هذا شعوري !

من هقى بي هقوةٍ شينه مع الوقت بتزين ‏ومن هقى بي هقوةٍ زينة فلا خيّبتها :)

خطايّاك واجد والعذر ماقدرت القاه ‏جروحك يحس بـ ضيقها من مجربها ‏ولو الغلا يدمح خطايّاك ،، في مأواه ؟ ‏ترى النفّس في حفظ الكرامه مدربها ! ‏تحمّلتك الين الصبّر طاح من مركاه ‏واخاف انفجر من شي تافه و اخربها :)

اختلاف الاوادم مايشّكل خلاف ‏و سرَّ الانسان مايشبه علانيّته ‏والنوايا السليمه بالقلوب النظاف ‏والبشر كلٍ يواجه على نيّته

فقدك لتقديرك بربعك من اسبابك ‏قللت من قيمتك حتى لقي نحبه ‏لا تحسب الناس بتوقف على بابك ‏واصدور الاجواد ماهي دايماً رحبه

ان بغيت العذر تراك امعذور ‏وصاحبك باقي على وجاهته ‏لا تعاتبني لا جاء مني قصور ‏انت خليت العلاقة باهته

يالله ياللي في يدك دبرة الكون ‏ياخالق عبادك وقاضي غرضها ‏انك تجنبنا الخطأ وسكة الهون ‏وتغني يمين الطيّب اللي نفضها ‏من معرفة ناس ٍ علينا يكيدون ‏الله لا يبلانا ويشفي مرضها

كبير لو اخطي ويفهمني الكبير ‏اللي بوقوفه يستوي مع قامتي ‏مايقلل بقدر الكبير الا الصغير ‏وانا الكبير اللي عزيز بهامتي ‏تسودنا الحكمه ولانخفي المصير ‏ولا غدرت الناس بابتسامتي ‏كم حاجةٍ تعني لي الشيء الكثير ‏صديت عنها والسبب كرامتي

احمد الله ما بقى لي على الدنيا حسوف ‏الفرح يلقى شكر ... والحزن دفعة بلا .

ان ضاع من نكران خلق الله الطيب ‏الطيب عند الله ماهو بضايع !

الفعل محسوب : والّا الهرج مجاني ‏والناس يكسب رضاها من يجاملها .

مصير الوقت ينصف ً طيبنا .. والامور تزين ‏وبرجع لك ، ليا زانت معي كان الله احياني .

أحفظ لسانك عن الزلات والنمّه ‏خل المخاليق للخالق يحاسبها .

من لا يعرف العز يرضى المذله .. ‏نفسٍ تحب الصعب ، ما تقبل الهون !

ترا السعاده زودها من عدمها ‏على حسب قربك وبعدك من الله .

حلاة البنادم في حياته حشيم لسان ‏له الود لو ما كان من عرقي ودمي ‏. ‏ثلاثه فلا نرضى عليهم خطا من كان ‏اخوي ورفيقي والنقي من بني عمي .

الصاحب اللي طيبته حسب المزاج ‏لا ترجي منه الخير واشطب خوته .

اقدارنا ، لو نعرف لـ وين ، تاخذنا ؟ ‏عشت العمر مقتنع ماعشت متمني .

تدور الليالي والعرب بين حال وحال ‏وتبقى النفوس الطاهره نهجها بيّن .

‏" تزين الخواطر كل ما زانت الأحوال ‏عسى أحوالنا و أحوالكم دايمٍ زينه "

‏" أنا لي وليفٍ لا منه طرا طاريه ‏نسيت الطواري كلبوها عشانه :) "