گكـبريآء ، ممج̌هوڵ ~«¹²

الفزعهة ادخلو علئ هذا الرابط واعملو لايك علئ قصيده الشاعر عبد الواحد حسين حسين العيدروس ربي يسعدكم ♥

•• 🔹 #حوار_صامت_مع_العقل 🔹 مادام بــه بين الجنــون والعــقل عامل مشترك تبقى اظطرابات العقول تغيير في طبع السلوك يا عــقــل لو تســمح معــي عدة سؤالات أسألك وارجــو تســاعدني وما تســمع لمن ذي يمنعوك ما قــصــة الأحــداث في طبعك وما هي قصتك ليش صرت تتصرف كذا جاوب على من يسألوك بدأت تكــره كل شي واصبــحت في مليون شك والنــفــس تــاهت فالظنون اللي تغطيها الشكوك ماالسر في صمتك وليش اصبحت تعشق وحدتك مــن الــذي عَــكّــر مزاجك ومــن هم اللي غيروك الحــزن قــد ســيطــر علــيك ياعقل ايضا والضنك واصبحت ياعقلي أسير مسجون في خلف الشبوك أصبــحــت عــدوانــي تــظــن النــاس فعلاً تكرهك وتــظن أن الكــل ذي حــولك جــمــيعــاً يكــرهوك ليــش صــرت تتــخوف كــذا وكــل شي ذي يقلقك ليــش صــرت تتــخيل بأن البعــض يشــتو يقتلوك وســواســك القــهري غــزا عقــلك وهــو من يقتلك والهــلــوســه والهــوجــسه صابت دماغك بالشكوك ياعقل أيــش اللي حصــل ويش السبب من عقدتك هل قسوة الماضي سبب ولا السبب هو ضرب ابوك هل الســبــب تلــك الظــروف ولا مشــاكل أسـرتك ولا الفــشــل فــي كل شــي ولا مــن اللــي فارقوك يا عــقــل مــن ذاك الــذي خــــرب ونَــكّد عيــشتك جاوب علــى قدر الســؤال خَل الجــماعــه يسمعوك القــلــب قــلــي بالخــبر وجيــت منــشــان اسمعك يا عــقــل لــيش با تــنــتحر والكل بالخير يذكروك مــن بعــض الامراض والعلل ياعقل ذي قد صابتك الإكــتــئاب والإنــفــصــام واتــخبــر اللي شخصوك وامــراض جــمــا كــالهــوس ذاك الــذي قد شتتك خــلاك تــشــعــر أنــك الحــاكم علــى كــل المــلوك يا عــقــل ما اظــنــك تضيع حتى لو الروح خانتك ولا أظــنــك با تــجــن منــشــان فــرقــه غــالطوك ويــن القــوى ذي كــامــنه وســطك ووينــي قوتك إنــهــض وقــم قــاوم ولا تجــلس إلى يوم يدفنوك وَدّع وســاويــسـك وشــكــك و انــتــقل لا واقــعك وغــادر المــاضي تــجــد أزهــار بيضاء دون شــوك يا عــقــل با اقلــك منــو ذاك الــذي قــد جــنــنــك أفــكارك اللــي ســاقتــك وتــظــن بــه مــن جننوك الحــل فــي يَدّك وفــي عــقــلك وفــي نــفســيتك وعــلاجــك انـك يا أسد تــرحل من اوطان الشكوك وعــيش وانـســى كل شي كان السبب في غصتك وارجــع إلى المــولى وســامح كــل مــن قد زعلوك أهــلــك وأصــحابك وأحــبابــك مــراعيــن عودتك وكلــهــم ياعــقــل قــد حــبوك ولا فــي يوم نسوك الآن دوري فــالكــلام واعــجــز عــــلى أن أشــكرك جــميع ما قلته صحــيح أفــدي الــذي قــد درسوك العفــو يا عــقــلي أنا نــاصح وقــد جيت انصحك مانا طــبــيــب نــفــسي ولا دكتور في علم السلوك دكتور أنا مــرتاح بـك وحــان تــخــتــم هــاجــسك مــشــكــور يادكتــورنا عــقــلي وقــلــبي يــشكروك خـتمــت قـولي بالـدعـاء وادعو من الله يصــلحــك ويــسعــدك يا عــقــلــنا ويـــرزقــك رزق المــــلــوك وسلامتكم… الاسم / عبدالواحد حسين حسين العيدروس التخصص / طب بشري جامعة صنعاء المستوى / سنه خامسه دفعة 33 ••

__👆__