Асланов билан футбол

Санчо ҳақида https://t.me/tribunauznews/129549

«Вест Ҳэм» ва Бразилия терма жамоаси яримҳимоячиси Лукас Пакета бутун умрга футболдан четлаштирилиши мумкин. У бир нечта ўйинда атайлаб сариқ карточка олгани иддао қилинмоқда ва бу учун тотализаторда кўп пуллар тикилган. Айблов аниқ исботланса жазо энг камида 10 йил бўлиши мумкин. Қизиғи, ўтган йили «Нюкасл» Пакета билан жиддий тарзда қизиққанди. Тасаввур қилинг, бир йилда Тонали ва Пакета учун 100 миллиондан ортиқ пул тўлаган «Нюкасл»ни :) @aslanov_futbol

Эрик тен Хаг доим бахонани жароҳатлардан қидираётган пайтда айни вазиятда Юрген Клоппнинг ечимларини мисол қилишни яхши кўришади. Тен Хаг баъзи позицияларга футболчи тополмай, қийналганда Клопп академиядан ёшларни олиб чиқди, улар билан Лига кубогини ютди ҳам. Аммо таққослаш ноўрин, буни исботлаш учун Клоппни ўзи билан ўзини солиштириш ҳам етади. 2020/21 мавсумида ҳам «Ливерпул» шундай вазиятда тушган ва ўшанда Клопп нима қилганди? Қишда мажбуран Бундеслигадан Кабак ва Филипс каби ўртачароқ ҳимоячиларни олиб келган. Фабиньони марказий ҳимояда ўйнатган ва ҳоказо. Бу мавсумда эса, бошқа йўлдан борилди: Брэдли Трентнинг ўрнини босди, марказий ҳимояда Куинса, ўртада Кларк пайдо бўлди. Ҳаммаси академиядан. Фарқи, Клопп Ливерпулда тўққизинчи йил бошқарди, табиийки, тизим унинг футболи асосида қурилган, академия ҳам мослаштирилган. Трент йўқ бўлса, худди шундай агрессив, ҳужумкор Брэдлини топса бўлади. Худди Клопп бешинчи йилида ички ресурсдан тополмагандай, Эрик тен Хаг ҳам иккинчи мавсумида тўлиқ академияга суяна олмайди. Ҳа, ўшанда Клопп якунда, ҳамма қайтгач, вазиятни ўнглаган ва кучли тўртликка қайтган, «МЮ» каби шармандали ўрин олмаган. Аммо Клопп ихтиёрида бир йил олин чемпион бўлган, унданам аввал Чемпионлар Лигасини ютган таркиб бор эди. Хуллас, Эрик тен Хаг инқирозни бошқара олмади, кўп хатоларга йўл қўйди, аммо бошқачароқ шароит ва ресурсларга эга бўлган мураббийлар билан солиштириш баъзида ноўрин. @aslanov_futbol

Анридан сўрашди. - Мбаппе «Реал»га келса, энг муҳим футболчи бўлишни хоҳлаши муаммо эмасми? - Йўқ, асло - Қанақасига, ҳамма футболчиларнинг ҳам ўз эгоси бор? - Мбаппе энг яхши эканини майдонда кўрсатиши керак, албатта - Сен ҳам бир пайтлар юлдузли «Барселона»га келганингда, энг муҳим футболчи бўлишни истагамаганмисан? - Бу бошқа. Истайсан, лекин буни исботлашга, ростанам энг яхши эканингни кўрсатишга уринасан. Ахир жамоага янги келган футболчи у ерда ҳали ҳеч нарса ютмаган. Бошқалар ютган. @aslanov_futbol

