هواجيس

‏"أحب الأربعاء ، وعيونها ، والشمس ، والأمطار ‏وأحب الحب ، وأخوضه، بسيفي تحت رايتها ‏وأحب أغدق عليها شعر ما جادت به الأشعار ‏وأنا عاصي ، ولكنّي ، أحب أدخل ، بـ جنتها ‏وأحب اسهر على ترتيلها ، وأنفاسها ، وأسرار ‏وأحب اهجع وأحب أصحى ، على أنغام ضحكتها" ‏– عبدالله السدحاني

‏عطني المحبة كل المحبة ‏واعطيك حياتي.. اللي بقى لي ‏واللي مضى لي.. مع ذكرياتي

حتى لو الموت ياخذ طيّب السيرة ما يقدر الموت ياخذ سيرة الطيب

خطوة العاشق ترى دايم غريبة ‏ما يعيقه بالهوى بابٍ مسكر

واصلٍ لي مرحلة ماهي مثل باقي المراحل تعترض قدامي الفرصة .. واخليها تعدّى

‏عَفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه ‏وعَفى الله عن همومٍ ما تخلي مستريح البال ‏يعيش أيام عمره في صفا ذهن وصفا نيّه ‏وعَفى الله هواجيسٍ توقف بي على الإطلال ‏تعيد الذكريات اللي مع الأيام منسيه ‏وعَفى الله عن عيونٍ كل ماشافت سَراب الال ‏يعلقّها الأمل عقب الظمأ بِحبْال وهميه ‏وعَفى الله عن غيابٍ كل ماليله بعيني طال ‏عرفت إن الليال السود ما فيها محنيّه ‏وعَفى الله عن وليفٍ فارقٍ زوله عن الأزوال ‏أحن لجيته ويضيق صدري لاحتجب ضيّه ‏وعَفى الله عن حروفٍ نبضها بأحلى الشعر يختال ‏تسافر بي من الواقع للأجواء الخياليه ‏وعَفى الله عن شموخٍ في عيوني يذبح العذّال ‏خذاني لـ السماء مابين الأفلاك السماويه

‏صباح الخير ‏شعوري أتجاه كل صباح تشرق فيه الشمس عليّ، بأنه فرصة من الله لا تقدر بثمن وعلامة أن بإمكاني إصلاح ما مضى. ‏أتمنى يكون اليوم مثل ما دعوت فأفوض أمري لله، لأخرج من حولي وقوتي إلى حول الله وقوته، وأدعوه ألّا يخيب لي أمل، ولا يضيع لي سعي

‏يا رب سامحني ‏إن كانت صلاتي ليست ‏كما تحب وإن نامت ‏أجزائي بين التراب وكنتُ ‏نسياً منسياً وسخر لي ‏من يدعو لي دون ملل ‏ولا كلل ‏ يا رب أبني لي ‏عندك بيتًا في الجنة ‏يظله عرشك وينيره ‏وجهك الكريم

جيتني بالحلم ليت الحلم يا روحي حقيقه ‏يوم شفتك في منامي قلت ياحي الزياره جيتني في الحلم يا وجهٍ تزايد في بريقه ‏تبتسم وأشوف نور الكون في وجهك نهاره ‏والعيون الِّلي تحبك في مدامعها غريقه ‏لا تظن إني عطيت الدمع في غيابك وقاره

‏إن ميّل الغصن ريح و طيّر الحايمات ‏ظفّت معاليق قلبي في جناحينها ‏أنا نديم الزهر و اليانع من النبات ‏و الغيم لا أقبل عليها يطلب يدينها ‏عسى العوّض فالسنين، سنيني المقبلات ‏يا أقسى محطات عمري و أجمل سنينها

عزاي إني رغم شدّة وضوحي ما عشقت إلاك لكن اللي سرقني عن عيونك شدّة وضوحي حبيبي وش مصير الشعر لولا طلّة محيّاك؟ دخيل الله لا تقتل هواي و تجرح مزوحي تخيرتك و أنا ماني بجاهل وجهك و مبداك أشوفك ديرةٍ ضمّت مداي .. ونصف من روحي

‏أشـوفك سحابٍ في مجيّه ‏حيا وأمـطار ‏وأشوفك مجي القوم والحرب والسله ‏وأشوفك نهارٍ ماتوارى ‏ عـن الأنظار ‏ياعنّك إني أفضّل شموسه على ظلّه ‏تعال إن بدأ لك في دروبي ضحى وديار ‏هذا الـصدر مـرتع وأنت خابره وتدلّه ‏وخذ أول شبابي عمر لاشحت الاعمار ‏وإذا كان مـايكفي ؟ فداك العمر كله

‏«أنا أتحرَّى الفجر لي حول شهرين كنّي عقيمٍ يحتري شوف ولده»

حلفت ما يسمع من لساني عتاب ولا أذكّره باللي من الوقت فـــاته

«وكان قلبك هاقيٍ أني بدونه في عذاب قول له إن القلب والله فلا جاب خبره» __منيفة الشمري

‏سبحان من خلاّه عقب التناهيت ‏شيٍ أشوفه ما يحرك كياني