نَبَطيّ

‏"جيتك وفي صدري تناهيد وجروح / واقفيت منّك خاطري مسفهلي "

مافيه حزن ٍ يابعد راسي مقيم ‏مثل العجاج دواه دمع السحايب ‏لا ضاق صدرك بالهموم المراديم ‏خل الدموع تهد حيل المصايـب *سعد مطلق

ينجرح قلب.. لكن ترتفع هامه والله اني لاموت ولاانحني راسي لو رماني زماني وسط..دوامه العواصف شديده .. والجبل راسي أنقل الحزن وامشي منتصب قامه قاسي الوقت .. لكني بعد قاسي واسمع الحلم يصرخ لحظه اعدامه رابط الجاش ... ماهز الخبر باسي عزتي غاليه ..والناس سوامه قلت ماابيع حتى تقطع انفاسي زانت ايام عمري .. شانت ايامه مارجيت العزى من رحمة الناسي من عجز لايدوس الهم باقدامه لازم انه مع الايام ينداسي يندمل جرح قلبٍ ..ماتت احلامه بس ما اظن يبرى جرح الاحساسي يوم صارت مابين القلب والهامه وش ابي بالحياة الياانحنى راسي -مساعد الرشيدي

‏"ينجرح قلب لكن ترتفع هامه" عزاء كل القرارات الصحيحة، والمؤلمة.

‏ترى الدروب وساع والناس واجدة ‏والضيق تحت الأرض ماهوب فوقها ‏اختر لنفسك كل درب يعزّها ‏واختر لعينك كل حلم يشوقها ‏-المسفّري

"الكرم ماهوب كله بذل بعضه انتباه وإنك تحن الوجيه اللي تجيك من الطلب"

‏قبلها ما طاعت أقدامي طريق إلا عصاني ‏بعدها ما ظل حلم أخضر بصدري ما تهيَّا *فهد عافت

‏"فقدتُكَ لكن لي بذكركَ سلوةٌ ‏ومَن فقد الموصوفَ لم يفقِدِ الوصفا" ‏وبالنبطي: ‏"حتى لو الموت ياخذ طيّب السيرة ‏ما يقدر الموت ياخذ سيرة الطيّب"

‏«من رافق اللي يكسب الطايلة طال ‏والشامخة من هابَها ما رقاها» عبدالله بن زويبن.

أحبّ الجَمالة والجَمالة عمل مَبْرور وأحبّ الغناة وعزّ نفسي عن المِنّة وأحبّ الصراحة والصراحة بها معذور حيث إن الصراحة تقطع الشك والظنّة وأحب الكريم اللّي يفرّج عن المعسور، ليـا من عطى حتّى هَلَهْ ما دروا عنّه.

‏شينها عقب الصخب لا صرت هادي ‏وانت باقي داخلك جذوة تحدّي ‏كاره اخلاص الشعور الاعتيادي ‏قلت عدّ وقال والله ما اعدّي ‏لين اخلي كل ضحك يمر عادي ‏وكل كلمه غامضة مقصد تعدّي ‏وش يحثّ ايامنا على التهادي ‏لي سنه مشاعري ماهيب قدّي ‏كن باقي به حياه لمن أُنادي ‏بس انا على النداء ما عاد ودي

‏"ضاقت علي فجاجُ الأرض واتسعت ‏فيكَ الظنون اللواتي تُعقِب الفرجا ‏أدعوك دعوةَ مضطرٍّ ومنكسرٍ ‏يا من علمتَ بما في قلبيَ اعتلجا ‏يا عالمَ الحال إني كلما هتفتْ ‏بي شدةٌ ألجأتني ضيّقًا حرِجا ‏يمّمتُ شطرَك أشكو كل نائبةٍ ‏تُشكى إليك ومن يشكو إليك نجا يا رب فانزع من القلب الكئيب أسى ‏وانزع من الروح همًا وانزعنّ شجا"

سهى قلبي معاك و فاحـت الدلـّة و لا قهـواك على صالي حشاي أركى لك الدلّـة و لا فاقـي سرقته بالحنان و هرجك الخاثر و شفته جـاك فزعت أردّ قلبـي و أثرنـي حبّيـت سراقـي وصلت آخر مداي و قلت لك خلّك على مركاك لو إنّ الموت كاسك باشربه يا حضرة الساقـي توسدّت الجرّاح و كل جرح ما يطيـب فـداك تنهّدت الغياب و نبـت بيـن أيديـك مشراقـي تعذّر لليّالي لا غدى ورد الطريـق أشـواك ترى كل الدروب الليّ مشينا ما ثنـت ساقـي لو إنّه ما بقى عندّي بهالدنيـا يا كـود أهـواك لا اقول إنيّ خذيت الليّ خذيت و لا بقـى باقـي -مساعد الرشيدي.

"تطيح الدمعتين ثقال و يحسبها البعيد خفاف ‏وأشوف الوقت ياخذ من يديني معظم أحبابي ‏وأشوف الليل يغتال النهار بظلمته وأخاف ‏تصاحبني الظروف الظالمة وتصاحب أبوابي ‏تجرّدني من الصبر ومن القوة سنين عجاف ‏وأحس الرجا خايب وأحس البعد أولى بي"

"يزيّنها الكريم مبدّل الأحوال بالأحوال عزيز الجاه ربّ الكون بالجزلات يرضينا"

‏ياللي ليا قفَّى من الليل ثلثين ‏أبواب عرشك للدعاء يفتحنَّا ‏يامستجيب لدعوة المستقيمين ‏متوسّلين إليك يارب اعنَّا ‏*ابن جدلان