Мбаппенинг «Реал»га ўтиши аниқ бўлди. Твиттерда шундай ёзишганини кўриб қолдим: «Мбаппе келса, энди Чемпионлар Лигасини ютишимиз осонроқ бўлса керак». Дарҳол хаёлимга 2002 йилда «Реал» ушбу турнирда ғалаба қозонгани ва ўша ёздаёқ бразилиялик Роналдо трансфер қилингани келди. Балким ўшандаям бирор мухлис ўйлагандир - энди Чемпионлар Лигасини осонроқ ютамиз. Ундай бўлмади, «Реал» кейинги Чемпионлар Лигасини ютганда орадан 12 йил ўтиб кетганди. Аммо бу билан Роналдо трансфери хато бўлганини, аксига, «Реал» кучсизланганини айта оламизми? Йўқ, албатта. Ҳар қандай футбол клуби доимий шаклда ўзгариб туришга мухтож, бир нуқтада тўхташга уриниш ортга кетишни англатади. Мадридликлар анча йиллардан бери Европада чўққида турганининг ҳам сабаби шу - Роналдонинг кетиши, кейин Бенземанинг кетиши, Беллинҳэмнинг келиши, энди Мбаппе, бу ўзгаришлар жамоадаги доимий янгиланишни таъминлайди, келаётганлар янги саҳифа ва мотивация билан келар экан, эскилар бошқа шериклар, бошқача тактикаларда ўйнаш орқали доимий иштиёқда бўлади. Муҳим жараён. Иккинчидан, «Реал» - қироллик клуби, бу фақат ном эмас, аввалдан Мадрид футболнинг пойтахти бўлишга, урфларни белгилашга интилади, клубнинг энг бой, энг мухлислари кўп бўлишининг сабаби ҳам фақат совринлар эмас. Масалан, Бекҳэмнинг киноси чиқди яқинда, унинг тарихида «Реал» саҳифаси бор, Кака ўйнаб кетган, Зидан, Роналдо, яъни «Реал» энг зўр юлдузларнинг ҳикояларида ўз изини қолдиришга уринади, ҳар даврда «Реал» номи бўлиб туриши катта аҳамиятга эга. Ёш болаларда, ёш мухлисларда Мбаппега бўлган қизиқиш жуда катталигини пайқашингиз мумкин, у ҳар томонлама энг етук, энг зўр футболчи сифатида гавдаланади. Табиийки, бундай футболчи «Реал»да ўйнаши керак. Клубда шундай ҳисоблашади. Унинг жамоани қай даражада кучайтириши, кимларнинг ўрнини олиши-ю, Винисиус билан муносабати тарих олдида жуда кичик, майда масалалар. Асосийси, буни футболчилар ҳам билиб туришади. Ҳар бир топ клуб интилиши керак бўлган юқорироқ даража. Бундан ташқари, Мбаппенинг айнан Анчелотти даврида келиши ҳам муҳим. Менимча, айнан шу фактор Анчелоттини яна бир йил олиб қолишда аҳамият касб этган. Маълум схема ва услубга таянадиган ёш мураббийлар учун қўшимча муаммо бўлиши мумкин эди бу, лекин Карло учун эмас. Қаердадир яқинда ўқидим, Анчелотти «Парма»да ишлаган йиллари Баджодан воз кечган экан: - Баджони  «Парма»га ўтиш варианти бор эди, аммо уни жамоамда тасаввур қилолмадим, чунки одатда «ўнлик» позицияси менда йўқ эди. Кейинчалик, хато қилганимда пайқаганман. Мени «учинчи антибаджо мураббий» деб атай бошлашди. «Ювентус»га ўтганимда Зидан билан шундай схемада ўйнашга тўғри келганди. Аслида, юлдуз футболчилардан ҳеч қачон воз кечмаслик керак, доим уларга мос ўрин топиб бериш мумкин. Агар вақт машинаси бўлганида, қайтиб, Баджони сотиб олган бўлардим, - дейди Карло Анчелотти. Бу шунчаки фикр эмас, фаолияти давомида Анчелотти буни исботлаб келди. Ҳатто «Эвертон»га Хамесни олиб келганини ҳам эслаймиз - юқори савиядаги футболчилар ҳеч қачон ҳалақит қилмайди. «Мен ҳатто тасаввур қилмаган қобилиятларимни Анчи кашф этди» - дейди Жуд Беллинҳэм. Ўзига яраша эгоси бўлган Жуд ва Винисиуснинг бир бирига «Олтин тўп» «тортиқ қилаётганини» кўриб, Анчелоттининг «Реал»ида Мбаппе ҳеч қанақасига ортиқча бўлмаслигини тан оласиз. «Реал» Мбаппе билан билан қанчалик кучлироқ бўлади, келаси йили Чемпионлар Лигасини ютадими, ишонинг, бу бошқа масала. Бугундан туриб, эски «Реал»ни эслаганингизда бразилиялик Роналдо ҳам гавдаланади, тўғрими? У Чемпионлар Лигасини ютганмиди, йўқми, жамоа қанчалик кучайганди, буларни ўйламайсиз ҳам. Ҳамма гап шунда. Мбаппенинг «Реал»да ўйнаши, ўйлайманки, йигирма йилдан кейин эсланадиган зўр воқеа. Чемпионлар Лигаси совринлари бундай тарихдан кичикроқ. Камида «Реал»дан ўн олти баробар кичик... @aslanov_futbol

