أرشيف تجارب ملاك Cs35Plus

أنا شريتها من المعرض بطاقة جمركية موديل ٢٠٢٠ فل كامل اللون أبيض بتاريخ ٢٠ / ٢ / ٢٠٢٠م ، مشيتها حتى الان ١٩٥ ألف وهذا من فضل رب العالمين ولله الحمد. سافرت فيها كثير من الرياض الى الشرقية ومن الرياض الى الطايف و مكه وجدة والقنفذة و الباحه خلال ثلاث سنوات تقريباً في كل سنة ثلاث مرات الى اربع مرات وماخليت طريق في الباحة ( الديرة ) الى طلعت فيها ونزلت فيها بالرغم بعض العقبات لا يوجد أزفلت فيها. والصيانة الدورية محافظ عليها أول ب أول في الوكالة أما الصيانات الي سويتها خارج الوكاله ( ١٥٥ - ١٧٥ - ١٨٥ ) الف ( بترومين ) صيانة ( ١٦٥ ) بالحميدي بتكلفة ( ١٥٧٢ ) مع المساحات. وصيانة ( ١٩٥ ) بسويها بكره السبت في الحميدي أن شاء الله. والاشياء الاستهلاكية خارج الوكالة مثل ( البطارية و الفحمات و الكفرات ) غيرتها كل وحدة مرتين حتى الان. المشاكل الي واجهتها دودة الدركسون وسويتها تحت الضمان في الوكاله خلال أسبوع واحد فقط حتى وصلت القطعه. حساس البنزين الخارجي وسويتها تحت الضمان. والمشاكل الي واجهتها بعد ممشى ١٩٠ الف ( الدينمو _ طرمبة البنزين _ صدر المكرات _ السير _ غطاء الاديتر ) كلها على حسابي الخاص كلفتني كامله مع شغل اليد…

السلام عليكم تجربتي للسياره موديل ٢٣ نص فل بعد استخدام ٨ اشهر حقيقه السياره ممتازه ولكن لي عليها بعض الملاحظات ١- صرفيتها عاليه شوي داخل المدينه يعني التانكي يمشي فعليا من ٣٨٠ الى ٤٥٠ في افضل الاحوال ٢- دعست السياره عند القومه غير موزونه وقويه وجدًا مطفشتني ٣- القير على سرعات قليله مثلا ١٠ او ١٥ وتحديدًا بعد المطبات يرجع نمره بطريقه قويه وواضحه وهذي تحدث بعض المرات وليس كل مره ٤- مسكة توجيه المكيف حق السائق اللي عند الباب انكسرت علي فجأة وبدون سبب فـ سرت اوجه المكيف باصبعي وهذي ملاحظه على الصناعه او يمكن خلل في صناعة هذي القطعه لانه غير معقول بعد ٨ شهور تنكسر من لحالها ماقد حصل معاي هالشي في كل سيارتي وهذي ملاحظاتي على السياره فقط ولا تمنع من الشراء والتجربه كانت جميله والسياره جميله جدًا وانصح بتجربتها ايضا مع وجود ملاحظاتي الموضحه اعلاه فمميزاتها اكثر

السلام عليكم جميعا صارت عندي مشكلة في السيارة وحبيت اشاركم لعلى افيد احد مستقبلا السيارة كانت في الاسابيع اللي راحت تواجه مشكلة في تعبيت البنزين، بمجرد اخلص تعبية السيارة بنزين وهي مطفيه ما تشتغل! اتدق سلف لكن اتطول لين ما تشتغل، كأن البطارية فاضية وتحتاج كم دقيقة و تشتغل. قلت يمكن من المحطة كسيفه وغيرتها ونفس المشكلة .. المرة الثالثة ما طفيت السيارة وهي تعبي بنزين، قامت المكينة تنفض و ار بي ام مش ثابت وغير كدا قامت تطلع ريحة خايسة من تحت السيارة زي الكربون لكن خايسة اكثر. ف اطريت اني اخدها للصيانة عند ورشة معتمدة، وبعد الفحص طلع من قطعة اسمها Canister Purge Valve. وظيفتها من اللي فهمته انها تنظم دخول بخار البنزين من التانكي إلى المكاينة للإستفادة منه مع دخول الهواء الخارجي من الفلتر بالطبع، وتخترب اذا وقفت ما تفتح او تسكر فيصير فيه خلل فدخول الهواء للمكينة، بالنسبة لي شكله اخترب وهو مسكر فمجرد اعبي بنزين السيارة تكتم وتطلع ريحة. تكلفتها كانت ١٣٠ ريال للقطعة مع شغل اليد ٢٠٠ والضريبة طلعت ٣٧٠ ريال << غالية عليها، وهي ما فيها برغي وطبعا في مشكلة لاحظتها قبل فترة ان السيارة تكتم على السرعات العالية اذا جيت…

جربت سيارتي في الهدا، تبارك الرحمن قوية انبسطت والله منها وكمان المكيف شغال تركتو عشان اتأكد زيادة، حبيتها اكثر من بعد ماطلعت ونزلت فيها بالهدا كدا مره، اسأل الله يبارك ليا فيها ويبارك لكم