✅Ул 19 октябрҙә "Йөрөү көнө" менән тамамлана, бында ҡала халҡы ла ҡатнаша ала: Октябрь проспектындағы "Спорт" туҡталышынан алып "Ҡала советы"на тиклем араны йәйәү үтергә кәрәк була.

- ҺИН ҠАЙҺЫ АУЫЛДАН? - БАШҠОРТОСТАНДАН!❤ 🔥Билдәле журналист Зөһрә АРСАЕВА сәхифәһендә бик матур яҙма менән уртаҡлашҡан кисәге: "Башҡортостан тигән бәләкәй генә ауылдан мин. Башҡорт дәүләт университетына уҡырға ингәндә уҡытыусылар: “Һеҙ ҡайһы ауылдан?” – тип һораны. “Башҡортостандан”, - тинем. “Юҡ, республикаңды түгел, ауылыңды әйт”, - тиҙәр. “Эйе, ауылым Башҡортостан. Башҡортостанда республикабыҙ атамаһын йөрөткән берҙән-бер ауыл”, - тинем. Аптыранылар, йылмайҙылар. “Хәҙер белеп ҡуябыҙ инде”, - тинеләр. Башҡорт дәүләт университетынан һуң, хеҙмәт юлымды Башҡортостан радиоһында башланым. Бөгөн “Юлдаш” радиоһында эшләйем. Бәләкәй Башҡортостандан сығып, ҙур Башҡортостанға хеҙмәт итәбеҙ. 💞Беҙҙең ауылда егәрле, изге күңелле, берҙәм халыҡ йәшәй. Ҙур эштәрҙе өмә менән башҡаралар. Яҡташтарымдың барыһы менән дә ғорурланам. Улар тыуып-үҫкән ерҙәренә тоғро ҡала. Башҡа урынға күсеп китмәй, матур итеп донъя көтә, балалар үҫтерә. Ауылда башланғыс мәктәптә уҡытҡан педагогтарыбыҙ Маһирә Ғиләжева, Хәмит Хажимуллин менән ғорурланам. Улар беҙгә лайыҡлы тәрбиә һәм белем бирҙе. Ауылыбыҙҙан табиптар, уҡытыусылар, тәрбиәселәр, хоҡуҡ белгестәре, журналистар, ауыл эшсәндәре сыҡҡан. Ауылымдың атамаһы менән ғорурланам. Кесе Башҡортостанды ла, оло Башҡортостаныбыҙҙы ла сикһеҙ яратам. ✅Быйыл Башҡортостан ауылы “Айыҡ ауыл” конкурсының муниципаль этабында ҡатнаша. Бөгөн тыуған ауылымда Флүрә һәм Миҙхәт Абдуллиндар йортонда ҡаҙ өмәһе үтте. Байрамды бик матур итеп ойошторғандар. Афарин! Күршеләребеҙҙең тормошо мул булһын! Бөтә яҡташтарыма рәхмәт әйтәм, һәр береһенә ҡайнар сәләм оҙатам. Улар атайсалын ташламаһа, ауылыбыҙ йәшәр, уттары гел балҡып торор! Ауылда үҫеп килгән йәштәр ҙә кесе Башҡортостандан сығып, ҙур Башҡортостаныбыҙ өсөн матур эштәр, изге ғәмәлдәр башҡарыр, асыштар яһар, лайыҡлы хеҙмәт итер. Фотоһүрәттәр өсөн Эльвера Зиннәтоваға ҙур рәхмәт!" - бына шулай тип яҙған Зөһрә Фәнил ҡыҙы. 📍БАШҠОРТОСТАН АУЫЛЫ ҠАЙҺЫ РАЙОНДА ИКӘН, ТИҺЕГЕҘМЕ? Республикабыҙҙың йәмле Асҡын районында урынлашҡан ул.🥰

ЯУГИР РӘХМӘТ ЕТКЕРГӘН "Фокс" позывнойлы яугир алдағы һыҙыҡтағы башҡорттарҙан рәхмәт һүҙҙәрен еткергән. Видео: "Журналист"тан.

ИҢ ҠӘҘЕРЛЕ РИЗЫҠ КӨНӨ❣ Эйе, бөгөн, 16 октябрь, нәҡ беҙҙең өсөн иң ҡәҙерле аҙығыбыҙ - икмәк көнө. 🍞 🥖Был иҫтәлекле датаны бөтә донъяла билдәләйҙәр. 🥖Ә һеҙ тәүге икмәктәр яҡынса 8 мең йыл элек барлыҡҡа килеүе тураһында белә инегеҙме? 🥖Тәүге икмәктәр йәймә рәүешендә бешерелгән. 🥖Әсе икмәкте иң беренсе Мысырҙа бешерергә өйрәнгәндәр. Шул заманда уҡ икмәкте ҡояшҡа тиңләгәндәр. 🥖Башҡорттар ҙа борондан икмәкте бик ҙурлаған. 📌"ӘҘӘМДӘН ОЛО - АТ, ИКМӘКТӘН ОЛО АШ ЮҠ" тип юҡҡа ғына әйтелмәгән ул.

🍀Бөгөн Өфөлә йәштәр Мостай Кәримдең тыуыуына 105 йыл тулыуға арнап сағыу флешмоб ойошторған. 🍀Өфө фән һәм технологиялар университетының башҡорт филологияһы, шәрҡиәт һәм журналистика факультеты студенттары һәм уҡытыусылары шағирҙы иҫкә алырға йыйылған. 🍀Был саранан күренештәр менән факультеттың төркөмөндә лә бүлешкәндәр. 🕊Ҡарағыҙ ниндәй күркәм сара үткән!🕊

87 йәше тулған!🥰

"Әсәйем, Гөлсирә Ибраһим ҡыҙына бөгөн - 87 йәш! Имен-һау булһын, улы янында ғүмер итә. Фотола Стәрлетамаҡ ҡунағы, бер туған һеңлеһе Маһира апай"

, - тип яҙа Һылыу Юлдашбаева сәхифәһендә. Бына шундай күркәм ғүмер байрамын билдәләгән инәйҙе ҡотлауҙарға беҙ ҙә ҡушылабыҙ! 🌹🌹🌹 Һәммәбеҙгә ошолай матур көйө олпат йәшкә етеп, балалар ҡыуанысын күреп йәшәргә яҙһын!🙏

"ҠАҒЫ ТАШЫ"ның тарихы ниндәй? Билдәле ҡурайсы Мөхәмәт Усман улы Түлебаев был турала бәйән итә һәм уның башҡарыуында "Ҡағы ташы" башҡорт халыҡ көйө.