Терзич «Реал»ни тўхтатиш учун жуда яхши режа тузди ва бу ишлади ҳам. Биринчи таймда зарбалар сони бўйича 8-2. Иккинчи таймда «Реал» ўз схемасини ўзгартириб, вазиятни тенглаштирган бўлса-да, зарбалар сони 3:4, яъни кураш давом этаётганди. Одатда, агар кучсизроқ жамоа фаворитга қарши тенг ўйнаётган, яъни режа ўхшаётган бўлса, ҳеч нарса ўзгартирилмайди, жамоалар кучини яқинлаштир турган темп ва тизимни сақлашга уринилиши керак, мантиқан. Ахир айнан шу фактор - ғалаба сари йўл. Аммо «Реал»да бошқа топ клубларда бўлмаган ажойиб хусусият ҳам бор - гўёки ростан ҳам бу кун «Реал»нинг куни эмаслигига, аслида, улар билан ўйнаш осонлигига ишониб қоласиз. Бу устунлик ахир ўша мукаммал режангиз туфайли бўлди, «Реал»ни ноқулай шароитга солиб қўйганингиз учунгина ҳали ҳам имкониятни сақлаб турибсиз, дейдиган одам йўқ. Терзич, бемалол, энди ҳатто схемани ўзгартириб ҳам, «Реал» билан беллашмоқчи бўлди, қанотдаги Адайеми ўрнига Марко Ройсни туширди. Футболчилар янги схемага ўтиб, вазифалар тақсимлаб олгунларича, «Реал» ўша бўшлиқни ҳис қилди. Бу борада ҳақиқатан «Реал» - топ - рақибнинг ожиз нуқтаси вақтинча, бирор муддатга пайдо бўлиб қолса ҳам, буни дарҳол ҳис қилибгина қолмасдан, натижага айлантиради. Ройс тушганидан сўнг, «Реал» 2 гол уриб, ўйин тақдирини ҳал қилиб олгунча, ўн дақиқа ичида зарбалар сони 7-0. «Реал» 15 марта Чемпионлар Лигаси ғолиби. Турнирнинг ушбу форматдаги охирги мавсумида «Реал» яолиб бўлмасаям адолатданмас, ахир. Айтишади-ку, буниси бузилиб қолди, бошқасини олиб кел, деб. Ростанам бу ЕЧЛ бузилиб қолди, келаси йилдан бошқачаси бошланади. @aslanov_futbol

⁉️⁉️⁉️⁉️⁉️ SUPER OʻYIN 🔥 🇪🇺 Chempionlar ligasi | FINAL 🇪🇸 REAL MADRID - BORUSSIYA 🇩🇪 🍋FUTGOAL kanalida translyatsiya  boshlandi.Jonli efir bu yerda👇 https://t.me/+b6R-Qr_zxbViMzhi https://t.me/+b6R-Qr_zxbViMzhi

​​Тармоқларда Криштиану Роналдунинг кубок финалида «Ал Ҳилол»га пеналтилар сериясини ютқазгандан кейинги ҳолати, йиғлагани айланиб юрибди. Мен оддий, футболни тушуниб тушунмай бир нарсаларни қоралайдиган, маҳаллий даражадаги бир журналист бўлиб ҳам, Саудия Арабистонидаги футболни менсимайман, ёзмайман, ҳамкасбларим кўп ёзишса, энсам қотади, ҳақиқий футбол Европада, шунинг учун Месси ё Роналдунинг голлари ҳам, ўйинлари ҳам футболмас, деб ҳисоблайман. Ўз даражалари учун албатта. Ана энди, менки, шунақа тепадан қараб турсаму, бир неча «Олтин тўп» соҳиби, ҳам клуб, ҳам терма жамоаси билан Европа чемпиони, яна ўнлаб рекордлар соҳиби, футболнинг энг чўққисини кўрган Роналду йиғлаб ўтирса? Табиийки, футболчи маош олгач, бор имкониятини ишга солади, ҳар қандай ўйинга жиддий қарашга мажбур, худди агар менга таҳририятдан Саудия футболини ёритиш топширилса, бор эътиборимни қаратишим шартлиги сингари - профессионализм. Футболда, ҳаётда ҳам профессионалларни топиш қийин эмас. Лекин эмоция, кўз ёшлар бу бошқа, юқорироқ даража. Бу инсоннинг характерини ҳам очиб беради, ишига, меҳнатига, ўзига, унга ишонганларга, орзусига бўлган муносабатнинг қанчалик юқори эканини исботлайди. Эслаб қолинг, қанчадир йил ўтиб, Роналдунинг Медейрадаги маҳаллалар ўртасидаги қандайдир ўйинда ютқазганини ва йиғлаб ўтирганини кўрамиз, аниқ. Шунинг учун ҳам, Роналду, бугунданмас, эллик йил кейиндан туриб қараганимизда ҳам, энг буюклардан бўлиб тураверади, ундан кам бўлмаган, балким, ундан иқтидорлироқ Роналдинио, Кака, Азар, Ибрагимович, Зидан, Фигу, умуман ҳаммадан юқорироқда тилга олинаверади. Шунчаки, қойил! @aslanov_futbol

