كيمياء 3 ثانوي منهج مصر الصف الثالث الثانوي

تالته ثانوي..... فرمانات الباب التاني (1) النترات مينفعش تتأكسد نهائي ع كده لازم نستخدم في الكشف عنها كبريتات حديد ثنائيه ع يقدر حمض الكبريتيك ياكسدها ويحولها الي كبريتات حديد ثلاثي (2) في تجربة الحلقه البنيه لو استخدمت كبريتات حديد مش حديثة التحضير التفاعل مش هيتم (3) في تجربة الحلقه البنيه مينفعش ترج جامد او تسخن جامد لان كده الحلقه البنيه هتختفي ومش هتتطلع اصلا (4) النيتريت نفسها تتأكسد ع كده بنكشف عنها ببرمنجنات البوتاسيوم ع تاكسدها ولما ده بيحصل بيختفي لون البرمنجنات (5) لو حطيت برمنجنات بوتاسيوم محمضه علي نترات لونها مش هيختفي لانها مش هتاكسدها (6) نترات الفضه بتدي راسب ابيض مع كلا من الكلوريد الكبريتيت وعشان تفرق بينهم هتلاقي الكبريتيت بتسود بالتسخين (7) نترات الفضه بتدي راسب اسود مع الكبريتيد (8) نترات الفضه بتدي راسب أصفر مع كلا من اليوديد الفوسفات وعشان تفرق بينهم هتلاقي واحد منهم رخم وغتت و إتم مبيدوبش في الأحماض وهو اليوديد اما الفوسفات بنت حلال بتدوب حمض النيتريك (9) نترات الفضه بتدي ابيض مصفر مع البروميد (10) كل تجارب نترات الفضه تعتبر تجارب تاكيديه ياعنيا مش اساسايه يابطيخه. (11) غاز ثاني أكسيد الكربون بيعكر ماء الجير ودي انت عارفها من تانيه بامبرز المفروض (12) غاز النشادر بيكون سحب بيضاء مع ساق مبلله بحمض الهيدروكلوريك والسبب هو تكون ماده اسمها كلوريد الامونيوم (13) غاز ثاني اكسيد الكبريت بيخضر ورقه مبلله بثاني كرومات بوتاسيوم محمضه بحمض الكبريتيك والسبب هو تكون ماده خضراء اسمها كبريتات الكروم الثلاثي (14) غاز اكسيد النيتريك رمزه NO وعديم اللون (15) غاز ثاني أكسيد النيتروجين رمزه NO2 ولونه بني محمر (16) غاز كبريتيد الهيدروجين معفن (ايوه معفن ) من حيث الريحه ومن حيث اللون ريحته زفت تشبه البيض الفاسد (حمام قذر) ولونه أسود ومنيل بستين نيله علي دماغه (17) الضمير في كلمة دماغه في الفرمان السابق مش عائد على الغاز وإنما علي حد مطلع عينكم.... 😉 (18) لازم تعمل تحليل وصفي اولا قبل الكمي (19) الوحيد اللي بيدي كبربت اصفر معلق هو الثيوكبريتات مع حمض الهيدروكلوريك (20) اي بيكريونات في الدنيا بتدوب في الماء (21) اي كربونات في الدنيا مبتدوبش الا لو كانت كربونات صوديوم كربونات بوتاسيوم كربونات امونيوم (22) ثبات الاحماض يعتمد على درجة غليانها يعني كل لما كانت درجة الغليان او الانصهار اكبر كلما كان الحمض اكثر تباتا (23) قوة الاحماض بتعتمد علي درجة تاينها يعني كلما كانت درجة تاين الحمض اعلي كلما كان أقوى (24) ثبات الحمض يختلف عن قوة الحمض (25) العند والإصرار في الحق بيوصل للهدف ❤💪 https://youtube.com/playlist?list=PLP_JvYiWcPZs2zm1A5c3M6vySwoUon6da #كتاليست #مدرس كيمياء

كهربية

حساب عدد تأكسد الكربون للمركب العضوي #للمعلم

مخطط الكانات والكينات والكاينات معا