‏᷂شــامة

وليل الشوق لا جابك على بالي بدون إدراك ‏أنا كيف أحتضن صبحك قبل لا تغني طيوره ؟

– تساؤل

العتب ما يلحقك يلحق بياض أحلامي قبل أعرف إن الدروب اللي تجيب تودّي

والله ان أبطي و انا مركاي بين ضلوعك و والله ان تبطي تناساني … و لا تنساني

‏« مادريت أن ضحكة الوقت خداعة ‏شفت مدخالي ولا شفت مطلاعي »

صديت عني بـ المراسِيل وأبطيت حتى وصالك حسب جوّك وكيفك

‏يفيض القصيد ولا يضمه سوى واديك ‏تقول كل جزلٍ من الغزل يناسب لك

‏« لا تحسب ان الليالي كل ابوها ربيع ‏لازم تلوفك هبوب القيض وسمومها »

لو انه يشوف شلون أحبّه وكيف أغليه تحسّف على وقتٍ تفرغ به .. ولا جاني

‏ ‏أنت يا شرهة معاذيري، و حلِّي، و ارتحالي ‏أعرِفك نجمٍ ما تستوعب مساريه المجرَّة

ليا زارني طيفك وأنا — في طرف مركايّ سرحت أزهم اسمك واتعوذ من الصده

‏برد الشعُور أشدّ من برد الشمال ‏لاهبّ فضلوعك ماعيّنت الدفى .

فكيت أزارير شرهات الخفوق الكتوم ‏و جريّت تنهيدةٍ — مبطي ما جَريتها

‏" على غيرك عمى عين وجفى قلب وثقيل لسان ‏وعليك أنت ، الخطاوي ـــ تسبق أولها تواليها "

إن طغت سود اللّيالي على وجه الظّروف عاد لِيّ شيمة . . ومبدأ على وجه الثّرى

‏من كثر منتي سليطه يـ الغزال اللعوب ‏مايقدر يحارب عيونك " حريب الردا "

‏« أنا ماني بـ تلويحة مسافر وإرتجافة كاس ‏ أنا وجهة دروبٍ ما طوت الأيام صفحتها »

الريح هبت ولا أدري عن مساراتي أنا مع الريح ؟ ولا عكس وجهتها .

يالله عجل بالفرج وانت راعيه كم ساعةٍ ضاقت وعندك فرجها

ولا يوجعك كود الجفيا بلا تبرير ليا جات من شخصٍ تداريه وتحنه