​​Тармоқларда Криштиану Роналдунинг кубок финалида «Ал Ҳилол»га пеналтилар сериясини ютқазгандан кейинги ҳолати, йиғлагани айланиб юрибди. Мен оддий, футболни тушуниб тушунмай бир нарсаларни қоралайдиган, маҳаллий даражадаги бир журналист бўлиб ҳам, Саудия Арабистонидаги футболни менсимайман, ёзмайман, ҳамкасбларим кўп ёзишса, энсам қотади, ҳақиқий футбол Европада, шунинг учун Месси ё Роналдунинг голлари ҳам, ўйинлари ҳам футболмас, деб ҳисоблайман. Ўз даражалари учун албатта. Ана энди, менки, шунақа тепадан қараб турсаму, бир неча «Олтин тўп» соҳиби, ҳам клуб, ҳам терма жамоаси билан Европа чемпиони, яна ўнлаб рекордлар соҳиби, футболнинг энг чўққисини кўрган Роналду йиғлаб ўтирса? Табиийки, футболчи маош олгач, бор имкониятини ишга солади, ҳар қандай ўйинга жиддий қарашга мажбур, худди агар менга таҳририятдан Саудия футболини ёритиш топширилса, бор эътиборимни қаратишим шартлиги сингари - профессионализм. Футболда, ҳаётда ҳам профессионалларни топиш қийин эмас. Лекин эмоция, кўз ёшлар бу бошқа, юқорироқ даража. Бу инсоннинг характерини ҳам очиб беради, ишига, меҳнатига, ўзига, унга ишонганларга, орзусига бўлган муносабатнинг қанчалик юқори эканини исботлайди. Эслаб қолинг, қанчадир йил ўтиб, Роналдунинг Медейрадаги маҳаллалар ўртасидаги қандайдир ўйинда ютқазганини ва йиғлаб ўтирганини кўрамиз, аниқ. Шунинг учун ҳам, Роналду, бугунданмас, эллик йил кейиндан туриб қараганимизда ҳам, энг буюклардан бўлиб тураверади, ундан кам бўлмаган, балким, ундан иқтидорлироқ Роналдинио, Кака, Азар, Ибрагимович, Зидан, Фигу, умуман ҳаммадан юқорироқда тилга олинаверади. Шунчаки, қойил! @aslanov_futbol

1994 йил. Кройф Барселонада «Dream Team» қуради. Яққол фаворит. Аммо финалда Италиянинг «Милан» клуби тактикадан дарс беради ва 4:0 ҳисобида ютади. 1997 йил. «Ювентус» ўтган ЕЧЛ ғолиби, «Боруссия»да шанс йўқдек, аммо натижа маълум - 1:3. 2005 йил. «Милан» юлдузлари ҳатто 1-таймдан кейин ҳам фаворитлигини исботлаб турганди, аммо «Ливерпул» нималар қилганини эслайсиз. 2012 йил. Ҳаммаси финалда майдон эгаси бўлган «Бавария»нинг ғолиблиги учун тайёрлаб қўйилгандек, «Барселона» эмас, «Челси» финалга чиққаниям немисларни финалга яқинлаштиради. Аммо Англияда ёмон мавсум ўтказган «Челси» ирода кўрсатди ва пеналтилар сериясида ғалаба қозонди. 2021 йил. Ниҳоят Пеп Гвардиола «қарғишдан» қутулиб, ЕЧЛ финалига чиқди. Рақиб, яна «Челси». Мураббийини алмаштирган, лигада аҳволи яхши бўлмаган. Аммо биргина гол ўйин тақдирини ҳал қилди. Пеп орзусининг амалга ошиши икки йилга кечикди. Бугун «Реал» ҳар томонлама фаворит. Шубҳа йўқ. Мадридликлар ҳеч қачон финалда ютқазмаган ҳам. Лекин айнан юқоридаги тарихий мисоллар бизни яна нимадирни кутиб, экран қаршисига етаклайди. Бу футбол, бир учрашувда, бу даражада ҳар нарса бўлиши мумкин. @aslanov_futbol